نبارك لأمة الإسلام بقدوم عيد الفطر..
تقبل الله صيامكم وقيامكم.
كل عام وانتو بخير 💖
ناطرتها : هو ليه صقر
غرام وهي تناظر ولدها ؛ امي دائما كانت تبكي على خالي صقر وتحبه كثير وحلفت اذ جبت ولد بسميه صقر بس الا خلاني اتعلق بالاسم ذا دياب ولد خالي صقر
روزا : الحين كيف وضعك
غرام الا من كثر فرحته بصقر نست انو ظافر مات وانها بغربه ولحالها :مانيب عارفه شسوي عطيني جوالتس
عطتها روزا جوالها دقت على نفس الرقم الاول نفس التليفون انتظرت انتظرت بس مارد عطت روزا : ماحد يرد
روزا الا شافت الجوال : اساس الرقم ماهو موجود
غرام : وشهو
روزا ؛ اي مع الاسف
غرام تنهدت : البيت الا احنا فيه
روزا ؛ مع الاس انحجز انا هقولك حاجه
غرام ناظرتها
روزا ؛ عيشي معي انتي والولد الحلو ذا لين ربك يفرجه
ابتسمت غرام الا فعلا مابقى لها غير روزا ناظرت بصقر النايم الا اخذ كل شي منها هي يشبه غرام بشكل بيضا عيونه الا باقي مافتحها الا انها متاكده انها مثل عيونها ابتسمت وهي تضمه اكثر وتبوس جبينه ونزلت دمعتها الحارقه الا استقرت على خد صقر شمت ريحته وهي تحمد ربه على رغم انها كرهت نفسها وقت حملها الا ان الحين تحمد ربها فعلا
روزا : تصدقين انه ولدتي بشهر السابع بس الحمدالله ربي مشاها لك
ابتسمت غرام
*
قام بعد تعب ناظر لـ تميم النايم على ذراعه ضرب راس تميم فز تميم : شصار
دياب : انا الا اسال
تميم وهو يحك عينه ؛ طحت فجاه يوم وصلنا المستشفى قالو انك انكتم والحمدالله الحين كل شي بخير
دياب : فيني شعور الغصه والضيقه ودي اكسر اي شي قدامي وودي اقول ودي اهرج بالا في قلبي بس مادري ايش اقول ولا اقدر اوصف الوجع الي بداخلي ووجع في قلبي
تميم وهو يريح ضهره : تكلم وانا اخوك
دياب : الصمت يكفي ويشفي صدر راعيــه
لا صار كل الحكي ماله معانـــــــــي
والقلب ما عاد تعنيه المشا ريـــــه
و العين ماعاد تغريها الامانــــــــي
ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
تميم ؛ وش كنت تنتظره بظبط
دياب والدمعه نحجر بعيونه : قلت بكره تزين واخذها وازفها لي مره ويرتبط اسمي ب اسمه ماصحيت الا قد زفوها على غيري وصارت مرته واسمها ب اسمه يحق لك يتهنى بها يحق لك يتامل فيها يحق له الا مايحق لي
تميم ساكت وهو يسمع دياب
دياب : خذاك غيري .. يوم انا رغبتي فيك
وانا خذيت الحزن من حزن حظي.
جيت وانا ناوي اخبطها حسيت بضيق في صدري وقمت ومشيت وليتني تكلمت وقلت ابيها كنت اعاند واقول لا ماتتساهل الا الغالي اخلص ثم اخطب ماقمت الا وقد حطوها الزينه لها وزفوها على غيري مايدرون انهم زفوها على موته ياتميم
دخل حمد الا من سمع بالخبر جاء قال له تميم بعد حرب بينه وبين نفسه ناظر حمد لدياب الا سادح بس شارد قام تمبم وطلع وهو يبيهم يقعدون مع بعض تقدم حمد وهو يقعد ؛ وش تبي يادياب
ناظره دياب
حمد ؛ تبي غرام
دياب سكت
حمد ؛ تبشر بها ان كان تبيها بس تكفى قم اوقف معي قم ياخوي انا ذراعي اليمن انبترت من طحت قم ياعضيدي ان كان تحب غرام قم عشانها مو عشاني يادياب ترا انا مانيب بخير يوم اشوفك تسذا لو اني داري يشهد ربي علي ماخليتها تلمح طرف الكتاب الا وقعته وصارت مرته قم يادياب حالك مايسر الخاطر وانا جريح بدونك انا مثل الرجل الا يمشي وعقله مو معه انا مثل الام الا تمشي وهي تاتحي بازرينها قم عشان غرام
دياب رفع نفسه وهو يسحب يد حمد ويضمه : ليت كلهم ياخذونك طبعك لو هم ماخذينه الدنياء كانت طيبه
ابتسم حمد : وحشني الحظن ذا يابخيل
ضحك دياب : حمد
حمد ناظره : سم
دياب : بنمشي الديره
حمد : ذا الكلام الصح
دياب وهو يحك شعره ؛ كفر عن حلفي بس
حمد وهو ياشر على عيونه : بس ذا ابشر يابو صقر
ضحك دياب بخفوت ؛ عاد ياني ابذرت تميم قبل اشوي وفضفته له
حمد : لا هنا مارضى انا زوجتك الاوله مايحق كذا
ضحك دياب وهم يغمض عيونه صح ضحك بس صحتها ماهي مثل اول
*
ناطرها ؛ اخر كلامتس
اصايل وهي تتربع ؛ اي يامال العافيه
رائد : طيب زين
طلع وهو مقهور منها اما هي متاكده من قرارها ماعاد ابي الدراسه ماحد يجبرها غير غرام وهز غرام راحت
*
قاعدين بالحوش وسط سواليفهم مافي غير ريم الا نايمه بعد مابكت
الجد وهو يشوف ترف ؛ ها يابنتي مابوه شين بطريق
استحت ترف وهي تهز راسه ب لا
ضحكت الجده وهي اشوفها مستحيه؛ حرام عليك البنت قلب وجه
ترف قامت وهي تحط جلالهل على راسها ؛ زاد الله فضلكم قدني اتدروخ
مشت وهي تهوي على نفسها
سملى شافت محمد الا حبى لين وصل عند التراب الا هناك وكان مخلوط مع مويه شاله بيده وهو ياكل ضحكت : هدا صدق ياكل تراب
هديل فزت ؛ بتموتني ياهالولد
ضحك محمد وهو يحاول يمسك امه الا شايله بطرف لبسه ناظرت لسملى الا فاطسه ضحك مشت وهي تحطه فوقها وتوضخت سملى : يامنيب قايله
ضحكت الهنوف : بنهايه عشان تتروشينه
سلمى : بطلع السطح وارميه من فوق
ضحكت مرزوقه : لا عاد هدا شيخ القبيله
سملى وهي تشيله وهو يبكي يبيها تضمه: لا وربي الا انه بلوه على حلق سملى المسكين يارب عجل بالفارس المغمور
ضحكو كلهم من النعول الا جت في راسها من جدتها : يارفلا يالي ماتستحين على وجهتس هالفارس المغمور لو يجي ياني يفتح رزق
سملى ؛ افا ياجميله تسوينه بي
الجده : استحي على وجهتس
ضحكت سملى وهي تبوس راس جدتها: حقك علينا
*
دخل بعد ماطلع قهره انصدم من شافها تبكي وتحاول تكتم شهاقتها خاف عليها وركض ؛ علامتس اصايل
اصايل ناظرته وهي منهار ضمته: ابي الضنا يارائد
رائد وهو يمسح على شعرها ؛ الضنا بيجي ان كتب ربي
مسحت دموعها
رائد : سامعه شي
اصايل بقهر : اي يقولن انك بتعرس علي ان ماجبت لك طفل
رائد ؛ اعرس عليهم ازوجهم ماعليتس حرام اني ماخد غيرتس
اصايل اكتفت ببكاء اتعب قلب رائد الرهوف وماهدت الا يوم قرا عليها ونامت
*
كان يشوف نوره الا تلعب في الحوش جت ام ظافر وهي تحط الشاي : والله يابو ظافر قلبي ماهو مرتاح من امس وانا ابسي وحالي مايسرك
عدلت قعدته ؛ علامتس يامره
ام ظافر ؛ احس صاير شين لظافر
ابو ظافر جاء بيتكلم بس قطع عليه اتصال التليفون قام وهو ياخذ ويرد : اهلا
: ابو ظافر
ابو ظافر : وصلت سم
: اتمنى تجي السفاره الخاصه لرحله خاص لك لستلم جثه ابنك ظافر مسعد القروي
ابو ظافر طاح التليفون من يده وهو يحط يده على راسه
ام ظافر ؛ علامك يارجل
نوره جت وهي تسحب فستان امها ؛ يمه يمه
ام ظافر ؛ صبر يابنت ابو ظافر
ابو ظافر الا لفى الشماغ على وجه ؛ اخخخخ ياكسر ظهري بك ياظافر اخخخ
ام ظافر الا تعرف مستحيل ابو ظافر يقول هالكلمه الا وان حلت مصيبه ودامه ظافر بكت وهي تضرب صدرها : ولدي ماتتتت مات يامسعد
ابو ظافر وهو يون :راح عند خالقه اخ ياولدي الا راح وهو بالعمر
طلع الو ظافر تحت صراخ ام ظافر قهر على ولدها
*
بديره كلهم في بيت الشعر
دخل ابو ظافر وجه مايهلي بالخير
فز منصور ؛ علامك يامسعد
ابو ظافر بكى: راح ظافر راح وكسر ظهري بروحته
فز الجد وهو كل همه غرام ؛ لا حول ولا قوه الا بالله وبنتنا
ابو ظافر ؛ هاني رايح ينزل البلد الا هم رايحن لها
منصور ؛ بجي معاك
الحد مسك منصور وهمس ؛ حالته ماتسر خله يروح لحاله
طلع ابو ظافر وهو رايح لسفارة
*
طلع منصور وهو يدق على حمد ثواني ورد : هلا يبه
منصور : وينك ياحمد
حمد : بالجوف عند دياب وش صاير
منصور ؛ ظافر عطاك عمره
حمد وهو يشوف دياب الا ياكل بلع ريقه ؛ عظم الله اجرهم بس يبه
منصور الا فهم ؛ غرام مادري ولا ندري اشلون صار الحادث هدا هو مشى لسفاره
حمد ؛ يعني احتمال هي بعد
منصور : اعوذ بالله قال الله ولا فالك انا اقول قول لخوكً يجي نشوف وش قصتهم
حمد : ابشر
*
سكر وهو يشوف دياب الا آشر له وش فيه
حمد تنهد : ابد امي تعبانه وتطلبك واحد من الجيران ولد توفى
فز دياب ؛ قم نمشي
خمد ؛ اصبر لا بكره مشينا
دياب ؛ هو علامها
حمد ؛ مدري بس تهوجس بك
دياب ؛ بكره بعد صلاه الفجر احنا ماضين الديره
تميم وهو يناظرهم: ابروح معاكم
ضحك دياب وهو يضرب ضهر تميم ؛ حياك البيت بيتك
ابتسم تميم وهو يحب دياب من جاء وهو شايف فيه كيف الرجوله وهو قد سمع عن عيال الديره انهم مشددين و الا انه شاف طيبه قلبهم على رغم دياب دمه حار الا انه حنون اما حمد القلب الرفوف شي ثاني
*
روزا ؛ والله الدكتور رافضه انهك تطلعي
غرام وهي تشوف صقر الا جبنها ؛ ياختي عطيني عباتي كل اشوي داخلن علي هالدكتور الا مايستحي على وجه
ضحكت روزا ؛ هو اصبري هاتخزجه قريب
غرام ؛ يارب
*
في السفاره : لا خوله ولا قوه الا بالله لا حول ولا قوه الا بالله ومرته
: على ماوصلنا انه مرته كانت حامل وهي الحمدالله نجت والطفل معها نتمنى تروح تتسلم الجثه و تكمل الاجرات لدفنه
مشى وهو يركب الطياره مسح وجه الا نزلت الدموع فيها : يارب اجرني بمصيبتي يارب
*
اليوم الثاني بعد صلاه الفجر
حمد وهو يحط الشنطه: لا ياحبني لكي بتقعد معنا
ضحك تميم ؛ ياولد عندي شغل
حمد ؛ قلت الا عندي
طلع دياب وهو يلف اكمام ثوبه ؛نكسنا
حمد ؛ اي
*
الساعه ١٠ الصباح
قامت من ازعاج صقر وهو يبكي شالته وهي ترضعه ورجع نام قامت وهي تشوف عباتها الا جابته لها روزا كانت تعرج لبسته واندق الباب سكتت اشوي ودخل وناظرته وشافت ابو ظافر ؛ عمي
ابو ظافر وهو يشوفه وزاد دموعه ؛ اعذريني يابنتي
غرام بتستغرب : علامك ياعمي
ابو ظافر الا قالو له انهم لقوى في جسمها اثر تعنيف وانو قبل الحادث كانت طايحه: ضربك اذاك
غرام صدت بنظرها تاكد وهو يشوف يدها اثر الضرب غمض بعينه بقهر فتح عينه من بكاء طفل صغير ابتسم وهو يشوف الطفل الا ملفوف ونايم على الكرسي ويبكي مشى وناظره : عادي اخذه
ابتسمت : لا تتساذن ياعمي بنهايه حفيدك
شاله وهو يقر باذنه ونزلت دموعها ودموعه: شسمه
غرام ؛ صقر
ابو ظافر بهمس؛ هلا بقصر
جات الممرضه معها كرسي حطت وهي تنتظر غرام تقعد : ليه هالكرسي
ابو ظافر : ماتبين اهلتس
ناظرته ؛صدز
ابو ظافر : اي يابنتي
دخلت روزا ؛ مين هو
ابتسمت غرام وهي تضمها : ابو ظافر شكرا عشانك وقفتي معاي باشياء كثيره
ابتسمت روزا : العفوا
قعدت غرام ودفنه الممرضه وابو ظافر بيده صقر واليد الثاني اغراضهم ركبت السياره
ابو ظافر ؛ تبين تقعدين هنا لين تشافين
غرام الا شافت يدها ورجوله ؛ كم يبي لها
ابو ظافر ؛ اسبوعين
غرام : بجلس
ابتسم ابو ظافر وهو يحركً
*
منصور :فاهمه ولا لا
حصه وهي تتكتف: يعني اكذب على ولدي
منصور ؛ حصه تبين تصحين خطاك ولا غرام جايه زوجها مات
شهقت : يويلي ترملت بالعمر
منصور : ها شقلتي
حصه ؛ طيب
*
من دخلو الديره جات ضيقه للحظه حمد وهو يشوفه يفك ازار ثوبه ؛ هونه وتهون ياخوك
دياب : كيف تهون ياخوكً
تميم كلا نايم
وصلو عند الباب بعد دقايق قام تميم وهو يشوفهم
دخل دياب بيت امه ينظمن عليها واما حصه الا مثلت انها تعبانه
وحمد شال تميم ودخل بيت الشعر : السلام عليكم ياقوم
فزو كلهم يسلمو على حمد وتميم
جلس حمد بعد ماسلم وجنبه تميم
الجد ؛ يامرحبا
حمد ابتسم : تميم صديقي من الجوف
ابتسم الجد : والله يموتن ويجيك
تميم الا مافهم وش يقصد بس من قال الجد( اليوم العزيمه عندنا عشان جيه تميم
) فهم : لا والله ياعم تسلم
الجد: انا قلت وانت وفي
حمد همس؛ خلاص لا حط شي براسه حطه اسكت
الجد ؛ قم ياحمد راح اذبح
قام حمد تحت ناظرت تميم انه مايروح ضحك حمد وهو يطلع
ناظر تميم لمنصور الا قام بيقهويه فز تميم : لا والله انا اصب
ابتسم الجد وتميم دخل راسه بحركته
منصور ؛ لا والله ان تجلس
تميم ؛ لا ياعم وربي مايصب غيري
دخل عبد الرحمن وهو ياخذ الدله:لا انت ولا هو انا اقعدو بس
قعدو وبدا عبد الرحمن يصب لهم وقعد جنب ياسر الا يسولف ناظر في تميم : انت مو من ولدنا
تميم ؛ مافهمت
عبد الرحمن ؛ يعني قصدي مانت بولد هالديره كلهم الا هنا نعرفهم
ابتسم تميم : جاي من الجوف
عبد الرحمن فز : ارحب تراحيب المطر
ابتسمو كلهم من شافو طفل يركض ؛ في عشيه في عشيه ( الغيمه الا تجي قبل المطر )
تميم عقد حواجبه وهم مو فاهم عكس الا في الخيمه ابتسمو والكل يضحك
عبد الرحمن ناظره ؛ يعني بيجينا مطر باذان الله
تميم ؛ وكل هالفرحه عشان المطر
ابتسم عبد الرحمن ؛ قم معي
قام عبد الرحمن
شافه ياسر ؛ وين
عبد الرحمن : ياجد
ناظره الجد محسن : سم
عبد الرحمن ؛ صم الله عدوك شايلن ضيفك بعرفه على الديره
ضحك منصور : لا تخطف ضيفنا بس
ضحك عبد الرحمن وطلع وراه تميم ومشو بالديره
*
كان بالبسطه
ترف ؛ ها شرايتس ياريوف
ريوف : قولي لو انتس فاكتني وشوله جايبتهم نكد وع
ترف ضربته ؛ استحي على وجهتس
سملى الا سمعته وكالعاده ماتقدر اسكت ؛ ترا مانيب ميته على طلعتكم ماقول الا مالت عليتس اسفه ترف بس اشلون ذي اختس سبحان من فرق بس ومنكد غيرتس يانفسيه اقول يالهنوف امشي
سحبت سملى الهنوف ؛ امشي بس
الهنوف ؛ ادري انها غلطانه بس حرام تركنا ترف
سملى ؛ ماعليتس ترف مع اوخيتها الا اقولتس شين اليوم سمعت حوقله من بيت الشعر وكلهم بنفس الحظ شكله ميته احدن
الهنوف : استغرالله انتي وش موديتس بيت الشعر
سملى ابتسمت ؛ في طريق فاضي وتعرفنين من بعد البيت عن بيت الشعر الا اقولتس طالعي
سملى الا خذت حجره وهي ترميه عن الطفل : بس ياولد
ناطرها الطفل باستغراب: علامتس ياخاله
سملى بهمس : خلل الله عضامك كل الرشاقه وخاله
سملى قعدت بمستوى الطفل : اليوم صاير شي ببيت الشعر حق جدك محسن
الطفل : اي بس مادري وش هو
ابتسمت سملى وهي تبوس خدوده : هاك خذ خمس ريال رح به الدكان
الطفل ايتسم : يعطيتس العافيه
الهنوف ؛ انتي مانمتس فايده
ومشت سملى كشرت ؛ وجع نفسيه
: ماهقيت انو في حريم يستدرجون الاطفال عشان يعرفون وي يصير ببيت الشعر
فزت بخوف ؛ مين انت
: اسمي عبد الرحمن ولد فارس فارس يكون ولد عيسى
سملى كشرت ؛ قلت مين انت مو اسمك كامل
ضحك عبد الرحمن
سملى كشرت ومشت ورا الهنوف
*
جاء تميم ومعه بطاطس: تصدق انو هالبطاس مستحيل تلقى في المدينه
عبد الرحمن : ليه
تميم ؛ نادر
ضحك وهو ياخذ بطاطس ويفتحه وياكل
انتهى 🔥🔥
