اللهم انك عفو تحب العفو فعفو عنا
كررووها
اليل واقفه عند التنور (الا يخبرون فيها ) وكالعاده سملى وحلطماتها : ماطق الا اليوم بروسهم اخبز
ضحكت غرام وهي تعجن : زينه بس
اصايل وهي ترجف ؛ يابنات والله برد واحنا بعد ورا الحوش ياذا التنور الا حطوه ورا
دخلت هديل وهي فاحمه ويدها على بطنها الا برز ؛تعب تعب
الهنوف ؛ تعالي اقعدي هني شوفي في تفحمين صدز
هديل قعدت ؛ البشاره يابنات
غرام نطت ؛ وش عندتس
هديل وهي تصفق ؛ جهزو الطبول والحناء تخيلو زواج حمد وترف بعد بكره
شهقت اصايل : علامهم مستعجلين حتى اخوها مارح يحضر تسذي
هديل هزت كتوفها بمدري
غرام: غريبه الموضع في انه
سملى ؛ وش عليكم انتو خلوهم يازين خي الا بيعرس
*
منصور : حرام عليك يبه
محسن ؛ هدا الا عندي يتزوج حمد ويروح شهر العسل وبعد الزواج يسافر دياب ويملك ظافر على غرام لا تحطه براس واحرق قلب ولدك
منصور : بس شذنب حمد تتسرع بزواجه
ضحك محسن ؛ مانيب بدليخ حمد روح دياب وعضيده والاكيد يدري بحب غرام والاكيد بيتكلم اعرف لسانه
منصور ؛ يرحم لي شيبانك لا تلعب بعيالي
محسن قام : انتهى
مشى طلع وهو يشوف الحد عيسى الا قاعد يكلم راعين الذبايح مشى وحط يدها على كتفه ؛ ترا حفيدتك غاليه وبنت غالي اعذروني على العرس السريع
عيسى : افا مابينا ياخوي
ابتسم الجد محسن
*
دخل وهو ينادي : ترف ترف
غاليه : هو علامك
فارس : وين ترف
نزلت ترف بخوف ؛ يبه بك شي
فارس ؛ ترف بعد بكره عرستس
ناظرته بصدمه ، وشو
فارس : اي عرستس
غاليه ؛ وش نوحكم وش ذا العرس الا كذا بنتي غاليه
فارس ؛ قلت الا عندي وبس
وطلع
غاليه ناظرت ترف ؛ يمه ترف
ترف ابتسمت ؛ مافي مبروكً
تنهدت غاليه براحه ؛ مبروك
طلعت ريوف وبيدها جوالها : وش فيكم
ترف ابتسمت ؛ بعد بكره عرسي
ريوف ابتسمت ؛ ياقلبي مبروك على من
ترف : اخو سملى
ريوف ؛ يععع العايله ذي ماش انا غسلت يدي من يوم الخروف وع
ترف عقدت حواجبها : ماتحبينمً
ريوف ؛ الصدق لا ياختي اشتقت حق حياتنا الاول شوفي الحين الا بشوفها مايصدق انو ابونا يكمل محلات ذهب وخير حتى انتي خذيت لهجتهم صوتي تتكلمين فيها مو عاجبني شي هنا
ترف صدت ؛ انا اتفهم مابوه شي يعجبتس بس لا تنهشين عظام الناس من وراه
ريوف : شفتي لهجتك اشلون تغيرت
طلعت ريوف بقهرها اما ترف ماهتمت ومشت طلعت فوق وسكرت الباب وبدت تصيح
*
بالحد الجنوبي
جالس يناظر بسماء وهو فعلا مشتاق لصوتها ابتسم من اذكر اخر موقف في فعلا صارت زوجته بحق ابتسم ورفع جواله وهو يتصل على تليفون البيت محسن ثواني وجاء صوتها ؛ هلا
ابتسم وسكت
اصايل وهي تهاوش سملى : انا قايله لتس اجدعيبوه وراتس تلحقين وراه كانه بزرتس ( رجعت ناظرت التليفون الارضي ) الو مين معي
رائد ؛ حي هالصوت وصاحبه
ابتسمت اصايل بوجه احمر ؛ ياهلا بك
ناظرتها سملى بشك وهمس ؛ البنت انهبلت الله يصلحنا بس وشذا ياشيخه
طلعت من عندهم وسمعت صوت هواش قربت وهي اسمع صوت حصه وحمد
حمد : يمه مو تسذي بسرعه
حصه : الا صار صار ياحمد
حمد بقهر طلع وهو يسكر الباب بقوه
تنهدت ومشت وهي نظم امها: علامتس يمه
حصه ؛ انا تعبت تعبت منكمً
قامت حصه ولبست عبايتها وطلعت البيت
تنهدت سلمى ومشت وهي تشوف البنات الا خلصو من التنور : شرايكم نطلع السطح
الهنوف ؛ اي بس نادي اصايل
سملى حطت يدينها على بطنها : ذي خليها مع رجلها لو تشوفن بس كيف كانت تصرخن علي كان انحشتو بس اتصل رجله ( تدلع صوتها ) هلا بك اعوذ بالله بس
ضحكو على سملىً وحركاتها وطلعو السطح
غرام : يويلي نسيت الشاي على النار
سلمى ؛ثوري بس انتبهي ترا دياب رجع
غرام : طيب
نزلت غرام وهي تركض استغربت من شافت الشخص الا لبس ثوب اسود واقف عند الفرن ؛ مين
ابتسم دياب ؛ انا
غرام ابتسمت ؛لا تلف ماعلي شي
ضحك دياب : ترا زعلان منتس
غرام ؛ افا ليه
دياب : طاوعتس قلبتس تسكرين بوجهي
ضحكت غرام
دياب صد: لا تراني صادز زعلان
سكتتت حس في دياب ؛ علامتس تهوجسين( تفكرين )
غرام ؛ ولا شي
دياب سكت وصد
غرام : لا تصد عني
طنشها دياب
غرام والدمع بعينها ؛ لا تصد عني صدتك ذي تموتني قهر
دياب ؛ افا تقهرتس والله ماكون رجل غرام وانا مزعلتس خلاص مانيب بصاد ورضاوتس شفيها تحت دولاب المطبخ
وطلع من الباب الا قدام
ابتسمت ومشت وهي تدن وابتسمت اكثر من شافت كيسه الدكان فتحتها وشافت مليان من البسكوت الا تحبه ضحكت وهي تحطه فوق الثلاجه وتشيل الشاي واطلع
*
وقت العشاء
الحد مخسن ؛ وانت يادياب تروح تعزم الناس وحمد اروح تاخذ اغراض مرتك
حمد هز راسه وهو ساكت حس فيه دياب وحط يدها على فخذه ياوسيه ابتسم حمد لموسات دياب
منصور تنهد ؛ يبه خالد على وصول
دقايق ودق الباب ودخل خالد منصور صد عشان نوف ادخل ودخلت
خالد : مبروك ياحمد ياولدي
ابتسم حمد ؛ مبروك عليك
ضحك دياب ؛ لازم اعمله في يعرض صح
ضحك خالد وهو يعرض صف جنبه حمد وعلى الجنب الثاني دياب وهو يضحك ويغني ؛ واعذابي عرسها يوم الخميس هي تصيح ولا تبي غيري عريس
ضحك حمد ودف دياب ؛ ياشين ذوقك بس
ناظره منصور وهو وده يقوله وده يقول اي والله صدقت انه ملكته يوم الخميس
دياب جلس وهو يلعب بسمحاته ويكمل بصوته العذب ؛ لكن العذال طفو شمسها احرموني شوفه الحلو الونيس
ضحك حمد وبدا يغني معه : اشكي الدنياء مع الحظ التعيس كيف نفس تنحرم من نفسها
ضحك خالد وهو يكمل معهم ؛ اصفق الكفين وابكي كالحبيس
دياب : وهي تراعيلي وتصفق خمسها
منصور بلغ ريقه من كلمات فعلا كل شي يوصف حالهم عرسها يوم الخميس فعلا الملكه يوم الخميس وهي تصيح ماتبي غيري عريس مافي افضل منك عريس لها يصفق الكفين وابكي كالحبيس هدا فعلا حال دياب من يعرف
دياب ؛ اقول يبه
منصور رفع عينه ؛ سم
دياب ؛ ابي اعرس
ناظره الجد بصدمه وهو يتمنى مايقول غرام : ان شاء الله بس بعد عرس حمد
دياب ؛ ايه ياجد مو الحين
الحد ؛ اعرفها
دياب بلع ريقه ؛ لا
الحد ؛ خلاص بعد عرس حمد
*
اليوم الثاني
بالبساطه
كان حمد بيده اغراض كثير فعلا مشى وهو ياخذ كل ماحلى وطيب ناظر لظافر وصد بس وقفته كلماته ؛ افا بنصير اقارب وكذا تعاملكم
ناظره حمد ؛ وش تهذر به انت
ظافر كان بيتكلم لو محمد الا ناده ضحك ؛ بتعرف قريب
طنشه حمد ومشى وهو يفكر والضيق عارم قلبه بشكل تنهد وهو يشوف محل الشريط ابتسم ودخل
*
دق الباب وطلعت له بنت صغير ابتسم ؛ ياحلوتس وش اسمتس
ابتسمت البنت الصغيره ؛ اسمي نوره
ابتسم وقرص خدودها ؛ وين ابو ظافر
ضحكت ؛ مين انت
دياب : انا دياب تعرفين الجد محسن انا حفيده
ابتسمت نوره : اي تعال عرس ظافر حبيتك
ضحك دياب : عرس ظافر
بهمس : مين الدلخه الا قبلت به بس
انشاء الله ياقلبي اذ جاء بابًا قولي بكره معزوم على عرس حمد
ابتسمت نوره وعزت راسها وسكرت الباب
مشى يكمل عزم اهل القارئه
*
تسوي الحناء لترف ؛ كيفتس
ترف ؛ مثل ماتحبين
اصايل ؛ ترف حبيتي ترا حمد ينحب والله مايذي حشره فيه طيبه قلب ماهي على احد
ابتسمت ترف من المدح
اصايل ؛ ياحظتس به
ابتسمت غاليه ورفعت يدها الا مليانه حناء ؛ ربي يوفقكم ويدخل السعاده بينكم
الكل : امين
كان فعلا البيت حوسه ريحه الحناء بكل مكان والارض نصه مليانه حناء وكان بكره عيد ماهو عرس وحريم الديره الا داخلين وكل وحده معه طبق حناء
*
كان بمحل الذبايح مع ابوه
فارس : اي كذا زين
عبد الرحمن ؛ اضن كذا خلصنا باقي ياسر وجدي ان شاء الله خلصو بيت الشعر يبه كل شي بيوم ماتقدر
فارس ؛ الله يصلحه جدك بس
عبد الرحمن تنهد : نروح بيت الشعر
*
العصر
منصور وهو يشوف حمد ودياب المشغولين بــ ترتيب التوزيعات
خالد :ليه كثرتو منها
حمد :جدي قايل
محسن ؛ ان شاء لله بعد العرس في عزيمه على شرفي بس وقته تقدر تروح ياحمد لا تهوجس كثير بالموضع ذا ودياب بعد يقدر يمشي كلن يروح اشغله
دياب رفع حاجب ؛ طرده محترمه
ضحك خالد
*
اليوم الثاني الظهر
اصايل : ذا الاحمر حلو البسي
الهنوف ؛ خلاص وانتي البسي الاسود يجنن عليتس ياجعلني اسود
سلمى ؛ وانا البس الاصفر عشان يشبع القلوب والقى الفارس المغمور
عديل ؛ لقيتو بس انا مالقيت مالت علي ووعلى هالبطن
الهنوف ؛ خليه خالته صدق
سلمى : بسالكن قدرت ترف تشتري شين زين
اصايل وهي تشوف الفستان :امس اخوتس مابقى شي ماجاببه حتى الذهب اشترها
الهنوف : يابنات انسى باقي شوشتنا نصلحه
سملى ؛ للصدز وربي اننا كفو بيوم واحد قدرنا نسوي كل شي الحناء والعقود وبيت الشعر والتوزيعات وكل شي وجهزنا كل شي مين فدنا ياشيخه بعرسي بخليه ساعه بس بشوف قدارتكم
ضحكت اصايل ؛ مستعجله الاخت علامتس اصبري على رزقتس
الهنوف ؛ يازيني وانا مو مستعجله على رزقي حلوا البنت بثقله
سملى بعصبيه : اقول اسكتي بكره اشوقتس عند رجلتس لبس فستان تسوين حركات منحرفه يامنحرقه مثل اختس وعمتس
اصايل وهديل ؛ واحنا شدخلنا
سملى ؛ قليلات حياء
ضحكت غرام ؛ ماخلصتو
الهنوف ؛ الا
مشى
غرام : يابنات انا مو مرتاحه
اصايل ؛ بسم الله عليتس علامتس بتس شي
سملى ؛ وش نًوحتس بتعرسين
غرام ؛ لا بس قلبي يوجعني احس بيصير شي
عديل : لا تتشامون تكفون
تنهدت غرام وضربت فمها ؛ خلاص بسكت شوفو حمد ينتظر مسكين
*
اليل
ابتسمت وهي تلبسه ذهبها : يارب اشوف ولدتس ياقلبي منه المال ومنتس العيال
ابتسمت ترف وباست راس امها ؛ امين يارب
دق الجرس نزلت ريوف تفتح الباب وفعلا دقايق وامتلى البيت بحريم الديره دخلت اصايل وهي تلعب بشعرها وصوت ذهبت الا بيدها واضح ؛ ولا الله الا الله
فايزه ؛ ومحمد رسول الله
الهنوف : وعليكم مبارك لوليششششششش
ابتسمت من شافتهم ونزلت دمعاتها
*
ابتسم وهو يعدل شماعه : مبروك يابوك منها العيال ومنك المال
ابتسم حمد بهدو ؛لله امين يارب الله يبارك فيك
دخل دياب وبيده بشته : الناس برا اسمع صوت الطبول
دخل الحد ومشى يسلمون عليه : مبروك ياحمد
ابتسم حمد
الجد محسن مسك دياب ؛ سامحني يابوك
ضحك دياب وباس راسه ؛ مسموح ياجدي من كل شي
ابتسم الحد وطلع وذياب حط يده على صدره يحس بنار يحس بحرقان في قلبه تنهد وهو يستغفر ربه وقام وطلع ومشى مع السير لين وصول بيت الشعر
وجلسو والكل يبارك لهم دقايق وابدو يصفون وبنص حمد الا اجبروه يرقص بدون يعرضون على صوت الساري : لادقت طبول العرضه نلعب العرضه تمايل سيوفنا وحنا خير لعابه ولا دقت طبول نجد وجات معترضه تبارق سيوفنا واحنا خير نجدها
مسكو سيوفهم وهم يلوحون فيها ودقايق طويله وخلص العرضه قعد حمد وبقى دياب الا انكتم ماهو قادر قادر يتنفس مشى وسلم على حمد والجد وابوه وطلع وهو مكتوم ماهو قادر يتنفس مامن وصل غرفته وحط يده على صدره ويظغط بقوه على صدره من قوه دق قلبه ضرب صدره لعل يخف الالم بس ماهو قادر شال اغراضه وطلع من نجد بكبرها
الجده ناظرت غرام : تعالي
مشت غرام معها استغربت يوم عطتها العبايه لبسته وهي ساكته ورجعو البيت وماحد الاحظ رفعت راسها وشافت منصور وحده مشت تسلم عليهم
وقعدت تحت انظارهم فجاه دق الباب مشى واخذ الكتاب وعطها : وقعي
رفعت راسها ؛ وش ذا ياجد
محسن بهدو ؛ وقعي عشان تروحي مع رجلتس بعد العرس
ناظرته بصدمه كلماتها كلها انبلعت ماجاء ببالها الا دياب فهمت ضيقتها من العرس : لا مابيه
الحد بعصبيه ؛ وقعي بسرعه
بكت ؛ تكفى ياجدي
الجد بصراخ : اخلصي
ناظرت منصور فامل ينقذها بس صد عندها مسكت القلم وقعت وسط دموعها : صدقوني مارح اسامحكم ابد
ناظرته لجدتها :ياليتني ماصدقتس
الجده: البسي فتسانس تلقينه فوق
رجعت ورا وهي تهزا راسها بـ لا : ماني رايحه
الجد: وغصبن عنك بعد
بكت دنت وهي تضم يدها لصدرها ونزل شعرها على خدها يوسيها اشلون انقلب اليوم لجيحم
*
سملى : وين غرام بنزف البنت وهي باقي
اصايل : مدري حتى جدتي مو موجوده امشو بس نزفها
*
ناظرته ابوه الا يسلم عليه وابتسمت من جاء عبد الرحمن : وش هالزين بس
ضحكت وضمته
ياسر : حسافه راح على رائد
ضحك وضمها
وثواني وزفوها لحمد
ركبت سيارته ومناظرته كان تناظر بيدها الا تفركه ببعض
ركب جنبها ؛ مبروك
بصوت واطي : الله يبارك فيك
مشى وهو يحس بالم في صدره دق على دياب بس مارد استغرب ومشى
*
يدور على جواله مالقى مايقدر يتحمل الم قلبه مايدري ليه حزن كثير انو ماودعها رجع ماكان بعيد عن الديره بدقايق دخل الديره
*
رجعو البنات دخلو انصدمو وهو يشوفون غرام تبكي وتهز راسها ب لا
سملى ؛ بسم الله عليتس غروم
الجد بغضب ؛ اطلعو فوق
طلعو بخوف
ريم مشت ؛ يمه غرام
غرام ضرحت: ابعدي ابعدي عني مابي اشوف احد
ريم : يمه انا امتس
غرام وهي تبكي :وين امي تتخطون علي وتزوجوني غصب علي
شهقو البنات الا كانو يسمعون الشي ذا
منصور ؛ كله عشان دياب
ناظرتهم وهي تبكي وزاد بكاها من قالو اسمه
*
دخل الديره وقف السيارت ونزل شاف ظافر واقف عند الباب : مين تبي
ظافر عدل بشته ؛ مرتي
دياب ضحك ؛ انهبلت انت اي مره
ضحك ظافر ؛ اضن اسمها وش كان اي غرام
دياب فار دمه من قال اسمها ومسكه من ياقته ؛ عيد ماسمعت شقلت
ظافر ؛ علامك لا يكون اختك بس
دياب بصراخ : عيد
ظافر باستفزاز ؛ غر
ماكلمت كلمته من الضربه الا جت في وجه رفعها مره ثانيه : الا اعرفه عرس حمد مو عرسك
ظافر مسك دياب من ثوبه وصارو يتضاربون دياب دف ظافر ومشى يدق الباب بقوه
الجد ؛ ياريم طلعي بنتس له من الباب الخلفي بسرعه
ريم سحبت غرام وطلعته من الباب الخلفي وقتها فتحو لـ دياب دخل وهو معصب : وش الا سمعته
طلعت حصه من سمعت صوته
انتهى 🔥
