بيت امي هيله 🍃

20

وصلت كل السيارات للمنتجع بعد مرور 1 ساعه من زحمة الشوارع المعروفه بالرياض ...

نزل الكل ودخلوا للمنتجع الفخم من الجلسة الخارجية والديكور والترتيب والديزاين كان الكل عاجبه المكان توجهوا الحريم لقسمهم وكذالك الرجال بس في شئ صدمهم ان المسبح مشترك وهذا الشئ كان بالنسبه للبنات محطم لان بيت جدتهم كانت تمنعهم يسبحون خوفاً عليهم فكانوا ناوين يستغلون المنتجع ويسبحون بس هيهات للبنات رح يسوون اللي براسهم بيسونه ...

"بيت فارس"
جالس و صورتها وخوفها ماراح عن باله ابداً  كسر جبروتها عليه ..
"فارس" اجل انا يابنت خالد تتشرطين على ولا بعد الزواج بعد سنتين غير البيت والامور الثانية اللي طلبتيها مارح اخليك تتهنين ونتي تتأمرين علي اذا ماخليت زواجنا بعد شهرين ما اكون فارس ولد جاسم ....

"المنتجع"
عند الشباب
"عمار" شباب شرايكم نروح نسبح بالمسبح
"ابراهيم" لا امي تو مكلمتني تقول البنات راحوا يسبحون فيه
"مشاري"يالله عادي حنى شبعانين من المسابح
"عمار" تكلم عن نفسك مسوي فيها رياضي كل يوم رايح النادي
"مشاري" والله كيفي
"سعود" اقول بس انت وهو بلا مبزره
"عمار" جانا الثاني اقول ترا جوكم بيض كذا لو اني رايح مع الشباب ابرك لي
"ابراهيم" خف علينا ترا تونا جايين ليش مستعجل
"عمار" مدري بس طفشت
بعدها طلع مشاري مع نايف يستكشفون المكان لانه كبير ...

"عند البنات"
"جواهر" بنات يالله اجهزوا
"افراح" نجهز !!  ليش شصاير ؟
"جواهر" مامي كلمت برهوم وقالت له ان المسبح اليوم كله لنا
"ديما" ياخي خالتي مها يبيلها حبه على الراس
"جواهر" يس يس يالله أجل خل نجهز
"هبه" بنات انا مارح اسبح معاكم تعرفون اني ما احب المسبح
"زينب" اجل بخلي تروف عندك
"جواهر" او نسيت لا زيون امي تو ابراهيم قال لها ان سليمان رح ياخذها
"زينب" اوك اجل الحين اخلي الخادمه توديها
"افراح" عطيني تروف انا بوديها
"زينب" تمام امسكي
اخذت افراح ترف وراحت عند الباب الفاصل بين القسمين علشان تعطي سليمان ...
اما البنات كلهم راحوا يتجهزون للمسبح ماعدا بطلتنا اللي كانت بعالم ثاني والهواجيس لاعبه فيها

"هبه"
والافكار مسيطره عليها مو عارفه سبب تسلطها على فارس وليش تعامله بهالشكل صح ان مشكلته مع ابوها بس تحس ان هي السبب ماتدري هل هي تفكر صح ولا لا تحس نفسها ضايعه و بدوامه مالها نهايه ... ابوها سكت عن فارس وما ضره وسامحه بكل بساطه صح ابوها طيب وطيبة العالم كلها في بس ماتوقعت ان بيوم رح يسكت عن موضوع مثل هالموضوع ...

قطع سرحانها صوت حنون هادي حنية الارض مجتمعه فيه ابتسمت لا إرادياً من سمعت هالنبرة من امها واختها و طوايف اهلها ...
"الجده" يمه هبه علامك ليه وجهك اصفر ومنتي على بعضك ...
هبه ماقدرت تسيطر على نفسها على طول حطت راسها بحظن جدتها ودخلت بنوبة بكي مالها نهايه اما الجده فكانت تدري بكل شيء بزواج هبه ومشكلة خالد مع فارس وكل هذا عرفته من خالد اللي ما يخطي خطوه الا وهو معلم امه وشاري رضاها يمكن بعضكم يحس ان ماله داعي بس خالد يحب يخطي خطوته بعد ما يشوف رضا امه ...
بعد مده ...
حست انها ارتاحت تحس بهم كبير بصدرها بس بعد ما فرغت الكبت والكتمان اللي بصدرها حست براحه ...
مسحت الجده على شعرها وقالت لها بنبره حنونه
"الجده" عسى ارتحتي يايمه
رفعت راسها عن حضن جدتها ومسحت دموعها
"هبه" اخ ياجده لو تدرين شكثر كنت محتاجه لهالحضن
"الجده" ياحبي لك يايمه اجل كل يوم تعالي لهالحضن على قولك
"هبه" الله يخليك لنا ولا يحرمنا منك
"الجده" ويخليكم لي ياكل طوايفي واهلي ربي يحفظكم ويفرحني فيكم
"هبه" يمه تدرين باللي صار صح
"الجده" اي يايمه ادري
"هبه" يمه انا ضايعه مو عارفه وش اسوي والله العظيم ما ادري ليه اسوي كل هذا ..
"الجده" يمه انتي تحبين فارس ؟!
انصدمت من سؤال جدتها و الصمت كان جوابها على جدتها ...