بيت امي هيله 🍃

14

دفته عنها وصرخت فيه
"هبه" انت بأي صفة تمسكني كذا خييير
"فارس" بصفة اني زوجك
"هبه" اسم بس انقلع بس دفته عنها ودخلت بسرعه وسكرت الباب بوجهه
ضحك فارس على تصرفها الطفولي وراح لدكتور يسأله عن وضع خالد
دخلت وشافت ابوها صاحي
"خالد" وينك بابا قمت ولا شفتك
"هبه" لا رحت للكفي شوي اروق
"خالد " زين سويتي يا بابا الا ماقال الدكتور متى اقدر اطلع
"هبه" اليوم ماجاء لك الا الصبح بس ما سألته
"خالد" تمام مو مشكله
شوي ويندق الباب ...
"خالد" اتفضل
دخل الدكتور وابتسم يوم شاف خالد مبتسم له
"الدكتور" الحمد الله على السلامه ياخالد ماتشوف شر
"خالد" الشر مايجيك تسلم
"الدكتور" ابشرك تقدر تطلع اليوم لان حالتك استقرت وماعليك خطر
"خالد"تمام يعطيك العافية يادكتور
"الدكتور" الله يعافيك
طلع الدكتور وجت بتطلع هبه وراه بس ناداها خالد
"خالد" هبه بابا وين رايحة
"هبه" بروح اسوي إجراءات الخروج
"خالد" لا تعبين نفسك يا بابا مدير اعمالي رح يسوي كل شي بس ماتكلمتي عن الموضوع اللي امس قلته لك
"هبه" يبه لا تخاف انا كنت موافقه عليه من اول فما يفرق معاي اذا تزوجت الحين ولا بعدين بس لازم نعلن للكل عن الزواج
"خالد" الله يرضا عليك يا يبه وصدقيني اني مو راضي على اللي صار ...
قاطعته هبه
"هبه" يبه لا تكمل انا راضيه لا تخاف ...

'الرياض
"بيت امي هيله"
جالسة وقدامها سليمان ومسفر
"الجده" شلونك يمه سليمان وشلون بنتك
"سليمان " الحمدالله يمه كلنا بخير
"الجده" اسمعني يمه سليمان انا ادري بمعزة منال الله يرحمها عندك وغلاتها بس يمه مهما يصير بذمتك بنت تحتاج حنان ام اهتمام ام عطف ام بكره تكبر وتحس بالنقص وادرس انك مو مقصر عليها بس مهما يصير وحود الام شي مهم بحيات البنت وصدقني يمك عمرك مارح تملي هالفراغ
اسمع شوري وانا امك تزوج زوجتك الله اراد واخذ امانته وهذا يومها ومكتوب وكلنا ماشين على هذا الطريق لا توقف حياتك وطيعني وتزوج عيش باقي عمرك لنفسك ولبنتك ...
سليمان كان سرحان ويفكر بكلام جدته
مسفر يوم شاف سليمان ساكت ومارد على كلام الجده حب يكمل الموضوع
"مسفر" ربي يسخر لك ياوليدي وامي شارت علي على بنت تكون زوجة لك وام لترف وانا اشوف انها تستاهلك وانت تستاهلها ... وسكت
لف نظره سليمان لجهة ابوه وطالعه بنظرات استفسار ..
كمل كلامه مسفر
"مسفر" والبنت متربيه معاك ونعرفها وتعرفنا وماهي غريبه عنك لأنك ولد عمها
سليمان من سمع كلام ابوه تفكيره على طول راح لزينب وتحديداً صورتها وهي ماسكة ترف بحضنها يوم العيد
"مسفر" ها يبه شقلت راضي
"سليمان" اللي تشوفونه بس مين بنته قلتوا
الجده بفرحه
"الجده " زينب بنت عمك عبدالعزيز
"سليمان "اذا هي راضيه انها تتزوجني بهذا الوضع آنا ما عندي مشكلة
"مسفر " الله يبارك لكم ويكتب لكم اللي فيه الخير

"بيت ابو مشاري "
نازله من الدرج ركض وتصرخ
"هديل" يبه يبه مشاري مشاري
طلعت ام مشاري من المطبخ خايفة على هديل
"ام مشاري " يمه هديل بسم الله عليك شصاير
"هديل" يمه تكفين وين ابوي ولا مشاري ابي اروح لبيت امي هيله نسيت اوراق مهمه هناك
"ام مشاري " الله يهداك يا يمه خرعتيني ووقفتي قلبي من الخرعه
"هديل " سلامتك يالغلا
"ام مشاري " الله يسلمك بس محد منهم موجود "هديل" طيب يمه السواق موجود
"ام مشاري" اي موجود ليش وين بتروحين
"هديل" يعني يمه وين بروح بروح بيت امي هيله علشان الاوراق توني قلت لك
"ام مشاري " والله يمه نسيت انتي بعد مرجوجة المهم اخذي معك وحده من الخدم مو تروحين لحالك مع السواق
"هديل" تمام يمه يالله مع السلامة
راحت هديل ولبسة عبايتها وركبت مع السواق

"بيت ام سعود"
"عمار" يمه يعني مافي الا انا اللي اودي الاغراض لأمي هيله خلي السواق ولا سعود
"ام سعود " اي مافيه الا انت يالله اخذ الاغراض لبيت امي يالله
" عمار" ان شاء الله بس ترا اذا رحت مارح ارجع بنام عندها لاني ما اشوف الطريق قدامي فيني النوم
يالله سلام ..
طلع من البيت وراح لبيت الجده

'الدمام
"بالمستشفى"
"هبه" يالله يبه خلاص خلصت اغراضك مشينا
"خالد " يالله بسم الله وقف ومسك عصاته يستند عليها
قربت منه هبه تسنده بس فجأة انفتح الباب ودخل
"فارس" السلام عليكم اشوا لحقت عليك ياعمي قبل تطلع
قرب من خالد وحب راسه ومسكه يسنده
"خالد" وعليكم السلام هلا فارس
عصبت هبه من تصرفه وقالت بنبرة استفزاز
"هبه" الحين صار عمك اقول بس اطلع برا محنا محتاجين لك وابوي للحين بصحته وعافيته مايحتاج تسنده
"خالد" الله يرضا عليك بس مايحتاج اقدر امشي تسلم
ابتعد فارس ومارد على كلام هبه وطلع خالد و بجنبه هبه و خلفهم طلعوا من المستشفى وجلست هبه تتلفت تدور سيارة السواق بس ماشافته
"خالد" بابا هبه وين سيارة السواق
"هبه" بابا مفروض يكون واقف هنا بس مدري وينه اق منه الحين ادق اشوف وينه
دقت هبه على السواق وصدمها انه للحين بالبيت وان السيارة مو راضيه تشتغل سكرت منه ولفت على ابوها
"هبه" بابا السواق يقول ان السيارة مو راضيه تشتغل ومايقدر يجي الحين بدق على افراح ترسل سواقهم
تقدم فارس اللي كان وراهم وتكلم
"فارس" امش معاي ياعمي هاذي هي سيارتي موجوده انا اوديكم
"خالد" ماعليه يافارس بس مارح اركب معاك اعذرني
"فارس" الصراحه ياعمي انا متفشل منك مررره ومالي وجهه اني اكلمك بعد فعايلي وانا عرفت كل شي من ابوي وجاي اليوم اصلح كل شي بس مثل ما انت شايف المكان مايسمح
هز خالد راسه ومشى ورا فارس بس هبه كانت معانده ووقفت بنفس مكانها وما مشت وراهم لف عليها خالد
"خالد" بابا هبه يالله امشي
"هبه" معليش مارح اركب مع واحد مثله
"خالد" هبه بابا احترمي نفسك وتعالي يالله
لفت وجهها عن ابوها و كتفت يدينها هز راسه خالد وركب لسيارة لف على فارس يوم تكلم
"فارس" تسمحلي ياعم
فهم خالد اللي ناوي عليه فارس وهز راسه بالموافقه ....

•••••••••••••••

"بيت امي هيله "
دخلت هديل للبيت وشافت انه مافي احد فصخت عبايتها وكانت لابسه بنطلون اسود طويل وقميص مدخلته داخل البنطلون ومفتوح عند الصدر وفاتحة شعرها ومسويته ويفي وحاطه ميكب خفيف راحت للمطبخ تدور جدتها بس مالقت احد طلعت من المطبخ وراحت لغرفة جدتها ونفس الشي راحت لغرفة الخدم وسألتهم وقالوا لها انها رايحه تتسوق راحت عند بابا الدرج اللي يوصلها لدورهم ولقته مقفل طلعت من البيت وراحت للمدخل الخاص بالشباب ورقت من الدرج ولقت الباب مفتوح دخلت وراحت لدورهم من هناك ...

عند عمار وقف سيارته واخذ الاغراض اللي جابهم لجدته ونزل دخل وشاف مافي احد بس شاف عبايه مرميه على الكنب ماهتم لها راح للباب اللي سودي لدورهم من داخل البيت ولقاه مقفل قام وطلع رايح لمدخلهم الخاص للجناح كان منزل راسه وماسكة جواله يناظر فجأة سمع صوت احد ينزل بسرعه و يصدم فيه واثنينهم يطيحون من الدرج

•••••••••••••••

نوقف هنا يا حبايبي واذا لقيت أي دعم منكم نزلت البارت الخامس عشر عطوني رايكم بالرواية ✨

"اسفه اذا في اغلاط
"ولاتحرموني من دعمكم محبتكم دلع ♥️