بيت امي هيله 🍃

11

الساعه 12:15 ص
في احد الشركات الضخمه
الدور العشرين وتحديداً غرفة المدير
( فارس بن جاسم )

"فارس" بشر يا ... خالد ايش قررت تعطيني بنتك ..
ولا...حلالك
"خالد" رح اعطيك روحي...
"فارس" اللي افهمه من كلامك انك رح تعطيني اللي كسبته بطلعت الروح وهو حلالك ..صح
"خالد"هههه لا مو حلالي رح اعطيك روحي واتمنى انك تكون تستاهل هالروح
"فارس" افا يا خالد ماتوقعتك تبيع بنتك لعدوك
"خالد" اسمع يا فارس هو شي واحد بس ابيك تحط بالك ان بنتي اغلى ما املك بهالدنيا وفلوس الدنيا كلها ماتسوى شي عند ظفرها وصدقني كل اللي تسويه غلط واول شي رح تعرفه ان مابيني وبين ابوك شي بس صدقني لوما غلات بنتي ولا كان عرفت اتصرف معاك بطريقتي ...
بعدها لف وطلع وكان فارس مو مستوعب كلام خالد بس ماحب يعطيه اهميه

•••••••••••••••

"صباح العيد 🎈"
الساعه 9:30 ص ✨

مثل كل عيد مجتمعين على الحب والفرحة
وزادت فرحتهم بجمعتهم

"بالمجلس الخارجي"
الشباب جالسين مع الشياب وابراهيم وعمار يدورون عليهم بالقهوة السعودية والتمر و الماكنتوش ...
"ابراهيم" سعود تكفى صب بدالي
"سعود" اصغر القوم خادمهم انا مالي دخل شوف مشاري
"مشاري" ياحياتي انت عطني عنك رحمتك يالبزر
"ابراهيم" شوف ترا رح اسكت عن كلمتك لانك بتصب بدالي
"سليمان" شباب انا طالع شوي بودي ترف وارجع لا سأل احد عني قولوله بالحمام
"سعود" تمام

طلع سليمان من المجلس وراح عند جهة المطبخ دخل ايده بجيبه يدور جواله بس مالقاه تنهد وكلم نفسه |انا شلون نسيته ياربي | شوي الا تصيح ترف جلس يهزها علشان تسكت شوي ...
" سليمان" خلاص بابا خلاص او او ...
^تخيلوا انه يحاول يسكتها

"عند البنات داخل"
"هديل " بنات ماتوقعت كل هالحريم يجون الحين
"جواهر" اي صادقه مررره كثيرين
"ديما" اي صادقه تعبت وانا اصب لهم
"هبه" بنات تكفون وحده تاخذ مطارة القهوة توديها يعبونها الخدم
"زينب" عطيني انا بروح بعد اشم هوا احس انكتمت
"هبه" تمام امسكي
اخذت زينب المطارات وراحت للمطبخ حطتهم وطلعت وكانت بعيده عن الباب شوي ومعطيه الباب ظهرها شوي الا تسمع صوت ترف تصيح وصوت احد يحاول يسكتها لفت وانصدمت يوم شافت ان سليمان هو اللي ماسك ترف ماوعت الا تشوف سليمان يسكت ويطالع فيها حست بأحراج مو طبيعي ان سليمان يشوفها بكامل زينتها حس سليمان على نفسه يوم شافها منحرجة صد عنها وتكلم ..
"سليمان " اسف مانتبهت ان في احد
"زينب" لا عادي
"سليمان" طيب عادي لو دخلتي تنادين لي افراح
"زينب" اذا على تروفه عطني اياها افراح مشغوله
"سليمان" تمام امسكي مد لها ترف وهو غاض بصره عنها
"زينب" خلاص خلها عندنا
"سليمان" تمام مو مشكله
مشى سليمان على طول ووقفت زينب بمكانها تشوف ظهر سليمان وهو رايح تنهدت ونزلت نظرها لترف و كلمتها
| يازين الزين طلعنا مطقمين بالالوان وحنى ماندري يالله امشي نروح نعيد عند ماما هيله وماما نوال | ودخلت بعدها وهي تلعب ترف بحضنها ..

•••••••••••••••

مر الوقت والحين وقت غيبوبة العيد وطعمها غير اذا كانوا كلهم نايمين بالمجلس مع بعض ...

ناموا كلهم وترف كانت نايمه مع البنات ..

مر اول اسبوع بدون احداث تذكر
الكل رجع لبيته و لشغله

'الدمام
"بيت ابو عبدالرحمن"

جالسة بالحديقة وتابع مسلسلها وبيدها كوب شاي والجو حلو وهدوء ...
قطع جوها دخول ابوها عليها وحالته حاله وملامح وجهه ضايقه فزت من مكانها وراحت له
"هبه " بسم الله عليك يبه شصاير ليش حالتك كذا
"خالد " مافيني الا العافيه يايبه بس شويت ضغوط من الشغل وقلت ارجع للبيت اريح شوي "هبه" يبه شكلك مايطمن روح للمستشفى تكفى صار لك كم يوم مو عاجبني
"خالد" لا تخافين ياعيوني انتي الحين اخذ في بندول وانام لي شوي وان شاء الله مافيني الا العافيه
"هبه" اللي تشوفه بس اذا ما تحسن وضعك رح اخذك بنفسي للمستشفى
وقف خالد وهز راسه لها ومشى لداخل البيت يرتاح شوي "هبه" بينها وبين نفسها تفكر | ابوي من بعد ليلة العيد وهو تعبان انا لازم اعرف شنو يبي فارس من ابوي وليش يبي ينتقم بس ياربي شلون رح اعرف وانا بس اعرف ان اسمه فارس | اخ ياربي

" من بكره الصبح "
قامت هبه بدوي الساعه 7 الصبح تلحق على ابوها قبل يروح الشركة راحت لغرفة ابوها وشافت النور مسكر والغرفة بارده حيييل  خافت على طول وفتحت النور وشافت ابوها الا الان نايم بفراشه حاولت تحركة بس ماكان يعطيها اي ردة فعل حطت يدها على مكان النبض برقبته ويوم شافت ان في نبض ارتاحت شوي رفعت جوالها بيدها المرتجفه ودقت على الاسعاف ...

"الرياض"
"بيت امي هيله"
جالسه لحالها وتسمع للأخبار شوي ويدخل عليها مسفر
"مسفر" السلام عليكم
"الجده" وعليكم السلام هلا يمه مسفر شلونك وشلون العيال عساهم بخير
"مسفر" اي الحمدالله بخير انتي طمنيني عساك بخير بعد العيد والفعاليات
"الجده" والله الحمدالله يمه بس تعرف هالخدم ومشاكلهم بعد العيد والعزايم يرفعون ضغط الواحد بس الحمد الله على كل حال
"مسفر" الحمدالله
"الجده" الا يمه بغيت اقولك تراني لقيت مراه لسليمان
"مسفر" بس يمه انتي عارفه رآي سليمان بالموضوع
"الجده" انت ماعليك خل كل شي علي وصدقني اذا عرف مين البنت اللي بخطبها له مارح يرفض
"مسفر" رمين هي البنت
"الجده" زينب بنت اخوك عبدالعزيز
"مسفر" وش معنى اخترتي له زينب
"الجده " تبي الصراحه زينب تحب ولدك من زمان قبل لا يتزوج منال بس كان حب طفوله وعابر بس بعد وفاة منال لاحظت اهتمامها فيه و بترف يزيد وبعد مافكرت بالوضوع حسيت انها هي الوحيدة اللي تصلح له وهو يصلح لها بعد
"مسفر" والله يمه الموضوع صعب وانا صراحه مابيدي شي اسويه والله يكتب اللي فيه الخير للجميع يارب ...

"مستشفى الدمام"
جالسه وحاطه يدها على قلبها وتدعي لأبوها من دخل محد طلع يطمنها عليه قامت من مكانها وجلست تمشي بالممر شوي ويجي شخص ويوقف قريب منها وكان مشغول بالجوال رفعت نظرها عليه وانصدمت يوم شافته وماعرفت شنو تسوي امس تخطط عليه وشلون توصل له واليوم هو بنفسه جاي لهم رفع نظره من حس ان في احد يطالعه ابتسم من شاف نظراتها عليه وشلون مرتبكه وخايفه على ابوها تقدم لها ونزل راسه عند كتفها وهمس باذنها شي خلاها تنهار بمكانها من الصدمه ...

•••••••••••••••

نوقف هنا يا حبايبي واذا لقيت أي دعم منكم نزلت البارت الثاني عشر عطوني رايكم بالرواية ✨

"اسفه اذا في اغلاط
"ولاتحرموني من دعمكم محبتكم دلع ♥️
••••••••••