بيت امي هيله 🍃

9

مر الاسبوع بالمح البصر بالنسبه لزينب اللي كانت كل يوم قبل الفجر تدعي ان الله يدلها على صواب وصلت استخاره وحست براحه بس كان في خوف من الخطوه اللي بتخطيها بس توكلت على الله واتخذت قرار نهائي وقررت بعد الفطور تقول قرارها لجدتها ...

•••••••••••••••

مكان اول مره نزوره
"بيت جاسم "
"جاسم" ممكن اعرف انت ليه رحت له و ليش من الاساس تروح وتدور عنه هو باب وتسكر من 10 سنين ليه تروح من وراي وتتصرف هالتصرفات
"فارس" بصراخ مارح اسكت وانا اشوف شلون امي شلون طايحة من اكثر من 9 سنين وانا توني اعرف السبب بكل اللي صار لها هو خالد شلون تبيني اسكت وما اخذ حق امي
"جاسم" ومين قالك ان اللي امك فيه من خالد امك هي اللي وصلت نفسها لهاذي الحاله
"فارس" يبه انا مو طفل ابو 6 سنين تقص علي بكلمتين جدتي قالت لي كل شي
"جاسم" امك وجدتك مايعرفون شي صدقني
"فارس" طيب قول لي وش اللي مايعرفونه
"جاسم" مو من حقك تعرفه بس اللي ابيك تعرفه ان خالد ماله شغل بأي شي يخص امك رح صلح اللي سويته قبل لا ينقلب الموضوع عليك
"فارس" مارح اصلح شي ورح اسوي اللي ابيه وطلع من البيت وهو منفعل ركب سيارته وراح لمكان يفرغ فيه انفعاله ...

^.^
نعرفكم على بيت جاسم

"ابو فارس< جاسم "
انسان قاسي ويحب الفلوس بس ظروف الزمن عيرته وكسرته بزوجته وبأعز اصدقائه وما كشف الموضوع الا من 9 سنين والسبب زوجته وامها

~رح تعرفون السالفه بعدين^•*

"فارس"
انسان قاسي بشكل غريب غامض لابعد درجه اللي يبيه يسويه ومايرد لاحد خبر انكسر قلبه من وضع امه وحب ينتقم بس للأسف انتقامه من ناس ماتعرف معنى الانتقام بس هي امه ومايقدر يسكت وهو يشوف الحاله اللي وصلت لها والانتقام عامي عينه عن الحقيقه وما يسمع لابوه بس مفتخر بأسمه عمره 28

^.^

الساعه 3:30 م بالمطبخ

"دعاء" ياخي امي هيله تفوز شمعنى اليوم الفطور علينا
"هديل" ههههه حبيبتي يعني شمعناها معناها تبي تقول لاني وعماتي سالفه و ماتبينا نسمعها
"زينب" لا ياذكيه انتي وياها بس لان جدتي وامي وخلاتي تعبوا فقرروا اننا حنى اللي نطبخ الفطور واحسن شي ان الشباب والشياب معزومين
"هبه" اقول بنات الحين انا بسوي باستا وافراح الشوربات وزينب المقالي مع الكبسه وش نسوي بعد
"ديما" انا علي العصيرات
"هديل" انا بسوي حلى
"دعاء" خلاص ترتيب السفره علي
"هبه" دعاء صراحه كلفتي على نفسك
"دعاء" مدري يختي ما احب المطبخ
"جواهر " طيب وانا وش اسوي
"افراح" انتي ياحبيبتي رح تسوين قهوة والشاي
"جواهر " اوكي تمام
وبدوا البنات يشوفون شغلهم

مر الوقت وصارت الساعه 6:00
"هبه" بنات خلاص ما اقدر انا بروح اتروش دام اني خلصت
"دعاء" يالله بنات وين المويه
"ديما" شوفيه عندك
"دعاء" او مانتبهت
"هديل" تأثير الصيام
"افراح " بنات انا خلصت بروح اتروش
دخلت زينب
"زينب " باقي شي ولا خلاص
"جواهر " لا خلصنا
"زينب " خلاص اجل اللي بتروح تتروش وتروح
"هديل" اي والله لازم قبل لا يأذن بس ماشاء الله عليك مضبطه وضعك تروشتي قبلنا
"زينب" اي خلصت قلي ورحت تروشت
"جواهر " يالله اجل مشينا طلعوا كل البنات وراحوا لغرفهم يجهزون قبل الاذان طلعت زينب وراحت لغرفة الطعام الخاصه بالحريم
"زينب" السلام عليكم
"الكل" السلام عليكم
"الجده" هلا يمه يعطيكم العافيه
"زينب" الله يعافيك
"ام مشاري" الا وينهم البنات فجأة ختفوا
"زينب" راحوا يتروشون ويجون
"ام سعود" الله يعطيهم العافيه والله الاكل يفتح النفس
"ام ابراهيم" بس ياوخيتي لا تحكمين اذا اذن وذقنا الاكل احكمي
"ام مشاري" لا انا متأكده ان بناتنا سنعات
"ام سليمان" اي والله يافاطمه سنعات
"الجده" يالله اذن سموا
بعدها بشوي بدون البنات يدخلون ورا بعض وفطروا ....

^بعد الفطور
راحت زينب لجدتها بالغرفه ولقتها تصلي ...
بعد دقايق خلصت صلاة وسلمت لفت على زينب
"الجده" هلا يمه زينب بغيتي شي
"زينب" يمه هيله انا ... سكتت شوي بعدها كملت
انا قررت اني اكون ام لترف وزوجه لسليمان بس ...
ما ابيك تفتحين الموضوع الحين ابيك تكلمينه بعد العيد بفتره
"الجده" اللي تبينه يمه وزين ماخترتي عسى الله يوفقك ويسخر لك
"زينب" تسلمين يمه واعذريني بروح اصلي
وطلعت بسرعه قبل لا تتكلم جدتها

•••••••••••••••

عند الشباب
توهم طالعين من العزيمه وكانوا كلهم بسياره وحده راجعين الشباب مع يعود والشياب مع سليمان
"مشاري" شباب الحمد الله اننا معزومين اليوم ولا كان تسممنا
"عمار" ليش
"مشاري" اليوم اللي طابخين الفطور هم البنات
"ابراهيم"الحمد الله ان الله سلمنا والله يعدي ام امهتنا الشر
"سعود"وانت للحين ماطلعت من قروبهم
"عمار" ياحبيبي مشاري مبسوط تلقاه ماصدق انهم مدخلينه
"مشاري" والله ياشباب ماتوقعت انهم كذا تخيلو بالدقيقة يتكلمون عن الف موضوع وهديل الغبيه مو منتبهه اني معهم
" ابراهيم" علشان كذا 24 ساعه ماسك جوالك
"مشاري" تبي الصراحه والله انهم يغيرون جوي مررره
"عمار" والله انك فاضي شباب ابي انام
"سعود" والله الحال عند بعضه يا عمار شكلنا نصلي وننام
"ابراهيم" انا عندي تغطيه بكفي جديد مين يخاوي
"مشاري" انا فاضي ماعندي شي بس متى بتروح
"ابراهيم" بعد الصلاة على طول
"مشاري" تمام حلو
"سعود" انا مو معاكم
"عمار" حتى انا
"ابراهيم" براحتكم.

••••••••••••••••••••

"بيت فارس"

جالس قدام مكتبه ويكلم مدير اعماله بدر
"فارس" شصار على خالد مارد عليك
"بدر"لا طال عمرك للحين منتظرين رده
"فارس" ارسل له ليلة العيد الوعد يا يعطيني بنته
يا املاكه وهو حر
"بدر" ابشر طال عمرك تامر على شي ثاني
"فارس" لا خلاص تقدر تروح
طلع بدر من مكتبه مد ايده على درج مكتبه فتح القفل بالمفتاح وطلع صور وجاس يتأمها ويكلم نفسه | قريب الوعد قريب ورح اخذ حقي |

——————————
نوقف هنا اعذروني هذا اخر بارت بنزله اليوم لاني بسافر وان شاء الله بكره رح انزل لكم البارتات

"اسفه اذا في اغلاط
"ولاتحرموني من دعمكم محبتكم دلع ♥️