كن على "يقين" أن الله يدبّر أمرك 🤍
********
هديل كانت تقلب بجلابيه بس مسكتها ترف وهي تاخذ لهم كلهم فساتين ( في فرق بين الفساتين و الجلابيه )
ومشت غاليه اخذت فساتين لـ اصايل وثنتين جلابيات وكان معها رائد الا خل البنات في حلق دياب وجاء شاف فستان احمر وكان مفتوح من الظهر في بس حبال ابتسم وشال ؛ يمه شرايتس
غاليه وهي تشيل وفحصته؛ حلو يمه
شال الاغراض وطلعو
غاليه : يمه رائد وين بتعيشون
رائد : معكم
غاليه ؛ اخونك جاين
رائد ناظرها :عادي يمه بسكن بوحده من الغرف بعدين ببني برا غرفه لي ولها
ابتسمت غاليه : ربي يبشرني بعيالك
ابتسم باس راسها ؛ يمه بقولتس على شين
غاليه ؛ امر
رائد بتوتر ؛ باجل موضع العيال بسبب عمرها وانتي عارفه باهل الديره وراها ماحملت واكلامهم فا بطلب رايتس
غاليه : الا تشوفه يمك واقنعها ترجع تدرس وحتى ولو انو البنت مالها الا بيت رجله بس يمك خلها تدرس وهي باقي لها سنه بس
ابتسم رائد ؛ ابشري ماطلبت شي وكنت افكره به الصدز
ابتسمت غاليه ومشت مع الحريم
قعدت غاليه ؛ وراها نوف ماجت
حصه ؛ تقول خذت من اول وقعدت بالبيت
جت سلمى: وينهم البنات
مرزوقه ؛ مدري حتى عمتس ريم مدري وينها
ضحكت الجده من شافت البنات وراهم دياب وحمد :جاء الا يمشيهم صح
ضحكو عليهم وطلعو ورجعت الحشره حقت اول
ونفس الترتيب ولكن الفرق المره ذي انو البنات كانو ميتين نوم وجوع وكان الطريق هادي مافي غير صوت الحريم الكبار والبنات نايمات برا بس فزو من سمعو حمد يقول ؛ تبون اكل من المطعم
اصايل ؛ اي نخيتك ياولد اخوي
ضحك حمد ؛ مو كنتي نايمه
سلمى فزت ؛ ابوس الا قال الجوع كفار
ضحكت مرزوقه عليهم
حصه ؛ لا ياولدي وشوله المطعم كله سم في سم ماثق باكلهم نرجع البيت ونسوي
الهنوف؛ تكفيه ياخاله اني ميته جوع وربي ماعاد اشوف
ضحكت ترف ؛ مالومتس وانتي تلحسين الصحن لحس
ضربتها الهنوف : استحي على وجهتس لا تفضحيني قدامهم
اما ريوف وغرام كانو في نومه عميقه
وقف حمد بعد ماشر لدياب ونزل الشباك : جياع دور لنا مطعم عائلي ناكل به
ضحك دياب : جدي لو عرف ذبحنا
صدمته الجده من قالت ؛ اي امش دور ماعليك من جدك
ناظره وهو يضحك ؛ افا ياجده خنتي جدي
ضحكت الجده : اسكتو لا دار اننا رحنا مطعم ولا شين بسرعه ترانا ميتين
ضحك حمد ومشو يدورون ولقو ونزلو والبنات في حوسه
حمد شاف وحده وكانت مغطي بطرحتها مسكها : وينه برقعتس
ترف خافت وخرت يدها ومشت
حمد انصدم كان يسحبها من بناتهم مسك اصايل ؛من ذيك
اصايل : تقصد ترف
حمد انصدم : ماهي من بناتنا
ضحكت اصايل ؛ صادز انت
مشو كلهم وكان دياب وراهم وخافو وسكتو وصلو ودخلو الحريم انطرو ياخذون غرفتين ومع العيال ثلاث ومشى طلبو وعطو البنات والحريم واكلو وعلى طول البيت وصلو ولا كانهم راحو مطعم دخلو ونامو
الحد ؛ كل ذا سوق وراهم البنات رجعو ونامو بالعاد يكشون المطبخ كش
توتو حمد بس دياب قال: من التعب ياجدي فرو السوق فر
ضحك الحد وقام
حمد بهمس ؛ اشتقت لمرته
ضحك دياب ؛ حتى انا
حمد ؛ انت لو ماتدركت وضعك والله لا تروح فيها
ضحك دياب
ومشت الايام يوم ورا يوم لين قبل العرس بيوم
في بيت الجد محسن
كانو مشغولين بشكل ماهو متوقع
كانت ريم و حصه يسون توزيعات
ومرزوقه و فايزه يشرفون على البنات
وسملى وغرام كانو يرتبون الغرف
واصايل و الهنوف ماسكين الحوش تنظيف ومعاهم العيال الا ينزلون الزل حق الحريم ويفرشونه
والجده مسيره على حريم الديره
*****
وبيت اهل رائد حوسه برضو ريوف وترف الا مبسوطين وهم حبين بنات الجد محسن وكانو ينظفون غرفه رائد ويجهزونها بفرحه حتى رائد مصدوم منهم وغاليه برضو معاهم وقايم فيهم دق الباب وقام رائد يفتح وانصدم من شاف عبد الرحمن وياسر ضحك وهو يضمهم : يامرحبااااا تراحيببببب المطررررر
ضحك عبد الرحمن وهو يخبط كتف رائد الا ضامه ؛ وين ابوي وامي
ياسر ضم وبسرعه وخر ؛ وينها في ياعريس
ضحك رائد : والله خواتك اضهر هم المعرسين مو انا شوفهم بس كيف حوسه
ضحك ياسر وركض وهو ينادي بصوت عالي : يمهههه يمه يمه
ضحكت غاليه وطلعت وهي تبكي وركض يضمها : كيفك ياولدي شخبارك
ضحك عبد الرحمن: يامال العافيه وانا
ركض بحضنه وهم مبسوطين بوجود امهم الا صح ماجابتهم بس ربتهم
طلعت ريوف ؛ يابعدددد خاطري
ركض ياسر يضمها وهي تبكي
طلعت ترف على صراخهم ؛ وش فيكم كان ميت لكم احد
شافت ياسر و عبد الرحمن صرخت
ورائد خاف اهل الديره يسمعونهم وسكر الباب : قصرو حسكم
ترف وهي تبكي ؛ من الفرحه
ضحك عبد الرحمن ومشى يضم ترف وبعد هالقاء الجميل رجعو لعادتهم مسك عبد الرحمن ترف وياسر مسك ريوف وفهم رائد وقام وهو يجيب الحبل
ترف فهمتهم حركتهم : يويلكم وربي ماتنزل عن حقي
ضحك رائد بين ما عبد الرحمن وياسر قروبهم من بعض وثبتوهم زين ومشى رائد يربطهم مع بعض
ريوف ؛ ياسلب فكني
ياسر ؛ ياجعلني سين بس
ريوف : فكني
ضحكت غاليه عليهم ؛ ترا نيتهم يسرقونكم
ريوف ؛ وش بتسرق مافي غير ملابسي رح خذها
عبد الرحمن ؛ وذهبتس
ريوف رفسته ؛ خده مرد رجلي يجيب لي
ياسر ؛ تووو به رجلتس بعد
دخل فراس و الحد عيسى وضحكو من شافوهم ومشى يسلمون عليهم
ياسر ؛ اخلص ياعبد الرحمن امسكهم بيفكونها
ضحك عبد الرحمن ومشى يربطهم
فراس ؛ برود قلبي هالفتره رافعين ظغطي
ياسر ؛ افا يبه ولا يهمك اخذ حقك
ترف : يبه لا تشجعهم
بعد ماربطهم عبد الرحم ببعض مشى رائد يدور شي وراح وهو جايب معه حشره كانو البنات يخافون من كل شي ضحك وهو يقرب لهم
وصرخو البنات وعاد ترف الحساسه قامت تصيح
وعبد الرحمن وياسر مشو وجاوب مكياجهم وهم عارفين اغلى شي عند البنات المكياج وقعدو قدامهم ومسك عبد الرحمن روج؛ والله حلو تعال بجربه بك ياياسر
ياسر قرب وجه بس قام من ضربه جده : استح على وجهك ياقليل الادب
ضحك عبد الرحمن
ورائد ناظرهم ؛ اقولك ياسر قبل فتره وديتهم السوق ترف مشتريه روج بلون الاحمر اكسره وريوف مشتريه فنديشن مدري وش اسمه اكسره بعد
ترف ؛ لا لا الروج مو لي تكفون
ياسر مسكه وصرخت ترف ؛ بحطه لمرت رائد
ركض رائد يسحب الروج ؛ لمرتي
ضحك ياسر : فهمنا خلاص
قام فراس ؛ يلا ياسر عيد الرحمن امشو قدامي ياخذ لكم بشت واجهزكم
غاليه ابتسمت وهمست لـ فراس ؛ بعد العرس بنحتفل فيهم
فراس ؛من عيوني
طلع معاهم وكان معاهم رائد وقعد الجد عيسى عنده الحريم
^**********
اخيررررر يوم العرس المنتظر
من الصباح وهي تبكي وعجزت تنام عجزت تشوفهم وهم يحضرون الاكل وقدر الحم الا قدامهم يطبخونه وكانت غرام اسوي الحناء لـ اصايل وكانت مصدومه من بكاها وتحاول تهدي له وهي تحسبه خوف
واما البنات كانو يسون الحلا والقهوه واكثر من ترمس قهوه
والجده مشرفه على الحم مع نوف
******
غاليه كانت جالسه تشوف بناتها وهم يستشورون شعورهم وجنبها رائد الا كان هادي ماكان اليوم عرسه وياسر وعبد الرحمن ماسكينها طقطقه
عبد الرحمن بمزح ؛ لا تشده اليوم ياخوي
رائد ناظرهم وشال الفنجان ورمه ؛ياثقل دمك ياشيخ
ياسر ؛ ماخذينها من اخوي
رائد ناظر لمه ؛ يمه متاكده الحليب الا عطاتهم صلحان مو خربان
استحت غاليه منهم وقامت
ضحك ياسر ؛ ياحلوه استحت
فراس طلع وهو يشوفهم ؛ ماتبون الحلاق قومو بنروح لمدينه
ياسر قام ؛ توكلنا على الله
طلعو وقابلو الجد محسن وعياله واحفاده وطلعو للمدينه كلهم
**********
العصر كانو البنات بالغرفه يجهزون اصايل الا بالقوه هدت
والعيال كانو يجهزون رائد
طلعو البنات بعد ماجهزوا وقعدت لحالها انتفح الباب وكانت تحسبه امها : يمه هالايسمونه فستان ماني مرتاحه فيه
رفعت راسها وانصدمت من شافت ام راشد قامت بقهر ؛ وش عندتس وش جايبتس بتكلمين الناقص
ام راشد وهي تبكي ؛ تكفين سامحيني يابنتي طلبتس سامحي ولدي
اصايل وهي تبكي ؛ وشو اسامحه انا اليوم منتهيه انا اليوم نهايتي قولي لي وش اقوله اذ اكشتف انو البنت الا متزوجه ماهي بنت هي مره ( زمان كانو يقولن للبنات الا عذريات بنات واما الا مو عذريات مره او حرمه )
انصدمو من سمعو طيحه كاس لفت اصايل بخوف وشهقت من شافت ترف وكانت نظرات ترف تحرقه مشت ترف بقهر لـ اصايل : وش تقصدين انتي
اصايل الا نزلت دموعها ماكان ناقصها غير كذا وتتكلم ناظرت ام راشد : اطلعي الله لا يسامحتس لا انتي ولا ولدتس ربي يوريني فيكم قدرته يارب
مسكتها ترف بقهر : ماعليتس منه انتي وش تقصدين بهالكلام
طلعت ام راشد وهي تبكي اما ترف الا انقهرت ودفته اصايل ؛ لعبتو على اخوي انتو عشان كذا قطوتس وافقو بسرعه عشان كذا انتي ماتروحين المدرسه
جت بتطلع ترف بس وقفت قدامها اصايل وهي تبكي : اسمعني ياترف تكفين طلبتس اسمعيني كل شي صار مو بيدي
ترف دفنها ؛ لعبتو على اخوي بوقف العبه ذي
اصايل انهرت وهي تبكي وقعدت على الارض تبكي بحرق انصدمت ترف وصح كانت مقهوره بس بنهايه قلبها مستحيل يخلي بنت نزلت وهي تضمها وبكت اصايل بقهر ؛ كنتتت صغيره ياترف كنت صغيره
ترف انصدمت :قولي لي فهميني يااصايل لا تشوفيني رفلا طلبتس
اصايل كانت تشهق بس سمعت اصواتهم قامت وهي تركض للحمام ودخلت غرام : وينه عروستنا
ضحكت ترف ؛ بالحمام روحو واحنا بنجي
غرام ؛ طيب
طلعو كلهم البنات وطلعت اصايل ومسحت دموعها وعدلت ترف مكياجها
ترف : مارح اظغط عليتس بتقولين لي بعد العرس
اصايل ؛ هذا اذ بقيت حيه ياترف اخوتس بيعرف اليوم
ترف توترت وترها اكثر دخلت امها الا قالت : ترف امشي بيدخلونه اهلها يسلمون عليها
طلعت ترف ودخل الجد محسن وراه عياله خالد ومنصور وراهم دياب وحمد
الجد مشى وهو يمسح دموعه : كبرتي والله يابنتي
حمد مشى وهو يدفها : بتشاق العريكه حقتس تكفين كل ماسويت عريكه ارسلي لي
ضحكت اصايل
خالد مشى يضمها ؛ كبرتي ياخيتي اذكر ابوي عطيني ايتس وكانت تسذي طولتس
مشى منصور ؛ تراس اخوانتس منصور وخالد قلي الا تبينه وانا اقولتس تم حتى لو تبيني اجيتس لو انتس باخر الدنيا
بكت اصايل ومشى دياب يضمها ؛ افا علامتس به حتى مزعلتس
اصايل وهي تبكي ؛ سامحوني طلبتكم
الجد محسن انصدم ؛ علامتس على وش نسامحتس
اصايل : على كل شي يايبه
مشى الحد يضمها وهو يمسح دموعه وقال الشي نفسه الا قاله لـ. هديل : تراس كبرتي وصرتي مره وهذاني بزفتس لرجلتس امسحي دموعتس ولا تنزل ترا وراتس عزوه
ابتسمو من شافو الجده مشت بالمخبره وبخرتهم كلهم
الجد: مشينا ياعيال ابطينا على الرجال
مشو كلهم وهم زعلانين على فراق اصايل حلوه البيت وحلاه
و اول ماطلعت قابلو الجد عيسى وعياله واحفاده وكان وراهم السامري وكان في خيول بدا السامري يطق ( يا معيريس عين الله تراك
القمر والنجوم وراك ) وكان يزفون رائد الا الحين ماهو مصدق
واول ماوصلو وكان الخيال يمشي بسيف ويدور حولهم
وقف السامري بنص ومشو نص اهل الديره معاهم وبدات العرضه حقت اهل نجد وبدا السامري ( لو ذبحني يا عوض عادي
من يحاسب يا عوض خلة)وبدا يرقص رائد وكان جنبه عبد الرحمن بثوبه الابيض ولبس حزامه ومسوي المشاغ على شكل عمامه وجنب ياسر بثوبه الاسود وشماغه الابيض وكان لبس عليه جكيت ابيض ومن جهه حمد كان لبس بشت بني هو و دياب ولفين العمامه وتركو بشتهم من بدا السامري وبدا يعرضون والاسياف معاهم والخيال يدور حولهم
وعند البنات كانو يقدمون كل شي
وبعد العرس مشى رائد معاهم ودخل وهو مارفع راسه ولا شافها وكان يسمع ابوها يوصيها وصوتها الا بالنادر يطلع بس ضحك من سمعها تهاوش حمد
حمد دقها ؛ هي لا تجيبن طفلتس بدري تراني مرتاح تسذي
اصايل ناظرته بطرف عين : لا يكون انت بتصرف عليهم
حمد : وشوله ماصرف عليهم بس تعرفين ماحب عياله العمه
ناظرت وهمست : بينا بعدين
مشى منصور ؛ ترا يارئد انت خذيت حلوه البيت واخر العنقايد انتبه له وحطت بعيونك والله وهاني حلفت ان جت يوم وقالت تكفى يامنصور ترا مذيني ماتلوم غير نفسك
خالد ناظره: علامك على الرجل ان شاء الله بيحطها بعينه
رائد ناظرهم : ماعليكم بقلبي قبل عيني
انصدمت من كلامه وبلغت ريقها
حمد : يلا بنزفكم للفندق
طلعو ومسك يدها وتوتره كانت تناظرها(علامك مو ناقصني غير تسذي) ركبو السياره ومشى وكان تحت الباوري حق العيال وعيال اهل الديره وضحكو وحب رائد يبتدي باغنيه لها وفتح المسجل واشتغل على ( من بعد مزح ولعب... أهو صار حُبّك صحيح
أصبحت مغرم عيون... أمسيت وقلبي طريح) ومن هنا قرار رائد يعيش معها طبيعي ويعطيها كل شي ابتسم ومسك يدها وباسها وبدا يغني ( من بعد مزح ولعب)
اصايل كان قلبها يدق وتترجف ناظرته وشافت الحنيه فيه وتذكرت طفولتهم وكل شي وفعلا رائد كان حنون عليها بس كانت خايفه يكتشف الشي الا مخبيته
ابتسم رائد ومد يده لور وطلع ملف وعطها ناظرته باستغراب : وشوله ذا
ضحك وائد ؛ افتحي يااصايل
خافت اصايل وفتحته وكانت صورهم وهم صغار كان يسوق بس يلقى النظره لها يشوفها ويشوف ملامحها ومبتسم وحس برضا كبير
ضحكت اصايل من شافت صوره لهم كانت جنبه واهلها ملابسينه برقع وكانت معها عصا وحافيه وجنبها زائد الا كان لبس ثوب وثوبه كله تراب وكان وراهم ناقه والواضح انهم بالعزبه وعند الحلال
ضحك رائد من ضحكتها ؛ تذكرتي اليوم ذا
اصايل الا استحت بس ردت ؛ اذكر ذاك اليوم يوم كبيت حليب الناقه وخفت من ابوي وحطيتها فيك وانظربت انت
ابتسم رائد من الذكره ذي وهي مبتسمه بس اختفت ابتسامتها من وصلو الفندق
نزل وهم يودعونهم وطلعو بعد مامشو العيال ورجعو للعرس
اصايل كانت ترجتف عكس رائد الا دخل ورمى بشته وقعد ؛ تعالي
خافت اصايل اكثر ومشت وقعدت جنبه مسك رائد يدها : اعرف انتس صغيره وادري بتس خايفه بس الا بقوله لتس اني ماني لمستس لين تخلصين مدرستس وبالهوقت ابيتس تعطيني اهتامتس ولا ابي منتس اي ولد وطفل الحين كملي دراستس يامال العافيه
خفت رجفتها وملامحها وهزت راسها
رائد ؛جوعانه اطلب لتس شي تاكلينها
اصايل الا كانت ميته جوع بس هزت راسها بـ لا
فهم رائد توترها : ماعليه بطلب لا جعتي بعدين
مشى يطلب ومشت هي تغير فستانها وفتحت شنتطها وانصدمت من الفساتين طنتشت واخذت جلابيه كانت قصير فوق الكعوع بكثير وكانت مريحه طلعت برا وشافته نايم والعشاء على الطاوله ابتسمت ومشت تتعشى وخلصت ولمت وراحت انام كانت تحسبه نايم بس هو نام عشان يخفف توترها وتتعشى زين
انتهى ......
