Sour Candy (Complete)

part 32💔

*Unicode*

လုံခြုံသွားသလိုခံစားလိုက်ရတဲ့ နွေးထွေးလွန်းတဲ့အငွေ့အသက်...ပြင်းရှရှယောက်ျားဆန်လွန်းသော ကိုယ်သင်းနံ့အား အနံ့နဲ့ပတ်သက်ရင် Sensitive ဖြစ်တတ်လွန်းတဲ့ဂျေက သဘောတကျနှင့် နေသားကျနေသည်မှာ အချစ်ဆိုတာကြောင့်လား။ တန်ပြန်ဖက်ထားပေးတဲ့ ဒီလူကြီးကိုဂျေအပိုင်လိုချင်၏။

ခဏကမြင်နေမိတဲ့မြင်ကွင်းအား ဂျေမနှစ်မြို့သည်အမှန်။ ရင်တွေကွဲအက်လာသလို နှလုံးသားကိုတင်းကြပ်ကြပ်ဆုတ်နယ်ပစ်လိုက်သလို စို့တက်လာတဲ့ဝမ်းနည်းမှု အရှုံးသမားတစ်ယောက်လို့ခံစားစေလိုက်ရတဲ့ အခိုက်အတန့်မှာ ဂျေမျက်နှာမပျက်စွာနေရင်း လက်သီးဆုတ်ကာအံ့ကြိတ်တင်းခံထားတာ လွယ်တယ်မထင်လိုက်နဲ့။ အဲ့အမျိုးသမီး လှသည်ချောသည် ထက်မြက်တယ်သွက်လက်တယ် စီးပွားရေးမှာလည်းထူးထူးချွန်ချွန် ကင်မ်ထယ်ယောင်းဂီးနဲ့ဆို သင့်တော်စရာအိမ်ထောင်ဖက်...ဒါမဲ့ နည်းနည်းမှမလိုက်ဖက်ဘူး!

ဂျေကဆိုးတယ် စီးပွားရေးလုပ်ဖို့ထက် လက်ဝါးဖြန့်ငွေအထပ်လိုက်ရတဲ့ဘဝမှာနေတယ်။ ပွေမယ်ရှုပ်မယ် လောင်းကစားဆို တရားဝင်ရောတရားမဝင်ရော ဂျေထိပ်ဆုံး အရာရာအဘက်ဘက်ကအဆိုးတွေချည်းပဲဆိုရင်တောင် ကင်မ်ထယ်ယောင်းအချစ်ရထားသူမို့ ဂျွန်ဂျောင်ဂုတို့မော်ကြွားကြွားပါပဲ။ တစ်ပါးသူနဲ့ယဥ်ပြီးသိမ်ငယ်စိတ်ဝင်ရအောင် ဂျေဟာ အရင်က ဂျွန်ဂျောင်ဂု ဟုတ်မနေတော့ခက်သား။ သိပ်သည်းတဲ့ မင်ညီအစ်ကိုရယ် မျက်နှာလေးမမြင်ရရင်ရူးမလိုဖြစ်တဲ့ ကင်မ်ထယ်ယောင်းရယ် မလိုချင်တောင်အချစ်တွေသိပ်ပေးတဲ့ Grayson ရယ်...အင်း...ဂျေတို့ ဆိုးချင်တိုင်းဆိုး တစ်ကမ္ဘာလုံးမီးပတ်ရှို့တောင် ရှင်းပေးမဲ့သူတွေအသင့်။

"ကင်မ်ထယ်ယောင်းဂီး..."

"အဲ့လိုပဲဆက်ခေါ်နေမှာလား"

"ဟင်..."

"နာမည်ပဲခေါ်နေတော့မှာလားလို့...တခြားလိုပြောင်းခေါ်ကြည့်ပါလား ကူး"

နာမည်အပြည့်အစုံခေါ်နေခြင်းက သူစိမ်းဆန်နေသလိုခံစားရ၍ တောင်းဆိုကြည့်ပေမဲ့ ပြူးပြူးလေးကြည့်နေသူက နေရခက်သွားသည်ထင်