مبروك عليكم الشهر، الله يجعلنا وياكم من صوامه وقوامه ومن المقبولين فيه يارب💛
انتهى اليوم بكل خير
اليوم الثاني صلاه الفجر
قامت من النوم على خبطه على بطنها لفت وشافت الهنوف ضربت رجولها : يامال الوجع اشو مو هديل الا نايمه جنبتس
سمعت صوت جدها وقومت الهنوف
الهنوف وهي تفرك عينها ؛ بامال الوجع ياغرام فيني النوم
غرام : يوجعتس وراي مدرسه وبعدين حدي برا ينادي وتراك مزعتيني طول اليل ترفسين
الحد ؛ بس انتي وياه يلا صلاه
فزو وراحو ركض يتوضؤن
*
طلع بعد ماتوضى وهو يلف اكمام ثوبه وقف بالحوش ينتظر سمع صوت باب ينتفح قام وطلع وشاف حمد مقبل وشاف بيت الجد محسن طالع ومعه حفايده ولده ابتسم ومشى يسلم عليهم مع حمد
عبد الرحمن وهو مليان نوم ؛ ياسر انت بتوصل البنات
ياسر الا كان طول اليل يراقب الديره : لا انت
ناظرهم حمد : بس بس خلاص خلوهم مع غرام
دياب : اي بروح يم العزبه اجهز الدنياء عشان نحاول ننقع جدي وصلها انت ياحمد
حمد ؛ ابشر
طلع الحد ؛يلا على الصلاه
شاف منصور وخالد مقبلين ومشى كلهم مع بعض للمجسد ومن ان دخلو سمعو الهمس وكانو يقولن مشاء الله على عددهم
مشو بصف الاول ومشى الجد محسن يكبر ويصلي بهم
*
قامت على صلاه الفجر ناظرت جنبه مالقته قامت توضت وطلعت صلات وانتهت صلاتها شمت ريحه طبخ قامت وهي تلف الجلال وتحطه على الكنب مشت المطبخ وشافت رائد يطبخ : صباح الخير وش تسوي
رائد وهو يضمها من كتفها ؛ قلت بم امس طلعنا وتعبنا كثير انا بسوي الفطور
ابتسمت وهي تضمه
اصايل : رائد متى بنرجع طولنا
ضحك رائد ، طفشتي مني ماهقيته منتس
ضحكت وهزت راسها بـ لا
رائد وهو يداعب انفها ؛ اليوم
فزت ؛ احلف
رائد : والله
ضحكت ومشت ترتب الاغراض ورائد حط الفطور ومشى يناديها ومن داخل شافها ترتب بسرعه مشى وقعد على السرير وسحبها قعدها على رجله : اشوي اشوي ماحنا بطيرين
اصايل ؛ اشتقت لنجد والبنات يكفي الشوق موجعني
رائد ؛ شكلتس ناويه تنسنين
اصايل وهي تمسك وجه بيدينه ؛ اشلون انسى ابو عيالي
ضحكت وقامت اكمل اما رائد راح بفكره ابو عيالي
**
ما ان خلصو صلاه وطلعو شافهم فارشين فرشه عند الباب وقاعدين عليها يتقهون مشى دياب عندهم : ياجد
الجد ناظره ،
دياب تربع : باحد بنروح يوم العزبه على شرف هديل
الجد : علامها هديل
دياب ابتسم ؛ حامل
فز الجد بفرحه مو بس الجد حتى منصور ولا خالد الا ركض للبيت عشان يهنيى هديل
الجد عيسى : يتربى بعزكم
ضحك الحد
دياب : ياجد عيسى حياك انت والاهل معنا وعاد هذا طلب هديل
ضحك الجد : جاينكم
في البيت
دخل خالد وهو ينادي : هديل هديل
طلعت نوف ؛ عسى ماشر علامك
خالد مسك يدها : وين هديل
طلعت هديل ؛ هلا ياخال
مسك وضمها بقوه : يامال العافيه
نوف مستغربه واقفه
هديل ضحكت ؛ عرفتو
خالد : ناويه تخبين
ضحكت هديل
نوف ؛ علامكم افجعتو قلبي
خالد : هديل حبله ( حامل يقولن كذا زمان )
ضحكت نوف وبدات تزغرط دخل الجد وهو فرحان فيها ومشى يسلم عليها وطلع من جيبها الف ريال ومد لها ؛لتس ولحفيدي
هديل : لا والله ياجد ماخذها
الجد : خذي يابنتي
هديل خذتها ؛ ماتقصر ياجدي خيرك سابق
الجد ؛ نوف يابنتي ادخلي بيجي منصور ونادي مرزوقه والهنوف
دخل منصور وضمه ؛ يامال العافيه
دخلت مروزوقه ؛ علامكم
وراها الهنوف الا ركضت تسلم على جدها ثم خالد
الجد ؛ جهزو الدنياء بنمشي للعزبه بمناسبه خبر حمل هديل
فزت مرزوقه ؛ وشووو وانا اخر من يعلم وخزياه عليتس يابنت
ضحكت هديل وهي تضم امها : ابيها مفاجاة
الهنوف ركضت ؛ بصير خاله يامال العافيه
ضمتهم مروزوقه وهي تحمد ربها على الخبر ذا
هديل ؛ يمه علمي ابوي انتي
مرزوقه ؛ وراتس ماتعلمينه انتي
هديل ؛ يمه انتي عارفه ابوي مشغول
مروزوقه تنهدت وهي فعلا تشوف انشغل ابوهم على بناته
مشى منصور وخالد للبسطه يختارون ذهب لها
ومرزوقه دخلت علمتهم ومن علمتهم جات حوسه التجهيز
وحمد الا واقف برا ينتظر البنات يطلعو وطلعو فعلا ومشى هو قدامهم وهم ورا
غرام قرصت ريوف ؛ وراكم ماتسيرون علينا
ضحكت ريوف ؛ يو المصايب فوق راسنا تخيلي عبد الرحمن طاح من فوق وتكسرت يده وياسر دعست على رجوله ومن امس بالقوه يتحرك
ضحكت غرام ؛ ام شحم صدق
ريوف : اسكتي فضحتيني
ضحكت غرام
اما ترف الا ساكته وتتامل الديره وصلو المدرسه
حمد: يلا ياغرام غردي لا تصرين غبيه
ضحكت غرام وهي تدفه ؛ يلا على البيت
ضحك ومشى بعد ماتكد انهم دخلو المدرسه مشى للعزبه يجهز مع دياب
*
دخلت وفسحت طرحتها شافت مزنه اقبلت سلمت عليها : هلا ومسهلا وكرتون حلا
ضحكت غرام : هلا بتس
ترف ؛ اقول بنات امشو لا تفوتنا الحصص
مشو معاهم
*
ماسكين خط
اصايل ؛ كم باقي
رائد ؛ مستعجله على فراقي
ضحكت اصايل : لا بس مشتاق لهلي الشوق وصل حدي
ضحك رائد : ماعليه مابقى غير ساعتين ترا الله يصلحتس مشيتنا والدنيا ضلام
ضحكت اصايل ؛ الشوق
ابتسم رائد
*
الضهر
مشى حمد ياخذ البنات
ومن وصلو
غرام شافتهم يطلعون الاغراض ويحطونه بالسياره : على وين ناكسين
حمد تكتف : والله رلحين العزبه وبرضو الحد عيسى معنا عندكم خمس دقايق تجهزون فيها التف ماشافهم الا وكل واحده حاط رجلها ضحك عليهم ومشى بساعد دياب الا طاح كل شي فوق راسه
*
دخلو الديره فتحت الشباك حق السياره : وش كثر وحشتني يانجد
ضحك رائد عليها استغرب من شاف سياره الحد : اهلتس شكلهم ناقلين
ضحكت اصايل : لا يامال العافيه ذولا ناوين طلعه ادري انك انخرشت من الاغراض
ضحك رائد وقف السياره ونزلت اصايل الا ركضت ولا انتظرت رائد حتى ضحك عليها ومشى شاف دياب قاعد يشوف الاغراض الا ناقصه : ياهو عطنا وجه
فز دياب وضحك من شاف رائد : يامرحبا الحمدلله على السلامه
ضمه رائد : هلا بك
دياب ؛ وين عميمه
ضحك رائد ؛ انحشت
دياب ؛ ماتلام هي اسبوع والوحشه مسويه فيها كذا
ضحك عليه
*
دخلت وهي تنادي: يمه
طلعت الجده ؛ اعوذ بالله انتي مو بشهرك
ضحكت اصايل وهي تضمها ؛ وحشتوني
ضمتها الجده ومسحت دمعتها الا نزلت ؛ وين رجلتس
اصايل : انحشت وخليته بسياره
ضربتها الجده : ماتستحين على وجهتس
ركضت اصايل داخل وشافت البنات : يامرحبا
ضحكت حصه وهي تسلم عليه ؛ وراتس رديتي بدري
اصايل : الشوق
سملت عليهم كلهم وركضت للغزفه حقت البنات ودخلت وهي تشوفهم حايسن : ياهو عطونا وجه
صرخت غرام من شافت توم روحه قدامها ؛ ياهلا
مشت تضمها والبنات كلهم مشى يسلمون عليها ويرون شوقهم
طلعت الجده : يلا يابنات
نزلو البنات
الجد ؛ جميله حصه مرزوقه فايزه ريم كلكم معي انا وذياب
حمد : غرام سملى الهنوف هديل معي
اصايل : وانا مع مين
حمد ؛ رجلتس
ناظرت بيت الجد وشافتهم وهم طالعين ؛ حمد تكفى بجي معك
ضحك حمد : لا يابنتي
الهنوف طلعت راسه من السياره ؛ الحين بنفحط
اصايل ؛ حمد تكفى
حمد : كلمي رجلتس اذ وافق امشي
ركضت اصايل ؛ رائد رائد
رائد ناطرها : علامتس
اصايل : تكفى بروح مع حمد
رائد عقد حواجبه ؛ وانا
اصايل : تكفى
رائد تنهد ؛ طيب
ركضت وركبت مع البنات فتح حمد الباب : زحو ترا السياره صغيره
ضحكت الهنوف وقعدت فوقها هديل (كانت السياره حمس ابو مرتبه وراه الحوض )
حمد يسوق وجنبه اصايل وجنب اصايل غرام وفوق غرام سلمى وجنبه غرام الهنوف فوقها هديل
حمد : الحين اصايل ضايقتي علينا وراتس مارحتي مع رجلتس
اصايل وهي تصفق : افوت التفحيط
ضحك حمد : مانيب مفحط وهارفلا معنا
الهنوف : مين تقصد
ضحك حمد : الا فوقتس
ضربت الهنوف بخفه ضهر هديل : وراتس مارحتي مع الحريم انتي حبله واحنا نبي نفحط
هديل : تحسين اروح
ضحك حمد عليهم
في سياره رائد
غاليه : وين مرتك يارائد
رائد :مع حمد
غاليه ؛ عيب عليك مخليها مع اهلها
ضحك رائد وهو مقهور بقوه ليه تروح وتخليه
عبد الرحمن الا كان جنبه ؛ شفيه حمد غير طريقه
ضحكت ترف ؛ عشان يفحط بهم لو شفتو فرحه البنات بس
رائد عقد حواجبه : يفحط
غاليه : يويلي هديل معه وهي حبله
ياسر : انهبل ذا
دياب الا طلع يده ياشر لرائد يواقف فعلا واقف ونزل : علامك
دياب :حمد بينزل هديل
ضحك دياب من شاف حمد ماسكها من عبايتها : ها خذو
ضحك دياب : بخفه على البنات جدي او درا محط ضهرك
ضحك حمد وهو يغمز : دور لي عذر ها
ضحك دياب
مشى حمد ركب السياره ومن ركب صرخته اصايل : ياحبني لك ياحمد
حمد : مصلحه
ضحكت اصايل : شغل شيله
ضحكت حمد وشغل
وفعلا من دخول البر واختفتو عن السياره فسخت اصايل النقاب وربطت الطرحه لثمه مو بس هي حتى الهنوف وسلمى وغرام
ضحك حمد وهو يربط الشماغ على شكل لثمه
طلعت الهنوف على الشباك من جه الثانيه وبدا حمد يفحط فيهم تحت تعزيز البنات
*
وصلو العزبه
الجد محسن ؛ وين حمد والبنات
دياب : راحو الدكان نقصنا اشياء
الجد تنهد ومشى جلس جنب الحد عيسى
ودخلو الحريم الخيمه وبدو يجهزون اغراض الطبخ
اما دياب الا شمر ثوبه وربط شماغه على شكلٍ عمامه: عيد الرحمن حدد لي السكين
عبد الرحمن الا كان قاعد يحد السكين
وياسر جنبه يساعدها بسبب يدها كان واحد ماسك السكين والثاني يحد
دخل دياب ومعه رائد يبون يمسكون غنم دياب يركض ورائد يركض اين اخير مسكو غنم مسكها دياب وطلعها برا وربطها قريب : يلا بس يجي حمد نذبحها
عبد الرحمن ؛ يادياب جيب اغراض الكشنه خلي اسويها
دياب ، طيب
مشى دياب وهو يشوف امها شايله الاغراض ركض شالها : يمه والله ماتاخذين شي اقعدي مع الحريم داخل
حصه ؛ ياوليدي اساعدكم بشي
دياب باس راسها ، اقعدي يابعدي لا تسون شي المطبخ قريب مننا احنا بنطبخ اقعدي سالفي مع الحريم وخليتس من الطبخ
ضحكت حصه : روح ربي يسعدك ويفتحه في وجهك ياوليدي
ضحك دياب وهو ياخذ الاغراض وطلع برا وقعدو يقطعون البصل ورائد خايف على اصايل
:
*
حمد : خلاص باقي ليل ينامون ونجي
ضحكت اصايل : يامال العافيه
مشى وصلو العزبه ودخلو ماعاد اصايل الا مسكها رائد وتخلى معها ورا الخيمه
اصايل ناظرته ؛ علامك يامال العافيه
رائد حك حواجبه ؛ الحين انتي عاجبتس يوم رحتي وخليتني
اصايل ناظرته ؛ رحت مع ولد اخوي
رائد :حتى ولو انا رجلتس الحين ماني غريب
اصايل ؛ يعني انت معصب عشان تسذي
رائد : شرايتس
ضحكت اصايل ومشت بسرعه وجات ناظرته : يقولن حليب الناقه مفيد خذ
رائد عقد حواجبه ولفى الجه الثانيه بمعنى مايبي
اصايل : يامال العافيه اجعم جغمه ( اشرب اشوي )
رائد ؛ مابي
اصايل : رائد علامك
رائد بغضب ؛ اصايل قلت لتس مابي ماهو غصب
اصايل الا حست بخاطرها رجعت لورا تناظره : ماكان له داعي ترفع حسك علي يارائد
ناطرها رائد شاف دمعتها بعينها مشت بقهر وهي تحط صحن الحديد الا كان في الحليب عند ابوها ؛ خذه يايبه تستاهل اكثر من غيرك
مشت بقهر دخلت الخيمه شافت البنات قاعدين يتقهون طلعت مره ثانيه ومشت عند الابل بقهر وقفت وهي تشوف الابل مشت اخذت العلف( الاكل ) حقهم ومشت تحط لهم وهي مقهوره رفعت برقعها وقعدت وهي تشوفهم ياكلون : عسى مامتو من الجوع
دياب : يادفع البلاء وراهم يموتون
ضحكت اصايل ؛ يمكن تموتهم جوع
ضحك دياب : افا تهقينه مني ياعميمه
اصايل ضحكت ؛ الا وين غنمتي
دياب : تغدو بها
شهقت اصايل ؛ كذاب
ضحك دياب ؛ كبرت الغنمه ياعميمه
اصايل : جيبها
ضحك دياب ومشى يجيبها وجابها
ضحكت وهي تشيلها ؛ يازين الا كبرو
ضحك دياب ؛ ياعميمه ماتشبه احد
اصايل بقهر : رائد حتى قليله عليه بسم الله عليها تهبل مو مثله
دياب ؛ شكلكم متهاوشين
اصايل : لا
وقامت وهي تنفض التراب من جلابيتها
دياب : ترا بنذبح تبون تعالو
ركضت اصايل وقام وهو ينفظ التراب
اصايل دخلت : يابنات لبسو براقعكم خلونا نشوف بيذبحون الذبيحه
فزو كلهم ماعاد ريوف الا تقرفت :وع مستحيل اشوف المنظر
ترف :الصدق جاني فضول اشوف كيف طول عمرنا نذبح في لمذبحة وتجي مجهزه
مشو كلهم واقف عند الكفيه ( حواجز الخيمه ) ميلو روسهم يناظرون
*
حمد رفع ثوبه وربطها على خصره وشمر اكمامه وظبط عمامته: دياب جيبي لي السكين رائد عاوني وامسك الذبيحه
رائد الا كان يفكر باصايل واشلون هو كبر الموضع قام ونفظ التراب مشى مسك الغنم
دياب ؛ لا تورونها السكين
عط حمد السكين ومشى يساعدهم
اما حمد الا مسك الغنمه من رقبتها ؛ الله واكبر
وذبحها(احسني خبيثه يوم اقولها كذا 😭)
وانتشرت الدمان وسرعان ماسمعو صوت صراخ البنات
*
عند البنات الا كانو يشوفو وفجاه من انذبحت الغنمه تمسكت ترف بالكفيه وطاحت عليهم وصرخو
دياب : علامكم يابنات
اصايل ؛ ترف رائد الحق ترف
رائد ركض وشاف ترف طايح بينهم وشالها وركضت اصايل لبسه عبايتها : لا تعلمون احد وتخوفونهم
مشت ركبت ورا وعلى فخذها ترف
رائد .: علامها وشوله طاحت
اصايل وهي ترجف ؛ مدري مدري
*
كملو طبخ عادي عشان مايشكون وكلهم قلوبهم على ترف
*
الدكتور طلع : الحمدالله على سلامتها
رائد ؛ علامها به شي
الدكتور : لا بس هي شافت شي قبل مايغمى عليها
اصايل وهي تضرب يدينه : اي اي شافت الدمان يوم نذبح الذبيحه
الدكتور : عندها فوبيا
شهقت اصايل : يادفع البلا وش علاجه ذا المرض
رائد هد وناظرها مسكها من معصمها ، وراتس تتكلمين مع الدكتور
اصايل ؛ رائد مو وقتك ترف به مرض فوبين مدري وشو
ضحك رائد وهو يسند نفسه على الجدار وبيده يلعب بشنبه والثانيه ورا ضهره : اي كملي علامتس سكتي
اصايل ؛ وشو ذا المرض يادفع البلا
ضحك رائد : ذا مرض يموت بسرعه
شهقت اصايل وضحك ورائد وهو منزل راسه رفعه وانصدم من شافه دموعها مسكها وهو يسحبها ناحيته وضمها : امزاح امزاح مرض يعني مايصير تشوف دم لانه تخاف
ضربته بخفه : خوفتي عليها
ضحك رائد وهو يمسك مكان الضربه : تراني انا رجلتس مو ترف
صدت اصايل : تراني زعلانه منك
رائد : وش يراضيتس
اصايل سكتت
مسك يدها وهو يعد ؛ ورد . شكولاتة . سفره .عطور
اصايل ناظرته : وش تهذي به يامال العافيه
رائد : وش تبين وترضين
اصايل : تشرب حليب الناقه كله
رائد ناطرها بصدمه يحسبها بتطلب شي غالي بس صدمته
اصايل رفعت يدها على شكل ثلاث ؛ ثلاث صحون حديد
انتهى
