The Partner(Completed)

1

Unicode

ကျိုးပဲ့နေသည့် ပရိဘောဂတချို့နှင့် ဟောင်းနွမ်းသည့် အဆောက်အအုံတစ်ခုအတွင်း လူတစ်ယောက်ကို တွဲလောင်းချလို့ သံတုတ်များနှင့်ရိုက်သူကရိုက်နေပြီး ဇောက်ထိုးဖြစ်နေသည့် ခေါင်းကို အောက်ရှိရေစည်ထဲသို့ ထည့်သူကထည့်ဖြင့် အမျိုးမျိုးနှိပ်စက်နေသည်။

''ရပ်တော့''

ရိုက်နှက်ညဥ်းဆဲနေသူများမှာ ခပ်သြသြအသံတစ်သံ၏ တားဆီးမှုကြောင့် လှုပ်ရှားမှုများကို ရပ်တန့်လိုက်ကြသည်။

ထိုသူကတော့ တခြားသူမဟုတ် ကိုရီးယားနိုင်ငံ၏ နံပါတ်တစ်စီးပွားရေးလုပ်ငန်းစု Thv Group ရဲ့ ဥက္ကဠ Kim Taehyung ပင်။

လူအသိများသည်ကတော့ Taehyung က လူငယ်စီးပွားရေးလုပ်ငန်းရှင် တစ်ဦးအဖြစ်သာ။

နောက်ကွယ်တွင်တော့ မှူးယစ်ဆေးနှင့်လက်နက်မှောင်ခိုရောင်းဝယ်ရေးတို့ကို ကူးသန်းရောင်းဝယ်နေသည့် မှူးယစ်ရာဇာတစ်ဦး။

နာမည်ကြီး Club များစွာပိုင်ဆိုင်ပြီး အလောင်းကစားရုံနဲ့ ကုန်တိုက်အချို့ကိုလည်း ပိုင်ဆိုင်သည့် ဥစ္စပေါ ရုပ်ချော ဂျစ်ကန်ကန်ကောင်လေးတစ်ဦးဖြစ်သည်။

ပြောင်လက်နေသည့် shoesဖိနပ်သံ တစ်ဒေါက်ဒေါက်သံက အနားရောက်သည်နှင့် တွဲလောင်းချခံထားရသူမှာ တီကောင်ဆားပက်ခံရသည်နှယ် ထွန့်ထွန့်လူးကာ အော်ဟစ်တောင်းပန်နေတော့သည်။

''တောင်းပန်ပါတယ် ကျွန်တော့်ကိုမသတ်ပါနဲ့။ တောင်းပန်ပါတယ်။''

''ချပေးလိုက်''

taehyung စကားတစ်ခွန်းကို အမိန့်လိုနာခံသည့် လူများမှာ ထိုလူကို ​ချပေးလိုက်သည်နှင့် ဒဏ်ရာများနှင့်လူဟာ လွတ်ရာလွတ်ကြောင်းကို သွေးရူးသွေးတန်းထပြေးသည်။ပတ်ပတ်လည်ကလူတွေ လိုက်ဖို့ ပြင်လိုက်ပေမယ့် taehyungက လက်ကာပြကာ သူကိုယ်တိုင် တွားသွားနေသည့် လူနောက်ကို လိုက်သည်။

shoesဖိနပ်သံ တဒေါက်ဒေါက်ကိုကြားလေ ပြေးလွှားနေသည့်လူမှာ ပိုမိုကာတုန်ရင်လာလေဖြစ်ပြီး ဘေးက နံရံဆီကို သူ့ခေါင်းနဲ့သူပြေးဆောင့်တော့သည်။