قد لا نملِك إلَّا الدُّعاء، ولكِنَّنا بالدُّعاءِ نملِك كُلَّ شيء🤍.
- وترك يا صَحب✨
اليوم الثاني قامت من النوم شافت صقر جنبها ورائد حاضنه ابتسمت وسرعان مازلت الابتسامه حطت يدها على بطنها ودمعت عيونها رفعت راسها وهي تشوف رائد يتاملها وهو مبتسم : صباح الخير
ابتسمت وهي تمسح دموعها كان مافي غير ضو القمر : صباح النور يلا اذان الفجر
قام رائد توضى
وقامت اصايل تتوضى خلصت وضوى وصلو
بعد الصلاه كان رائد يتبخر واصايل تلبس صقر
رائد: اصايل
اصايل ناظرته : لبيه
رائد : يابعد خاطري انتي العصر مابكون موجود بمشي اجيب مواني رمضان ويابعد قلبي بعد تعرفين الصدقات
اصايل ضمته ؛ عذرك معك يابعدي
ابتسم وباس راسها
نزل تحت وشاف الجد عيسى وجنبه فارس
فارس ؛ جابك الله اقلط
قعد بعد ماسلم عليهم مسك الدله وصب لجده ثم لبوه ثم له:سم
فارس : سم الله عدوينك بغيناك بموضع
رائد : امر
الجد عيسى ؛ اعرس على مرتك
رائد رفع راسه مصدوم ؛ وشو
فارس : اي ياولدي ماتبي الضناء والظاهر البلاء منها
ضحك رائد ؛ طيب ليه ماقلتو البلاء فيني
فارس ناظره بصدمه ؛ قيك شي
رائد ؛ لا مافيني يايبه تكفى والله اني راضي بحياتي وراضي باصايل لو ماخلقت ابيها
الجد: بتروح تشوف البلاء في مين
رائد قام ؛ استاذنكم ماشي لبيت الشعر
طلع وائد وهو مقهور شاف قدامه ياسر
ياسر : علامك
رائد بقهر : اهلي تخيل يبوني اعرس على مرتي تجبروني عليها ويوم حبيتها قالو اعرس عليها
ياسر ؛ ياولد هدي ماتعرف جدي وابوي
رائد ؛ يارب صبرك بس
ياسر ؛ وين بتروح
رائد : ببيت الشعر تخاوي
ياسر : اي معك
*
في البيت
من قهرها رمت الصينه الا بيدها عليه ؛ يامحمد ياسوسه يالي وجهك ممسوح بمرق يالي ماتسحي يالي دوبك متعلم تغسل نفسك
هديل : الله الله كل ذا في ولدي
سملى ؛ اجل في مين غير محمد هنوفففففف
دخل حمد على صراخه: علامتس سمعوتس الا برا
سملى بقهر : انت وين طاس
ترف ضحكت : لا يكون رجلتس تسالين عنه
سملى ؛ لا خي مسكين ماحد يسال عنه
حمد: يابعد قلبي مين مزعلتس
سلمى ناظرته ؛ بتروح معاهم العصر
حمد ؛ اي بنروح نجيب اواني رتبو الدنياء عشان اغراض رمضان
سملى ؛ يارببب رمضان الجاي في بيت رجلي
حمد شال نعوله ؛ يالا ماتسحتين على وجهتس
سملى ركضت ورا الهنوف
الهنوف : وهي صادزه طفشانه منكم
حمد : بطلع عيونتس
ركضو الهنوف وسملى داخل
فايزه : تعال يمه ماهب صاحيات
قعد حمد ومدت ترف له القهوه : سم
ابتسم حمد ؛ سم الله عدوينك
حصه ؛ يمه اخوك وصل
حمد : اي يمه قد اعتمر اخر ماكلمته قال بينام
ريم : كيفها بنتي
خمد ؛ بخير
ريم ؛ والله اني مو مرتاحه بزواج ذا
حمد رفع حاجب ؛ ليه ياعمه وش ناقصه دياب كل بيت يتمنى دياب يطرق بابهم وياخذ بنتهم ماخفتو عليها من زواج ظافر بس خفتو من دياب
ريم سكتت
مرزوقه بتغير الموضع ؛ اي وش بتاخذون اليوم
*
في بيت الشعر
الحد محسن قاعد وجبنه ولده منصور خالد بعد الطلعه مشى للمدينه ماطول حتى
والجد عيسى وجنبه احفاده وولده
دخل ابو ظافر : السلام عليكم
: وعليكم السلام
جلس ابو ظافر ؛ قلبي شايل عليك يامحسن
محسن ؛ افا ليه
ابو ظافر : مره ولدي دوبها طلعت من العده تعرس على ولد خالها
منصور ؛ والله ليت مشينا ورا القريب اولى من الغريب
سكت ابو ظافر ؛ الله يوفقهم
الكل : امين يارب
دخل رجل من رجال البدو؛ محسن يامحسن
فز الجد : علامك يارجل
الرجل : نخيتك يامحسن نخيتك ان تقوم انت وضيوفك تلحقوني بيت الشيخ ولدي ذابح ولد سعيدان
الحد محسن ؛ ذا ماهوب صاحب راشد يا منصور
منصور : اي يايبه
الحد محسن : يارجال شدو الظهر ولد قبيلتنا قاتل ولد من قبيلتنا تشدون الظهر نمشي للشيخ
الكل : اي . احتزم بي
طلعو
ومن دخلو عند الشيخ
الحد محسن ؛ سلام عليكم ياشيخ
الشيخ ابو سلمان ؛ ياهلا يامحسن
الجد محسن معروف يقوم معاهم بالصغير والكبير : جاين نخينك ياشيخ
الشيخ : تامر يامحسن
الجد عيسى ؛ ولدنا ذابح ولد سعيدان نبي الفزعه
الشيخ ؛ وش سبب الذبح
دخل راشد وحالته حاله عيونه حمر ثوبه مشقوق
الرجل : سببه ولدهم معتدي على بنت يوم عرف ولدي ذبحه
الكل : والله انه رجل اين رجال
راشد : ياشيخ عيال سعيدان الباقي يتحلفون فينا تكفى ياشيخ
قام الشيخ : اليله ينتهي موضعكمً
كان من ضمن الرجال الموجودين واحد من عيال سعيدان طلع والسكين بيده
*
ياسر الا مايحب السواليف ذي وطلع كان قاعد قدام الدكان
جاه الرجل : انت ولد مين
ابتسم ياسر ؛ ولد فارس
ابتسم الرجل ؛ يامرحبا ابوك يبيك
ياسر : ابوي وينه
الرجل اشر له بمكان
*
عند باب سعيدان
سعيدان ؛ انا مانيب متنازل
الشيخ ؛ يابني ولدك غلطان والبنت الله يستر عليها
كان بيت سعيدان قريب من بيت الحد محسن وعيسى الكل قام يطلع من بيته
سعيدان ؛ مانيب متنازل خلي الحميه الا فيه تفيده
جاء عمر يركض وهو يلهث صرخ باعلى صوت : ياسرررررررر
فز رائد وعبد الرحمن ؛ علامه ياسر
عمر ؛ ياسر ياسر طعنوه ع
رائد الا جمد : ياسر اخوي
عمر : اي اي
فارس : وينههههه
عمر : هناك
رائد الا ركض يبي يكذب الخبر
ولا عبد الرحمن الا تجمد في مكانه
ولا فارس الا يركض
الجد جلس : يارب سلم سلم
وصل رائد قعد وهو يصرخ ؛ ياسرررررر ياخوكككك
شاف الغرزه حط شماغه على الدم: تكفى ياياسر تكفى لا تكسر ظهر رائد لا تكسره
فارس : ياسر يابوك قم قمً
سكتو من سمعو صراخ غاليه الا كانت بتروح لبيت الحد محسن بس نغزها قلبها : ياسرررررر
صدو الرجال
مشت وهي تبكي : ياسررر يايمه قمم
فارس بقهر ؛ مين ذبحه
عمر ؛ ولد سعيدان ولده
فارس مشى بقهر ؛ شدخل ولدي بمشاكلكم شدخل ياسر الا كل حلم يكون بيت ويتوظف شدخله
طلع الكل على صراخ
الجد عيسى وهو يون:الله ياخذ روحي ياسر ويعطيك
عبد الرحمن الا استوعب بعد كلمه جده قام وهو يركض مسك وجه ياسر : ياسر ياسر عيب تروح وتخليني مو انا توامك ياخوي ياخوي
بقهر ضم وجه وهو يصرخ : ياسرررررر
بدون اي وعي من عبد الرحمن دف رائد وشال ياسر يركض فيها مشى حمد وهو يسوق فيهم كان ابد الرحمن يون وهو يقول : لا تروح ادفع عمري لك ياياسر تعالي اكسر يدي وقفت عليها بس لا تروح
*
كان متجمد يناظر بيده مشى له منصور ؛ رائد خلك قوي
رائد بدا يضحك ودموعه ارباع وهو ياشر على يداه : ذا دم ياسر صح دمهههه
بدون وعي مشى قدام الشيخ وكل الرجال سحب سعيدان : شفتك ولدك وربي لا اخليه ياكل الارض والله ثم والله ماعرفت تربي عيالك تفو عليك وعلى تربيات عيالك دم ياسر ذا بيطلع من رقبتكم
مشى وهو ياخذ غاليه الا تجمدت
الجد محسن:خلها تدخل عن الحريم
دخلت وهي تبكي ركضت الجده جميله وهي شافت كل شي : خلاص اهدي باذان الله مافيه شي
غاليه بقهر ؛ولدي بغى يروح
مرزوقه ؛ بس ياغاليه ترف لا تسمعك بتنهار
مسحت غاليه دموعها ؛ ترف لا تدري
سحبو غاليه تشرب مويه ويهدونها
*
رجع وائد وشاف ابوها الا متحمد ويناظر بمكان الدم وجده يون والكل متجمع حوله : يبه
فارس ؛وما الفقدان الآبتر في الروح لايلتئم أبداً
وما الفقدان الآبتر في الروح لايلتئم أبداً
رائد : يبه ياسر ان شاء الله مافيه شي قوم نروح
قام فارس رائد ولحقه الجد عيسى ومنصور شال ابوه ولحقهم
*
عند دياب وغرام
بعد ماقامو وصلو مشى للجوف
غرام : دياب وين بنروح
دياب ؛ قربنا يابنتي اهجدي
غرام ؛ يووو
دياب ؛ الا غروم
ناظرته غرام ؛ لبيه
دياب ابتسم : الا تبين نرجع عشان نرمض عن اهلنا وعد مني اعوضتس بسفره
غرام ؛ ماعندي مانع
دياب توتر ؛ بروض في موضع
غرام ؛ !وشو
دياب : بنسكن بالجوف
غرام شهقت ؛ وشوووو
دياب : يابنت الحلال وظيفتي هنا
غرام : بس دياب ما معي احد
دياب : ان شاء الله كلها فتره ويتزوج عبد الرحمن ويجيب مرته وتصير صديقاتها
غرام تنهدت ماودها تظغطه : الا تشوفه
ابتسم دياب وباس يدها : يلبى الا يفهمون
بادلته الابتسامه
*
في المستشفى واقف يناظر بغرفه العمليات
حس بيد تمسك كتفه لفى وشاف حمد
حمد: هونها وتهون وان شاء الله
مسح عبد الرحمن وجه وهو يشوف الشماغ الا مليان دم بدون اي سابق انذار خانته دموعه : هذا دم ياسر دمه
جاء فارس وهو يضم عبد الرحمن كان يمسح دموعه بطرف شماغ : اخ كسر ظهري ياسر
عبد الرحمن وهو يبكي : يبه تكفى قولي كل الا صار ماهوب حقيقي
فارس بكى
والجد جالس على الكريه وبيده عكازته وهو يردد: خذ من روحي وعطه يارب
الجد محسن يهدي عيسى
وحمد واقف بناءهم بنكسار مايلومهم او صار شي لدياب كان انجلط تنهد وهو يبعد الفكره عن راسه وتعوذ من الشيطان
رائد الا دموعه بعينه ويمسحها بطرف شماغه وهو يتحلف بسعيدان واهله
*
ترف كانت تشوف امها الا تحاول تخفي دموعها : علامكم
مرزوقه ابتسمت ؛مافي شي كيف حملتس
ترف ؛ بخير
دق الباب بقوه
قامت سملى ؛ اللهم سلم سلم
فتحت الباب دخلت ريوف وهي تبكي : وش قلت لك يامي الديره ماتاسبنا اليوم انطعن ياسر بكره مين رائد ولا عبد الرحمن وبسكين ولا سلاح
فزت ترف بخوف: وشو وش تهذرين بوه انتي
ريوف بكت
ترف بصدمه ناظرت امها : يمه ياسر مطعون
غاليه بكت
ترف صرخت ؛ وانا مثل الرفلاه واقفه قدامكم ولا قلتو
غاليه ؛ ترف حبيتي مابغينا تتعبين
بكت ترف : يمه ذا اخوي مين طعنه
غاليه ؛ عيال سعيدان حسبي الله ونعم الوكيل
ترف الا بدت الدنيا تضلم عليها
سملى والهنوف فزو وهو يمسكونها : لا اله الا الله
الجده فزت ؛ يمه علامها البنت
حطوها على الفرش الاحمر
ركضت ريم تجيب مويه عطتهم بدو يرشونها كانت تحرك راسها
غاليه : ترف يمه
ريوف بقهر : كملو على اختي بعد
سملى الا طفشت ماعاد تطيق كلامها قامت : لا ياحبيتي البلا بلاتس وان كانت بيصير به شي في منتس في وحده تبلغ وحده حامل وقلبها رهيف بقتل اخوها تحسبين الكل مثل قلبتس ياجعلني الا مانيبه قايله
الهنوف ؛ سملى بس
سملى يوم شافتهم مشغولين في ترف مشت وهي تدف ريوف بقهر وطاحت ريوف ؛ بقولتس كلمه ان فكرتي فكرتي بس تقربين او تغلطين علينا بس وربي لا اخليتس عبره لكل شخص
ومشت
ريوف كانت بصدمه كانت تحسبهم مثل اصايل
*
كانت نايمه وفي حضنها صقر ولا تدري باي شي
فزت من سمعت بكاء صقر قامت وهي تعطيه حليب رفعت راسها وشافت الوقت وكان العصر حركت رقبتها يمين يسار مسحت عيونها وشافت صقر الا نام رجعت انسدحت جنبه ونامت
*
في المستشفى
وبعد ساعات انتظار من الصباح لين العصر
كلهم قدام باب العمليات يدعون طلع الدكتور تجمعو كلهم حوله
الدكتور ؛ تفضلو اشوي
بعدو عنه اشوي
الدكتور ؛ الحمدالله على السلامه والله ابنكم محظوظ كانت الطعنه قريب من القلب لكن ربي نجه بلغنا الشرطه عن الحاله
ضحك عبد الرحمن وهو ماسك الشماغ حق رائد الا فيه الدم : يارب لك الحمد يارب
رائد سجد ودموعه بعينه
الجد عيسى جلس بعد ماكان واقف ؛ لا اله الا الله يارب انك عظم اشكرك على النعمه هذي
فارس ضم منصور الا جنبه
الجد محسن وهو يطبط على ظهر الجد عيسى ؛ باركت بهالولد ياعيسى ربي انقذه لك
الحد عيسى ؛ اي والله فقدهم كانه سكين في قلبي
حمد : عبد الرحمن
عبد الرحمن لفى على حمد
حمد وهو يمد يده :عطني الشماغ
عبد الرحمن ضمه لصدره ؛ لا دم ياسر ماينطش
منصور ؛ يارجال دقو على الحريم طمنوهم
رائد قام ؛ بدق على اختي تطمن امي
حمد بهمس لرائد ؛ طمني على ترف
رائد : ابشر
طلع رائد
*
قامت وهي تبكي بحضن امها دق جوال الجده : يمه سملى تعالي شوفي مين
مشت سملى وهي تتربع قدام الجد شالت الجوال الكشاف : حمد
ردت سملى ؛ هلا حمد طمنا
حمد وهو مبتسم ؛ الحمدالله هو بخير وصحه وبشري اهل دق اخوهم عليهم مارد
ضحكت سملى : الله يبشرك بالجنه ياخوي قل امين
وخرت الجوال من اذنه: خاله غاليه ياسر بخير الحمدالله ويقول دق ولدكم عليكم مارديتو
فزت ترف وهي تبكي : يارب لك الحمد يارب
غاليه سجدت شكر
ريوف ابتسمت وهي تمسح وجها
كلهم قامو يتحمدون لها بسلامه ولدها
فزت سملى وهي ترد على حمد الا يصرخ : سلمىىىى وجعوووو
سملى : فقعت اذني يالمخزي
حمد ؛ انا مخزي جايتس بمطعتس بالخيزران حقت جدتي
سملى ابتسمت : تبي حنين ولا عصيده
ضحك حمد : ياشيخه مايجيب راسي غيرتس الا مين الا يبكي قبل اشوي
سملى ؛ ترف
فز حمد ؛علامها
سملى : ولله ذي
قاطعها خمد : ماسمعتس صبر
فتح اسبيكر
حمد : وش كنتي تهذرين بوه
سملى ؛ اقولك هالرفلاه بنت خالتي غاليه الا اسمها ريوف اخت زوجه اخوي وتكون اخت زوج عمتي ياجعلني الا مانيب قايله جعلها ببط يبطها حرقه تسبدي. دخلتن تتبلا من فيها عوذه منا ومن شيطانيها ياولد ذي ماهيب انسانه ذي حماره مع احترامي الحمار يكرم عليه ياربي وال
قطعها حمد بحده: سملى عيب هالكلام ان كان هي مستوها كذا لا تنزلين له يابعد تسبدي مين يحرق تسبد سلمى انا ماعرف عزي سملى تحرق تسبد الادامي وش مسويه بترف
سملى ؛ ابد دخلت واحنا مانيب نقول لترف صرخت تقول انطعن ياسر بكره مين رائد ولا عبد الرحمن بسكين ولا بسلاح وعاد مرتك كانت موجوده من سمعت قامت تبكي وتسال يوم قال لها طاح من طولها يابعد تسبدي عليها بس
حمد وهو يحك حواجبه ؛ لا حول ولا قوه الا بالله طالبتس طلب ياسملى قولي قدها
سملى : افا اذ ماكنت قدها مين قدها سم ياخوي
خمد : انتبهي لترف بس اخلص من اخوها بجي لها تكفين لا احد يظغط عليها
سملى : ابشر ياخوي
*
كان واقف وراهم وسمع كل شي انحرج من تصرفات اخته ابتسم من لفى حمد
حمد استغرب ؛ عبد الرحمن امر يابعدي
عبد الرحمن ؛ ولا شي بس بتطمن على الاهل بس
حمد : دوبي سالتهم بخير
ابد الرحمن : الحمدالله
انتهى 🔥✨
