Sour Candy (Complete)

part 27💔

*Unicode*

ရိုးရာမပျက် ဖုန်းထဲမှကူးငယ်ရဲ့ရိပ်လေးအား တစ်ချက်နမ်း၍ အပြင်မှအဆိုးလေးကို တွေ့ရန္ပြင်ဆင်ရမည်။ အသက်အရွယ်က စကားပြောလာသည်ဆိုရမည်ထင်ပါရဲ့ ခပ်ငြိမ်ငြိမ်အဝတ်အစားတွေသာရွေးချယ်တက်လာပြီး ရှိသမျှဆံနွယ် သပ်တင်၍ ပံုကျလှသည့်မေးရိုးတွေအားထင်းနေကာ တည်တင်းသောမျက်နှာထားနှင့် ကင်မ်ထယ်ယောင်းသည် အချစ်ပေးတဲ့ရင်ကွဲနာကျပြီး ရင့်ကျက်ခဲ့လေပြီ။

အချစ်နဲ့ပတ်သက်ရင်တော့ ကလေးဆန်စွာ ထိလွယ်ရှလွယ်ဖြစ်လာတာတော့ အဆန်းသား။ ဒီတစ်ခါတော့ မင်းလက်ကိုအဆံုးထိဆွဲထားမယ်ကူး...မင်းပျော်ရင်ကြိုက်တာသာလုပ် ကိုယ်မတားဘူး ကိုယ့်ကိုတော့ပစ်ချထားခဲ့လို့မဖြစ်ဘူး။ ဒီတစ်ခါ...ဒီတစ်ခါထားသွားခဲ့ရင် ရူးရုံတင်မကဘူး သေပါသွားမှာ။ မုသားတွေမပါတာမို့ မင်းမယံုလည်းကိစ္စမရှိပါဘူး...ဒီတိုင်းလေး အချစ်ခံနေပေးမယ်မဟုတ်လား။

"JeyKay မင်းလူကကြာလိုက်တာ"

"ဖြည်းဖြည်းပေါ့...မင်းကိုကလောနေတာ"

ကောင်မလေးတစ်ယောက်ပေါင်ပေါ်တင်ကာ ရောင်စံုမီးရောင်မှိန်မှိန်အောက် ရေခဲအနည်းငယ်ရောထားသည့်အရက်တစ်ခွက်အား အရသာခံသောက်နေသည့်ဂျေဟာ အလွင့်။

အရိုးစုပံုတွေပါသည့် တီရှပ်အနက်အား ချိန်းဆွဲကြိုးခပ်ကြီးကြီးနှင့်တွဲဖက်ဝတ်ဆင်ထားကာ နားပေါက်တွေ၌နေရာအလွတ်မရှိ တွဲလီတွဲလောင်းတွေဖြင့် ရှုပ်ယှက်ခတ်နေလျက်။ ညာဘက်တက်တူးတွေအား ရက်ရောစွာဖော်ပြထားသည့်လက်သည် ကောင်မလေး၏ခါးထက်ပွတ်သပ်နေကာ တကယ့်ကိုမိုက်မိုက်ကန်းကန်း။

ပို့လာသည့်လိပ်စာအတိုင်းရောက်ရှိလာတော့ လူရှင်းသည့်ရက်ကွက်က Club တစ်ခု။ ကားပါကင်ထိုးပြီး Club ထဲဝင်လာရင်း မျက်စိကစားမိလေတော့ ထောင့်ကျလွန်းတဲ့အမှောင်ကျကျဝိုင်း၌
အပီအပြင်မော့နေသည့် နှလုံးသားငယ်လေး။ တွေ့တွေ့ခြင်းမြင်ရတဲ့မြင်ကွင်းက ဆူးခနဲအောင့်ခနဲ။

"ကူး...!"

"ထယ်ယောင်းဂီးရောက်ပြီပဲ လာထိုင်"

ပျက်ယွင်းနေသည့်မျက်နှာနှင့်အတူ ကူးဘေးဝင်ထိုင်လိုက်မိသည်။ ကူးပေါ်ထိုင်နေတဲ့ရင်ဟိုက်ဟိုက် dress နဲ့ကောင်မလေးကို ဆွဲဖယ်ချင်တာမှမတရား။ တကယ်ပူလောင်ရလွန်းတယ် ကူးရယ်။