يقول ابنُ القيّم :
ﻟﻮ ﻋﻠِﻢ ﺍﻟﻌﺒﺪ ﻛﻴﻒ ﻳُﺪﺑّﺮ الله ﻟﻪ ﺃُﻣﻮﺭﻩ ؟
ﻟـ علم ﻳﻘﻴﻨﺎً ﺃﻥَّ الله ﺃﺭﺣﻢ ﺑﻪ ﻣﻦ ﺃُمِّه ﻭﺃﺑﻴﻪ ،، ﻭﻟﺬﺍﺏ ﻗﻠﺒﻪ ﻣﺤﺒﺔً لله ..
كان ياسر يبخر المسجد بعد ماكنسه ونظفه مع دياب وحمد
*
خلصت وقعدت وهي تفكر بحزن فتحت شعرها وهي تشوفه تنهدت بحزن قطع سرحانه دخول شخص لفت انصدمت من شافت ورد كبير ماسكها شخص ابتسمت لا ارادي
مشى سعود وهو يحط الورد عندها ناطرها وخلي فاتحها شعرها وذاب فيها
ابتسمت مزنه ؛ هذي لي
سعود حك راسه ؛ اي لك
مزنه ؛ مشكور ماقصرت
سعود : حق واجب كل عام وانتي بخير وعلى فكره
طلع وهو يجيب شنطه : هذي ملابس جديده
ابتسمت مزنه فتح الملابس وهو يوريها طلع جنز وشهقت مزنه ؛ يويلي تبين البس هالمخزي لا والله مالبسته انذبح ولا البسه
سعود ؛ ليه مو حلو
مزنه ؛ مخزي ياخوي
سعود سكت وهو يفتح وشاف فستان ابيض رفعه ؛ حلو البسيه بكر العيد
مزنه فزت ؛ سعود
ناطرها سعود وابتسم على اسمه الا طلع من فمها شافها تفرك يدها : لا يردك الا لسانك
مزنه ؛ بروح بكره عند اهلي
سعود هز راسه : ابشري ماطلبتي شي من العين ذي قبل ذي
ابتسمت مزنه ؛ عساك الجنه يارب
ابتسم سعود وطلع وهو يحمد ربي فعلا النساء عاطفيات فرحتها ذي حلته فرحان بدالها بمليون مره فعلا انهم جنس لطيف
*
الفجر
كان واقف وعلى كتفه المنشفه ويدق الباب ؛ جعلك بساهل يادياب فك
طلع دياب : علامك
خمد ؛ تراك طالع من الحمام للحوش مو لغرفتك
دياب ؛ ياخي مابوه الا ذا دافي
دف دياب حمد ودخل
دخل دياب وهو ينشف شعره خلص وهو يسكر ازار ثوبه
رفع راسه وهو يشوف صقر صاحي ابتسم وهو ياخده غرام عند البنات شاله ودخل وهو يغسله وكان يضحك صقر مع دياب خلص وهو يلبس صقر الثوب ابتسم وهو يطل بالبشت الا سواه بيده حصيص لـ صقر لبسه وهو يعطر صقر لفى وهو يشوف الباب انتفح ودخلت غرام وهي مغطيه وجها فكت الطرحه وهي تفرد شعرها كانت لبسه جلابيه بلون السمائي ابتسمت وهي تشوف دياب وفي يده صقر مشت وهي تضم دياب ؛ كل عام وانت بخير
دياب .: ويَا خوفِي علِيتس من الحسد،
كل ضحكة بذا العِيد عن قصيدة،
واجمل من القصَايد ملامحك العجب،
جعله ينعَاد واحلى الاعيَاد الجميلة
ضمتها وين متبسمه
دياب : حصني نفستس
هزت براسها
*
دخل حمد بعد مالبس بقى عينه وهو يشوف ترف الا واقفه وبطنها البارز بشكل وجلابيتها الحمره همس ؛ مشاء الله
ابتسمت : كل عام وانت بخير
خمد مسح وجه : انشهد ان "العيد شؤفتس ولقيتس.
- ماهو بقول الناس عيدك مبإرك .
استحت ترف ضمها وهو يدخلها بضلوعه ؛ جعلني مافقدتس قلي امين
ابتسمت وهي ترجع شعرها ورا اذنه : امين
*
ابتسمت وهي تبخر ابوها
منصور ؛ عقبال ابخرك بعرسك
سملى ؛ امين يارب
حصه : وجهتس ممسوح بمرق
الجده ؛ اي والله
ابتسمت الجده وهي تشوف سلمى بجلابيتها السود بتصميم جميل
والهنوف كانت لبسه جلابيه بلون وردي خفيف وكانت جميله
*
ناطرها وبلغ ريقه ؛ الوعد مو الحين
ضحكت اصايل ؛ عاد عيدك ياحبيبي
رائد : وعيدك
ابتسمت اصايل
رائد ؛ هالسنه عيدي غيير ويا مجمله
عيدي الأول معك يا كل أعيادي
ابتسمت وهي مستحيه منه
*
بعد صلاه العيد قام الكل يعد على الثاني كان الجوء دوبه على بدايه شروق وكان اهل الديره كلهم برا كان تاكل لبس ثوب ابيض وكان اصوت الناس والاطفال والعيال الا يوزعون حلاوت
خلصو صلاه ومشو يعيدون الشيخ ابو سليمان
ومن خلصو ورجعو بدري
دخل عبد الرحمن على غاليه باس راسها ؛ كل عام وانتي بخير وصحه وسلامه
مشى ياسر يسلم على انه وعبد الرحمن سلم على ريوف
وبعد المعايده جلسو اشوي يتقهون مع امهم
*
دخل وهو يشوف سملى والهنوف وافقت ابتسم ومشى : كل عام وانتو بخير
سلمت سلمى على راسه : وانت بخبر وصحه وسلامه
دياب همس بذنها: اكشخي ياشيخهة الحُسن الرهيّب
علمي الناس وش الاناقهة والذوقق.
استحت سملى
مشى يسلم على الهنوف وهمس باذنها مثل ماهمس لسلمى : اكشخي ياشيخهة الحُسن الرهيّب
علمي الناس وش الاناقهة والذوق
يحب يعطي خواته كلام جميل عشان لا سمعوه بكره من برا يكون متعودين
استحت الهنوف
مشو يسلمو على حمد
جات هديل وسملو عليها
دياب وهو طلع بوكه وطلع خمس ميه ؛ هذي لسلوم ام لسان
ابتسمت سملى وهي تاخذه ؛ جعل ربي يطول بعمرك
طلع خمس ميه ثانيه : وذي للهنوف ام الحنين
وطلع الف ريال : وذي لهدول وحمودي
هديل : يابعد تسبدي
حمد :: وانا
دياب ضحك تخسي
دخلو وهو يسلمون عليهم
طلعت ترف صد نظره : كل عام وانتي بخير يام دياب
ابتسمت ترف وبهمس : وانت بخير
طلع من بوكه الف ريال : ذي لـ ام دياب ودياب
ابتسمت ترف : ماتقصر والله بس
دياب : يام دياب لا بس ولا غيرها حقتس وانا عدتس من خواتي وكلهن حصلن مثل ماحصلتي
ابتسمت وهي تاخذه بطرف
حمد بحلطمه: طيب ابو دياب
دياب ؛ يندزلع
ضحك دخل الجد نبدا السلام
والله على توزيع الفلوس
ضحك دياب وهو يشوف محمد ناشب لـ حمد : يلا قم يارجال
طلعو وبيد محمد صحن حلويات يوزع على عيال الديره
قعد دياب عند باب الدكان وهو كل ماشاف طفل عطه من بوكه ( مدري من وين طلعت هالفلوس 😂)
والساعه ٩
بدو كل واحد يجيب صحن من بيته كانت هذي عادتهم ويسون سفره كبير من اول الديره لـ اخره وكل واحد يجيب صحن من بيته
جابو وبدو ياكلون
*
عند الحريم الباب مفتوح والناس رايحه جايه
تنهدت سملى وهي تفتح الباب وانصدمت من شافت شروق وبيدها اطفالها سملى بهمس ؛ وش جابها
شروق ؛ ممكن ادخل
سملى : اي اي تفضلي
دخلت وقعدو
شروق شد نظرها الحامل وقعدت مبققه فيها
ترف بهمس لسلمى : ذي علامها تسذا
سملى خافت على ترف : ماعليتس منها
الهنوف : تروقني حمد يبيتس
قامت ترف وهي تحط يدها على بطنها وطلعت
ناظرتها شروق لين غابت
*
دخلت الغرفه وهي تشوفه يدور على شي : علامك
حمد حك جبتها ؛ كنت حاط هنا اغراض شفتيها
ترف ؛ لا والله
قعدت على السرير وحمد يدور لين حصل
ابتسم لها وطلع
ومن طلع شاف حرمه صد بنظره بس قطع عليه صوتها : حمد
فتح عينه بصدمه
شروق ؛ ياحمد كيف قدرت تنساني
حمد شد على يده
شروق وبكل وقاحه قربت وهي تمسك يده دف يدها وهو يبعد
طلعت ترف واستغربت : حمد
شافت البنت الا تقزه مشت وهي تناظر خمد ؛ علامك
ابتسم حمد وهو يضمها ؛ مافي شي بس مضيعه دليها حبيبتي
ابتسمت ترف ؛ امري ياختي
شروق بقهر : سلامتس
مشت شروق
ابتسم حمد وهو عارف انها تراقبه رفع ترف لمستوه وباسها
انصدمت منه ؛ علامك
ابتسم حمد ؛ ولا شي وحشتيني
ضحكت ترف ؛ مانتب بصاحي
*
واخير خلص العيد وجت غيبوبه العيد وياحلاتها
*
قامت متاخر طلعت وهي مقهوره انو فاتتها حتى صلاه العيد شافت سعود برا : ليه ماصحيتني
سعود : انا دوبي صحيت لبسي بنطلع
مزنه سكتت ومشت تلبس وطلعت معه
من ركبت مسك يدها : اعذريني والله اني سهرت امس على قضايا وقمت متاخر كل عام وانتي بخير
مزنه : وانت بخير
ابتسم ومد يده ورا الكرسي وهو يسوق حط على حضنها بوك شوكلاته
ناظرته : ويشو ذا
سعود : عديتك
مزنه ابتسمت ؛ ماتقصر
فتحتها ومن فتحتها انصدمت من شافت الفلوس وبعدها شوكلاتها
مزنه ؛ وشوله اتعبت نفسك
سعود ؛ تستاهلين
ابتسمت مزنه ورفعت راسها وهي تتامله حنطي البشره شنبه كثير حواجبه كثيفه بس معطيته شكل جميل لبس نظاره شمس شعره كثيف كان طويل
استغربت من وقفو قدام مول هي طبعا ماعرفت بس شافت كبره ناظرته وهو يلم اغراض نزل ونزلت وراه مسك يدها وهو يدخل المكان الكبير لكون مزنه ماتعرف الامور ذي اول مره تنزل المدينه دائما بالديره ومالهم غير بسطه الديره يوم دخلت عرفت انه سوق من الملابس والاغراض وقف قدام محل ذهب دخل وهو يرف النظاره لشعره استغربت بس ظنت انه بياخد حق اهله او شي دخل : السلام عليكم
: وعليكم السلام
مشى سعود قدام الدهب ؛ عطيني طقم ذهب كبير
طلع طقم كبير
كانت مزنه تشوف اطقم الذهب انصدمت من شافته يسحب يدها ويدخل بناجل ( اكسورات الذهب حقت اليد ) ناظرته مصدوم رفع راسه لها : يجي كيف شكله حلو ولا اغيره
مزنه مصدوم بس ظنت انو لوحده من خواته مقاسها مثل مقاس يدها ناسيه انه زوجها هزت راسها بانه اي ناظر الرجل : عطني منه سته
رفعت راسها مصدومه الذهب واضح غالي
ناظر لطقم ورجع شافها ؛ وش رايك فيه
مزنه بهمس ؛ حلو
ابتسم سعود ؛ خلاص عطيني الطقم
فتحت البنجل وعطته بس انصدمت من شال وسحب يدها وهو يدخل السته كلها بيدها : وشوله ذا الحين
سعود ابتسم : كم سعره
: ١٦ الف
سعود طلع بطاقته ودفع واخذ الطقم الكبير الا كان سلسل وحلق
مشى ومسك يدها
سعود ؛ انتي كاشخه
مزنه : اي
سعود هز راسه وركبو السياره ومن ركبو : عطيني ظهرك
مزنه ناظرته ؛ ظهري
سعود ؛ اي
عطته ظهرها انصدمت من شال الطرحه من ظهرها وبان ظهرها له بس الا صدمها اكثر من حست بطقم ذهب على صدرها نزلت راسها وهي تشوفه فهمت وقتها انو الذهب اها مو لـ احد لبسها وخلص عطها الحلق : ذا ماعرف البسك البسه انتي
مزنه لا شعوريا دمعت عينها ؛ ذا لي
ابتسم سعود ؛ اي لك لبس العافيه وهذا مهرك وان كان لك خاطر بشي ابشري مايردك شي
مزنه بكت
انصدم من بكاها : وش فيك
مزنه مسحت دموعها وهي تهز راسها
سعود : امسح دموعك قربنا مابيهم يقلون زوجه سعود جايه والدموع بعينها
رفعت راسها ؛ وين احنا بوه
ابتسم سعود على لهجتها ؛ رايحن ل اهلك
مزنه رفعت راسها ؛ بذمتك
ابتسم سعود ؛ اي بذمتي
مزنه لا ارادي ابتسمت ؛ ربي لا يحرمني منك
ابتسم سعود : ولا منك معك كحل كحلي عينك
ابتسمت وهزت راسها
*
كان وقتها بليل
قامو البنات وتكشخو وهم ناوين يرحون يعيدون
الجده وهي لبسه عبايتها ومعها عكازها وقاعده على الكرسي : يلا يابنات نبي نسير على ام مزنه
نطو البنات بعد ماخلصو مع جدتهم ومن طلعو فعلا كانو حريم الديره طالعين وصلو بيت ام مزنه ودخلو وهم يسلمون على الحريم
*
كانت اصايل تتجهز
رائد شافها وهي تلبس عبايتها ؛ وين ذهبتس
اصايل : في الدولاب
رائد قام وهو يطلع وسحب يدها ويلبسها : لبسيها وش تبينهم يقولن مره رائد مالها ذهب
ابتسمت اصايل ولبست وهي طالعه مع عمتها وريوف
*
غرام وهي تعطي صقر الا يبكي سلمى : ياعمه وينها مزنه
ام مزنه ؛ اعرست
غرام : ويشووو متى
ام مزنه : نصيب
سكتت غرام
دخلت مزنه بحكم الباب مفتوح سلمت على امها انصدمت امها من شوفتها بكت انها بحرقه بكت مزنه على كتف امها مسحت دموعها وقامت سلمت عليهم
قرصتها غرام ؛ اعرستي واحنا ماتدري
مزنه ؛ تعالي المطبخ
دخلت المطبخ الا بدخلت اصايل ضمتها : وينتس مختفيه
مزنه ؛ اعرست يابنات
شهقو
مزنه ؛ تخيلو كنت جايتن عندكن الا تلحقني كلاب وخفت المهم كان اضن وقتها جاين وافطرن عندكن وجاء يساعدني وشافني حسن وزوجيني اياه يابنات
شهقو : مجبوره
مزنه ؛ اي والله لكنه نعمه يابنات وخير وربي
غرام : ليه
مزنه : تخيلو يابنات من شفته وهو حنون علي شافني زعلانه جابن لي ورده وشوفو
فسخت عبايتها وبات الذهب
مزنه ؛ مرنا قبل مانجي احسبه بياخد لخواته طلع ماخذ لي
غرام ضمتها : خبر وربي
اصايل : ربي يوفقتس يابعدي
مزنه ؛ امين يارب
دخلت سلمى ؛ جيتي قومي اكرفي
ضحكت مزنه ؛ علامتس انا طيفه
شهقت سلمى ؛ ذهبتس يجنن
ابتسمت مزنه ؛ فداتس
سملى : لا انا ابي ذهبي من الفارس المغمور له طعم
ضحكت الهنوف وهي تضربها ؛ انا يالهافارس الا بيجي شوفي عمرتس بيطق ٢٣ وانتي
ضحكت سملى
*
وخلصت العزيمه بخير وشرها
بعد العيد
كان يوم وداع خالد ونوف ودياب وصقر وغرام
سملى مسحت دموعها وهي تحضن دياب
الهنوف كانت تبكي بحضن غرام
واصايل بنوف
الجده : بحفظ الرحمن يارب
مشو كلهم *
في بيت الجد عيسى كانو يودعون عبد الرحمن
ابتسم عبد الرحمن وهو يضم غاليه
وبعد الوداع طلع وهو ماشي الجوف
*
رجعت البيت وكانت تبكي
شافت رائد فز بخوف : علامتس
اصايل : رائد انا تعبت يانفحص ياطلقني
رائد فتح عيونه بصدمه وقلبه بدا يدق ؛ ويش ويش
بكت اصايل
ضمها وائد وهي تبكي : خلاص اعودتس نسوي فحس
اصايل ؛ متى
رائد مسح دموعها ؛ قريب علامتس
اصايل دخلت في حضنه ؛ في وحده تقولي ترف تزوجت بعدتس وهي حامل وانتي
رائد انقهر ؛ ماعليتس منها كلامها مثل كلام الجدار لا تبسين نفستس
اصايل هدت وطمنت نفسها انو بيسون فحص
*
العشاء وصلو الجوف
دخل غرام ونزل يدق على عبد الرحمن : الو ياولد وبنك
عبد الرحمن :ادور على فندق
دياب : افا يارجل عماره اخوك تفداك تعال
عبد الرحمن ؛ ماتقصر ياخوي
مشى عيد الرحمن لعماراه دياب
وصل وابتسم لدياب
دياب مد المنفتح له ؛ الشقه لك ياخوي
ابتسم عبد الرحمن ؛ عطني رقم الرجل عشان ادفع له
ضحك دياب ؛ لا وربي لا ادفع انا
عيد الرحمن ؛ يارجل يكفي انك دورت لي وظيفه
دياب ؛ خلاص الشقه حقتي وفداك ياخوي
عبد الرحمن ؛ مشاء الله على البركه
دياب : يبارك بك
دخلو وسكن هالشقه عبد الرحمن
*
مشى اليوم عادي بديره
واليوم الثاني
*
كانت واقفه تطبخ ابتسمت من حست بيد تمسك يدها لفت وشافته سعود ؛ جيت حياك الله
ابتسم سعود : الله يحيك
مزنه : دقايق ويخلص الغداء
طلع وهو يقعد جت وطرحت الغداء بالارض
قعد قدامها : تبين تروحين عن اهلك
مزنه : اي بس ليه
سعود ؛ بنمشي الجوف
مزنه استغربت ؛ انت سكان بالجوف
سعود ؛ اي ساكن بالجوف
مزنه سكتت اشوي ثم قالت ؛ عندي سوال بسالك اياه
سعود : امري
مزنه ؛ اهلك
سعود رفع راسه ؛ انا يتيم الاهل اهلي خلفوني انا وبعدها توفى بحادث سكتت مع جدي وبعدها توفي الله يرحمه والحمدالله ابي رزقني انا ظابط وخيري كثير
مزنه ؛ الله يرحمهم يارب
ابتسم سعود وسكت
*
كان واقف وهم يفرك يدينهه في بعض طلع دياب وهو يناظره: ياخوي وافقو على القرض بس علمني ليه
عبد الرحمن ابتسم ؛ كل شي بوقت حلوه
دياب هز راسه ؛ الغداء عندي
عبد الرحمن ؛ لا والله
دياب ؛ قلت عندي يعني عندي يلا سلام
مشى دياب لبيته وعبد الرحمن كمل اوراق القرض
انتهى 🔥🔥
البارت الجاي عرس ابد الرحمن والحماس😭😭
