للقلب أخطاء لا تُغتفر بقلم آية العربي

الواحد والعشرون ( إدخلي عمري)

بسم الله ولا حول ولا قوة الا بالله العلي العظيم

وَلَقَدْ نَعْلَمُ أنّكَ يَضِيقُ صَدْرُكَ بِمَا يَقُولُون فَسَبّحْ بِحَمْدِ رَبِكَ وكُن مِنَ السَاجِدِينْ واِعْبُد رَبَّكَ حَتّى يَأْتِيَكَ اليَقِينْ .

البارت الواحد والعشرون من رواية 💔 للقلب اخطاء لا تغتفر 💔

بقلم آية العربي

قراءة ممتعة

❈-❈-❈

وصل حمزة إلى القصر

صف سيارته وترجل وهو يتحدث عبر الهاتف مع أحدهم مردفاً :

يعنى إيه؟ ،، إنشقت الأرض وبلعتها ؟ ،، إنت متأكد إنها رجعت مصر ؟

أردف أحدهم :

- أيوة يا حمزة بيه ،،، دا اللى ظهرلنا في قائمة المطار ،،، بس جربت تسأل والدتها ؟ ،، يمكن تعرف عنها حاجة ؟

زفر يردف مؤكداً بتفكير :

- أكيد لو تعرف عمرها ما هتقول ،،، على العموم زى ما إنت كمل ولو عرفت أي شئ فوراً تبلغنى .

أغلق معه وهاتف حسن الذي أرسله مجدداً ليحرس ريتان إلى أن تأتى بيته يردف بترقب بعدما أجاب :

عينك متغفلش من على ريتان يا حسن ،،، سامعنى كويس ؟

أردف حسن مطمئناً :

إطمن يا حمزة بيه ،،، أنا قدام البيت دلوقتى ومش همشي إلا الصبح زي ما حضرتك طلبت .

زفر وأغلق معه ووقف يفكر بقلق ،،، أين أختفت تلك الخبيثة وبما تنوي ،،، تفاجأ بمراد يأتى من خلفه مردفاً بتوتر :

- حمزة ؟ ،،، إنت كويس ؟

لف نظره يطالعه بنظرة عتاب وغضب ثم لف وجهُ وأردف بجمود :

- كويس ..

أردف مراد بندم :

- حمزة متزعلش منى ،،، أنا خبيت لأنى وعدت كاري ولأنى خوفت عليك ،،، وبعدين هى كانت موافقة وكل حاجه هتتم بإرادتها .

عاد يطالع شقيقه بألم مردفاً :

- خوفت عليا ؟ ،، خوفت عليا من إيه يا مراد ؟ ،،، هو أنت يا أخى مش عايش معايا وشايف العذاب اللى أنا بتعذبه ؟،،، مش شايف وجعى يا مراد ؟ ،،، طب يا أخى كنت على الأقل حطيت نفسك مكانى ،،، ما أنت مجرب وعارف ..

أردف مراد معتذراً :

أنا أسف يا حمزة ،،، صدقنى أنا وعدت كاريمان متكلمش ،،، كنت عايز أقولك وفعلاً كنت هكلمك بس

قاطعه بحدة عندما تذكر :

- بس إييييه ؟ ،،، كنت مستنى لما تتجوز وتقول ؟ ،،، ولعلمك ده مكانش هيتجــ.وزها ده كان فخ من مها علشان تسئ لسمعتها وتنتقم منها ،،، يعنى لو كان ده حصل يا مراد كنت هتتسبب في أسوأ حاجة ممكن توجع ضميرك طول عمرك ..