صديتك ومن بعد صدي وصالك

البارت السابع

عند طلال وعبد الرحمن
بعد ماسال طلال وعبد الرحمن عن بيت غزيل ولا لقوه اذن صلاه المغرب
بالديره
طلال : سرينا نروح المسجد نصلي صلاه العشاء ودق على ابراهيم يلحقنا للمسجد
عبد الرحمن : هذا هو جانا
ابراهيم :  السلام عليكم
ردو كلهم وعليكم السلام
طلال : يلا يلا ابطينا على الصلاه توجهو للمسجد وصفى من الصفوف الاولى وصلو انتهو من الصلاه مسكو
طلال : شف واحد من الوغدان ذولي خلنا نساله عن بيت عمتك
عبد الرحمن : ي يورع جاء الولد الصغير وهو يناظره بنظره استغراب
عبد الرحمن : تعرف بيت غزيل
الطفل : ايه اعرفه الحقوني
قامو يحلقون الوغد لين وصلهم البيت ووصلو دقو الباب فتح لهم  حميد
وعقد حواجبه
طلال : السلام عليكم
حميد : وعليكم السلام من انتم
عبد الرحمن : شلون عمتي غزيل
حميد : عمتك!!
طلال : الله الله عمته
لف حميد من سمع صوت امه تقول ي ولد من عند الباب رجع انظاره لعند الباب : هلا ي يمه واحد يقول انتس عمته جت غزيل وتلثمت بالحجاب
قامت تنتاظر بتعجب وقالت : عبدالرحمن ابراهيم طلال!! ارحبو ارحبو يالله ان تحييهم وقامت تبكي حميد تذكر كلام امه عنهم وكيف هيي ربتهم بس هم كبرو وماقدرو يكملون بديره ضم عبد الرحمن وهو يكتم بكيته
غزيل : بشويش ي المطفوق
عبد الرحمن قام يضحك : خليه ي عمه
غزيل سحبت حميد : تعالو ادخلي داخل مير خليناكم واقفين
دخلو وقامو يسولفون وغزيل تسولف عن اخوها ابراهيم ومطلق وراح وقتهم بسوالف
غزيل : الا ي عبد الرحمٰن وابراهيم انتم جيتم لحالكم
ابراهيم : لا والله ي عمه كل واحد مننا جاب اهله معه
غزيل : ليتهم جايين الا ي طلال نسيتك وش علومك
طلال ضحك : بخير ي عمه طمنينا عنك
غزيل : من يوم ماشفتكم صرت بخير
طلال : الا ي عمه بكره بنروح المزرعه عاد لازم تجين ولا تتكنسل
غزيل: ان شاءالله اني جايه
عبد الرحمن قام : مع السلامه ي عمه ابطينا عليتس
غزيل : اقول اجلسو بس ماقعدت عندي ولا امداني اشوفكم
ابراهيم : بكره ي عمه تشوفينا بالمزرعه
غزيل : ان شاءالله
طلعو الرجال وكل واحد راح لبيته
عند طلال وصل البيت ولقى الانوار مشغله
غصب وقام يطفيهم وقال انا مو قايلكم اذا جت ٨:٠٠ كل واحد يطفي الانوار ويروح غرفته
ملاذ : يبه شدعوه توها الساعه ثمانيه
طلال : وصمه انقلعي غرفتك يلا ولا اشوف ابن امه طالع يلا النوم يلا
ملاذ راحت الغرفه وهي معصبه : حشى دجاج مو بشر احد ينام الساعه ثمانيه
نادين : اسكتي ماتسكتين بعدين بكره عندنا شغل وبنروح المزرعه
ملاذ : حتى لو بنروح المزرعه ننام عشر وشلوله ننام الساعه ثمانيه
نادين : سكري فمتس ونامي لا ترطنين مره ثانيه
ملاذ : اش اش بس بروح اشوف مطلقوهه
نادين : انتي وش بلاتس الحين ابوي مو هاوشتس ماينفع معتس شي انتي
ملاذ رمت المخده عليها : مو تبين تنامين اخمدي يلا
نادين : قليله ادب
راحت ملاذ شوي شوي لغرفه مطلق وفتحت الباب وقامت تناديه بهمس
مطلقوه ماسمعت صوت دخلت الغرفه ومافيه الا نور خفيف حست بواحد يكتم صوتها صرخت وقالت وجععععععع يمه من ذا
مطلق ضربها :وش بلاتس هذا انا
ملاذ : حسبي الله عليك ي مطلقوه ماتعرف الاتكيت
مطلق: ارفعي علومتس الاتكيت لكن
ملاذ جلست : اهه ي قلبي لو ذبحتني مالقيت فيني دم
مطلق : هههههههههههههههههههههههههههههههههههههههههههههههههه وش بغيتي
ملاذ : هاه نسيت
توجهه مطلق لها وضربه مع راسها بخفيف : ليه جيتني يلا طسي بنام
ملاذ : انت وش بلاك صاير بس تنام واول تهاوشني وتقول عني ي الرفله عشاني ما اقوم بدري والحين انت صاير كيس نوم
مطلق : خلصتي طسي وسكري الباب المره الجايه حاولي تسكرين فمتس
ملاذ : وينتس ي الجود الوحيده الي تحب سوالفي وتعطيني وجه
مطلق كان مشغول بالساعه ولف علطول : هاه و وش قلتي من
ملاذ فزت: بسم الله وشفيك اقولك الجود
مطلق : طيب اطلعي وسكري الباب معتس بنام
ملاذ طلعت وسكرت وراها الباب ورجعت لغرفتها تلحفت وقامت تهوجس لين نامت
الفجر
طلال قام توضى وراح يشوف عياله لقى ياسر قايم
طلال: وين اخوك
ياسر : مدري والله بس شكله نايم
طلال : قم قم طس قوم اخوك لا العن خيره
ياسر : يبه الله يهديك انا شدخلني تهاوشني
طلال ضرب ياسر بعصبيه : مره ثانيه ماترد على ابوك ي قليل الادب
ياسر راح وهو يرص على انسانه وكان كميه الغضب الي فيه مو طبيعي
راح المسجد وطلال راح يقوم مطلق وراحو يصلون بالمسجد
طلعو من المسجد
طلال : مطلقوه رح لبيت عمك عبد الرحمن وقل لهم يجون على الغداء بعدها نسري للمزرعه
مطلق : ابشر
طلال : ياسر رح لبيت عمك ابراهيم وقلهم بعد
ياسر : ابشر
راح طلال بيته والعيال تفرقو لبيت ابراهيم وعبد الرحمن
عند مطلق راح بيت عمه ودق الباب مره ولا احد رد ودقه المره الثانيه
جميله ام الليث : الجود روحي شوفي من عند الباب بعدين ارجعي ساعديني بالفطور ونادي معتس ليما
الجود : يمه ليه انا بعدين وين الليث او ابوي
جميله : ابوتس نايم ماجاء الا متاخر يعني اقومه عشانتس ماتبين تفتحين الباب روحي بسرعه
الجود راحت وقالت مين
كان مطلق متكي على الجدار وفز من سمع صوتها : انا مطلق
الجود قامت ترجف و: قالت هلا مطلق
مطلق بهمس : ياويل حالي يازين اسمي من منطوقها
الجود : مطلق ؟
مطلق لا شعورياً : عيونها
الجود : شقلت
مطلق : تنحتح قصدي هلا
الجود : ايوا امر وش بغيت
مطلق : ابوي يقول حياكم الله على الغداء عندنا
الجود : الله يحييك ابشر تامر على شي
مطلق : ابد سلامتك
راح مطلق لبيته و دخلت الجود بالبيت وراحت فوق تقوم ليما
دخلت الجود بقووه فزت ليما : وجعععع
الجود : قومي قومي ي الرفله مغير نايمه ولا متسدحه لا شغل ولا مشغله قومي ساعدينا انا وامي
ليما بعصبيه : اولاً افتحي الباب شوي شوي رجال انتي تفتحينه بقوه ثانياً انام واقوم على كيفي مالتس دخل ثلاثاً  طسي وسكري الباب تراني تعبانه ومانمت زين يلا من غير مطرود طسي وريني مقفاك
الجود : ايه هاذي انتي مغير تعبانه وانتي مافيتس الا العافيه طلعت الجود وسكرت الباب
________________________________
ارحبوووو من مدري كم لي يوم ماكتبت اشتقت اكتب ورجعت لكم ببارت ادري قصير بس مقدر اطوله اكثر من كذا لا تنسون تدعموني بنجمه عشان اتحمس اكتب لكم 🫶🏻🫶🏻