رسالة اطمئنان :
لا تخاف ولا تحزن سَيطيبُ كُل شيء ذاتّ يوم بإذن الله إنّ الله على كل شيء
قدير.
ابتسمت وسط دموعها: فاقدٍه لي ضلع واحد وفي صدري ضلوع ِ
لو رجع لي قلت لكم هاكم ضلوعي كلها ورجع ضلعي يادياب رجع برجوعك
دياب وهو يسند جبينه على جبينها والدمع بعينها : ضلعي انا الا راح ياغرام يقول طلال مداح :
" ياليت الشّوق اللي اوجعنا جمعنا "
غرام وهي تحاوط رقبته : مانبهّك قلبك .. إني اشتقت لك ؟
دياب وهو يرجع شعرها ورا اذنها : لك في قلبي حب ما ينكتب بأبيـات
ولتس في عيوني شوق مايعرفه غير ربتس
مسح دموعها : خلاص اليوم ليل السعد لا تخلينها دموع امشي نودع اهلي
طلعو ابتسمت وهي تسلم عليهم وطمنت امها ومشت وكان دياب ماسك فساتينه
ركبها وركب جنبها مسك يديها : تدرين يوم تزوجتي انهبلت ورحت اضرب باب ابو ظافر
ضحكت غرام
دياب : قلت بيت حافظه مثل اسمي
غرام : وشو
دياب : اي وربي ملكت القلب وحتلته وانا ماني متزوج ببنت غيرها ولو دروب الحياه تمشي عكس سكته بسلك الدرب لين امسك يديها
ناظر بيده ويدها : شوفيني اليوم ماسك يدتس
ابتسمت غرام : حبيت ليي رجال عن ﺎللف رجال
رجال ويسوى في عيوني قبيله
ضحك دياب وهو يعدل شماغه : يابنت بيكر راسي احس مانيب مصدق
ضحكت غرام .: يفداك قلبٍ ماكذب يوم يغليك
وتفداك عين همها بس شوفك
دياب ناطرها بطرف عين : ترا قربنا
ضحكت غرام
دياب :ليت الثواني في شوفتك تصبح سنين
ليت العمر كله لقاك و شوفة عيونك.
غرام ابتسمت وهي تصد بوجها
*
دخلت وبيدها صقر النايم حطته على السرير ومشت وهي توخر الفستان عن الحرق وشافت الحمدالله اختفى الاحمرار ابتسمت من شافته حست بيده تحاوط خصرها همس باذنها : ابتسمي، ف في عينيتس لمعان قبه الصخرة ابتسمي ، لعل الحرب تخجل ، لعلها من جملتس ابتسامتتس ترحل
ابتسمت وهي تمسك يدها : كيف عرسكمً
ابتسمت رائد وهو يلفو يشيل البشت طاح عينه على الطفل ؛ ولد دياب
اصايل : اي
رائد وهو يقعد: كان حلو
ضحكت اصايل : بس
رائد ناطرها : اي بس وانتو
ابتسمت وهي تجلس وتفك شعرها : ابد يجنن حلوو عاد تصدق تعرف ام علي خطبتني لولدها ههه عاد تخيل قالت مشاء الله بخطبتس لولدي قلت لها متزوجه عاد عطتني نظره بعدها قالت ربي يوفقتس
رائد بغيظ ؛ اي ليه ماحظرت عرستس
قامت اصايل :هههه وش يديرها كانت في بلاد الكفار مع ولدها علي يدرس برا
رائد بقهر وهو يتكتف بعد مارمى شماغه: اي وليه رجعو
اصايل : وش وانا يدريني
رائد : لا عاد تجيبي سيره هاالعلي
ضحكت اصايل : ابشر
رائد ابتسم ؛ اي خليتس تسذا
ضحكت اصايل بدلت ومشت وهي تبي تنام وثواني وجاء ونام وبنص صقر
*
ابتسم وهو يشوفها جالسه وحاطه يدها على بطنها : الحلوه وش تسوي
ناظرته ؛ تعبانه
حمد : بسم الله عليتس علامتس
ترف : مادري بطني يتحرك
حمد جلس وهو يمسك بطنها وجس بحركه الطفل ابتسم
بكت ترف : ليه تضحك
حمد : تروف حبيتي متاكده انتس تخرجتي من الثانوي اكيد الطفل بيتحرك
ترف بكت : ليه يتحرك
ضحك حمد وهو يضمها ويمسح شعرها : حبيتي تروف ماتبينه يتحرك
ترف بكت ضحك وهو يضمها لين نامت على صدره ابتسم وهو يتامل ملامحها وكيف الهرمونات لعبه فيها
*
دخلو الفندق وهو ماسك فستانها دخل الغرفه
ابتسم وهو يوخر شماغه والبشت:اخير اقدر اتاملتس من دون احس بذنب او اخاف انتس تاخذين الذنب
ابتسمت غرام
دياب قام وهو يحظنها : ليت الخـلايـق تنقلـب كلهـا أنتي
وأصير أشوفتس كل ما شفت مخلوق
ضمها اكثر وهو يعلن انها زوجتهههه حتى لو ماكان اول رجل بحياتها بس كان اول حب كان اول عشق اول شخص تبادله الحب تبادله كل شي بكذا انتهت ليله ابطالي بحب وسعاده
*
جالسه وهي تاكل قصص وتحش بخلق الله : ولا عاد ام علي ماقالو الا مالت على مالت سمعتوها يوم تقول لـ اصايل بزوجتس ولدي يوم اصايل قالت متزوجه كشرت
هديل الا ماتت ضحك وهي حاطه يدينها على بطنها : ياسلمى بس بس مو قادره اخذ نفس
ضحكت سملى ؛ اصبر لتس اكسجين
ضحكو من دخل مخمد ؛ بابا بابا
ابتسمت الهنوف وهي ودعو هديل
سملى : مابقى الا انا وانتي اي وش بتسوين غدا بكره
الهنوف وهي تقوم ؛ لقد جاء بكره يصير خير الا صح ماسمعني بكره بنروح الحلال
سملى ؛ يوو نسيت
ضحكت الهنوف وهي تقوم
قامت الهنوف وبقت سلمى الا كانت سادحه وتشوف السماء وسواده كانت بالحوش على للبسطه الحمرا ابتسمت من شافت خالد ومنصور داخلين : حي الله ابوي وعمي
سملت وهي تقعد ؛ اي اخباركم علومكم
ضحكو على سملى وصلو يسالفون لين قامو وقامت وراهم تنام
*
اليوم الثاني الله. على حوسه هالطلعه محتاره ابد باي بيت نبدا من بيت الجد محسن
ترف حطت يدها على بطنها : ماقدر شيله انتي
الهنوف : ولا انا اقدر ثقيل نادي احد من العيال نشيله
سملى : وجع يوجع عظامتس تروف حامل انتي وش عندتس ماتشلين كله غاز صغير ياعمي يميتس هاتي
سالت سملى الغاز الصغير وطلعته برا
الجده وهي لبسه عبايتها وماسكه عصاتها وتشوف البنات : يافايزههه لا تنسين القدر
ريم : يمه هناك بوه قدر
مرزوقه : روحي غسلي هناتس انتي
سملى : ياجده العيال وينهم مابوه احد
الجده ؛ مادري السياره برا رحي شوقي ياترف يامتس رجلتس وينها
ترف : طلع ياجده مدري وين
سملى وهي تشيل الاغراض : اجل انا بطلع احط الاغراض بسياره
طلعت سملى وشافت ظهر شخص حسبته حمد : وجع ياحمد تعال شيل كسر ظهري انا لو يجي الفارس المغمور ويفكني منكم ومن شغلكم والله ماعاد تشوفون وجهي
كان يسمع صوتها وهو كاتم ضحكته
جت ترف : ياسملى
سملى : لبيه
ترف الا ماشافت الا واقف : نسيتني كيسه الحم
سملى : مشاء الله وانا صرت رجال البيت وانا مادري وينه رجلتس خليه يجي يشيله
ترف بدلع : اخاف عليه
سملى ؛ والله لو احنا ماحنا بشارع كان نتفتس
ضحكت ترف وهي تدخل
سملى : حمد وحع خذا الاغراض
لفى عبد الرحمن وابتسم : مانيب حمد
شهقت سملى : وش عندك واقف عند الموتر حقتنا
عبد الرحمن حك شعره : جدتس مرسلني اجيب شي
سملى : دامك جيتي كمل خيرك وخذ هالغاز حطه لين اجيب الحمً
هزا راسه وهو ياخذ الغاز ويطحه في السياره الا كانت جمس
جت وحطت كيس الحم
واخذه هو
واخير خلصو اغراض البيت وطلعو
ضحكت سلمى وهي تشوف حمد الا مسوي عمامه وبيده عصا : معي ولا
ضحكت سملى : افا اذ ماعشرت اخوي اعاشر من
ضحك حمد
جت الهنوف : حتى انا اختس جايه معك
حمد شاف اصايل وصقر الا الحين طالعين : تخاوين
ضحكت اصايل ؛ كبرت كبرت
ضحك حمد وهو يركب وكان معه سملى والهنوف جت ترف بتركب نزل حمد ومسك يديها ويهمس : ياقلبي روحي ما اهلي
ناظرته : ليه
حمد حك راسه كيف يقولها ان كل مارحو الحلال لازم جولتهم حقت للتفحيط
شافته وهو يحك راسه : عادي بروح
مشت وهي تروح مع اهله وإلدمع بعينها
ركب حمد
*
ركبت اصايل ورا جنب ريوف قدام رائد وغاليه والجد عيسى وفارس وعبد الرحمن و وياسر بسياره ثانيه
ابتسمت وهي تشوف صقر ياخذ رجوله يبي يدخلها في فمه ابعدت رجوله عنه
غاليه : يازينه هالولد يارب اشوف ضناكم يارب
ابتسمت اصايل : امين يارب
ريوف بقرف : وين امه
رائد كان ساكت يطالع
اصايل : امه الا كان عرسها امس بتجي هناك
ريوف ناظرته ثم صدت
اصايل ضحكت وهي تشوف صقر الا يبي يسحب الطرحه
ابتسمت غاليه بحب لـ اصايل : اصايل يمه متاكده خذينا المويه
اصايل : اي ياعمه انا بنفسي حطيتها بالسياره
غاليه ؛ مافي شي ناقص
ابتسمت اصايل ؛ لا ان شاء الله مافي
ابتسم رائد وهو ملاحظ انو امه ماتسال غير اصايل اما ريوف كانت ساكته
*
في السياره فارس
فارس : يلا ماتبي تعرس ياب عبد الرحمن
ضحك ياسر : لا مايبي
فارس ضحك
عبد الرحمن : اي يبه بعرس
ضحكو بس سكتو من شافو الوضع جدي
الجد ابتسم : اي ياولدي مين تبي
عبد الرحمن حك راسه كيف يقولهم يبي سلمى مايعرف حتى ابوها : يبه ابي وحده من احفاد الجد عيسى بس اول شي بدور على وظيفه
ابتسم ياسر : حركات بنعرس
ضحك الجد عيسى : ابشر متى ماتبي تعالي وقولي ابي تخطب لي على ماضن باقي لهم بنتين
فارس : اي يبه باقي اضن سملى والهنوف هديل متزوجها ولد الشيخ
ياسر ؛ خلاص وانا ابي وحده وعبد الرحمن وحده
الجد بحده ؛ اقول توظفو بعدين
عبد الرحمن سكت وهو يفكر كيف يدور على وظيفه يبيها مايدري ليه هو مايحبها مستحيل يحبها على كذا موقف صار بينهم بس يفكر ياخذها
*
حمد يفكر بترف وعارف انها مارضت تروح كذا ناظرهم : تجهزو
ضحكت سملى وهي تصفق : ياجعلني اخوي بس
ضحك حمد وهو يلف الشماغ على فمها وغير اتجاه ابتسمتو وهم يوخرون الطرحه عن وجوهم ويحطونها يفلونها مثل لفت حمد بدا يفحط على صراخ البنات وحماسهم
*
غريبه ليه غير اتجاه
ابتسمت اصايل : لازم راح يفحط بهم
رائد بصدمه : ماهوب بصاحي
اصايل كشرت : وش تقصد ولد اخوي ماهوب صاحي
غاليه : لا يكون ترف معه
اصايل : ياعمه حمد ماهوب مهبول ياخذ معه وحده حامل حتى هديل يوم كانت حامل نزلنها ذاك اليوم اكيد انها مع اهلي
ريوف : اي اذبحو اختي بعد
غاليه بحده : ريوف
سكتت ريوف
*
اما في سياره منصور طبعا السيارت كثير سياره فارس وحمد ورائد ودياب ومنصور و وسلمان زوج هديل وخالد
ترتيبهم لتوضيح فقط
سياره رائد ريوف وعاليه واصايل وصقر الصغير
سياره فارس الجد عيسى و عبد الرحمن وياسر
سياره حمد الهنوف وسملى
سياره منصور حصه والجد محسن وفايزه وريم
سياره خالد مرزوقه والجده جميله و نوف وترف
سياره سلمان هديل ومحمد
سياره دياب غرام معه
( معجزه اذ فهمتو خوفي بس نسيت احد في البيت 😂😂)
*
وصلو سياره فارس وًرائد وخالد ومنصور
