သက်ပြင်းကိုအကြိမ်ကြိမ်ချမိနေပေမယ့်လဲ နောက်ဆုံးတစ်ခါပင့်သက်ရှိုက်လိုက်ပြီး ခေါင်းကိုထောင်ကြည့်လိုက်တော့ အခန်းထောင့်လေးမှာကျုံ့ကျုံ့လေးအပြစ်ရှိသလိုရပ်နေတဲ့ လူကိုမြင်လိုက်ရသည်။
"အဲ့တော့ဘာဆက်လုပ်ကြမလဲ?ဘာဆက်လုပ်ချင်လဲ?"
စကားကိုခပ်ဆတ်ဆတ်ပြောကာ ကားလက်မှတ်၂စောင်ကို စားပွဲပေါ်ပစ်တင်လိုက်တော့ကျောပြင်သေးသေးလေးသိမ့်ကနဲတုန်သွားသည်။
စိတ်ရှုပ်ရှုပ်နဲ့လက်ဖ၀ါး၂ဖက်ဖြင့်မျက်နှာအနှံ့ကိုပွတ်သပ်လိုက်ပြီး သူတို့ ဘယ်ရထားကစလွဲတာလဲ ဘယ်နားကစမှားတာလဲကိုပြန်စဥ်းစားနေရသည်။
ပင်လယ်ကိုသိပ်သဘောကျတဲ့ အကောင်ပေါက်သေးသေးလေးကို ချစ်မိကာမှ ၂ယောက်သား ရည်းစားသက်တမ်း၁လပြည့်တွင် သူမသိအောင် ကမ်းခြေခရီးကိုကြိုပြင်ဆင်ခဲ့သည်။ထိုသို့ကြည်နူးစရာအခြေအနေမှဒီလိုအခြေအနေကို ဘယ်လိုရောက်လာနိုင်ရတာလဲ။
သူ့မှာ ကျောင်းခေါ်ချိန်မပြည့်မှာဆိုး၍ ခရီးသွားရ
မည့် ၄ရက်စာကိုမနက်စောစောထကာ အချိန်ပိုပြေးတက်ရသေးသည်။
ညနေကျတော့လဲ သင်ပေးနေကျ guide တန်းကို
ခွင့်လေးရက်ပေးရန် နာရီပြည့်အောင်ဆက်တိုက်သင်ရသည်မို့ အိပ်ယာပေါ်ရောက်တာနှင့် မလုပ်နိုင်တော့။
သို့လောသို့လောအဖြစ်အပျက်တွေကို build ကသူ့ကောက်နုတ်ချက်နဲ့သူအထင်တွေလွဲနေမှန်း
ခုမှသိရတာတော့သူမကျေနပ်ပါ။
ဒီနေ့ည ကားလက်မှတ်သွား၀ယ်ကာ သူငယ်ချင်းအိမ်မှာခနအိပ်ပြီး မနက်ကျ surpriseလုပ်မယ်ဆိုပြီးစီစဥ်ထားတဲ့ romantic အစီအစဉ်လေးကအပျက်ပျက်အယွင်းယွင်း။
ဖုန်းကနေLocation လှမ်းကြည့်ကာ ညသန်းခေါင် ကြီး Bibleကိုခနပေးနေတဲ့သူငယ်ချင်းတိုက်ခန်းကိုရောက်လာပြီးပွဲကြမ်းသည့်ရည်းစားကြောင့်ဆွဲလားရမ်းလားဖြစ်ကာ အိမ်ပြန်လာရသည်။
"ဘယ်လိုလုပ်မလဲလို့!"
"မ...မအော်ပါနဲ့"
Build Jakapanကမပိုင်ရင် ခြင်တောင်မရိုက်ဘူး။ခုဟာကလက်ပူးလက်ကြပ်မိပြီး နုတ်နုတ်စင်းမယ်ဆိုတဲ့စိတ်နဲ့သွားချဲကာမှ ကိုယ့်ပြန်ပြီးနုတ်နုတ်စင်းခံရတော့မည်။
ကြောက်အားလန့်အားနဲ့ တံတွေးကိုမြိုချလိုက်ပြီး
ကုတင်ပေါ်မှာဒေါခွီးနေတဲ့ ၃မိနစ်ရေနွေးအိုးကို
ပတ်ချွဲနှပ်ချွဲလုပ်ဖို့ကြံလိုက်သည်။
အနည်းငယ်တော့တွန့်ဆုတ်မိပေမယ့် ကိုယ့်အပြစ်ချည်းသာမို့မျက်နှာချိုလေးသွေးကာ ပုခုံးစွန်းပေါ် မေးစေ့လေးကိုခပ်ဖွဖွလေးသွားတင်လိုက်သည်။
