صديتك ومن بعد صدي وصالك

البارت التاسع

طلع مطلق بعد ما عطته الجود الدله راح للخيمه وببدا يصب لهم ثم قاعد معهم يسولف
عبد الرحمن :  الف مبروك ي مطلق وان شاءالله تكون رجال كفو وتنتبه على. بنتي الجود تراها برقبتك لا يصير لها شي هي انتبه عليها واذا غلطت عليها كانك غالط علي
مطلق فز يبوس راس عمه : اول شي الله يبارك فيك ثاني شي ان ماحطيتها بعيوني احط من والجود بالحفظ والصون وان شاءالله اني اكون قد ثقتك فيني
بعد الكلام هذا جلس وقعد مطلق يفكر بالجود وشلون قبل شي زعلها  وهو توها صايره زوجته اكيد بتكرهه اخذ جواله من جيبه ودق على ملاذ
ملاذ : لك وجه تدق
مطلق : اسمعي اخوتس وانتي ساكته
ملاذ : نعم
مطلق : روحي لي الجود و قولي لها تروح عند الخيول
ملاذ : طيب
عند البنات
قاعدين يسولفون ويضحكون قالت ملاذ : بنات وين الجود
ليما: راحت للسطبل شوفيها بالله لا تركب عليها ثم تتكسر
ملاذ ضحكت : زين راحت للسطبل لقت الجود راكبه على الغيد يركض فيها وهي تضحك : ي مجنونه لا تطيحين
الجود وهي وقفت الخيل : يجنن الشعور يجننن  مدري شلون ركبت له ولا طحت
ملاذ : تدرين هذا الخيل حق مين
الجود : حق مين
ملاذ غمزت وهي تبتسم: حق مطلق وترا مايحب احد يركبه
الجود : مع نفسه وراحت وقام يركض فيها الخيل
ملاذ صرخت : مجنونه انتبهي لا تطيحين
الجود : وانا بنت عبد الرحمن ماطيح
راحت ملاذ للبنات وقامو يسولفون عن عرس نادين
عند مطلق كان م يتامل شكل الجود وكيف شعرها البني طاير وهي رافعه يدها ويركض فيها الخيل
الخيل يركض والجود كانت مستمتعه وعاجبها الخيل وماكنت شايفه مطلق
فجاءه صرخت الجود من غدر فيها الخيل وطيحها على ظهرها وانكتمت
عند الحريم
سمعو صراخ وفزو وتذكرت ملاذ الجود  وركضت علطول والبنات وراها وصلو عند الجود وهم يشوفونها طايحه والخيل جنبها
شهقت حصه : يمه بنتي الجود
عند مطلق مو قادر يتحرك جته ام الركب حاول يركض لها وصل صد وقال بعدو شوي بشوف زوجتي  بعدو شافها طايحه ومغمى عليها شالها ووداها غرفته بالمزرعه  حطها على السرير وقال بصراخ ملاذذذ جييبي موياء بسرعه راحت ملاذ ركض تجيب موياء وجات له : امسك الموياء لف مطلق اخذ الموياء وحط شوي يده ورشها بخفيف الى وجهها فزت الجود وشهقت
قام مطلق يمسح على وجهها ويقول بسم الله عليتس الجود : وش صار لي
مطلق : ابد ي طويله العمر قعدتي تهايطين شوي لين ما طحتي بعدين احدد يخلي الخيل يركض فيها وهو مايعرف يركبه زين ماصارلتس سكر ولا شي
الجود كتمت دموعها : ماكنت اعرف انه بيغدر فيني ويطيحني زي كذا
مطلق : افا ي ذا العلم تبكين ي الجود ماعاش من يبكيتس  الحين انتي ارتاحي وانا بطلع هزت الجود بتمام طلع ملاذ و سكر الانوار يوم بيسكر الباب قاطعه صوت الجود : اخاف لا تسكر الانوار ولا تسكر الباب
مطلق : اخاف يجي واحد من العيال يمر من هنا ثم يشوفتس
ملاذ : وش فايدتك زوجها اقعد معاها
مطلق : اذا تبين اقعد معتس بقعد
الجود / بكيفك
ملاذ بغمزه : ماعليك منها اقعد معاها اكيد تبيك تقعد
ضحك مطلق وهاذي اول مره تشوف مطلق يضحك زي كذا ابتسمت من ضحكته
ملاذ : اجل يلا انا بنقلع عشان ماازعجكم
مطلق : يلا انقلعي
توترت الجود لانهم لحالهم وبغرفه ومافيه الا هي وهو مطلق يتاملها وقعدت مده الجود : خلصت
تنحتنح مطلق : في وش
الجود : تتاملني
مطلق حس انه جاب العيد : ههههههههههه واثقه كنت افكر بشغلي
الجود تضايقت : اجل انقلع ورا ملاذ
مطلق : افا تطردين زوجتس
الجود : اطردك يلا وريني مقفاك
مطلق قرب منها وابتسم : ابشري
الجود انخرعت : وجععععع ياخي وجع
قام مطلق وهو يضحك وسكر الباب ثم رجع يفتحه
جهزي نفستس بعد اسبوع زواجنا وبالمزرعة
الجود : وين اسبوع مايمديني وماتشوفني طايحه
رفع كتوفه : مالي دخل بعد اسبوع جهزي نفستس
الجود : يخوي احد يقدر يجهز بسبوع شهر على الاقل
مطلق : انا ابيتس بعد اسبوع
الجود : وانا ما ابيك
مطلق : اسمعي كلام زوجتس ويلا الحين ارتاحي
طلع مطلق للخيمه وجلس عند العيال وقعدو يسولفون ويتكلمون عن اشغالهم ويضحكون  قال ياسر للعيال نجلس برا باليل ونشب النار ونتجمع احنا والبنات والشيبان كلهم قالو تم لف عبد العزيز لمجيد: جبت العود حق الجود
مجيد : ايه جبته مس مستحيل تدق لنا عود
ياسر : اخس تعرف تدق عود
مجيد : عرفت بالصدفه ويالله اقنعتها تدق لنا عود
ياسر : اخس والله طلعت ماهي هينه جابت راس اخوي وتدق له عود
مطلق : ورع ارفع اعلومك
طاحو العيال يضحكون على بعض ثم قال الليث ورا ما نكشت اليوم
بعض منهم وافقو وبعض قالو وين مايقدرون شيبانا
دق جوال مطلق وطلع برا يكلم قالو له يجي القسم راح مطلق الغرفه الي كانت فيها الجود اول ما دخل فزت ملاذ : بسم الله عليك بس باخذ كم غرض واطلع هزت راسها بطيب ورجعت نامت راح لغرفه الملابس الصغيره وطلع لابس شغله ولابسه وراح للشغل وهو يمشي يسلمون عليه والي يطق له تحيه: استرح وش صاير
مهند: طال عمرك صار جريمه قتل في هذا المكان توجهنا للمكان لاكن مافيه كميرات وكان المكان قديم نوعا ما اللهم لقينا رجال طايح ولقيناها ينبض لاكن بخفيف طلبنا الاسعاف بس  انعشوه قعد شوي ومات
مطلق : ماقال شي او وضح شي
مهند : الا طال عمرك قال اسم كاسر وانقذو نوره
مطلق بستغراب : بس هذا الي قالك اياها
مهند : ايه طال عمرك قاعد ثم سكت شوي ومات حاولو ينعشونه مره ثانيه ولا قدرو
مطلق : زين ارجعو للمكان وشوفو البصمات لا تخلون شبر واحد ثم ابحثو عن الاسامين نوره وكاسر واذا فيه محافظه او قريه قريبه من المكان روحو دورو ولاكن البسو لبس عادي مو حق الشغل واذا خلصت ان البحث قلي
مهند : سم طال عمرك دق التحيه وطلع
طلع مطلق ورجع للمزرعه  قابل امه
رهف : كنت بداومك
مطلق : ايه
رهف : زين لا تنسى بعد يومين عرس اختك
مطلق : شلون انسى عرس اختي
رهف : زين رح بدل
راح مطلق الغرفه ومالقى احد فيها راح يتروش وعلطول ارتمى على السرير ودخل بنومه عميقه

قبل لا يجي مطلق بمده عند الجود قامت وهي متكسره راحت تغسل وغسلت وقامت تدور سجاده وشرشف صلاه لقت وصلاه الصلاه الي فاتته و طلعت عن الحريم
غزيل : ها ي الجود كيفتس
الجود راحت تبوس راس جدتها غزيل : الحمدالله بخير
غزيل: قالتس مطلق زواجكم متى
الجود : ايه ي جده قال الاسبوع الجاي
غزيل : زين ي بنيتي
قعدت الجود عند البنات وهي تعبانه ومافيها حيل تتكلم دقتها ليما وقالت : منجدكم بدري مره
الجود : على ايش
ليما : وشفيك ي دخله على الزواج وشفيه مستعجل
الجود : ياخي وش دراني عنه المهم معاك بندول راسي. بينفجر
ليما : اسالي نادين يمكن عندهم
الجود : نادين بالله معك بندول
نادين : ايه دقيقه بجيبه  راحت نادين تجيب بندول وجابت معه موياء وعطته الجود
الجود : ي عمري شكراً تعبتك معي
غمزت نادين : شدعوه ي زوجه اخوي
الجود : شكله مابيكون عندي اسم
نادين ضحكت : الخطه الجايه
العشاء ٩:٠٠
قامو البنات يتساعدون عشان العشاء الي تقطع السلطه والي تجهز  المشروبات والي تجهز الحلى على مايجي العشاء. من المطعم
سديم : علامه عمي مبكر العشاء
ملاذ : اسكتي تكفين تراها معصب لان تاخر العشاء
سديم :  يوه ماتدرين اننا نتعشاء ١١
ضحكت ملاذ : لو ابوي معكم كان لعن خيركم
قامو البنات يضحكون وجاء العشاء حطوه
عند مطلق  قام وهو تعبان شاف الساعه عض على شفايفه : انا وش نومني الحين خرب نومي واكلتها راح يغسل ويصلي ولبس ثوبه وراح  للرجال: السلا عليكم
طلال بعصبيه : وينك ها من العصر وانت تسربت
مطلق راح وباس راس ابوه : كنت بدوام
عبد الرحمن : خلاص ي عبد الرحمن اذكر الله ومطلق امش تعشاء
جلس مطلق جنب ياسر وقامو ياكلون
ياسر : كنت بداوم ولا نايم وجهك يقول انك نايم
مطلق قبص ياسر : اسكت لا يسمعك ابوي والله ليخليني بدال ذا الخروف
كبت ياسر الم الفرصه : ي حمار قرصتك الله ياخذك توجع لعد تقرص
مطلق : ايه عشان تتادب مره ثانيه
ياسر : اقول اسكت ولا كاني اخوك الكبير ي حمار
مطلق : تصدق والله اني ناسي 😂
قام ياسر يضحك : الله يقطع شكلك ي كلب
____________________________
ارحبو حبايبي كيفكم ورجعت لكم ببارت خفيف لطيف
وبدا الاكشن يصير شوي شوي من ناحيه كاسر ونوره اهم شي حبايبي لا تنسون تدعموني بنجمه عشان اتحمس  واكتب زياده رايكم يهمني ترا اشوفكم على خير 🫶🏻