بيت امي هيله 🍃

3

بالمجلس الخارجي عند الشباب

"عمار"شباب الحين متى بنروح بالضبط لمزرعة خالي خالد
"مشاري"اتوقع الاسبوع الجاي بس ليش تسأل
"عمار" لان عندي سباق مع واحد من الشباب الاسبوع الجاي وماودي يروح علي
"سعود"انت متى بتعقل وتبطل تروح هاذي الاماكن مو كافي قبل كم يوم مطلعك من مركز الشرطه لانك رايح لمكان تجمع ومبلغين عليكم
"عمار" ياخي شسوي واحد حب ينتقم وبلغ وبعدين كان يمديني انحاش بس ماقدرت اخلي خويي واروح
"سعود" واخر شي هو انحاش وانت مسكوك و نِعم الصديق الصراحه اهنيك على خويك
دخل عليهم
"ابراهيم"شباب انتو طالبين قهوا
"مشاري" لا ليش
"ابراهيم" اشوف في مندوب برا وسألني فجيت أسألكم
شوي ويدق جوال "مشاري"
هلا هديل
"هديل" مشاري عادي تجيب الطلب من المندوب برا
"مشاري" طيب يالله وسكر منها
شباب  طلعوا البنات هم اللي طالبين والله مضبطين وضعهم يالله بروح اخذ الطلب
"عمار" ماشاء الله عليهم ليش ما يسألونا يمكن نبي
"ابراهيم" تبي قهوة قم معاي عندي تغطيه الساعه 3 لكفي جديد
"عمار" اخ الناس مقامات والله انا ما اشرب قهاوي انا راعي شاي اخ بس
"ابراهيم" عاد فاتح هنا قريب محل جديد لشاي تخاويني
"سعود" واضح الولد بس يبي ينحاش شفيك هذا هو مطبخ جدتي ادخل سولك شاي
"عمار" صح كلام سعود ليش اروح اطق مشوار على كوب شاهي الحين اروح لمطبخ جدتي اسويلك غوري شاي مافي احلى منه
"ابراهيم" تمام يا ابو شاهي ورنا ابداعاتك
"عمار" ابشر ماطلبت شي
طلع عمار وراح للمطبخ من الباب الخارجي قبل لا يدخل تنحنح "عمار" ياولد طريق
طلعت له وحده من الخدم
"بابا عمار مافي اهد هنا ^اعذروني على التقليد ^~^
دخل عمار وجلس يسوي الشاي على طريقته
••••••••••

عند مشاري استلم الطلب  وراح عند بابا المطبخ الخارجي حطه على الطاوله اللي عند الباب برا المطبخ وكتب لهديل |هديل طلبكم عند الطاوله اللي عند بابا المطبخ برا وراح عند الشباب

اما عند هديل
بنات مين تجي معاي مشاري يقول حط الطلب برا عن بابا المطبخ وحده تجي تساعدني وطلعت وراحت للمطبخ ولحقتها دعاء

عند عمار مستند على الكاونتر وجالس يطقطق مع الخدم فجاة شاف وحده من البنات تدرعم عليه للمطبخ وتنادي بنات وينكم عمار هنا وقفت فيه الدنيا حس على عمره وشاف شلون البنت مو منتبه عليه صد وتنحنح
"عمار" ياولد
هديل كانت داخل بحماس تبي تصور فجأة تسمع صوت خشن وغريب عليها يقول ياولد تجمدت بمكانها وماعرفت شتسوي فجأة تدخل عليها
"دعاء" هديلوه ليش واقفه كذا عمار لما سمع صوت دعاء تنحنح مره ثانيه لفت عليه دعاء وشهقت وحطت يدها على فمها عمممممار
هديل كانت تحت الصدمه متجمده بمكانها وماهي قادره تحرك رجولها دعاء مسكت يد هديل وسحبتها معها برا ورجعت دخلت المطبخ
"دعاء" عمار شتسوي هنا
"عمار" يعني شنو شايفه بيدي وبعدين منو هاذي اللي دخلت علي
"دعاء" وانت شدخلك مين هي اقول بس اطلع خوفت البنت ماهي قادره تتحرك من الصدمه
"عمار" هي اللي داخله عليه انا مالي ذنب بس والله جميله تكفين منو
"دعاء" استح على وجهك ويالله اطلع
"عمار" تقهرين اخذ الشاهي وطلع وراح للمجلس عند الشباب
اما دعاء طلعت من الطبخ ولقت هديل على وضعها
"دعاء" هي خيتو شفيك خلاص راح
"هديل" تكفين دعاء اخوك شافني بدون غطا اخ بموت والله لو درا مشاري ذبحني
"دعاء" هديل حبيبتي عادي هاذي المواقف تصير بين عيال العم لا تتوترين وبعدين عمار مايعرف انتي مين
"هديل" اخ ياربي شلون مانتبهت عليه
"دعاء" ما عليه يالله امشي ناخذ القهوه قبل لا يطب علينا واحد ثاني من عيال عمامي
اخذوا القهوة وراحوا للصاله وجلسوا يصورون ويسولفون وطبعاً هديل ما قالت لاحد عن الموقف اللي صار و حاولت تنسا الموضوع
"زينب" بنات سمعت امي تسولف تو مع عمتي خلود عن مزرعة عمي خالد ويقولون اننا الاسبوع الجاي رح نروح
"هبه" اي ابوي قالي قبل نجي بس ماحبيت اقولكم قبل يكلم امي هيله
"افراح" حماس بنات احس اجواء المزرعة غير عاد هبه مزرعتكم فيها قسمين ولا قسم واحد
"هبه" لا فيها قسمين قسم نساء وقسم رجال بس في مجلس مفتوح على القسمين بس عاد حنى مالنا دخل فيه
"هديل" حلو نقدر ناخذ راحتنا اجل
"جنى" بنات تتوقعون الاجواء هناك حاره ولا بارده
"هبه" لا بارده وخصوصاً بالليل الجو خيال رحت لها مره مع ابوي قبل تخلص وكان الجو يجنن
"دعاء" حلو عاد اشوف ترند التك توك الحين عن الكشتات والبر حنى نسويها بالمزرعة شرايكم
"افراح" تم واي بنات تحمست امسكوني
وبعدها بدت مخططات البنات للمزرعة

عند الجده
"الجده" الا يأم مشاري شخبار اختك اللي توها مسويه عمليه عساها بخير
"ام مشاري" بخير ياخاله الحمد الله الحين حالتها افضل بعد العمليه
"الكل" الحمد الله
"ام سعود" الا يمه الحين ليش اخوي خالد مايتزوج جالس بالبيت لحاله هو وبنته والحين بنته كبرت بكره تتزوج و يفضى عليه البيت
"الجده"  خلود انتي تعرفين خالد وبعدين هذا نصيبه ومثل ماقلتي بنته تتزوج بس مارح يفضى عليه البيت بالعكس رح يصير فيه حس الاطفال والاحفاد
"ام ابراهيم" كبروا بسرعه عيالنا هذا سليمان تزوج ومابقى شي ويصير ابو ياسرع الدنيا
"ام سليمان" اي والله بسرعه كبروا الحمد الله اللي الله بلغنا هالايام وعساها دوم يارب
"الكل"آمييييين

عند الشباب
"عمار" شباب اللي يبي شاي بعد ترا فيه
"ابراهيم" عمور ليش ماتفتح لك محل ترا طعم الشاي حقك بالراس احسن من المحلات اللي اروح اسوق لها
"عمار" علشان تعرف ولد خالتك مو اي احد
"سعود" برهوم لا تكبر راسه علينا
"مشاري" صراحة انا مع ابراهيم بالفكرة واذا تبي دعم وشركاء ترانا بالشوفه
"عمار" عز وربي عز عيال خوالي تسلمون مو بعض الناس بس يحطم
"سعود" احلم يا أخي احلم
"نايف" ماعليك منه عمار كلنا داعمينك
"عمار" خلاص دام نايف شاركنا  اجل ربحانين ربحانين
"نايف" عمار مو لهدرجة عاد لاتخليني اندم اني علقت عليك
"عمار" شفيك شادها ياخوي نمزح نمزح
واستمر الوضع عند الشباب بالشكل بين السوالف والطقطقه...

~بعد اسبوع

• • • • • • • • • •

نوقف هنا يا حبايبي واذا لقيت أي دعم منكم نزلت البارت الرابع عطوني رايكم بالرواية ✨

"اسفه اذا في اغلاط
"ولاتحرموني من دعمكم محبتكم دلع ♥️