صديتك ومن بعد صدي وصالك

البارت الثاني عشر

كلهم وافقو وجهزو المفارش  والشيبان في مجلس ثاني
طلال : يلا النوم  ولا اشوف احد قايم فاهمين
كلهم بصوت واجد : ابشر
بعد عشر دقايق صار هدوء يدل على نوم الجميع
الليث بهمس : ها يعيال مشينا
قامو العيال شوي وطلعو
ياسر: صبر بندق على ملاذ
مطلق : اذا لقت نادين نايمه خلوها
ياسر : زين
عند ملاذ قالت لسديم و ليما وكلهم وافقو وتحمسو
ملاذ ؛ نادين والجود وينهم
ليما: الجود صاحيه بالغرفه ونادين نايمه
ملاذ : زين طيب خلونا نجهز النعناع والبريق والبيالات وسديم نادي الجود
سديم هزت براسها زين ثم راحت للجود : الجود تعالي بنتجمع احنا والعيال
الجود : وين بنتجمع والعرس !
سديم : خلي العرس بعدين وتعالي الحين نتجمع ونفلها
سحبت سديم الجود والجود كل عادتها تتحلطم وتقول. مابي وروحو انتم انا مابي
سديم : اشش كل البيت نايم بيقومون من حلطمتك
الجود : زين خلاص بنطم بس ويين يارا
سديم ابتسمت : افضل شي قلتيه زايد يارا نايمه وماحبيت ازعجها
وصلو المطبخ وقامو يساعدون بعض وتغطو وراحو المكان وقعدو اول شي مطلق وجنبه الجود وملاذ ونادين وسديم وليما ومجيد والليث وياسر وعبد العزيز دائره وشغلو حطب وقامو يلعبون صراحه ولا تحدي
لفو العلبه جاء على مجيد يسال الجود
مجيد : ها يبنت عبد الرحمن صراحه ولا تحدي
الجود : تحدي ياولد عبد الرحمن
عبد العزيز : خلها تدققق عوددد
مجيد : والله آنك جبتها
الجود : لا سلامات ماتفقنا وماراح ادق عود
ياسر : افا يزوجه اخوي اثارك تدقين عود ولا نعرف
الجود وهي متوتره من نظرات مطلق : ترا مو ذاك الزود فيه
راح مجيد ركض ورجع وهو معاها العود : يالله دقي لنا عود سريع
الجود : دززززز امهااا انت دق عود
سديم : يلا يالجنة اطربينا طالبتك
عبد العزيز : مو تحبين سديم يلا عشانها
اخذت الجود العود من مجيد وهي تعطيه نظرات الي ودها اقوم تصفقه بس ماهي قادره : وش تبغون
سديم : اي شي
الليث : اها لو تدري حبيبي
ضربه ياسر وقال : اخسسسسس من من
الليث : يبوي اغنيه ما احب
عدلت جلستها يلا ببداء
اه لو تدري حبيبي كيف ايامي
بدونك تسرق العمر وتفوت
اهه الامان وين الامان
وانا قلبي من رحلت
ماعرف طعم الامان
كلهم صفقو
ملاذ : واوووو الجود فنانه
ياسر : اشش اقصرو صوتكم
ناظرت الجود مطلق وكيف يوم بدت دق العود طلع بكت الدخان  واخذ وحده وشغالها وقعد يتاملها : تدخن!!
مطلق : ايه فيه شي
الجود : استغربت
مطلق غمز وقال مانتي هينه ي ملاكي
حست حراره الجود من كلمه ملاكي وخجلها الي شوي يقطعها
مجيد ضحك : ملاكي اجل
مطلق ضحك : عطيني ي ملاكي العود
عطته العود وهي ودها تقوم وتختفي ومعد ترجعع
ملاذ : مطلقوه هد على البنت شوي شوي
طفى مطلق الدخان ورماها
غمز لها
احبك حب خلاني
ابيع الدنيا من اجلك
وبكره لو تعود ثاني
اخلي الغالي يرخص لك
وامشي معاك للاخر
عبد العزيز طالع ياسر : ذولي يبوننا نحب وانا مانبي الحب وش ذا الظلم يقلعها من حاله خلاص انا بتزوج
الجود : من بترضا بوجهك بالله
مسك عبد العزيز مناديل بجنبه ورماها قامت ركض وهي تضحك
مجيد طاح على الليث وهو منهار : هههههههههههههههه بطنييييي
الليث : قم قم الله لا يوفق عدوك كسرتتت ظهري يابهيمه
قام مطلق ناداها ياسر: وين بتروح
مطلق : خلاص طولنا بروح انام
مجيد : اسمعو نقعد شوي ثم خلاص
مطلق وهو يبي يحلق على الجود : خلاص اقعدو بروح انام
مشى ولقى الجود مسكها من ورا كانت بتصرخ بس حط يده على فهمها وقال : اشش بتفضحينا انا مطلق
لفت الجود وعيونها دموع : ي حيوان كنت بتوقف قلبي حسبي الله
مطلق انصدم من شافها تبكي ضحك وقال : اسف والله مادريت
الجود : انقلع عني بالله انقلع
مطلق : ي بنت وش بلاتس قلت آسف
الجود من حست انها زودتها: طيب وش تبي
مطلق :بوصلتس وارجع
الجود من حست فيه شي غريب وليه يوصلني واحنا بنفس المزرعه قالت : طيب خمس دقايق ووصلو للمزرعه راحت وقعد يناظرها لين دخلت وراح ينام وهو منهلكك عند مجيد والعيال والبنات شوي. ورجعو من البردد
الساعه ١٠ الصباح
قامو الرجال وقومو العيال وهم دايخين
وعند الحريم قامو يسوون فطور وقهوه وشاهي وودوه عند الرجال
العيال قامو وهم كلهم دايخين ويحاولون يسوون نفسهم مصحصحين علشان مايشكون فيهم ناظر فيهم طلال وقال : انتم وش بلاكم دايخين اكيددد امس مانمتو بدري
مجيد : الا الا يعمي نمنا بس مطلق ياسر فجاءه تعب وقعدنا عنده
ياسر ناظر مجيد وقال بهمس : يحمار مالقيت الا انا تتفاول علي ها يثور
مجيد : وش اسوي ماجاء في بالي الا اسمك وقلته
طلال : يلا قم انت وياها شوفو الخيمات
الليث بهمس : لا لا لا والله اني متكسر
عبد الرحمن : اقعدو اقعدو دقيت على عمال يركبون الخيام مايقدرون يركبونهم كلهم ماراح يخلصونهم بدري
عبد العزيز: ياخي ابوي اقسم بالله اني احبه
مطلق : الحمدالله الحمدالله
قام الليث يسجد سجده شكر
ابراهيم : وش تسوي انجنيت
طاحو العيال يضحكون على الليث
رجع الليث مكانه وقال عادي اروح اردح
مطلق :بعد شوي تردح يالله نروح نجيب الذبايح
قامو العيال بسياره مطلق وراحو للغنم جابو اربع وذبحوها مع مساعدات بعض ورجعو يتروشون ماباقي الا ساعتين ويبدا العرس
خلصو مطلق والليث وعبد العزيز  باقي ياسر ومجيد
مطلق : ذولي وين راحو
الليث حايس بالبخور: يتهاوشون على الحمام
مطلق : ليه فيه حمامين
الليث : كلهم يبون ذا عشان الموياء الدافي
عند مجيد وياسر
مجيد : يحمار فك انا جيت شتبي انت عله خمس دقايق اطلع
ياسر : كذاب بتقعد سنه انقلع انا
مجيد : شف شف وراك
لف ياسر ودفه مطلق ودخل
ياسر : يحمار والله لا تنجلد والله
مجيد : سرررر امها
عند البنات حايسين في الشغل ونادين
ملاذ وهي تركب الحلق : ها بنات خلصتو
لفو عليها صرخو بذهول من شكل ملاذ الجذاب  كانت لابسه فستان كحلي مافيه اكمام وعليه لولو ابيض قالت الجود : ميمي تهبلينننن
ابتسمت ملاذ : ي روحي انتي ها خلصتو
الجود : بخلص من مكياج نادين واروح البس
يارا : انا خلاص بس البس الفستان واكون جاهزه
طلعت سديم وقالت بنات شرايكم لفو قالت الجود : لا عاد كذا بتعطون على كل المعازيم ضحكو البنات وثم قالت ملاذ : الجود وش تلبسين فستان
الجود : مفاجاءه
ليما: بتلبسين الي شريته لك
الجود : لا لا واحد ثاني
سديم : بنات دقايق بالبس واجبكم
كلهم قالو يلا
طلعت سديم وهي لابسه فستان اسود وعند الاكمام ابيض ونازل على ورا
ملاذ : واو بنات شكلنا صدق بنغطي على المعازيم
نادين : ها الجود خلصتي
الجود : اصبري لا تتكلمين قاعده احدد شفايفك
نادين : اقدر اكنسل الزواج تكفونننن
ليما ضحكت وقالت: لعبه هو متى مابغيتي يجي ويروح
ملاذ ارسلت بوسه لليما: والله آنك جبتيها صح
الجود رفعت نفسها وقالت بألم : اههه ياظهري خلصت
ملاذ : نادين وريني
لفت نادين وكلهم انبهرو بجمال نادين وملاذ تناظرها وعيونها دموع : يعني خلاص بتروحين وتتركيني
نادين قامت وحضنت ملاذ وهي تكه وتبكي : ماعليك والله بنشب لك كل يوم بجي عندكم
يارا : انا اقول لازم نخليه حضن جماعي
ضحكت ملاذ : ههه تعالوو راحو البنات يحضنون بعض قعدو خمس دقايق ثم قالت الجود : مو كاننا طولنا المهم بروح البس واجيكم
ليما: انا بروح الغرفه الثانيه ونطلع مع بعض اشرت الجود لليما بتمام
لبست الجود وتعطرت ولبست فستان احمر ماسك على الجسم من عند الكمان فيه فتح ونازله الاكسسورات ووقفت عند الباب : ها ليما جاهزه
ليما: ايه يلا واحد ثنين ثلاثه
سديم صفقت وقالت : بناتتتتتتت صايرين حلوين
ملاذ غمزت وقالت : يالجود ارفقي بقلب اخوي تكفين
_____________________________
ارحبو ثم ارحبو ثم ارحبو ادري اني حماره وكلبه طولت عليكم بس صدق ماقدرت عوضتكم ببارت لطيف و جميل بعيدا عن الاكشن الي
بصير استعدو  نفسياتكم 🫡اشوفكم ببارت ثاني استودعتكم الله ❤️‍🔥