بيت امي هيله 🍃

36...37

الساعه 2:30 🕝

"بيت امي هيله 🍃"

تحديداً قسم البنات وكانوا كلهم متجمعين بغرفة
هبه اللي فاقدينها بسهرتهم ...

"افراح" اف الصراحه ما توقعت اني رح افقد هبون هالكثر يعني يوم تزوجت تزيون ما فقدتها كثر ما فقدت هبون الكلبه اففف مررره فقدتها
"ديما" تصدقين على كثر ما استانست بعرسها الا اني احس باقي في طاقه ما فرغتها
"جواهر" اقول بنات تخيلوا صارت سالفه لي اخخخخ الصراحه كرهت نفسي من بعدها
"دعاء" وش هي لا يكون وحده صورتك وانتي ما تدرين
"جواهر" ياليت
"هديل" لا لا شافك احد من الشباب
< هنا كل الانظار توجهت لوجه جواهر اللي حمر من الاحراج
"جواهر" مشكلتي اني ما اعرف اخبي عليكم وقد قلت لكم ان واحد من الشباب شافني
"افراح" طيب اللي نعرفه ان نواف شافك ولا في احد ثاني غيره
"جواهر"  لا هو الوحيد اللي شافني وتخيلوا اليوم بعد شافني يا بنات والله اني ندمت ندم عمري يوم رحت له
"دعاء" اف لهدرجة
"جواهر" واكثر بعد تخيلوا يا بنات ان قال لي بيتين شعر
"افراح" *شهقت* امانه نوافوه يعرف يقول شعر
"جواهر" اي تخيلي والله صدمني يوم قال لي والله يابنات من كثر الاحراج كان ودي اضربه كف بس ماقدرت
"هديل" اف بس اتخيل شكلك واحد خاق عليك ويقول لك شعر وانتي تعطينه كف ههههه تحفه
"جواهر" اف منك هدول
"دعاء" ههههه تكفين انتي تهونين على الاقل مو نفس تهاني
"جواهر" ليه وش فيها تهاني
"ديما" تخيلي كانت واقف معنا تستقبل الحريم تمام المهم تخيلي وقفت عندها حرمه وتمسكت بيدها ورفضت تفك يد تهاني ..

< فلاش باك للحدث 😴

عند البوابة كانوا الحريم والجده واقفين يستقبلون الضيوف ووقفوا معاهم تهاني و ديما وافراح وهديل وجواهر ...

"ام ابراهيم " يمه جواهر وين الهدية اللي قلت لك عليها
"جواهر" اي يمه كنت بنزلها بس نسيتها من العجله اللي فيني و تركتها بسيارة ابراهيم
"ام ابراهيم" الله يصلحك بس اجل بتصل على ابراهيم وانتي روحي اخذي الهدية
"جواهر" اوك مام
بعدها راحت جواهر ...
اما البنات استمروا بالاستقبال شوي وتجي لهم حرمه ...
"الجده" هلا و غلا وشلونك يام فاهد
"ام فاهد" ياهلا والله وشلونك يام مسفر طمنينا عنك
"الجده" بخير جعلك بخير انتي وشلونك وشلون ولدك فاهد
"ام فاهد" والله الحمد لله و اليوم جايه ادور له عروس
"الجده" ماشاء الله اجل اخليك وأي شيء تبينه ابد تعالي لي
"ام فاهد"  ماقصرتي والله

كملت ام فاهد السلام على الحريم الكبار ووقفت مصدومه عند ام يوسف
"ام فاهد" لا لا ام يوسف
"ام يوسف" عفواً بس مين انتي والله ماعرفتك
"ام فاهد" لا يأم يوسف ماهقيتها منك انا جارتكم ام فاهد اللي قبل 8 سنين نقلت من جمبكم
"ام يوسف " ياهلا ياهلا وشلونك ياوخيتي بشريني عنك وينك قطعتي ولا سمعنا حسك
"ام فاهد" والله مشاغل الدنيا وانتي طمنيني عنك وعن البنيات والشباب عساهم بخير
"ام يوسف" والله الكل بخير الحمدلله وانتي وشلونه فاهد
"ام فاهد " والله بخير واليوم جايه ادور له عروسه
"ام يوسف" ماشاء الله ربي يوفقه ويسخر له
"ام فاهد" الا وين بناتك تهاني وتغريد اسلم عليهم
والله شوفيهم هناك هاذي تهاني ام فستان اصفر
وتغريد ام فستان وردي شوفيها على المنصه ترقص
"ام فاهد" ماشاء الله عليهم كبروا وصاروا عرايس ربي يحفظهم
"ام يوسف " تسلمين والله
"ام فاهد" يالله اجل انا اخليك الحين وارجع لك مره ثانية
"ام يوسف" اخذي راحتك