بيت امي هيله 🍃

2

• • • • •• • • • •
انصدم من الملاك اللي واقف قدامه من شعارها المفتوح ولا من عيونها ولا من لون بشرتها مع البجامه ضاعت علومه وماقدر يتحرك اما عند بطلتنا اكيد عرفتو مين !! " هبه " انصدمت من دخوله عليها تنحت من جمال الشخص اللي قدامها حست على نفسها وشافت شلون هو صافن وما تحرك من مكانه سحبت البطانيه من الارض وغطت نفسها فيها وطلعت ركض من الغرفه اما هو  حس على نفسه بعد ماطلعت هبه من الغرفه جلس على السرير ويكلم نفسه "ماشاء الله هل جمال كله عندنا واول مره اشوفه بس المشكله ما اعرف منو هي بنات خوالي وخالاتي ما أذكرهم حييل اخ والله العظيم جميله لازم اعرف منو هي " بعدها بدو يدخلون الشباب وكل واحد اخذ له فراش وراحوا بسابع نومه

^•^ تتوقعون مين شافها ؟!

• • • • • • • • • •• • • • •
بنفس البيت بس بالطرف الثاني وتحديداً غرفة البنات كانوا البنات كل وحده ماخذه له فراش وباقي فراش واحد عند الباب فاضي دخلت الجده تتطمن عليهم وشافت كل البنات مو جودين ماعدا "هبه"
"الجده هيله "يابنات وين هبه ما اشوفها وياكم
" افراح " والله يا امي هيله هي قالت انها رح تسبقنا وطلعت قبلنا بس يوم دخلنا الغرفه مالقينا احد
" الجده هيله "يمكن راحت لأمها يالله أجل اخليكم وبعدها طلعت وخلت البنات وبعدها البنات كل وحده راحت بسابع نومه اما بطلتنا فكانت جالسه بالجلسة الخارجية بالجهة الخلفيه من البيت وكان محد يقدر يروح لهاذي الجهة الا من داخل البيت ف تطمنت ان مافي احد هناك كانت جالسه وسرحانه قطع عليها دخول جدتها "الجده"ها يمه هبه اشوف انك جالسه هنا
"هبه "هلا يمه اي والله ماجاني النوم قلت اجلس شوي بعدين ادخل على ماينامون البنات
" الجده " زين سويتي يمه انا نشدت عنك وقالوا انك بتسبقينهم بس بعدها ما شافوك اثاريك من حاشه منهم
"هبه" اي ما حب الازعاج جده بسألك شلون كانت ايامك مع ابوي سليمان الله يرحمه
"الجده" تنهدت وبدت تسولف على هبه عن ايامها مع ابو مسفر مرر الوقت وهم يسولفون
"الجده" يالله يمه روحي نامي لك شوي وانا بعد بنام مير بعد المغرب بيجونا خطار وحنا للحين مانمنا بعدها دخلوا وكل وحده راحت لغرفتها هبه عند البنات والجده بغرفتها

•••••••••••••••

بعد صلاة المغرب
تحديداً المجلس الخارجي كانوا الشباب توهم راجعين من الصلاة و جالسين يتقهون بعدها بشوي بدوا الرجال يهلون عليهم

اما عند الحريم كان الوضع مستنفر الحريم يشرفون على الخدم والتقديمات وترتيب المجالس اما البنات وضعهم مزري اللي تدور كعبها واللي تدور مكياجها ولا شنطتها وهاذا حالهم لين ماسمعوا صوت عصاة الجده على الباب كلهم لفوا عليها
"الجده" وشفيكم انتوا صوت صراخكم لاخر الحاره ماتستحون يالله قدامكم بس 5 دقايق اذا ماشفتكم جالسين قدامي بالمجلس ياويلكم هذاني حذرتكم وطلعت  اما البنات من بعد ما هزئتهم الجده كلهم جلسو يتجهزون على الصامت وبدوا يخلصون وحده ورا الثانيه و بعد 5 دقايق بالضبط طلعوا ورا بعض وراحو  للجده  حبوها على راسها وجلسوا قدامها ومن بعدها بدوا الحريم يجون ومرة ليلة العيد بلمة حلوه وبدون نفس ثقيله