﴿ وَنُيَسِّرُكَ لِلْيُسْرَىٰ ﴾ ، ﴿ يُدَبِّرُ الْأَمْرَ ﴾
اللهُمَّ اجعلنا في تيسِيرك وتدبِيرك 🤍🫀
رائد : الصدق اشتقت لـ حواء الديره
ابتسم دياب ؛ الديره والا فيها كلهم حلوين باقسى قلبك يوم تترك الديره
ضحك رائد
دياب : بروح لـ البسطه
رائد : بجي معك
********
الهنوف : اف ياربي تعبت
فايزه ؛ ذي عوبتس تتطنزين على البنات بلعتيها انتي
سلمى : هجي جيبي المممسحه
كانو ينظفون الحوش وكلمو وهم يتحلطمون وطلعت الجده وسكتو
*************
دخلو المدرسه وراحت غرام الفصل اما اصايل قعدت برا تبي تستلم الكتب
لكن طفشت ومشت للفصل وشافت غرام قاعده مشت عندها ؛ غرمو
غرام : علامتس
اصايل ؛ طفشت مافي احد
غرام ؛ اقولتس اجلسي معنا
جت مزنه: اقلكن شي
اصايل ؛ وش عندتس
مزنه ؛ شفتن ذيتس الا ماتتسمى منيره
اصايل كشرت ؛ اي الله لا يسلم عظم فيها علامها
مزنه:اعرست
اصايل كشرت من موضع الزواج وتذكرت زواجها الا بعد اسبوعين وقلبت وجها ومشت تروح تستلم كتابه
ومشى اليوم عادي ورجعو البيت
*******
سملى ؛ اقولتس انتي رفلا وراتس تحطين اللحم بدون ماتغسلينه
الهنوف :علامتس صنيني كف بعد
سلمى بقهر ؛ بصنتس صدز
دخلت الجده وشافتهم : اخخخخ وينكم غرام و اصايل وشوله تحطون رفلات
الهنوف : افا ياجده
دخلت اصايل بعد ماغيرت : وش الغداء
الجده ؛ بوه خده معاهم
ضحكت غرام ؛ بقولكن ماشفتو خالتي مرزوقه
الجده : من يوم ماجت وهي بس نايمه اضهر بوه شين بطريق
ضحكو البنات
الهنوف : عجزت
الجده بغضب ؛ طسي انتي
**********
دياب مشى وهو كان بدكان يشوف الاغراض ابتسم من شاف شبس كانت غرام تحبه كثير منه جاء حمد ؛ ذا ولا ذا
دياب ضحك : لا ذا ولا ذا حليب الناقه
حمد ؛ اي والله انك صدز
بالوقت ذا دخلت ترف وريوف والعيال طارت عيونهم معروف البنت ماتجي البقايل
بس ريوف وترف كان بالمدينه عادي عندهم فاتعودو
ترف: عطني عصير و
حمد : عطه الا تبي بسرعه واطلعي من الدكان ي مره
انقهرت ترف بس خافت من صوته وطلعت برا وجاه حمد من ورا : طلبتس وش تبين
ترف بقهر ماتكلمت وتكلمت ريوف جابهم حمد : لا تجون هنا لحالكم بدكان
ترف بقهر : رائد مو موجود وماعندنا واحد واضن عادي ماني قاعده مع رجال
مشت بقهر ناظره حمد بصدمه ومشى مع دياب وصلو وضحكو من شافو الحد قاعد على الدكه ومعه الجد عيسى وفارس وخالد ومنصور مشو سملو واستاذن دياب ودخل وحط الاغراض بالمطبخ وهو ينادي : يا مره
طلعت غرام لان ماكان في احد كل واحد معه شغل: هلا
دياب طار قلبه يوم سمع صوتها : حي الله صوتس الا يرد الروح
ابتسمت غرام
دياب :جبت اغراض خذيهن وتراني جبت ش
الشبس الا تحبيه
ابتسمت غرام ؛ يعطيك العافيه
(طبعا كان عند بابا المطبخ وهي ورا وهو صاد معطيها ظهره )
دياب :يعافيتس
غرام : دياب
دياب ابتسم من نطق اسمها : عيونه
غرام توترت بس قالت بهدوء: أبيك بكلّ ما ربيّ عطاك من الحلا والزود
وأبيّ كلك ،وأبيّ قلبك ،وأبيّ خيره ،وأبيّ شره
انصدم دياب فرحه وقلبه الا بيطلع من مكانه من الفرحه مايعرف وش يقول : صادزه انتي احلفي
ضحكت غرام ؛ والله العظيم اني ابيك
دياب : اجل اسمعي بقولتس
غرام ؛ لبيه
دياب الا حرفيا ذاب: انا الطماع اللي ابيتس لي كلك.
وانا البخيل اللي ما ابي احد يلمح عيونتس
ضحكت غرام : انا الكريمه الي ابي اعطيك كل شي بملكه لك
دياب ؛ اجل اكلم جدي اخطبتس
انجنت غرام ؛ لا باقي بكمل دراستي
دياب ؛ كمليها عندي
غرام : لا يادياب بكلم دراستي طلبتك
ضحك دياب ؛ كمليها مالتس الا الي يرضيتس
ابتسمت غرام ومشت واما دياب طلع والفرحه في قلبه مشى وشافهم جالسين : ياهل نجد فرحتي ماتوسع اليوم افتحي ابوابتس وزعي فرحتي
ضحك حمد :وراك الا يشوفك يقول مرتك قايله كلام حلو ماورك مره
ضحك دياب وهمس : قريب قريب بعرس ياحمد
ضحك حمد وهمس ؛ عسى غرام طيحت الحطب الا براسها
ناظره دياب بصدمه وكمل حمد : ترا ماتربيت معك وعشت معك ماعرفك
ابتسم دياب وهو يضمه ؛ سر
ضحك حمد وصرخ : يالغرام ارحمي قلب الحب
كان يقصد ياغرام ارحمي قلب دياب
انصدم الجد من صراخه وشال العصا وضربه: قم الله لا يبارك فيك من ولد تصرخ هنا كانك مره قم خلك منك فايده جب رح لم المزرعه جب شين يفتح النفس
قام حمد : ياجدي حرام عليك
منصوره شال العصا : لعنبوحيك من ولد مخلف ولد ولا حمار انا
ضحك حمد : لا لا محشوم يبه
قام دياب : امسحها بوجهي يابوي
ضحك منصور ؛ لك بس
ومشى مع حمد الا يهاوشه انو هو السبب
منصور جلس : ياذا الولد
ضحك فارس : الله يحفظه لكم
خالد ابتسم : امين
الجد عيسى قام ؛ ننكس نجهز العرس
الجد محسن : اي حركنا
*******
اصايل وهي تاكل فصصص وسادحه على رجول غرام: اقول بنات ماكان هديل نستنا
الهنوف رفعت يدينها : يارب جيبي فارس الاحلام وخلني انساهم مثل هديل
ضحكت سلمى ؛ وراه تقابل وجوهكم ماخده ولد شيخ القبيله
ضحكت غرام : حرام عليتس هدلوه حبيبه بس تعرفونها ماتحب هالجوالات والخرابيط ولا تعرفه عنها شي
فجاه دق الباب راحت تفتحه الهنوف وصرخت ؛ ياهلااااااا
فزو البنات بخوف وانصدمو من هديل ؛ وراكم ماشتقتو لي
ركضو يضمونها وهم مشتاقين لها
اصايل : لعنوب حستس وراتس مختفيه لا حس ولا خبر ولا تزوجتي نسيتنا
الهنوف : وش سويتي ياقليله الخاتمه
هديل صرخت ؛ وخرو عني
طلعت الجده على صراخهم بس فزت من شافت هديل وجو وراها حصه ومرزوقه و وريم وفايزه ومشو يسلمون عليها وقعدو بالحوش
فايزه :شلونتس مع الزواج
هديل : الحمدالله
ريم ؛ ناقصتس شي من ولا منا
هديل ؛ لا والله الحمدالله مو مقصر معي
مرزوقه ؛ كيفه معتس زين ولا
هديل : اي يمه ياحبيتي زين لا تخافون لو شفت شي منه بقولكم يابعد خاطري
الجده ؛ استحي على وجهتس ذا بيتس والبيت اسرار
هديل ضحكت وهي تحب تنقار جدتها ؛ ياعسوله ماقصدت تسذي يعني لا طقني اسكت
سلمى ؛ انتي وجهتس ممسوح بمرق يطقتس تصكينها بقرب مزهريه
صفقت هديل يدينها : ياجعلني فداتس فاهمتني
حصه ؛ استحو على وجهوكم وين رجلتس
هديل وهي متاضايقه من حركته اشلون يروح بدون مايسلم بس طنشت ؛ راح وراه شغل
الهنوف : اي وين راحت اختي بشهر العسل
هديل ضحكت وصارت تقول لهم عن شهر العسل
*******
في المزرعه مشو اخذو تمر وراح العزبه ياخذون حليب ناقه
كان دياب ياخذ الحليب من الناقه اما حمد كان يركب بالقهوه والشاي
حمد ؛دياب
دياب : هلا
حمد قعد بهدوء : متى ناوي تخطبها
دياب ؛ ودي الحين ياولد بس رفضت تقول دراستي واصرحه افكر اكلم جدي بروح ادور لي وظيفه سنعه بالمدينه ودي الصراحه بالجوف
حمد ؛ بس تعرف جدي مارح يقتنع بالوظيفه
دياب ؛ يحاول كل شي لعيونها يهون ياحمد
ضحك حمد ؛ لدرجه ذي تحبها
دياب : اعشقها ياحمد اعشقها
حمد ؛ من متى يادياب
دياب : من كبرت يادياب من صغرنا يادياب
ضحك حمد :ربي يديمها عليك ياخوي وعسى اشوف عروسك قريب بس الصدق مالقيت غير غرام حشريه
ضحك دياب وهو يعرف حمد وغرام وهواشهم ؛ اقولك تراها الحين مره دياب لا اشوفك تعاقرها
ضحك حمد ؛ من الحين جحدتني غرام لسانها هالطول
دياب وهو يرمي عليه صحن الحديد الا كان يحط فيه حليب الناقه ؛ قم قم رح لناقه الثانيه احلب الحليب
حمد : الناقه الثانيه تعبانه
دياب : في اكثر من ناقه رح
*********
رائد كان معاهم وياخذ لعرسه على رغم انو مايبي العرس بسبب صغرها بس كان ياخذ كل شي وخم السوق ومافيه اهم شي مايقصر عليها شي كان ماسك بيدها ذهب وكان كبير واضح غالي ناظر لراعي المحل ؛ ابي ذا
الرجل: بـ ٣ الف
رائد ؛ اي باخذه
عطه الرجل وراح المحل الثاني ومن محل لـ محل اهم شي مايقصر عليها بشي
ابتسم الجد عيسى ومحسن والكل من رائد
*********
ترف كانت تشوف امها وهي تسوي عريكه ؛ يمه ماقالو لتس عبد الرحمن و ياسر متى بيجون
ضحكت غاليه ؛ اي مابقى غير الترم ذا ويتخرجون ومابقى شي ينتهي الترم الا هناك ويجون باذان الله بيحضرون زواج اخوتس
ريوف ؛ وحشيني اخوني الصدق
ضحكت غاليه
ريوف ؛ اقولك يمه ماعندنا غير ياسر وعبد الرحمن مافي بنات رضعتيهم
ضربتها ترف ؛ ناقصه انا بعد
ضحكت غاليه ؛ لا بس هم عشان يصيرون اخونكم رضعتهم مع رائد بعد وفاه امهم وابوهم وربيتهم عشان يصيرون محرمين لكم
ترف ؛ وحشني ياسر الصدق
ريوف ؛ عشان تحراشينه ماغيره يعطيتس وجه
غاليه ناظرت ريوف ؛ اقولتس وراتس كل اشوي بلهجه تكلمي نجدي
ريوف ؛ تعودت يمه بالمدينه بس لعيونتس كل شي يهون
ضحكت غاليه عليهم
( ياسر وعيد الرحمن توفت امهم وابوهم كانو اصحاب غاليه وفراس ومامعهم احد اخذو الوصايه ووضعتهم وربتهم وكبرو على عمر رائد ماغير رائد اكبر منهم بشهر هم توام عبد الرحمن وياسر بس مافي شبه بينهم والشخصيات غيرررر ماكنهم توم )
**********
العصر جاء دياب وحمد ومنصور وخالد والجد محسن كانو بالحوش
الجد محسن ؛ بكره ياحمد خذ اهلك ورح البسطه شف وش يبون واعجلو علينا وانت يادياب رح بكره وجهز الذبايح وجب عزل جديد القديم يبي له تنظيف وشف المونه الا تبونه من قهوه او شاي ومر على محل البشوت شف الحسابات يمشي زين ولا
دياب ؛ ابشر
حمد : تامر
دخلت هديل وهم مايدرون انها جت وتربعت بنص ؛ اي وش بقى ماسويته
حمد الا كان فاهي ناظرها : باقي انتو بس
بس دقايق وفر يصرخ : هديلللللللل
فز الكل ورا واضح انهم ماهو ملاحضين وجودها ابتسم وقام يضمها بقوه : اشتقت لتس
ابتسمت ومشت وهي تضمهم كلهم وقعدت جنب حمد ودياب وكان حمد حاط يده على كتفها : قسم بالله لو ادري انتس جاي افرش لتس فرش احمر عليه ورود
ضحكت هديل ؛ ماتصير مفاجاة وقتها
ابتسم حمد وهو يضمها صرخ من قرصته بقوه ؛ مانسيت حق عرسي
حمد ؛ حسبي الله على ابليستس
دياب ضحك وهو يبي يحرجها ؛ وينتس مختفيه لا اتصال ولا شي
هديل وهي تشرب القهوه ؛ تعرف ماحب اقعد بالجوال وامسكه ومدري وش اكره هالخرابيط
دياب غمز ؛ هالخرابيط ولا رجلتس اشغل بالتس
ناظرته هديل وهي منجرحه
حمد ؛ ابك ابك البنت حمر وجه سليمانو وش مسوي بتس
هديل قرصته وهي مستحي يتكلمون كذا قدام خواله وجدها
خالد فز يدف حمد الا يضحك ؛ ابعد عن بنتيني تعالي يمه طمنييي كيفتس شخبارتس مرتاحه يمتس
منصور ؛ اي شي ينقصستس مايرد غير لسانتس وانا عمتس
الجد : قبل ماترجعين مع رجلتس معي مونه لتس
ابتسمت وهي تشوف اهتماهم وحست انها محظوظه صدق باهلها ومشت وهي تسوالف وتتجنب حمد وطقققته
**********
ومن بكره الضهر
اصايل وهي تلبس عبايتها ؛ انا عند الباب
غرام ؛لا انا
سلمى ؛ انا اكبر منكم
اصايل ؛ انا عمتكم
هديل ؛ انا متزوجه
ضحكت غرام ؛ مين قالتس ياعروسه العقلا انتي معنا
جاهم صوت حمد : يلا
طلعو وهم يضحكون وشافو غاليه وبناتها ومشى يسلمون عليهم
ريوف : الحين كلنا بجمس ذا
ترف؛ اي والله الله يعين
غرام ؛ حمد تكفى وخر المراتب الا ورا خلينا نسوي دائره ونقعد
ابتسم حمد الا كان يسالف مع رائد ومشى وهو يوخر المراتب : عاد تكفين القهوه اصايل لا
ضحكو من شافو اصايل طالعه والدله بيدها ؛ انتظروني
حمد: اصايل
ناظرته وهي تضحك ومشت ركبت وركبو وراهم البنات وكانو مسوين دائره وقدام الحريم كانت مرزوقه وفايزه وغاليه وقدام رائد والجده وحصه مع دياب الا بيخلص ويلحقهم
وحرك سيارته
وكان طريق الديره كله حجر وصك بحجره السياره نقزت فز بصراخ اصايل
اصايل الا انكب القهوه عليها ؛ وراك بتحرقني
ضحك حمد
مرزوقه ؛ الحين ورانا نروح البسطه الا بالمدينه
ضحكت فايزه وهي تشوف ريم الا حشروها مع البنات ؛ ابد ياخيتي البسطه الا بالمدينه افضل من هنا وفيه زين المزين وباخذ لي فستان برقص بزواج اختي اصغر العناقيد
نطت الهنوف وهي تشوفهم من ورا ؛ اي الا تسمت على اسم حيوان
صفقتها اصايل ؛ خيل يامال الوجع
تنحنو من قال حمد ؛ ياولد
نسو انو رائد معاهم
غرام ؛ حمدوووو شغل اغنيه
ضحك حمد وناظر لرائد الشارد وشغل لهم واول مشغلت جت بالجرح لـ رائد و اصايل الا يحولن يكونو اقوياء وكذبو على انفسهم انهم راضين ( تعبت اكذب على نفسي
و اقول اقدر و انا مقدر
سبقني حسّي لحسّي
و شكاني قبل مَ اتحسر)
ابتسمو
الهنوف : غيرها ياحمد
ضحك حمد عليهم وشغل ( رايق حبيبي يا بعد عمري
رايق حياتي يا نظر عيني
شكلك كلامك وجهك السحري
يهوس يخذ كل ما فيني) بدو البنات يصفقون ويغنون ماسكتهم غير حمد الا وقف وماصدق يوصل من اول يهاوشهم يسكتون
نزلو الحريم الكبار ورائد
حمد مشى وهو يفتح الشنط للبنات نزلت والا مضيع نعوله والا مضيعه شنتطها نزلو وضحك حمد وهو يطقق عليهم ؛ كل وحده تمسك يد اختها مو ناقص تضيعون حبايبي
اصايل ضاق خاطرها ومسكتها غرام ومشت معاها وتقسمو البنات والحريم يمشون وعاد رائد كان مع البنات وحمد مع الحريم الكبار ويحوستهم حوسه حمد كان مرتاح عكس رائد الا يشوف كل اشوي وحده قاطه بمكان ماهو عارف يركض ورا مين ويخلي مين مسك ترف ؛. تكفين خلوكم كلمكم قدامي
ضحكت ترف ؛ عاد من حظك انت المعرس وتركض وراهم
وصل دياب وضحك على رائد الا كان رابط ثوبه ومنبلش وبصرحه دياب الكل اجتمع وهو يقول : مره
ضحك يوم شافهم قدامه بس كتم ضحكته وطلع الجملود الا فيه : وراكم جلطتو الرجال
اصايل بهمس ؛ يابعد خاطري ذا ولا شي
سمعها رائد بس طنش
مشى البنات قدامه ومايرحونً الا كلهم على محل واحد
ترف ؛ ذا حلو
اصايل شهقت وضربته بخفه ؛ يامال الوجع تبين البس هالخراشيف عند اخوتس وش بيقول قليله ادب وقاطه نفسها عليه وبعدين يازين جلابينا بديره
ضحكت ترف ؛ ذا فستان بعدين عادي غيري وشوله بس جلابيات
صحت الهنوف ؛ انا عجبني الا كذا بلبس الصراحه
سلمى لفت على ريوف : وش الا ذاك اليوم سويتي شعري بوه دامني هنين بشتريه صح الهواء حار بس عجبني
ضحكت ريوف ؛ قصدتس الاستشوار
سلمى ؛ الا هو
ضحكت ريوف وهي ادخل محل الاستشوار كان البنات ماينزلون سوق المدينه الا نادر ؛وش رايتس خذي الا تبينه
مشت وهي تاخذ اكثر من استشور البنات وقفتها ريوف : اثنين يكفي لكم
ضحك سامى : شورتس
ريوف هزت راسها وابتسمت من شافت حمد جاء وحاسب وطلعو
انتهى ...،
