صديتك ومن بعد صدي وصالك

البارت السادس

ام ياسر : ي ملاذ نادين تعالو
علطول قامو ملاذ ونادين توجهو للمطبخ
ام ياسر : اخذن هذا واغسلنه ثم نشفنه وجهزوه واذا جاء مطلق دخلن البنات علشان مطلق يدخل الاكل لا تنسن وتلهن مع البنات زيين
نادين : ابشري راحو البنات يسولفون عن المزرعه وقد ايش هن متحمسات وايش بيسوون فعاليات واذا بينامون ولا
ملاذ : بنات ترا يمكن ننام بالمزرعه يومين او اكثر لاتنسن تجيبون ملابس معكم وفيه سطبل للخيل
الجود : واووووو ليما تحب الخيل مره وكانت تركب
ليما : اوففف جويي تحمست للمزرعه
نادين : فيه ثلاث خيول رعد وعقاب الغيد
سديم : واو الغيد يجنن من سماها
ملاذ : ياسر سماها ام الباقين مطلق لانه يحب الخيول ومن يومه صغير كان يتمنى عنده خيول ويوم شرينا المزرعه مطلق شرا خيلين وسماهم ثم ياسر بفتره شرا الغيد وكان اسمها الريم بس غيره
ليما : حبيت اسم الغيد مره
نادين قامت للمطبخ واشرت لي ملاذ ثم لحقتها ملاذ قامو يجهزون على مايدق عليهم مطلق  وطبعاً ملاذ ونادين نسو جوالهم عند البنات
ليما : سديم تخيلي تدرين ان الجود بالبدايه ماعجبتهم نادين وملاذ
سديم : وييي حرام عليك وربي انهم كيوت وفلاووين يعني ال بطل
الجود وهي تقلد سديم ال بطل دق جوال نادين
ليما : حق من الجوال
سديم : يمكن جوال وحده ي ملاذ ي نادين شسم الي يدق
ليما : مطلق روحي روحي وديه ي الجود
الجود وهي تمشي لسيب ( ممر) كانت تتحلطم
مافيه غير الجود الجود ودي الجود روحي اوف وقف وقال وبعدين خلاص اسكت ( الجوال ) مايسكت انصدمت واحد ووراه قال قفلته لا تعصبين / الجود : بشهقه وسمع مطلق خطوات شخص وسحب الجود لي اقرب غرفه وسكر فمها بيده وقال اشش راحت امه
وقال: اناظر للقمر وانا فيه محتار
وارجع اناظر فيتس وأتأمل
القاكم الاثنين نفس المسار
هو قمر عادي وانتي الاجمل
من بعد ماقال الشعر وتاكد مافيه احد تلطم وهو يطلع ويتذكر شكلها يوم تتحلطم ويوم شهقت كانت جايبه راسه
عند الجود
ماتحركت من مكانها وكانت تسمع نبضات قلبها ومصدومه  وعرفت انه مطلق الي شافته والي قال لها الشعر والي تاكدت انه طايح على وجهه لها رجعت للبنات ومارجعت الجوال معاها جت ليما قالت : بنت ليه طولتي والجوال ليه  ماعطيتيه وحده من البنات
ماردت الجود وكانت تفكر دقتها ليما بنت هيي وش بلاتس اكلمك
الجود : ها هلا وشو
ليما ضحكت وقالت : وش بلاتس اقول ليه طولتي وماعطيتي وحده من البنات الجوال
الجود : كنت بروح بس سمعت صوت رجال ورجعت
جت نادين وقالت بنات معليش ادخلو الغرفه الي على يمينكم مطلق يبدخل الاكل
تمام قامو ليما وسديم وراحو الغرفه يوم بتقوم الجود شدت رجلها ومقدرت تتحرك حاولت اقوم وقامت علطول وسمعت مطلق يتنحتح والحريم قالو ادخل ومادرو عن الجود دخل وشاف الجود كانت تحاول تقوم بسرعه ابتسم وصد حط الغداء وسلم على عماته وبيمشي لفت انتباهه اسواره  طايحه على الارض اخذها وراح عند الرجل ثم قام يقلب بالاسواره لقى اسم الجود ابتسم وهو يتذكر القصيده الي قالها وتوترها وكيف كانت ترجف فجاءه كانو الرجال ياكلون شافه ياسر وهو مو على بعضه
عند مطلق :انضرب على كتفه انخرش ولف علطول
ياسر : ي الطيب تراك مو على بعضك ذا اليوم وش بلاك وراك شي
مطلق تنهد : اوفف ي ياسر جابت راسي طحت ولا احد سمى علي
ياسر: اوف اوف من الي جابت راسك صاير خفيف وش بلاك اثقل ي رجال
مطلق وهو مبتسم قال
شفته صدفه وجابتن راسي
ماقدرت اصد من يوم شفتها
جمالن هباها  وعين وعاتق
وخصرً دقيق ومنحر وعود
عطاها ربي من وصوف
الزين لين غدو مزايين
العرب عندها شيان
ياسر: اوف ي رجال طلعت شاعر صح لسانك
مطلق ضحك : صح بدنك ي خوي
ياسر : امش ي رجال خلنا نروح نتغداء تاخرنا والله لابوي يلعن خيرنا الحين
مطلق : رح اكل وان سالك ابوي قال له بيروح يرتاح تعبان
ياسر ضرب كتف مطلق : ابشرر
مطلق. ابتسم: يبشرك ربي بالجنه
ياسر : وياك ي عين اخوك
ابتسم مطلق وطلع من قسم الرجل وتوجهه لقسم الحريم تنحنح : ي عرب طريق
عند الحريم خلصو غداهم شالوه وساعدوهم البنت سديم ، الجود، ليما وخلصو بسرعه وسو لهم شاهي للحريم ولهم وقعدو يسولفون
ام ياسر : نادين قومي شوفي اخوتس يناديني
قامت نادين وراحت لمطلق : هلا
مطلق : بالله شوفي لي الطريق دايخ بروح ارقد
نادين : ابشر بس دقايق بنات بالله تغطو مطلق بيدخل
تغطو البنات
دق قلب الجود وقالت: بسم الله عليك ي الجود وش بلاتس هدي نفسك كلها اسم وقلبك كذا يدق شلون لا تزوجتيه اف خلاص
دخل مطلق وهو منزل راسه راح غرفته رمى نفسه على السرير وهو يفكر واخذه التفكير لين رقد
العصر ٤:٤٤
رحو اهل عبد الرحمن واهل ابراهيم لبيوتهم
عند بيت عبد الرحمن
ام عبد العزيز : يلا لازم ننظف البيت
الجود : يمه تكفين ي يمه مافيني حيل اقسم بالله تعبت خلينا ننام وبكره ننطقه
ام عبد العزيز بعصبيه : رفله انتي قومي اخلصي علي تنامين والبيت مغبر وصخ يلا بسرعه روحي عبي سطل موياء  والحقيني فوق وليما روحي جيبي المكنسه والمساحه وصابون نظفي الحمامات
ليما : وليه انا الحمامات ليه مو الجود مابي والله
الجود : يبوي اسكتي امي قالت نظفي الحمامات يعني نظفي واسكتي هذا الي باقي
ام عبد العزيز ؛ والله ان ماسكتن لا ماتقعدوا الا والبيت ينظف حتى الحوش والسطح تنظفنه
ليما : خلاص خلاص بنظف الحمامات
ام عبد العزيز : مجيد عبد العزيز تعالو
عند عبد العزيز ومجيد منسدحين بالصاله على الكنب
عبد العزيز : قم قم شف امي تنادينا
مجيد : وليه انت ماتقوم
عبد العزيز : اقول قم ولا يكثر اخوك الكبير بسرعه لاتعصب امي
مجيد : قام وراح لي امه هلا يمه امري
ام عبد العزيز : وين اخوك
مجيد : منسدح على الكنب
ام عبد العزيز بصوت عالي : عزيزوه لو ماجيت بخليك تنظف بدال اخواتك قم
قام عبد العزيز بتعب : هلا يميمتي
ام عبد العزيز : مجيد رح نظف الحوش انت واخوك وخلصوه ثم رحوو للخيمه ابيكم تنفضونها نفض ليما مثل ماقلت لك تنظفين الحمامات الي تحت ثم تروحين تنظفين المطبخ الجود تعالي معي فوق
الجود : طيب يمه وين ابوي
ام عبد العزيز : عند اخوي طلال للحين ماجاء
عند طلال وعبد الرحمن
عبد الرحمن : بنقعد فتره بالديره وبعدين اعلم اهلي بنقعد هنا للابد ان شاءالله
طلال : ليه ماتعلمهم الحين
عبد الرحمن : يمكن تزين امور الشركه واذا زانت رحت للمدينه
طلال : وش بلاها الشركه
عبد الرحمن : واحد اسمه كاسر خرب عقد بشركه ويمكن شريكتنا تخسر
طلال : وليه يسوي كذا
عبد الرحمن بقولك القصه كامله : كاسر انسان شري الله يكفينا منه عمي الله يرحمه كان مع اخو كاسر الروح بروح بس جاء واحد خرب بينهم وعمي واخو ذا النذل تهاوشو لان اخو كاسر حاول يخرب سمعت شركه عمي السابقه وعمي تهاوش معه بعدين سكرو السالفه هاذي من بعد فتره جاء خبر وفاه اخو كاسر وبعد تحقيق عرفو انه قتل مو وفاه عاديه وكاسر يحسب عمي الي قتله وراح قال لشرطه ومسكو عمي  وحطوه بتوقيف ثلاث ايام وحققو  معه ولا فيه دليل ان عمي القاتل ثم طلعوه وكاسر حقد على عمي ومن بعدها ماصار بين عمي وكاسر تواصل وبعد ثلاث سنين عمي مات مقتول ومحد يعرف من قتله وكان وقتها كاسر برا الديره ومافي اي دليل يثبت انه هو القاتل ويأسو الشرطه انهم يعرفون من القاتل وسكرو القضيه ثم رجعو يبحثون لان ابوي اصر يعرفون من قتل اخوه ومالقو كان القاتل قتل عمي واختفى وبعد فتره مات ابوي ولا عرفنا اذا هو مات موت عادي ولا مقتول بس ابراهيم اصر انه مقتول بعدين بفتره اني ماقدرت تتحمل وفاه ابووي وماتت اخذتنا عمتي غزيل وربتنا هي ولدها حميد
طلال: الحين عمتك غزيل حيه ولا ميته
عبد الرحمن : لا حيه
طلال : امش خلونا نروح لها من زمان مارحت عنها وهي الي ربتكم وكبرتكم وخلتكم رجال من بعد وفاه ابوكم وامكم امش. وانا اخوك ودق على ابراهيم يجي معنا
عبد الرحمن : ابشر دق عبد الرحمن على ابراهيم وكلمه يجي عشان يروحون لعمتهم غزيل وعلطوول تجهز وقام
عند ام عبد العزيز
خلصو العيال تغسيل الحوش وراحو للخيمه وبس باقي ينفضونه
مجيد : يلا ي القوي نفضهم
عبد العزيز : وليه انت ماتتفضهم اكبر منك انا
مجيد : تراك طفشتني اكبر منك ماسويت شي بس غسلت الحوش
قامو يتهاوشون
جت ام عبد العزيز : وش بلاكم
مجيد : يمه عزيزوه ماغسل الا نص الحوش وراح يرتاح وانا كملت ورحت انظف الخيمه هو بس جاء يناظر ومسح دلتين وابريق شاهي بعدها قال انت كمل الباقي
ام عبد العزيز: نفضوهم انت وهو ثم رحو لغرفكم نظفوها بسرعه لا اشوف احد قاعد
قامو العيال ينفضون الخيمه واول وماخلصو طاحو ينسدحون
عبد العزيز : اهه ي ظهري تكسر انا الدكتور عبد الله العزيز اخر عمري انظف
مجيد : اسكت اسكت بس مانظفت الا القليل وقمت تتشكى زي الوراعين
قامو يروحون فوق لقو الجود تنظف وهي تتحلطم : الحين ليه ماتجيبون الشغاله تخلونها تتظف يدي تكسرت
عبد العزيز وهو يضحك : نظفي وانتي ساكته يلا
الجود : اقول انطم
ام عبد العزيز : رحو لغرفكم نفضوها
راحو نظفو غرفهم وخلصو و نامو وعند الجود وام عبد العزيز وليما خلصو تنظيف والجود شبت فحم وحطت بخور وبخرت البيت وليما تراب ملابسها وان عبد العزيز تسوي القهوه والشاهي وشغلت سوره البقره
بيت ابراهيم ابو الليث
توزعو عشان ينظفون البيت وخلصو بسرعه لان بيتهم اصغر من بيت ابو عبد العزيز وزي اي بيت ام الليث بخرت البيت وسوت القهوه والشاهي وحطتهم بالصاله الليث راح غرفته ينام ولين وسديم يتناقشون عن العرس وكيف بيصير وهل بيكون نفس عرس اهل المدينه ولا احسن منه ومره متحمسين

________________________________________
وكذا انتهاء البارت اتمنى يعجبكم لا تنسون تعطوني نجمه وبدت تصير احداث حلوه وتوكم باقي احداث كثيره 🤍🫡