بيت امي هيله 🍃

27

مر شهر على ابطالنا ...
احداث صدمت الكل بحصولها ..

'الدمام
"بيت ابو عبدالرحمن "

جالسه بغرفتها وتتأكد من أن اغراضها كلها كامله والدمعه عالقه بعينها رافضه تصديق الخبر اللي كسر ظهرها وخسرت فيه اعز ناسها وسندها تحس نفسها ضايعه بدونه رح تترك البيت اللي احتضنها وعاشت عمرها فيه ما تدري هل رح ترجع له مع عزوتها ولا بدونه ..
سمعت صوت الباب ينطق
🚪طق طق طق
وبنبرة باكيه ردت
"هبه" تفضل
دخلت بخطواتها الثقيله وعصاتها وبنبرة حُب لحفيدتها اللي من ريحة ولدها الغالي ..
"الجده" ها يمه هبه جهزتي كل اغراضك
"هبه" اي ياجده
"الجده" تصبري يا يمه ماتدرين وش مكتوب له والاعمار بيده سبحانه
"هبه" والنعم بالله بس مو قادره يا جده مو قادره حالته ما تطمن ابد
وبدت تبكي قربت منها الجده وحضنتها
"الجده" ماعليه يا يمه ماعليه ربي بيرده سالم لنا ان شاء الله
"هبه" ان شاء الله
رفعت راسها ومسحت دموعها
"الجده" يالله يمه ترا فارس ينتظر تحت
"هبه" تمام ثواني ونازله

>_< يمكن تكونون مستغربين الوضع بس مع الاحداث رح يوضح لكم كل شيء >_<

نزلت تحت وهي ماسكة عبايتها بيدها والخدم نازلين وراها بشناطها شافت الكل مجتمع عندهم بالبيت والحزن طاغي عليهم سلمت على الكل وتسمع توصياتهم عليها
"ام ابراهيم " يمه هبه انتبهي على نفسك واتصلي علي كل يوم وطمنيني عنك وعن اخوي
"هبه" ابشري يمه ما طلبتي شي
"الجده" بحفظ الرحمن يا يمه الله يطمنا على وليدي وانتبهي على نفسك انتي وفارس
"هبه" ابشري يا امي هيله
وحبت راس جدتها وسلمت على الكل وهي تسمع توصيات البنات واللي تهديها واللي تخفي حزنها عنها حتى تهاني وتغريد كانوا موجودين طلعت هبه وشافت عمامها كلهم موجودين ويوصون فارس عليها اللي مرتكز على عصايته يوازن مشيه فيها بعد الكسر اللي برجله قربت منهم وسلمت عليهم وسمعت توصياتهم لها

"ابو سليمان " اسمعين يابوك حنى ان شاء الله بس بنترتب اوضاعنا ورح نجيكم لا تخافين واخوي خالد بأذن الله رح يرجع لنا بصحة وعافية
"هبه" بإذن الله الله يسمعك منك ياعمي

بعدها ودعت الكل وطلعت هي وفارس ركبت السيارة ومشى السايق فيهم للمطار والدموع كانت ماخذه مجراها ومو قادره تصدق الموقف اللي تعيشه بس بسبوع صارت احداث شيبت راسها سندت راسها على الكرسي واستسلمت للأمر الواقع اما فارس فكان كثر ما يقدر يحسسها بالامان معاه رغم صدها له مسك يدها وسحبها لحظنه وهي كانت محتاجه هالحظن ما قدرت تتماسك اكثر وبدا صوتها يعلى من البكي وفارس يمسح على ظهرها ويهمس لها بكلمات تطمنها وتهديها ...

" قبل 5 ايام "
وصل خبر لخالد عن المتسبب بحادث فارس واللي كان مدبر ومخطط من تركي بن رعد حاول يبحث من ورا تركي ويعرف سبب عداوته مع فارس ولقى اثباتات ومخططات على فارس وبنته اللي قطعه من قلبه حاول يتفاهم مع تركي بس تركي كان يوضح الجانب الهادىء من شخصيته وتفاهم مع خالد بس تركي كان تفكيره كله على الانتقام غدر بخالد مثل غدره بفارس بس اضرار خالد كانت كبيره على حياته بسبب حادث بشع جداً ونجى منه خالد بصعوبه بس بأضرار كبيره جداً