بيت امي هيله 🍃

5

"بالمستشفى"

ام سليمان واقفه عند راس بنتها تمسح عليه وتقرا عليها دخل ابو سليمان عليها
"ابو سليمان " ها كيفها الحين
"ام سليمان"  زينه صحت قبل شوي بس بعدها رجعت نامت راسها مصدع  ومو قادره تفتح عيونها
"ابو سليمان " قالي لي الدكتور ان الاصابه بسيطه بس انتي تعرفين بنتك ما تتحمل الالم البسيط علشان كذا معطينها مسكن بس قال الدكتور خلال ساعه رح يكتب لها خروج
" ام سليمان " الحمد الله على كل حال الله يحفظها لنا ولا يختبر غلاها
"ابو سليمان" آمين يارب
دخل عليهم سليمان وبيده كاسات شاهي مع فطاير
"سليمان" الحمد الله على سلامة فروح ماتشوف شر
"ام وابو سليمان " الشر مايجيك
" ام سليمان" ليش متعب نفسك يمه
"سليمان" لا تعب ولا شي وبعدين انتوا صار لكم كم ساعه واقفين اكلوا لكم شوي على ما تصحى الاميره النائمه
"ام سليمان" الا يمه وينه اخوك نايف وصلنا ولا شفناه بعدها
"سليمان" دق عليه عمي خالد من شوي وهو يكلمه برا

•••••••••••••••

بالمزرعه
"تحديداً قسم الحريم "
البنات جالسين بالجلسه الخارجية

"هديل" بنات تتوقعون شصار على افراح
"هبه" توني مكلمه ابوي يقول انها بخير بس لانها ماتتحمل الالم ف يغمى عليها واذا اغمى عليها ماتصحى الا بعد ساعات وعمي اخذها للمستشفى علشان يطمن ان الضربه ما اثرت عليها
"زينب" الحمد الله ربي يشافيها بس منو اللي شات الكوره عليكم
" هبه" تصدقين راح عن بالي
"جواهر" سعود هو اللي شاتها توني سامعه برهوم يقول لامي
"ديما" وشلون سمعتيه وانا ماسمعته
" جواهر " لانهم كانوا عند المجلس وبعدين انتي ماتستحين ليه ما تتغطين عن اخوي
"ديما" تبين الصراحه برهوم احلى واحد من عيال خوالي وابيه يحبني
"دعاء" هي ديمو استحي على وجهك وش ذا الكلام وبعدين صدق ليش ما تتغطين عنه
"ديما " ياخي شسوي والله احبه حتى بنات فصلي يتابعونه ويمدحونه عاد انا اهايط عندهم
"هبه" الله يستر عليك بس ركزي على مستقبلك بلا حب بلا كلام فاضي وبعدين مالقيتي الا ابراهيم تقولين عنه مزيون كل عيال عمامي ماشاء الله جميلين
"هديل" عليها هبون اول مرره تمدحين الشباب وترا صدق يعني ابراهيم اجملهم
"هبه" مع نفسك والله لا جميل ولا شي
"جواهر " ترا ما ارضى على هيمو
"دعاء" اقول انتي تكلمي زين كل شوي مطلعه اسم لخوك بس ازعجتينا ولفت على هبه هبون الحين وش هي المفاجأة
"هبه" صح ذكرتيني وقامت بسرعه عنهم ودخلت داخل
"زينب " بسم الله شفيها كذا قامت كأن احد قارصها
"هديل" صراحه احس هبه مخبيه علينا شي ولا بنات
" جواهر" هديل انتي متابعه كونان
"هديل " اي توني مخلصه فلمه الجديد توه نازل
"جواهر " علشان كذا متقمصه الدور اقول روحي دوري لك فعاليه ولا شي نسويه على ماتجي فروح ونتطمن عليها

"داخل قيم الحريم "

"الجده" خلود اتصلي على مسفر تطمني على بنته
"ام سعود" ابشري يمه الحين ادق على سليمان اتطمن عليهم بس انتي هدي لا تحاتين ان شاء الله ماعليهم الا العافيه
"ام مشاري" مين اللي شاتها بالكره
"ام ابراهيم" سعود هو اللي شاتها بس ماكان يدري ان في احد عند ذيك الجهة
"ام سعود" بعد ماسكرت من سليمان وتطمنت على افراح "يمه سليمان يقول انها بخير والحين جايين بالطريق
"الجده" الحمد الله يالله روحي شوفو الغدا على مايجي مسفر ونحطه
الكل قام يشوف الغدا والجده راحت لقسم الرجال

"قسم الرجال"
الشباب جالسين بالمجلس والشياب بالجلسة الخارجية اما الجده راحت عند الشباب للمجلس
"الجده" السلام عليكم
كل الشباب فزوا و عتدلوا بجلستهم وسلموا عليها
"مشاري" هلا هلا بالدقه والرقه والجمال والكمال هلا بنت الرجال
"عمار" حشى انتي وش تقول قصيده
"الجده"هلا فيك يمه بس وش ذا الكلام اعقل وانا امك
"مشاري" سمي طال عمرك
"ابراهيم " دور غيرها يالحبيب تقوله هل كلام
"مشاري" اي شكل هذا اللي بيصير
"الجده" الا وينه سعود
"عمار" والله ياجده اتوقع انه برا يتمشى ليه صاير شي
"الجده " لا بس قلت اتطمن عليكم يالله اجل اخليكم وطلعت
"عمار" احس جدتي فيها شي نبرتها وهي تسأل عن سعود غريبه
"مشاري" عمار تراك تحب تكبر المواضيع ترا عادي بس سألت لا تفلم علينا
"عمار" هد هد يالحبيب شفيك اكلتنا خلاص ياكلمه ارجعي مكانك سكتنا
"ابراهيم" تعجبني مشاري شلون سكته اول مررره اشوف عمار يخاف من احد
"عمار" اقول روح زين انت الثاني

اما الجده هيله كانت تتمشى بالمزرعه وتدور عن سعود لمحته جالس عند اسطبل الخيل وماسك بيده عصا يلعب فيها بالارض
"الجده" ها يمه سعود اشوفك قاعد بريحاتك عسى ماشر
"سعود" ماشر يالغاليه بس مالي نفس اكلم احد
"الجده" افهم من كلامك انك ماتبي تكلمني بعد
"سعود" لا حشى وانا ماكنت اقصدك بالكلام
"الجده"زين يمه بس حبيت اتطمن عليك واذا على عروستك لا تخاف هاذي هي بالطريق جايه والحمد الله هي بخير
لف سعود على جدته وهو مستغرب من كلمتها
~عروستك~
"سعود" امي هيله من عروستي الله يهديك
"الجده" افراح يمه وترا مارح تلقى نفسها ذهبه وكامله والكامل الله
"سعود" بس مين قال اني ابي افراح تكون زوجتي يمكن حاط عيني على احد
"الجده" لا انا جدتك واعرفك وادري انك تحب افراح لا تحسبني غشيمه ولا نسيت اول شنو كنت تسووي وانت صغير وياها
"سعود" يمه ترا كنا صغار وماكنا نعرف الصح من الغلط وترا كان حب طفوله بس
"الجده " حب طفوله اجل ليش للحين تروح لهذاك المكان دام انه حب طفوله
سعود سكت ومو عارف شيقول
^قبل17 سنه تقريباً
"بيت امي هيله🍃"
بالحوش كان في سور للزرع بالزاوية كانت افراح بذاك الوقت عمرها 7 سنين وكانت شخصيتها اكبر من عمرها وتحب تقلد اخوانها الكبار جالسه عند السور وماسكة قلم وتكتب عليه حروف وترسم قلوب وكان في شخص جالس جنبها وماسك يدها يعلمها سعود كان عمره 9 سنين
"سعود" فروحي مو كذا يكتبون حرف الفاء ويمسك يدها وبعلمها كذا
"افراح" سعودي تدري اني احبك لانك تعلمني مل يوم شي جديد مو نفس سلومي ونوفي
"سعود" حتى انا احبك واذا كبرت رح اجيب لك  كل شي تحبينه
"افراح"سعودي تدري ان سلومي دايم يقولي لا تجلسين مع الاولاد اجلسي مع البنات بس انا ماحب البنات كلهم يسولفون عن المدرسه وصديقاتهم بس انا مابي اجلس معاهم ابي اجلس معاك طول الوقت وبدت تبكي
سعود مسح دموع افراح وحظنها وحبها على خدها
"سعود" فروحي لا تبكين عادي اخوانك مارح يمنعونك مني وبعدين انا بجلس بعد معاك طول الوقت شوي وتجي الجده
"الجده" شفيكم يمه فروح ليش تبكين
"سعود" دلع بنات ماما هيله
^نرجع
"الجده" اشوفك سرحان يمه وين رحت
"سعود" لا معاك معاك بس احس بتعب شوي
"الجده" ماتشوف شر يمه اجل انتظر شوي ويجي خالك ومعه دواك وراحت عنه
سعود بنفسه ~اخ ياجده وش سويتي فيني خليتي اهوجس بالبنت ...

•••••••••••••••

نوقف هنا يا حبايبي واذا لقيت أي دعم منكم نزلت البارت السادس عطوني رايكم بالرواية ✨

"اسفه اذا في اغلاط
"ولاتحرموني من دعمكم محبتكم دلع ♥️