بيت امي هيله 🍃

22

شهر مبارك عليكم حبايبي وتقبل الله منا ومنكم صالح الاعمال 🌙✨

اما عند الشباب
ضيفوا يوسف اللي كان جايب اهله صح البيت مو بعيد بس شخصيته تفرض عليه هالشي وكان عند باب بيت امي هيله ' مشاري مع نايف '
بالمجلس ...
"سعود" حيا لله يوسف
"يوسف" الله يحيك
"مشاري" عاد يا يوسف انا كل مره ألمحك وانت طالع بس ولا مرا تقابلنا
"يوسف" والله تعرف الشغل زين اني اشوف أهلي
"سعود" الله يعيك يارب
"يوسف" اللهم امين ..إلا انت يابراهيم اللي اسمع فيك ولا اشوفك
"عمار" او او طلعت معروف يابروهوم وانا مدري
"ابراهيم" لا لا من جدك تتكلم ماتوقعت اني معروف هالكثر
"يوسف" الا والله معروف الربع بالدوام و بالاستراحه دايم يتكلمون عنك
"ابراهيم" والله من قدي اذا معروف هالكثر
واستمرت سوالف الشباب على هالنحو ....

اما الشياب
كانوا جالسين ويسولفون
"ابو سليمان" ماشاء الله يوسف معروف تبارك الرحمن
"ابو عبدالرحمن " والله اني ما اذكره تون اعرفه
"ابو مشاري" لا يا خالد ترا اسمه معروف حتى اغلب اللي يواجهون مشاكل على طول يروحون له لانه عارف شغله زين
"ابو عبدالرحمن " ماشاء الله عليه ربي يوفقه
"ابو سليمان " امين .. لف على نايف وناداه
قرب نايف لابوه
"نايف" سم يبه
"ابو سليمان" يابوك اطلع لغرفتي ورح تلقى ملف بالدرج اللي بجنب راسي جيبه لي
"نايف" ابشر طال عمرك تبي شي ثاني
"ابو سليمان " سلامتك يابوك
طلع نايف من المجلس وراح لمدخل بيت الجده
شاف امه واقفه وتكلم بالجوال اشر لها وجت له
انتظرها لي ماخلصت من مكالمتها
"ام سليمان " هلا يمه نايف شبغيت
"نايف" هلا يمه بس ابوي موصيني على شغله بغرفته يبيني اجيبه له بس لو تسوين لي درب علشان اروح للغرفه
"ام سليمان" محد بجنبك يمه روح البنات كلهم بدورهم فوق
"نايف" زين اجل انا رايح
ومشى للدرج ...

نرجع للبنات بالدور الرابع تحديداً بالصاله ...
"تهاني" اف يابنات تعبت
"ديما" لا يا تهاني ماتوقعتك كذا من رقصتين تعبتي
"تهاني" يالله لعيونك بكمل
"تغريد" بنات يالله طالعوني
كانت ماسكه جوالها تصور فيه قطع عليها التصوير اتصال امها ...
"تغريد" بنات اعذروني برد على امي راحت لباب دور البنات فتحت الباب وطلعت ردت على امها
"تغريد" هلا يمه
"ام يوسف" يمه تغريد تعالي جيبي الهديه اللي جبناها لزينب
"تغريد" بس يمه البنت معنا فوق
"ام يوسف" مو مشكله اذا نزلتوا عطيتها بس انتي جيبيها الحين
"تغريد" ابشري يمه
سكرت من امها ودخلت على البنات وشافت بوجهها افراح مسكته وراحت بزاويه تسألها
"تغريد" فروح تنزلين معي امي تبي اعطها شغله
"افراح" والله ودي ياقلبي بس تراك من اهل البيت ومافي احد تقدرين تروحين لحالك
"تغريد" يعني مافي احد صح
"افراح" اي ياقلبي وكان ودي الصراحه انزل بس انتي شايفه وش لابسه
"تغريد" هههه لا لا خلاص لا تنزلين اخاف تفضحينا على هاللبس
"افراح" استري على ما واجهتي ياقلبي
"تغريد" ههههه تمام يالله انا رايحه
طلعت وهي نازله كانت تتأمل الادوار وكيف تصميمها ما نتبهت الا وهي تصدم بظهر شخص