بيت امي هيله 🍃

16

"هبه" يبه انا صدق سمعت كل كلامه بس احس انه يكذب يعني مو صادق بكلامه وانه يبي ينتقم بس بطريقه ثانيه
"خالد" بس بابا هبه هو حلف اكثر من مره شلون رح يكذب وبعدين انا مصدقه ومسامحه حتى مدير اعمالي كلمتي ووضح لي كل شي وان صدق فارس ندم على كل شي وان ابوه قال له الحقيقه وان امه كانت مأثره عليه
"هبه" طيب وش هي الحقيقه اللي انتوا تتكلمون عنها
"خالد" بابا هبه مو هذا المهم المهم الحين انك تقولين لي رايك هل بتكملين معاه باقي حياتك كزوجه ولا تبين الطلاق
"هبه" يبه والله ما ادري صدقني ما ادري هلني افكر بالموضوع اكثر واذا عرفت رايي بالموضوع قلت لك عنه
"خالد" اللي تشوفينه يا بابا يالله روحي ونامي تأخر الوقت
"هبه" تمام يالله تصبح على خير
بعدها طلعت وراحت لغرفتها واتصلت على افراح تقول لها وبحكم ان افراح هي الوحيده اللي تعرف عن موضوع فارس قدرت تفضفض لها وتقول لها بس الا الان ما قالت لها عن موضوع الزواج وانها زوجته

'الرياض
"بيت ابو مشاري "
~بغرفة هديل
"هديل" تكفين دعاء امشي نشوف وضع زينب بعد ما انتشر الخبر
"دعاء" تكفين لا سعود ينتظرني برا ما اقدر اتأخر عليه
"هديل" ترا كلها دقايق يالله
"دعاء" يالله اجل مشينا ترا بخلي اغراضي هنا بعدين ارجع لها
"هديل" اي عادي اميد ان مشاري نايم الحين امشي
طلعوا البنات وراحوا لغرفة زينب وقفوا قدام الباب وهمست هديل لدعاء
"هديل" اسمعي انتي افتحي الباب وادخلي على طول وانا بصور من ورا بحيث اني اصور ردت فعلها تمام
"دعاء" تمام يالله
افتحت دعاء الباب ودخلت وانصدمت من الشخص اللي كان واقف قدامها لفت على طول وركضت لغرفة هديل وهي ميته احراج اما هديل فكانت ميته ضحك تنحنح مشاري بعد ما ضاعت علومه
"زينب" يالمرجوجه انتي وياها ماتعرفون تطقون الباب قبل تدخلون
"هديل" والله ماتوقعت ان مشاري عندك اخ تكفين ردت فعلها تفوووز اخ بطني
"زينب" روحي بس شوفي البنت
"مشاري " عن اذنكم انا بروح انام وطلع
"زينب " تصدقين اني اول مره اشوف مشاري منحرج مسكين كسر خاطري حتى دعاء صارت طماطه
"هديل " اي مررره منحرج امشي نشوف الاخت شصار عليها
راحوا لغرفة هديل وشافوا دعاء لابسه عبايتها وماسكه جوالها
"هديل" وين يالأخت وين
صدت عنها دعاء يعنني زعلانه ولا ردت قربت من زينب وسلمت عليها وطلعت لسعود
"هديل" شفتيها الحيوانه شسوت اخ تقهر
"زينب" ههههه مسكينه والله تلقينها تعمدت تلبس عبايتها علشان مانشوف وجهها
"هديل" ماعليك انا اوريك فيها إلا تعالي صدق الخبر اللي منتشر وغمزت لزينب اما زينب حست بالاحراج وراحت لغرفتها ..

وبكذا انتهى اليوم وعدى مر الأسبوع بدون اي احداث تذكر غير ان فارس للحين ينتظر رد من خالد بخصوص علاقته مع هبه وعدل كل الامور اللي سواها بهدف الانتقام اما باقي العايله كلهم اجتمعوا في بيت واحد
"بيت امي هيله "
بيت يجمعهم على الفرح والحزن و فيه ذكريات ومواقف وزوايا تحكي قصص ...