صديتك ومن بعد صدي وصالك

البارت الرابع

قبل الروحه لديره بيوم
ام عبد العزيز : ها خلصتو
عبد العزيز : باقي لي كم شغله الا يمه كم يوم بنقعد عندي اشغال ترا
ام عبد العزيز : شهر بالكثير
عبد العزيز : اوف اجل مطولين هناك
ام عبد العزيز : ايه والله مشتاقين لها بالحيل ومشتاقين لربعنا
عبد العزيز : اجل انا شكلي بروح بسيارتي
ام عبد العزيز : زين
عند يارا وابوها
يارا : يبه فيه شي شكلك نسيته
سلمان : هلا امري يعيون ابوك
يارا : والله داريه آنك ناسي السالفه
سلمان : اي سالفه
يارا : يبههه زواج بنت عمتي 
سلمان : يوهه والله اني ناسيه متى الزواج
يارا: بعد اسبوع بس عمتي  قالت تعالو بدري الي هو بكره
سلمان : تجهزي نمشي بكره الصبح
خلوني اعرفكم على يارا وابوها سلمان
سلمان ال عبد العزيز
اخو ابو ياسر  ( مطلق) برضاعه انسان بعد عن الديره لان شغله وزوجته ماتت بعد عن كل شي يذكره بمريم وجاء الرياض
يارا: ٢٣انسان جميله وكل الي كانو بديره يتكلمون عن جاذبيه وجهها الجميل الحاد يوم انها صغيره واكيد يوم كبرت صارت اجمل واجمل
يوم الموعود الخميس الصباح
طبيعي اي يوم سفر يكون فيه كميه ازعاج وفوضى بس مع ذالك استمتاع
الجود بصراخ :وين فستانييييي
مجيد وهو راح يحارش ليما سمع الجود وقال : وجع توجعك يالكلبه اقصري صوتك
الجود : مجيد اقسم بالله لو مانقلعت الا العن كوثرك
مجيد : لا طالت وتشمخت تعرفين صوتك ي حمار على الي اكبر منك
جاء ابو عبد العزيز وقال: يالله صباح خير ماتستحون انتم صوتكم واصل سابع جار
مجيد بعصبيه : يبه شف بنتك قليله الادب تصارخ على الي اكبر منها مافيه احترام للكبير
ابو عبد العزيز بعصبيه : الجود تاسفي لمجيد
الجود : اف ياخي عصبت وهو جاء وقام يتكلم وانا ماسويت شي
ابو عبد العزيز : الجود اخلصي علي لا يصير شي مايطيب خاطرتك بسرعه
الجود : طيب آسفه
مجيد ناظر الجود نظره وراح
الجود برفعه حاجب : قليل ادب مايستاهل اني اتاسف له ليماااا
ليما: هلا ي الجود
الجود : شفتي فستاني الوردي
ليما: لا بس تعالي عندي فستان مره حلووو عليك وطلعت ليما فستان كان بقمه الجمال لونه احمر حرير ماسك على الجسم
الجود بصدمه : يجنننن ليماااا مره حلوو بس ما اتذكره عندك
ليما : ايه قبل امس شفته بالسوق. وتخيلته عليك
الجود اخذته وركضت حطته بالشنطه وجهزت شنطه الميكب وشنطه الكريمات والعطورات ودخلتهم بشنطه الكبيره وسكرت الشنطه وحطتها عند الباب
عند مجيد دخل غرفته وهو معصب وجاب ثيابه وملابس عاديه ودخلهم بالشنطه وطلع وجاب بوكس وطلع الكبك وطلع ساعتين رجاليه فخمه وحطهم بشنطه وراح عند بعد العزيز الي قاعد يتناقش مع دكتور عن حاله
دخل مجيد وكان بيتكلم بس يوم شاف عبد العزيز يكلم قام يحوس في اغراضه على ما يخلص
عبد العزيز : تمام اي خدمه تبيها كلمني
الدكتور : يعطيك العافيه دكتور عبد العزيز ازعجناك معنا
عبد العزيز : ولو واجبنا فمان الله
الدكتور: فمان الله وسكر
عبد العزيز وهو يشوف مجيد يحوس : هلا ي مجيد ابي تبي شي
مجيد : ايه تبي احط لك كبك معي عندي مساحه فاضيه ومدري وش احط الصراحه
عبد العزيز: هههههههه حط مانقول لا وحط جاكيتات يمكن يكون برد هناك
مجيد : تهقى؟
عبد العزيز : يمكن
مجيد طلع وسكر الباب
عبد العزيز : كان يفكر في يارا اخذت تفكيره على فتره بشكل كيف هي قويه شخصيتها وبنفس الوقت حساسه غير جمال عيونها
دخلت ليما بقوه بنص تفكيره
عبد العزيز: بسم الله الرحمن الرحيم اللهم سكنهم ماسكنهم وش جابك انتي
ليما: بسم الله عليك جيت اقولك امي تقول اذا خلصت ركب الاغراض بنمشي بدري
عبد العزيز قام من سريره وسكر شنطته ونزل تحت
عن مجيد راح عند غرفه الجود وفتح الباب وقال الجود
الجود : نعم شتبي
مجيد : اسمعي لا اكفخك
الجود : محد علمك عن الاسلوب والرقه
مجيد : لا ولا ابي اتعلم الرقه الى قولتك المهم اسمعي بقولك شي
الجود : اخلص وش تبي
مجيد : اسمعي ماكان ودي اصارخ عليك بس انتي جبرتيني وانا اسف اذا ضايقتك
الجود : ناظرته بصدمه : هذاااا اخوي المهم زين طلع عندك اسلوب بس اسمعني عندي جاكيت فوق الدولاب اقدر تجيبه
مجيد طيب فتح الدولاب واخذ الكرسي رقا ولقى الجاكيت بس شده شي عود !! من متى الجود عندها عود اخذ العود وقال الجود الجود كانت لاهيه بالجوال وقالت : اممم
رفعه وقال هذا وشو ناظرت ورفعت حاجب وقالت وش دخلك رجعه
قال مجيد : انتي تدقين عود ومن متى وكيف احنا ماسمعنا الصوت
ادري انه موهبه وانا معك بس ليه ماقلتي لي
الجود كانت تسوي نفسها قويه وهي خايفه يزعل منها وقالت : ها والله شريته ودقيت عود اربع مرات بس
مجيد رفع حاجب وقال : بس اربع مرات!
الجود : ايه اربع مرات بس
نزل مجيد من الكرسي واتجه عند الجود ومد لها العود
ناظرته قالت : شتبي تناظرني بعدين رجعه وش اسوي فيه
مجيد بطقطقه: تضمينه مثلا دقي عود
الجود : احلامك واسعه رجعه ماكنه واساسا مو مره اعرف
مجيد قام وقال يبه يمه ليما عبد العزيز تعالو هنا فيه فن كبير عندنا واحنا مانعرف عنه
الجود : اشششش ي حيوان
كلهم تجمعو بغرفه الجود وقال ابو عبدالعزيز : وشفيه
مجيد: يبه تخيل بنتك المبدعه تدق عود واحنا ماندري
ابو عبد العزيز : طيب انا الي شاريه لها
مجيد : اما عادي طيب ليه ماقلت لنا قد سمعت وهي ادق عود
ابو عبد العزيز : ايه سمعته
عبد العزيز بطبقه : اخسسس الجود دحومي يشتري لك عود واحنا ماندري
ليما: اقول اسكتو خلونا نسمع يلا جودي دقي عود
ام عبد العزيز : يلا يلا تحمست اسمع اقعدو قعدو حول الجود والجود توترت بس قامت تدق عود وتردد اغنيه
احب الليل لانك قمرته وضيه
واحب النور احب النور
لأنك نور هالدنيا
سكتت
عبد العزيز قام يصفق وهو منعجب شلون الجود صوتها و دق العود حقها رهيب زي كذا
مجيد بصدمه وهو يقلد كلامها : انا ماعرف ادق عود تدق عود احسن مني
عبد الرحمن : بنتي فنانه من يومها
ليما صفقت وقالت : صوتككك ي جودي يجنننن
حصه: الجود عطينا وحده ثانيه
قام يضحك مجيد وقال : حصحوص عجبها الوضع يلا من جديد
رجعت الجود على وضعيتها وقامت تدق عود وتغني
اشوف كلن مع حبيبه تهنى .. كلهم قامو يغنون مع الجود
وانا حبيب الروح صعبٍ عليا
اشوف كلن مع حبيبه تهنى
وانا حبيب الروح صعبٍ عليا😪
قامو يصفقون
قالت ام عبدالعزيز : اقول مو كانكم نسيتم طريق الديره يلا
كلهم قامو والبنات لبسو عبايتهم ونزلو قام يطق بوري عبد العزيز
لمجيد طلع مجيد ومعه العود ومبتسم
الجود: وين ي الحبيب ليه جايبه
مجيد غمز لها وقال: علشان تروقينا بالديره
عبد العزيز بضحكه : ليته ما عرف بيشغلك كل شوي دقي لنا عود
ليما ابتسمت وقالت : ايه والله
ترتيب سيارتين سياره عبد العزيز ومجيد
ام عبد العزيز و ابو عبد العزيز مع بعض ومجيد يسوق
عبد العزيز و ليما والجود
دقت حصه على جميله وقالت هلا جميله كيفك
جميله : الحمدالله تمام انتي اخبارك ي حصه وش اعلومكم
حصه : بخير دامك بخير ها مشيتو
جميله شوي ونمشي
حصه : زين اجل مع السلامه
جميله : مع السلامه
ابو الليث : هاذي حصه
ام الليث : ايه تسال وتقول متى بنمشي لانهم مشو
نزلت سديم ولين شناطهم خلصوها
سديم : يمه ترا خلصنا الشنط انا ولينو الليث ماقام
ام الليث : الله يصلحه يلا امشو كلو مع ابوكم بروح اقومه
راحت ام الليث غرفه الليث وكانت بارده بشكل.
طفت المكيف وفتحت الستاره وقالت ي الليث قم لا انادي ابوك عاد
الليث قام بعصبيه : هاااا ي يمه اطلعي برا ماني فاضي
دخل ابو الليث وقال: ي قليل الاصل تقول لامك اطلعي برا قم انقلع تروش بنروح الديره واقسم بالله لو تقول لامك كذا ياويلك
قام الليث بتافف وراح يتروش وصلى وطلع نزل عندهم
قال صباح
ردو صباح النور
ام الليث : تعال اكل
الليث : ابشري
خلصو وراحو كلهم بسياره وحده والليث يسوق

هلا والله حبايبي اتمنى تدعموني بنجمه لان بدا يجيني فقدان الشغف بالكتابه وماني لاقيه اي دعم ابد 😪