يوميات ونيسة

الجزء الاول

الساعه 7:00 صباحا وفى غرفة جلوس مؤسسة على الطريقة القديمة .. نجفة موديل قديم مدلاة من السقف ..اشغال كانفاه معلقه على الحائط .. ستارة مشغولة .. مبخرة على الكوميدينو .. سورة قرآنية في برواز " الفلق " .. بجانبها برواز لعروسين من جيل التسعينات .. جلس رجل في منتصف الاربعينات يشاهد التلفاز ليعلن عن بدايه مسلسله المفضل "يوميات ونيس" ويظهر تتر البدايه لمقوله الاستاذ محمد صبحي الشهيرة
«اتفقنا انا وزوجتي ان نربي اولادنا على الاخلاق والقيم لنقدم للمجتمع أبا عظيماً وأما فاضلة » .

وبينما هو غارق في مشاهده المسلسل قدمت اليه زوجته نادية في بدايه الاربعين وقالت له غاضبه: انت بتعمل ايه في واحد يسيب مراته في الوقت ده وفي اللحظات الحرجه دي وقربت ولادتها ورايح يتفرج على مسلسل؟!!

علي زوجها: هى الستات ما بتصدق تخلق النكد يا ستي لما تيجي تولدي انا ههتم بيكى مش على المسلسل الحيلة اللي بتفرج عليه وتتصدري فيه مش كده يا نادية حرام عليكى .

ناديه بغضب ينعكس على صفحة وجهها: طبعاااا اومال ايه ما انت بعد ما اتجوزتني وعشت معايا السنين الطويله دي كلها بتاخدونا لحم وترمونا عضم ما هو هيخس معاك في ايه انت اللي بتحمل وبتولد علشان كده مش حاسس ولا عمرك هتحس بيا .

على بهدوء: بس بس بس مالك قلبتيها دراما كده ليه وادى يا ستي المسلسل اللي مضايقك طفيته ممكن تهدي يا ناديه يا حبيبتي حقك على راسي .

ليتقدم اليها ويقبل جبينها بحب ويشغل المسلسل مرة أخرى ولكن بصوت منخفض وبعدها يقول : انا عارف انتى عانيتي قد ايه في الحمل ده واعرف اكتر قد ايه الحمل والولاده صعبة على الستات .. خصوصا ليكي فمش عايزك تتعصبي وتنرفزي نفسك ده خطر عليك وعلى البيبي اللي في بطنك .

ناديه بنرفزه وعصبيه: قصدك ايه بخصوصا ليكي دي اه طبعا ما انت شايفني كبرت في السن وعجزت وكمان كل اللي هامك اللي في بطني وبس طبعا مش خايف عليا ما احنا بقى لنا 20 سنه متجوزين وخايف الحمل ده كمان ما يكملش وساعتها هتتجوز ما هو الراجل عادي حتى لو وصل لل 80 يقدر يخلف واي واحده تشاورلك عليها امك هتقول ماشي ويا الف بركة .

يتافف علي وينفخ مستعيذا الله من الشيطان الرجيم محاولا الثبات والتماسك كي لا يغضب من زوجته او يغضبها حتى لا يؤثر عليها وعلى حملها قائلا: يا حبيبتي استهدي بالله كده واقعدي عايزه ايه اكثر من اني حلفتلك بايمانات الله اني مش هتجوز عليكى وحلفت لك واقسمت لك على المصحف الشريف انه ما فيش واحده غيرك هتملى مكانها في قلبي اكتر من كده ايه ويا ناديه يا روحي والله بحبك وبخاف عليكى زي ما بخاف على البيبى اللي في بطنك .

تقاطعه ناديه بحركه من يديها فقد استكانت قليلا ولكن ذلك لم يمنعها من اطلاق ثوره انفعاليه غاضبه: كل بعقلي حلاوه كل ما الرجاله مش فالحة غير في الكلام الحلو لكن افعال لا .. وخلال ثوره انفعالها التي لا تدرك كنهها وذلك بتاثير الحمل وهرموناته شعرت بالام شديده في ظهرها وبطنها واسفل معدتها لتصرخ قائله: الحقني يا علي هولد بسرعه يلا وديني المستشفى ااااااااه .