وتظن أنّ هذا الهم لن يزول من شّدة ثقله على قلبك، ثم يُدهشك الله برحمته 🤍
ابتسم الجد محسن ؛ صح لسانك ي بنيتي
ابتسمت وهي قاعده ؛ وينهن ضيوفكم
الجد محسن : سير ربي دربهم
الجد ناظر لدياب السرحان ؛ وش فيك ساج( سرحان )
دياب : مابوه شي
خالد : وينهم البنات
اصايل ؛ فوق اضن الظيوف راحو بشوف لك الطريق
دخلت وماشافت احد ونادت البنات قريب من الباب : تراهن واقفين عند الباب
قام خالد وهو يسلم يحبهم وكما ذكرت هم عقيم ونوف زوجته يحبون عيال الباقين يتعبرونهم عيالهم الا ماجو
اصايل ناظرتهم وهي مبتسمه
الجذ : قومو نامو ورانا ردح بكره
اليوم الثاني ........
الساعه ٥ الفجر الله واكــــبر الله واكبــــر حي على الصلاه وحي على الفلاح
قامت على دق الباب وعلى صوت الاذان قامت وفتحت الباب وكانت الجده جميله :وراتس نايمه قومي صلي ويلا على المطبخ
اصايل وهي فيها النوم : ابشري
راحت الجده تصحي الكل
راحت اصايل توضت وصلت ونزلت تحت وشافتهم كلهم كانت غرام تخبز دقيقه وجنبها هديل تساعدها والهنوف وريم يسون الفطور وفايزه مع مرزوقه قاعدين مع الجده طلعت برا وهي تشوف دياب وحمد يعلقون لمبات لان العزيمه اليوم وهي حريم ورجال ابتسمت ونظرتهم ؛ صباح الخير
حمد ابتسم وفك السلم؛ صبحتس الله بالخير
دياب تمسك بالجدار لانه كان بيطح يوم حمد فك السلم ؛ مستعجل على اجلي
ضحكت اصايل : وركم كذا من صباح رب تبون فطور
دياب : اي والله
بلحظه ذي دخل الجد محسن ومعه خالد ومنصور : السلام عليكم
الكل : وعليكم السلام
منصور ؛ اصايل تعالي خذي جبت حليب ناقه
شالته اصايل
خالد : سخنيه عشان ينظف ثم حطيه لنا بعد الفطور
اصايل : ابشر
دخلت اصايل وهي تعطي امها الحليب
غرام : ي جده خلصت الدقيق
هديل وهي تقعد : والله عيب بتزوج وانتو كذا تسون بي
قعدو البنات كلهم ماعاد سلملى الا ودت الفطور لـ العيال برا
اصايل ؛ يمه عطيني شاي
جميله مدت لها الشاي؛ اقولكم عمتكم زوجه صقر اليوم بتجي
اصايل كشرت : وش جابه ام سيقان
ريم ضربته ؛ استحي على وجهتس مره كبيره وتقولين كذا
غرام فطست ضحك
اصايل ؛ اي انا استحي بس هي علامها ما تستحي
فايزه ؛ وش مسوي لتس المره
اصايل تركت الخبز : ولا شي انا صارتها انا رايحه حق الحلال
قامت وشالت عبايتها ولبستها
فايزه ؛ هو انا قلنا شي غلط
جميله بقهر : هالبنت مايكسر راسها الا عصاتي
غرام وهي تترك الشاي ؛ انا بهج وراه
جميله : لا تطولون
شالته عبايتها وطلعت ورا اصايل الا وقفت تكلم ابوها : بروح يبه صوب الحلال
محسن ؛ وش موديك هناك
اصايل : وش اتنفس يبه
محسن ؛ دياب قم معاهم
طلعت اصايل وطلعت هديل مسكت يدها : وش وراتس تسذي تقلبين وجهتس كل ماجابو طاري عمتس
اصايل : ماحبهم شسوي
بلحظه ذي طلع رائد شافه دياب : السلام عليكم
رائد بصوت جمهوري ؛ وعليكم السلام
اقتشعر جسم اصايل من اسمه لفت هي وغرام ناظرته كان لبس ثوب ومسوي عمامه وبيدها شي واضح حقت الصقر وبيدها الثانيه عصا كان اسمر ماهو ذاك السمر سمر الشمس وجسمه عريض لا ضحك بانت غمزاته
لفت اصايل وسحبت غرام ؛ شعلينا منهم امشي انتي بعد
رائد ؛ طيرت الصقر وماجاء للحين
دياب استغرب ؛ صفرت له
رائد ؛ اي هذي صفراته
صفر رائد ومافاد
دياب ؛ صفر بفمك افضل من ذا
رائد ؛ ماعرف
دياب : ولا انا بس عمتي صبر
مشى عند غرام و اصايل ناظر لغرام بعدين شال نظره ؛ عمه عادي تصفرين
اصايل ؛ انهبلت اصفر هنا
دياب ؛ اي جارنا مضيع صقره
ناظرته اصايل ؛ طيب مو هنا امش قرب حلال ابوي
دياب : بقله دقايق
راح بلغ رائد ومشو مع بعض قدام البنات ورا العيال
غرام ناظرت اصايل الا سكاته بس كانت تسمع شهقاتها ودها تتكلم بس عارفه مارح يفيد شي لقت تناظر بدياب الا يسالف وكانها تبي يساعدها بس و
ماشافها سكتت ومشت معها وصلو المزرعه بعد لحظات ( المزرعه بنفس القريه هناك حلالهم )
دياب : ها عميمه
اصايل مسحت دموعها من تحت جلابها: الحين
وقفت ورفعت راسها كانت لبسه عبايتها وجلابيات وصفرت كان رائد واقف يناظر مافاد التصفير الاول رجعت صفرت بعد ثواني سمعو صوت الصقر رجعت صفرت اقو ثواني وهبط الصقر على يدها ابتسمت ومسحت على راسه ومدت لدياب انصدم رائد هو من الصبح يحاول ودي بثواني جابته مد دياب له صقر : وش سميته
رائد : سراب
دياب : سراب العين
ضحك رائد عليه
دياب : يلا نهج يم العزبه بالمزرعه هنيا
رائد وهو يناظر سراب ؛ ماعندي مانع
مشو وخلو البنات
مشت اصايل وخربت عبايتها بم انو رائد راح والمزرعه مسكره طلعت خيله سحبه مشت جنبها غرام وهي تطلع خيلها رضوى ركبت اصايل على سحبه وتلثمت وركبت غرام على رضوى وتلثمت
غرام ؛ وين تبينا نهج يمه
اصايل : المزرعه كلها بطلعن مكبوت قلبي ي غرام
غرام وهي تمسك سراج الحبل حق الخيل ؛ لتس مابغيتي
وفعلا بدون يتسابقون كانت سرعه اصايل اكثر والدموع بعينها ماهي عارفه وين تروح وهي تمشي كان يجي بيت شعر براسها: حين تطيلُ التّأمل في وردةٍ جرَحَتْ حائطاً، وتقول لنفسكَ: لي أملٌ في الشّفاء من الرّمل يخضرّ قلبُكَ حين تعُدُّ النّجوم، وتخطئ بعدَ الثّلاثة عشر، وتنعس كالطفلِ في زرقة الليلِ يبيضّ قلبُكَ حين تسير ولا تجد الحلم يمشي أمامك كالظلِّ يصفرّ قلبُكَ!
وقفت الخيل ونزلت ومسحت دموعها دخلتها السراج وطلعت خذت عبايتها :نكسنا البيت
غرام : اي
مشت وشافهم دياب وقام : بوصل الاهل البيت
رائد : يجي معك بروح البيت انا بعد
مشى وبعد ثواني وصلو البيت
دخلت اصايل وهي تشوف الجده جميله قاعده ؛ السلام عليكم
الجده فزت ؛ وينتس انتي طيحتي قلبي
اصايل ؛ عند الحلال
تربعت غرام جنب الهنوف الا كانت تحش هي وسلمى ؛ ذنوبنكن ملن صفحتكن
الهنوف ؛ سلمى تبي تتزوج
غرام : تتزوجه وراه قاعده
سلملى : من كثر الرجاجيل صافين عند الباب
ضحكت اصايل : اي رحمت اخوتس كل يوم يرد واحد
سلملى : اذ تزوجتي بعطيه الضوء واستقبل
ضحكت اصايل ؛ بعد زواجتس اتزوج
فايزه : يلا بنات قومو نجهز
العصر
اصايل وهي تفرش الفرشات :يـ فايزههه ابوي يبي الصواني
فايزه:هديل تعالي شيليها
الهنوف كانت قاعده تنظف المجلس
وغرام واقفه تساعد اصايل فجاه دق الباب : ي مره
عرفو انو دياب : تجي وحده تشيل الاغراض
شافت غرام الكل مشغول مشت هي ونزلت الغطوه على وجه ومدت يدها من ورا الباب : هات الاغراض
عرفها دياب ؛ الاغراض كثير وصعب تاخذيهم لحالتس افتحي الباب بنزل الاغراض
فتحت الباب ونزل الاغراض كانت كراتين مويه وخير ناظرته ؛ خلاص
دياب : اي
غرام ؛ كثر الله خيرك
سكرت الباب ومشت تدخل الكراتين
اما دياب واقف يناظر ويتذكر يدننها والذهب الا كانت لبسته ضحك بخفه ومشى لبيت الشعر دخل وهو يشوف الجد يهاوش العمال ومنصور يكنس الخيمه وخالد ماسك حمد يهزء فيه ضحك وراح عند عمه منصور يساعده
***********
كان طالع وقفته ترف: رائد رائد
ناظرها ؛ هلا بتس علامتس
ترف ؛ وديني عند اصايل خايفه اروح لحالي وامي مسويه صينه حلا بوديها لهم وريوف نايمه
ضحك رائد ؛ كل ذا الصراخ عشان تسذي امشي
مشت وهو معه ناظرته : صدق انت سميت اصايل
ناظرهه ؛ اي سميته يوم كان عمري ٨ ليه
ترف : قصه حب جميله
رائد ؛ اعتبره اخت صغيره بس انتي عارفه البنت صغيره
ترف : بس انت عارف انها مخيره لك
رائد ؛ بس مابي من الديره انا
ترف ؛ ابي من بنات الرياض
رائد ؛ مدري لا تسالين هانا وصلنا
بلحظه ذي انتفح الباب وطلع حمد الا يهرب
دخلت ترف وهي تضحك
ورائد مسك حمد ؛ وين بتطير
حمد ضحك وقام وهو يحك راسه طلع من جيبه قطعتين تمر ؛ تبي ترا ضحيت بحياتي عشانه
ضحك رائد ؛لا بالعافيه عليك
حمد وهو ياكل ؛ الله يعافيك
*******
عند البنات
اصايل ؛ وراه هالسلب مارره شين مير اوريه انا
هديل ضحكت :اهدي ماعليتس منه
الهنوف ؛ اقولكم امشو نتجهز
غرام شافت ترف سحبتها ؛ امشي معنا
ترف ؛ بتكشخ بالبيت
غرام: وش تحكشخ امشي معنا بس
طلعو فوق وكل وحده تطلع ذهبها وجلابييتها
الهنوف : اصايل غني لنا واحنا نتكشخ
اصايل وهي تقعد وتفتح ظفيرتها : ياوقتنا طَيَّب ونا أَدْرِي ولاكن
ماراح مِنْ عُمْرِي كَثُر مابقالي
ظنيت خَيْرٌ فَمَنْ اسائوا بِي الظَّنَّ
وَلِأَيّ مَا مِنْهُمْ بَدَأ مابدالي
قامو الكل يغني معها ماعاد ترف لانها مو عارفه كلمات الاغنيه ؛ أَنَا مِنِّي بِمَن واحارب الْمَنّ
لَكِنْ أَنَا أُغْنِي واهوجس وَلَا لِي
دَائِمٌ ونا أَضْحَك للصواديف لَا جِنٌّ
لَئِن اللَّيَالِيِ السُّودِ بلشت بِحَالِي
سلملى قامت ترقص بشعرها وتضحك
وغرام تصفق ؛ عشتي عشتي
ضحكو الكل
قعدت سلمى قدام ترف ؛ فكي شوشتي
ابتسمت ترف وهي تفتح شعر سلمى
وهديل كانت تلبس ذهبها
والهنوف تربط الحبل لجلبيت هديل
دخلت نوف ؛ السلام عليكم بنات
الكل وعليكم السلام
مشت وضمت هديل ؛ مبروك ي عروسه
هديل ضحكت ؛ الله يبارك فيك مسرع انتشر الخبر
نوف وهي تضم باقي البنات ؛ لانهم حدوو عرسك بعد اسبوع
الكل: صدق
نوف ؛ اي
قامو البنات يزغرطون
اصايل قامت ترقص وتهز شعرها ؛ لا اله الا الله
قامت الهنوف وهي ترقص جنبها وتلعب بطرحه :ومحمد رسول الله
قامت سلمى ؛ وعليكم مبارك وعليكم مبارك
دخلت مرزوقه ومريم ضحكو وهم يشوفون البنات قامو يصفقون
سلملى سحبت ترف : قومي
قامت ترف وصارت ترقص معاهم
اصايل ؛ ولا الله الا الله
الكل ؛ محمد رسول الله
الهنوف ؛ وعليكم مبارك
مريم : لوليشششش
اصايل : اذكر الله ثم صلي على النبي
**************
دياب كان واقف يشوفن هم يقطعون لحم ورائد معه وحمد ناظر لحمد:جبت العرضه
حمد : اي جبت مدري جدي وش يبي بهم هي عزيمه مو عرس
دياب : ماتعرف جدي
ناظر لرجال ؛ خلصت الذبيحه ولا وش
الرجل : اي
حمد : امش توديها المطعم
*********
بليل امتل بيت الشعر بالرجال والبيت بالحريم
حمد و
كان يصب القهوه ودياب ورائد عند الباب يقلطون الرجال
حمد مشى عندهم ؛ تكسرت وانا امد ولساني تشنج افضل زاد فضلك
ضحك رائد عليه
جاء رجال وراح حمد يقويهم
قام الجد محسن : السلام عليكم ي رجال ش
الكل وعليكم السلام
الجد محسن ؛ اليوم جمعتكم تحت شرف عيالي الا رجعو والجد عيسى واحفاده انورت نجد بكم
قام الجد عيسى ؛ تسلم وهذا من طيب اصلك يابو خالد ومعروف اصلك من زمان والا مايعرفك يجهل الله ينعم عليك ويزد فضلك
قعدو
الجد محسن ؛ يحمد العرضه
حمد ؛ جاو ها
بدو يجهزون الطبله
*************
اصايل كانت تصب القهوه تحت التسمي عليها والمدح فيها
وسملى توزع التمر
وهديل تمر بالبخور
والهنوف تساعد عماتها
دخلت غاليه وريوف انصدمت ريوف من شافت ترف كانت لبسه جلابيه وطرحت شفافه وفاتحها شعرها وكانت من بنات الديره : يمه تهبلين
ضحكت ترف : اي ياويلي حالي
ريوف ؛ انتي توامي
ترف ؛ انتي توامتس بلاتس نسيتني
ضحكت ريوف ؛ يزين لهجه نجد بلسانك
ضحكت ترف ؛ يبعد خاطري استحي استحي
دخلو يسلمون وجلسو البنات جنب بعض
سلمى : اقولكم شكلهم يجهزون حق العرضه تكفون بشوفها
الهنوف ؛ انا اقول ننحاش السطح نشوفهم
اصايل : عشان تسري علينا امي صح
غرام : تكفين خليني نروح
ريوف : اي واضح وناسه
اصايل ؛ انسحبو وحده وحده
باستها غرام بخدها : يحلو عميمه
قامت وكل وحده تنسحب لين تجمعو فوق دخلت اصايل وكانت اخره وده : يارب مايسمكونا بس
شافت البنات كلهم فوق شي الا فوق دولاب ولا فوق دبه مويه يناظرون للعرضه الهنوف : تعالي شوفي لا يفوتس
جت وشافتهم وكانو يتجهون للعرضه
******^*****
مشى دياب وشال السيف وربط الشماغ على شكل عمامه
وقام الجد محسن وجنبه الجد عيسى وبعدها الشيبان واخر الصف كان دياب وجنبه حمد ورائد ماسكين السيوف ولفين عمامه على راسهم وبنص كان السامري وبدا يغني :
نجد شامت لبو تركي وأخذها شيخنا
واخمرت عشاقها عقب لطم خشومها
لا بكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيفنا
والطيور الحامية جادعين لحومها
صعبة أفعالنا لابغاها غيرنا
انفصل رائد عن الصف ومش بنص ومشو مع دياب وخمد وكملو الكل يغني : وكلمة التوحيد حنا عمار رسومها
حنا هل العوجا نها الملاقى عيدنا
والجزيرة كلها مدبين قرومها
لابتي عوج المراكيض هذا سوقنا
بيعوا الارواح في الهوش باول رسومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها
وقفو الكل رجع الجد عيسى ومحسن ونص الشيبان
***********
الهنوف ؛ يجننن عرضهم
سلمى ؛ انا بتزوج من الشيبان هناك رقصهم يجنن
ضربتها اصايل : استحي على وجهتس وجهتس ممسوح بمرق انتي
ضحكت هديل ؛ تبين ازوجتس اخو زوجي
سلمى ؛ اي تكفين
وشردت قبل تضربها اصايل
اما غرام كانت شارده بدياب وترف شردت بحمد
ريوف ضحكت ؛ اصول شوفي الا سمك
اصايل وهي تشوف وهي تاشر ؛ قطيعه لا جمال ولا شي
ريوف ضربتها ؛ ترا اخوي
اصايل ؛ يويلي حالي وراتس ماقلتي ساكته
ريوف ؛ زعلت منك
اصايل : افا كل شي الا زعلتس والله انه عين العقل اذ ماهو متزوج زوجيني ايه
سلمى ؛ من متى المره تخطب الرجال استحي على وجهتس ي عميمه
ناظرته ريوف بصدمه يعني ماتدري انها مخيره لخوي
اصايل ؛ كله الرجال سواسيه سلاب اقول مشينا
الهنوف ؛ بدو بالعرضه مره ثانيه
****************
حمد وقف جنب السماري (الا يعني السماري )
ورائد واقف قدامه ومعه دياب ونص شيبان الديره
وبدو يغنون كلهم : لو ذبحني يا عوض عادي
من يحاسب يا عوض خلة
من يحاسب ياعوض خلة
يا عوض هو غايت مرادي( حركو السيوف يرقصون )
يا تبسم والشعر فلة
يا تبسم والشعر فلة
عزتي لمن مثلي يدادي
وسط بقعاء ساكنً خلة
وسط بقعاء ساكنً خلة
ليتني وياة في وادي
والغيوم من فوقنا مظلة
والغيوم من فوقنا مظلة
عزتي لمن مثلي يدادي
وسط بقعاء ساكنً خلة
وسط بقعاء ساكنً خلة
ليتني وياة في وادي
والغيوم من فوقنا مظلة
والغيوم من فوقنا مظلة
خلص السماري
حمد : انا تعبت بروح اكمل صب لرجال جاو جداد
رائد ؛ وانا بعد بوزع معك
دياب ؛ لا تتركوني والله جدي لا محطني بالعصا يقول وراك مامشيت بالعرضه
حمد ؛ تحمل ماجاك
مشى وتركو دياب يكمل رقص معاهم
غافل عن عيون العاشقه الا تشوفه
***********
اصايل : خلاص امشن ننزل اكيد فقددونا
نزلو البنات وقامت اصايل تصب القهوه وصلت عند ام راشد صبت لها بدون نفس ومدت الكاس
ناظرته ام راشد وسكتت بعد ماصبت القهوه دخلت وهي تنفخ بوجه ماتبي تبكي وقفت وهي تسوي القهوه دخلت غرام ؛ اصوله خلصتي القهوه
اصايل ؛ هاني هاني ثواني اخلصها
حست غرام في شي بصوتها : بتس شي
اصايل : لا لا روحي بخلص واجيتس
اصايل وهي تحط الهيل تنهدت غرام وطلعت
حطت اصايل يدها على فمها تداري دموعها
: مو قصدي يمك
ناظرتها بصدمه
ام راشد ؛ جينا نبي نصحح خطانا قالو مخيره
اصايل ؛ والخطا مايتصلح انتي وابنك ذنبي في رقتبكم ليوم الدين
ام راشد ؛ سمعيني ي بنتي
اصايل ؛ لا تقولين بنتي انتي لو عندتس بنت مارضيت عليها ماتدرين بقلبي ولا تدرين انتو دمرتو عيشتي كل يوم ارفع يدي وادعي على ولدتس صدقيني ماتبين تسمعين دعاي( نزلت ام راشد راسها ) رفعت اصايل يدها جعل المرض من عز نومك يصحيك وامك تشق الثوب من قو بلواك جعلك تنادي الموت والموت يجفيك تفقد لذيذ النوم والناس تجفاك يا جعل ناسك كلها اليوم تبكيك واقرب خوي لك مع المر ينساك
شهقت ام راشد من قوه الدعاء ؛ يمتس لا تدعين طلبتس لا تدعين
اصايل ؛ وش طلبتس بعده وش طلبتس صلحي قلبي صلحي خطاكم
طلعت بقهر وهي تمسح دموعها ومعها الدله مشت تصب لغاليه
انتهى ،.....
