صديتك ومن بعد صدي وصالك

البارت الحادي عشر

اول شي صلو على النبي 🤍

رجعو العيال للمزرعه كلهم توزعو
طلال : يعيال امشو هنيا
جلسو العيال : امر
طلال : ماحنا بجايبين عمال انتم الي بتركبون الخيام
مطلق : يبه كم خيمه
طلال: اربع خيام
ياسر : يساتر ذولي كلهم بنركبها احنا الخمسه
طلال: لا بيساعدونكم عيال الديره واسمعو زين هذاني قلت لكم بيحطون العشاء بعد شوي وبنرقد ياويل واحد منكم القاه صاحي فاهمين
كلهم هزوو روسهم بطيب
رجعو العيال يجلسون في مكانهم
مطلق : والحين وش الطريقه مو عساس نسهر لين ١١ وننام بعدها
ياسر: صاحي انت تسهر والله لابوي يجلدك
الليث : يعيال اذا عمي نام نروح شوي شوي لمكان بعيد شوي وخلاص محد داري عننا
مجيد : لو رحنا مكان بعيد بننقفط احسن شي نحط على فرشنا مخدات عساس نايمين ونروح بس قريب
عبد العزيز : فكره حلوه بس شرايكم نجمع البنات يصير حماس
مطلق : لا لا وين يبو الشباب
ياسر : يبوي خلهم يجون فله بيكون وشيبانا قبل كانو يتجمعون هم والحريم ومحترمين بعض وماهو بعيب
مطلق: لا والله البنات ماهن جايين ولا خلاص لا نطلع وننام احسن
مجيد : ي الرجل القيور خف علينا كل انك اغار على الجود وبس
عبد العزيز حك راسه: تصدق والله اني ناسي انها صارت زوجته يوهه البزره ببتزوج
مجيد : بيجون البنات معنا ونجدول على الجود
الليث : جب لها صرصور والله لاتموت
مطلق : ورع انت وياه اركدو الي يقرب على زوجتي ولا يمسها والله لا اطرحه هنا فاهمين
مجيد : عشناااا طلع مجيد جواله الي كان مصور فديو عن كلام لمطلق وارسله للجود : والحين يبداء الاكشن
مطلق : ورع احذف الفديو ي كلب
ياسر : يبوي هداها ترا فديو وشوي بنجلد وبعدين ترا بتحبك زياده
عند البنات كانو يحشون ووصلهم سالفه صيته والجود ميته غيره ومنهاره شلون طلعت لمطلق ووجهها مكشوف شلون فجاءه ارسل جوالها فديو وفتحته شافت مطلق وهو يقول يهاوشهم لا يقربون لها ابتسمت من داخلها بعدين كشرت من تذكرت صيته وتحمست اشوفها بالعرس علشان تلعن شكلها
سديم قامت تلوح للجود : هييي بنت وين وصلتي
ملاذ وهي تفصفص: خليها خليها مخنوقه ومحترقة على مطلق اقولك شي ترا لها سنين تحاول تجيب راس مطلق. ولا قدرت تتوقعين بتقدر الحين وانتي عنده فكري بمخك الي مدري وش فايدته
نادين : صدق يعني مامنها زين ولسانها طويل وقليله ادب
ومطلقه
الجود : اما عاد مطلقه
نادين : اقسم بالله طلقها زوجها طفش منها
الجود : ورمت نفسها على مطلق وجع توجعها
ملاذ : اسمعو خلونا نحط العشاء الوقت تاخر
قامو البنات وتعاونو زي كل مره وخلصو
ملاذ : جويددد
الجود : هلا
ملاذ : بالله دقي على مطلقوه يجي ياخذ العشاء جوالي مو معي
اخذت الجود جوالها ودقت على مطلق : مطلق
مطلق : سمي
الجود : سم الله عدوك اسمع تعال خذ العشاء
مطلق : طيب بجي عند سيب الحريم واطلعي لي
الجود : لا ملاذ بتجي تعطيك انا مشغوله
ملاذ بصراخ : ي مطلق تراها كذابه بس ماتبي تشوفك عشان سالفه صيته
مطلق : اجل الموضوع كذا تعالي عند الباب انا موجود
الجود وهي ترقص ملاذ : طيب بجي
ملاذ صرخت بألم : واللعنه ي ملعونه وجعععع وش ذي القبصه
الجود وهي تشيل العشاء : عشان مره ثانيه ما تجين تتكلمين راحت الجود مالقت مطلق : مطلق !
مطلق : هلا
الجود : امسك ذا
مطلق : زين اخذه مطلق وحطه عند الرجال ورجع للجود عشان ياخذ الاغراض الباقيه
مطلق : وش بلاتس زعلانه تراني صديت يوم طلعت ولا شفتها واذا شفتها ماهمني احد وانتي عندي
الجود : ماني بزعلانه من قالك
مطلق رص على اسنانه بعصبيه : غبي عندتس اخلصي على وش عندتس وترا قلت لتس ماهمتني ولا بنت دامتس عندي واركدي ي بنات الحلال
مجيد : واو طيور الحب هنا
لف مطلق وغطى الجود علطول : وش تبي
مجيد رفع حاجبه وضحك : بتمنعني اشوف اختي مو لهدرجه تعالي ي جودي
الجود : الي يبغاني يجي عندي ماني جايه لاحد
جاء مجيد وضم اخته وقال افا من مزعلك ليكون مطلقوه
الجود : من قال اني زعلانه ولا انتم بس تجيبون من راسك ذا الي فالحين فيه
مجيد وهو يناظر مطلق ضحك : والله واضح انك مو زعلانه وانتي لسانك يطول اذانك
مطلق : في هاذي والله انك صادق
الجود : يع كريهين مالت عليكم بس
مجيد : اسمعي اسمعي
الجود عطته نظره من فوق لتحت: نعم
مجيد : تناظرين اخوك زي كذا مافيه احترام حتى زوجك ما احترمتيه
الجود : اذا احترمتوني احترمكم
مجيد : اسمعي بس باليل لا تنامون نبي نتجمع ونطقطق عليك
الجود : مالت عليك ومالت عليه ومالت على صيته معكم
مجيد صفر وقال : العببب اثارك غيرانه من صيته هههههههههههههه
سكرت الباب في وجيهم
مطلق : افا ي ذا العلم تسكر الباب في وجهي
مجيد : ي شيخ حتى انا سكرت في وجهي
مطلق : انت عادي اعطيها الضوء الاخضر مو بس تسكر الباب في وجهك لا تجلدك بعد
مجيد حط يده كامله على رقبة مطلق ومشو : امش امش نتعشاء قبل لا يخلصونه علينا
عند الحريم
نادين : وين الجود
ملاذ تودي العشاء لمطلق
ليما وهي تشوف الجود جايه ومكشره: يبدو انها معصبه فا لاحد يكلمها
يارا: الجود تعالي كولي
الجود : بالعافيه بروح انام
يارا : زين
خلصو العشاء
ياسر : ها يعيال وش اتفقنا
مطلق : تممم
كلهم وافقو وجهزو المفارش والشيبان في. مجلس ثاني
طلال : يلا النوم لا اشوف واحد قايم فاهمين
كلهم بصوت واحد : ابشر
____________________
ارحبووو اشتقت لكم واشتقت اني اكتب عساس اغير حسابي بس مالله كتب استمعتو بالبارت خفيف لطيف بكره العرس وتعالو حسابي استقرام بنزلكم اشكال البنات بالعرس استودعتكم الله
yoopqyw