﴿ وَنُيَسِّرُكَ لِلْيُسْرَىٰ ﴾ ، ﴿ يُدَبِّرُ الْأَمْرَ ﴾
اللهُمَّ اجعلنا في تيسِيرك وتدبِيرك
*****
اليوم الثاني قامو الكل بكسل بسب الجد الا يصحيهم يجهزون الغداء هديل بتجي
وقامو يصحلون وهم فيهم النوم وترف وريوف رجعو بيتهم واول مادخلو نامو
اصايل ناظرت لـ نوف : تكفين ماني قادره افتح عيوني
نوف بحنيه: روحي خذي قيلوله ولا يهمتس بغطي عليتس ابتسمت اصايل وباست راسها ومشت تنام بس فزت من سمعت صوت ابوها يهاوش العيال وخافت يجي دورها وقامت تكمل
**********
رائد شاف امها قاعده بالحوش طلع وقعد معها وهي شارده : شفيتس يمه
غاليه : فيني نوم
ضحك رائد ؛ متى جيتي
غاليه : الساعه ١
رائد ، روحي نامي
غاليه : لا مابي انام اخاف نومي يخرب
ابتسم رائد ناظرت غاليه ؛ رائد
رائد ؛ هلا يمه
غاليه بهدو: حدد زواجك يمه
ناطرها وهو مصدوم ؛ وشو
غاليه ؛ مثل ماقلت يمه جدك خطب لك البنت وعطوك
انصدم رائد الا انهبل ؛ يمه وراكم تخطبون من وراي ظهري
غاليه ؛ يمه متى تبيني افرح بك
صد رائد مقهور وطلع برا وشاف حمد ودياب كانو يركضون ورا غنمه وباب البيت مفتوح وفي يد بنت تاشر ناظرهم وهو مستغرب وضعهم
اما دياب الا ترك الباب مفتوح وطلعت الغنمه وهاوشت عليه اصايل وطلعو يركضون وراها وهي تهاوش من عند الباب
مسكوها ودخلوها بقهر وجاهم رائد : وراكم انهبلتو
دياب وهو ياخذ نفس ؛ هذي مرتك
ضحك رائد ؛ مهبله فيكم
حمد وهو يسند يده على ركبته ؛ الا مو هبلت فينا وبس اخخخ بس تزوجها وفكنا
ضحك رائد
حمد فز : دياب هج جهز الخيمه ترا اليوم عازم عيال الديره وانت معاهم ي رائد بنقعد حول النار ونغني
ضحكو وراحو يجهزون
*********
اخير خلصو الشغل راحت الدكه الا في البيت وحطت راسها ونامت فزت على نطت بسه وصرخت : الله ياخذتس مايهنى لي النوم بالاول ابوي ثم انتي
مشت بقهر وطلعت غرفتها وكان سلمى نايمه وجنبها الهنوف وغرام مشت ناظرت بالشباك صدت راحت تنام والعصر قامو على صراخ الجد ومشو وهم فيهم طاقه اشوي على الاقل نامو
نقدر نقول مرا اليوم عادي بليل الساعه تسعه برا عند الخيمه كان شباب الديره كلهم فيه
وحمد يصب القهوه
وقاعدين حول النار
محمد ؛ ياعيال يلا نغني
ضحك حمد وقام وهو يسحب العصا من دياب ويمط محمد : وراك استح على وجهك
ضحك محمد وقامو الكل يغني وبدو يغنون ( من ردى الحظ قلبي طول الايام خايف
خايفٍ والليالي ما تجـي لـه بكيفـه
ما تجي له بكيفه مثل ما كان شايـف
غيب الايام جالـه بالحيـاه الكسيفـه) ويصفقون
عمر ؛ عطنا قصيده يادياب على هالجو
ضحك دياب واعتدل بجلسته: ودي بك وابيك واباك وابغاك
جمعتها لرضاك واختار فيها
شف ويش منها يتبع احكاك ورضاك
اللي لك اسقي مسمعك لا ضميها
اختلفت الردور بين ( صدقت -عشت- اي والله صادقه )
ابتسم رائد : اجل انا بقول شعر
ناظروها بصدمه
عمر ؛ تعرف
رائد الا ابتسم وهو يناظر بالقمر ؛ افا وشلون ماعرف اسمعو
: انا ولد عنتر وذباح جساس
هذا غزل بالله والا مهايط
روعت بنت الناس ي عذب الإحساس
وصل شعورك صح والا تلايط
ضحكو الكل على شعره
ابتسم رائد ؛ هذا رد لدياب
ضحك دياب : وراك ماجربت عصاي صح
ضحك رائد ؛زوج عمتك
حمد ؛ خسيت الحين عميني ماقولها عمه تبيني اقول لك
رائد ؛ الحين قلتها
ضحك حمد وقام وهو يسحب رجلين وائد بتراب ورائد يضحك ويدفه بس مافي فائده قام عمر وهو يمسك رائد من يدينه وصارو يلعبون من الاطفال ورائد يهاوش
دياب :ولدي وراكم وراه
ضحك حمد وهو يدف رائد على دياب الا مانو ضحك
دياب : الساعه كم
حمد ؛الساعه ١٠
دياب فز ؛ قم وربي مانام اليوم الا جدي بيلهطني وانت ابوي قم قم
قامو فزو والكل قامو لبيتهم
*******
اليوم الثاني الفجر
الجد محسن ؛ قوموووو كل ذا نوم
فز الكل وطلع ولا يركض يتوضى ولا بتهاوش على الحمام
غرام وهي فيها نوم : ابعدي لا اصنتس بكف يـ اصايل
ضحكت اصايل ؛ ابعدي انتي
دخلت ريم : وش نوحكم
اصايل : بنتس شيليها لا اصنها كف
عصبت غرام ورمت الصابون عليها كانو يتهاشون على الحمام
توضو وصلو وكان مثل العاده الجد قدام ورا منصور وخالد ودياب وحمد وبعدهم الحريم كانو يصلون بالحوش وبعد ماخلصو صلاه بدا روتيهم المتعودين عليهم حمد راح لبيت الشعر نظفها وسبحوه و دياب راح لبسطه يشوف محل جده ويشوف الحسابات وغرام تكنس الحوش واصايل تسوي الفطور والجده قاعده في الحوش وجنبها ريم وفايزه الا يسلمون ثواني ودخلت حصه ومعها فطورها وجت وراها سملى جت الهنوف وهي تتحلطم: الحين جدي مخليني انظف الحوش الخلفي وكله طوبه
ضحكت اصايل وهي تحط الفطور ؛ احسن عشان ماتضحكين علي
مشت تسلم على حصه و سملى ورفست سلمى ؛ ثوري جيبي الشاي
قامت سلمى وقعدو الكل
وراحت سملى اخذت الفطور الا هم جايبنه وعطته العيال وفطرو من فطور اصايل
********
عند العيال بس ماخلصو وجلسو يفطرون قام حمد وهو ينفظ يدينه : كثر الله خيركم
طلع وهو يبي ياخذ البخور عشان يبخر بيت الشعر : اصايل هنوف
طلعت هنوف : وش بالك تصارخ
ضحك حمد وهو يضمها ؛ وينتس ماشوفتس
ضحكت وهي تحط يدينها فوق بعض ؛ هو انا اشوفك ي بعد حي
ضحك حمد ودفها ودخل ؛ ابعدي عن وجهي
وقفت الهنوف قدامه : المفروض اخليك تلطع برا
ضحك حمد وشالها وهو يوديها عند الغنمه وصرخت الهنوف ؛ حمددددد بس بس
ضحك حمد ونزلها وهو يسحب خدها ؛ يابعد تسبدي تخافين
انقهرت ؛ جعلك الـ
فزت من جت النعول عليها وناظرت وكانت جدتها ماسكه العصا : قص لسانتس ياقليله الحيا تدعين على اخوتس
فزت الهنوف وتعلقت في حمد : انا في وجهك ي حمد
حمد ضحك وهو يحطها ورا ظهره : افا ياجده
جت الجده ومعها العصا وتبي تضربها:لا تدعين على اخوتس بربيتس انا على يدي
ضحك حمد ؛ خلاص ياجده امسحيها بوجهي
الجده ناظرته: طس عن وجهي انت
ومشت ذاخل ضحك حمد وطلع الهنوف : خلاص اطلعي
ضحكت الهنوف وطلعت وهي تضرب كتفه ؛ طلعت كفو يابو الهنوف
ناطرها : تخسين اسمي بنتي على اسمتس يكفي هنوف وحده
الهنوف طارت عيونها ؛ افا وانا اقول بس حمد
حمد يدفها : طسي داخل
ضحكت ودخلت ومشى اخذ البخور وطلع
**********
العصر كان الجو واضح يمطر وقال الجد يحطون الزل على الخيمه وبدت توشل صرخ حمد : مطرررررررر
طلع دياب وهو يضحك ؛ اي والله وصلنا الخيره
جاو عيال الحاره وبدو يحطون الزل معاهم والجد طلع وهو حاط الجكيت فوق راسه : يارجال ادخلو لا تمرضون
ناظرهم وهو يركضون ويضحكون والاطفال حولهم ضحك وصد وهو عارف انو اذ قال لهم مارح يدخلون مايصدقون المطر يجي ودخل وهو يشوف البنات يركضون بالحوش
الهنوف مشت وهي تنط بنص المطر ؛ مطرنا والله يازين مطر الديره يازين نجد
طلعت الجده تهاوش : ادخلو مطر
ولكن لا حياء لمن تنادي
طلعت اصايل وهي معها الغنمه ومشت وقفت جنب الهنوف وطلعت غرام وطلعو ريم وفايزه وهم يضحكوون
******
طلع رائد وشافهم ومشى عندهم
فجاه مشى حمد بنص المطر ؛ يارجالللللل تعالو نرقص
طلعو وقفو جنب بعض وبدو يرقصون ويغنون بصوت واحد ( مطر مطر مطر
تثاءب المساء والغيوم ماتزال
تسح ماتسح من دموعها الثقال
وقطرة فقطرة تذوب في المطر
وتغرقان في ضباب من أسن شفيف
كالبحر سرح اليدين
فوقه المساء دفء الشتاء
وارتعاشة الخريف
ويهطل المطر
مطر مطر مطر)
وصار يرقصون ويضحكون وطلعو الشيبان معاهم ومن ضمنهم الجد محسن وعياله منصور وخالد والجد عيس وفراس ورائد
**************
ترف وريوف ركضو وهم حاطين الجيكيت على راسهم وشافو الباب مفتوح واصوت البنات واصله دخلو وضحكو وهو يشفون البنات يقلدون العيال بس الاغنيه غير كان صافين مشو البنات يصلون وهم يغنون اغنيه مالها دخل حتى بالمطر بصوت واحد (يابو العيون السود ارجع على وعود يامصبر الموعود لا تخيب الهاقى ) جاء رعد ونزل مطر اقو وصار كثير لدوجه تغرقو
عند العيال الكل رجع البيت ودياب وحمد رجعو وهم ناوين يكملون مع البنات لان الكل رجع بيته بسبب الشيبان الا هواشهم دق الباب ولبسو ترف وريوف و غرام البرقع وراحت سلمى افتح اول مافتحت دخل حمد ومسك يدينها وصار يدور فيها وهي تضحك
ودخل دياب وهو يضحك عليهم وشاف البنات وصد يدوره عليها شافها وابتسم وقال بصوت عالي ؛ المطر ياحمد حلو بس مايحليه الا صوت الرعد وعيون الغيوم
كان يقصد بصوت الرعد صوت غرام وعيونها
ابتسمت وهي عارفه قصده
ضحك ومشت اصايل له وهم كانو ناوين يضحكون معاهم سحب حمد يوم شاف البنات وطلع
والكل يضحك عليهم
وزاد صوت الرعد
حمد ؛ بروح البسطه معي
دياب ؛ لا روح لحالك
مشى حمد البسطه ودياب مشى وابتسم وهو يشوف الدكه طلع عليها وصار وحط يده على الجدار من فوق ورفع نفسه وقعد وهو يشوف الديره كيف يركضون ويضحكون والبعض اهليه يهاوشونهم ابتسم وبدا يغني بصوته ( ودّي أموت .. اليوم ... وأعيش باكر
وأشوف منهو .. بعد موتي فقدني ..!
ومنهو حملني لين .. ذيك .. المقابر
وأشكر أنا .. كل من كرمني ودفنّي
وبشوف .. يرثيني أنا كم [ شاعر ] ..؟
ومنهو تركني .. وما كتب شي عنّي)
: بسم الله عليك من الموت
فز وبغى يلف بس سكت من سمعها تقول :ماعلي غطا
ابتسم وهو يبي يسمع صوتها ؛ ياهلا ومرحبا بحرمه دياب
ابتسمت ونظارته ( هو كان فوق الجدار من عند الحوش الخلفي وشافته غرام من الشباك وجته هو كان معطي ظهره الحوش والبيت )
دياب ابتسم وهو يسمع صوت المطر الا بدا يخف والصوت الرعد الا اختفى تمام والهوا المختلط بريحه الترب بعد المطر والسماء والغيوم :وينتس ابطيتي علي
غرام ناظرت لظهره ؛ انشغلت يابعد تسبدي
ضحك دياب ؛ اجل اسمعي
غرام : سم
دياب ؛ أسمع أنا صوت المطر و أتحراك
صحيح من قال المطر لمت أحباب
ابتسمت غرام ؛ المطر لمنا وعرف بشوقي لك وجابني
دياب صفق يدينه وفزت غرام ؛ وش بلاك
دياب ؛ وصلني جوابتس يابعد تسبدي
ضحكت غرام وهي خجلانه ؛ ماهو جوبي ذا
دياب عقد حواجبه : اجل
سكتتت غرام وقال دياب الا قلبه يتقطع يبها تتعرف : دني مني اسمعي وش بقولتس وركزي على كل حرف تسمعينه أمانة ودي اسألتس عني قتلني الفضول انت تحبني ولا ماتحبني بأمانة ؟ ليه احستس خايف مني وخجوله ودايم تحسسيني ان مالي مكانة دامتس صعب المنال و الوصول - ابتسم وهو يقول المفروض يقول رجع قلبي لانك خذيتها بس مابقول تسذي بقولتس انو حتى لو ماتحبيني بتزوجتس غصب ولا تخلي غيري يشوفتس فهمتي ولا لا
ضحكت غرام :ماحبك
ضحكت وركضت وانا دياب واقف بصدمه يحس قلبه بيطلع مكانه وعيونه مفتوحه بصدمه ناظر ورا ؛ اشلون
شافها انحشت انقهر ونزل بقوه لدرجه حس بالم برجوله من قهره نسى الالم ومشى بقهر ودق الباب وطلعت اصايل لان البنات كانو داخل : ادخل
دخل بقهر ومشى وهو يحس بنار في قلبه ماضن انها تمزح ولا جت بباله وصل غرفته ودخل وسكر الباب بالقوه وقطع ازاره يوم ضاق نفسه سند على الارض يحس بختناق كان يحاول يتنفس مو قادر بلحظه ذي دخلت سلمى كانت تبيه منه شي بس انصدمت من حالته عيونه الحمرا وصرخت : دياببببببببب
بلحظه ذي الكل سمع صرختها وركضو بخوف
حصه شافته ونزلت له؛ علامك يمه علامك
دياب ماكان يناظر الا لـ غرام الا ترجتف: يـمـه انـطـعـنـت وجـرحـي الـيـوم فـايـــق
فـي ذمـتـي لااشـق ثـوبـي وكـمــــــــــــــه
يـمـه ابـي اعـرف اذا الـمـوت بـايـــــــــق
هـو بـاق خـلـي مـن عـيـون(ن) تـهـمــــه
كان بين كل كلمه ياخذ نفس ضمته حصه وهي تبكي وحطت يدها على قلبه : يمه وليدي
فزت الجده ؛ قومو بينكس المستشفى
دياب صد: السالفه ماهي سالفه مستشفى السالفه قلبي يمه
قام وصد وهو يطلع من الغرفه تحت حيارتهم كلهم الا غرام الا عرفت
طحت حصه تبكي والكل يهدونها لقتها غرام فرصه تلحق دياب ركضت
قبل مايطلع نادته ؛دياب
دياب الا كان بيطلع ومن سمع صوتها صد بيطلع بس وقفه كلمتها : كنت امزاح
سكت وكملت هي : حتى مزحي يقلب عليك يضيق صدرك يشهد ربي اني امزح
دياب بصدمه ؛ وراتس ذا مزح ماتعرفيني غلاتك عندي ماتعرفين حبي لتس
ناظرته غرام كانت تشوف ظهره بس : طلبتك اهدا وبعدها نتفهم
دياب ابتسم انو كل شي طلع مزح وحمد ربي بس يبي يوريها الويل ؛ مالي جلسه هنا
وطلع وصن الباب وراه
وزعلت غرام بس ضحكت من وصله صوته ، اخر مره
ابتسمت ؛ اخر مره
طبعا هديل سافرت مع زوجها بتمشون بالممكله ويوم جت البنات نايمات قومهم مافي فايده
*********
مره اسبوع وكان بكره مدرسه وسلمى تطققق على غرام واصايل
اصايل ترميها بالفنجان: ياسخفتس تراني رايحه اخد هالكتب بس
ضحكت الهنوف بقوه ؛رحمتس تخيلي ادرس بس
قامت غرام وهي تمسك شعر الهنوف ؛ ابلعي لسانتس
اما الهنوف تضحك وسلمى معاهم ودخلو ترف وريوف وكلمو سملى والهنوف طقطق على ترف وريوف لانهم برضو اخر سنه بثانوي
في بيت الشعر
رائد كان ساكت ويفكر بس قطع تفكيره جده الا قال وصدمهم :العرس بعد اسبوعين
فز الكل
محسن ؛ مافي مشكله
ناظر منصور بضيق وصد وخالد بعد
دياب ناظر لحمد ومشى يسحبه: تعال انت وش نوحك قلي
ضحك حمد :وش نوحي
دياب : امي تشكتي منك وش مسوي له
ضحك حمد : عشاني اتهاوش مع سلمووو
ضحك دياب وصدو دخلو
***********
الجده جميله ؛ ياربي انا وش بلاني به الرفلات ياربي
الهنوف : يمه والله ماعرف
دق جوال الجده وردت؛ هلا بنيتي هلا حبيتي
مشت الهنوف وهي تلزق بالجده تبي تعرف مين
الجده كانت تدفه وهي تقرب اذنها من الجوال عصبت الجده : علامتس ولا امصع ضهرتس بالعصا
رجعت اكلم والهنوف تافف
الجده ؛ اي هنوفو من غيرها يوصل يمتس انتبهي لنفستس وزوريني قريب
الهنوف؛ جديده تفضحيني عند خلق الله
شالت الجده العصا وهي تبي تضربه بس مسكتها الهنوف : افا ياحلوه البن يرضيتس ترضين علي تراني حفيدتس
ضحكت الجده ؛ لا يرضيني
الهنوف شهقت : ياحلوه البن حرام عليتس
الجده ؛قومي طسي عن وجهي
الهنوف : افا
قامت وقعدت بحضن جدتها وهي تقرص خدها
الجده عصبت وشالت عصاتها والهنوف ركضت وهي تضحك
ومشت عند البنات الا كانو قاعدين بالحوش يسالفون قعدت جنبهم وهي تضحك
واشوي ودخلت مزنه وعطتهم اخبار الديره
اليوم الثاني قامو الكل وكان غرام تتهاوش هي واصايل : قلت لتس انا اول انتي لا دخلتي الحمام تنامين فيه
غرام ؛ مالتس شغل ابعد
دقو بعضو وبالقوه فكو بعض طلعو برا وشافو الجده الا من صغرها تحب اسوي كل شي للبنات وجنبها حصه و فايزه وريم
وسملى والهنوف في المطبخ يصلحون الفطور
قعدت اصايل قدام الجده الا فتحت شعر اصايل وهي تظفره وخلصت اصايل وسوت لـ غرام وجاو البنات ومعاهم الفطور وقعدو يفطرون وبعد ماخلصو صلحت لهم الجده سندوشه وعطتهم ريال يشترون به عصير طلع وشافو دياب واقف ؛ يلا
اصايل : اي
******
في بيت الحد برضو نفس الموال هواش ماهوش طلعو وشافو دياب مشى رائد يسلم عليه والبنات يسلمون على البنات مشو مع بعض ورحو مشي لانه قريب والجو حلو كان وقت الفجر والشمس نصه طالعه وكل اهل الديره طالعين يصلون ورايحين المدرسه وكان العيال يركضون ويتسابقون والبنات بعد وكل وبعضهم ماسكين المصروف وبعضهم ماسكين سندوشتهم والبنات بعد وكل اشوي اصايل تشوف وحده وتعرفه ويجون معاهم
وصلو لفو دياب وابتسم
اما وائد انصدم
دياب كان متعود على الموضع فاعادي اما رائد الا ضيع اخته
ضحك دياب : يلا شدو حيلكم وانتبهو لدروسكم وعيونكم وعيوني وقلبي وقلبكم
كان يقصد غرام
اصايل ناظرته ؛ عليك حركات
ودفت غرام ومشو كلهم
دياب ورائد ورجعو وضحك دياب وهو يشرح لـ رائد انه يتعود
انتهى ....
