أمسينا نسألُكَ أن تضعنا فِي معيتك وحِفظك فلا يضرنا من أمر الدُّنيا شيء.🤍
خافت من صوته ومشت دخلت وشافت مزنه وقعدت جنبها وهي خايفه
اما دياب حك حواجبه بقهر منها وانو غصب عليها طلع وهو يبي يتنفس
*********
مسك يدها : احرمي معي
ناظرت وهزت راسها
رائد ناظرها وبدا بالنسك: بعبارة "اللهم لبيك عمرة لبيك اللهم لبيك، لبيك لا شريك لك لبيك، إن الحمد والنعمة لك والملك، لا شريك لك"
كانت تردد ورا لين وصلو الكعبه وماقدر يوصل للحجر الاسود من الزحمه اشر له وهي برضو :يلا امسكي يدي بنطوف لا تضيعن
هزت راسها وبدو يطفون
**********
بعد ماخلصو الطواف والسعي كان جالس يشرب مويه زمزم شاف اليد الا تمد المقص : قص اطرف شعري
رائد : اجلسي
قعدت قدام ومسك شعرها من نص الضهر يبي يطلع اطرافه عشان يقص ومايبي احد يشوف لانهم كانو باقي بالسعي بس سمع ضحكاتها وهي تقول : رائد شعري اخر ظهري
ضحك وهو مبسوط بنطق اسمه ونزل يدها ومسك شعرها وقص وقصت له شعره وخلصو وطلعو من بيت الله ؛ ها جوعانه
اصايل وهي تعبانه ؛ مره ابي انوم عين( ناظرني ) اتدروخ( دايخه )
ضحك وهو يضمها من كتفها : ماعليتس الحين نروح نغير بس وننزل للمطعم ناكل ونرجع ننام وبعدها نمشي للجده نشوف البحر
ابتسمت وناظرته بس كانت مرتبكه من قربه تحس بحنانه وحبه حتى صوته الهادي ابتسامته من دخلت بيته ماحست بضرر كانت تتامله وهي خايفه صدق خايفه ماتبي يحبها لو عرف بينصدم ماتبيه يكون بالحنيه ذي ماتبي قلبه ينجرح قطع عليها تامله رائد وهو يقول ؛ وصلنا
ناظرته بهدو ونزلت
******
بعد مامشى بالبسطه وشاف المحل حقهم تنهد بشعور الضيق بيرجع بس ماوده تكون زعلانه ثاني مره يزعلها مشى الدكان وشاف بسكوت كانت تحبه غرام اخده وراح ودخل وهو يشوف البيت هادي مشى غرفته وكتب بورقه صغيره وحطه بالبسكوت واقف عند باب المطبخ ينادي ويتامل غرام الا اطلع : يامره
اما غرام الا بعد مارحت مزنه وهي متضايقه وسملى رجعت البيت وجدتها وعمته مسيرين وامها نايمه وجدها هو وحمد طلعو مابقى غيرها ومن سمعت يناديها قامت وهي تنزل برقعه وصلت المطبخ الا كان يطل للحوش: امر ياولد خالي
ناظرها بحزن من كلمه ولد خالي : افا ياغرام زعلتس المره ذي شين على قلبي
ناظرته وهي تحاول تخفي دموعها ابتسم ومد البسكوت : متى ترضين واقطع المسافه ياغرام واضمتس بصدري واحتويتس واصير لتس الاب والاخ والصديق والحبيب والزوج
ابتسمت غرام واستحت ومشت
وابتسم من راحت وقف بيطلع الا بدخله جده وحمد
الجد ناظره بطرف عين وقعد وهو يتنهد
وحمد عرف تكفيره وخزه
ضحك دياب ؛ حمد بس
مشى باس راس جده
الجد يحبه ولا يبي يرفض له طلب يكفي ولده الا راح : موافق يادياب
ناظره دياب وهو مو فاهم شي او بالاصح من شاف غرام نسى كل شي : مافهمت ياجد
الجد تنهد ؛ الوظيفه ولا ماعاد تبيه
ابتسم ومشى باس راسه: يابعد هالخاطر ياجد واعذريني على كلامي الصبح مانيب جاحد وحتى لو رفضت فانا على شواراك
ناظره الجد ؛ يعني ارفض
ضحك دياب ؛ لا ياجد
حمد كان متكتف: علموني وش حصل
ضحك دياب وهو يقول بيتوظف على دخلت الجده ومعها عكازها وراه حصه وفايزه
سملو عليهم
الجد ؛ انا بهج اخذ قيلوله حمد قم وزع الصدقات
حمد مشى وطلعت فايزه تنام وحصه ناظرت دياب ومشت بس وقفه صوته : يمه
ناظرته بهدو مشى يسلم على راسه ؛ ياعسوله طال الزعل
ناظرته وهي مشتاقه له مهم كان ابنه ضمها وهو يبوس راسها ؛ تكفين ارضي علي يايمه لا تتركين امشي خارج الديره وزعلتس باقي مايهون ياعسوله
ضمته وهي تبكي : وين بتروح عني يادياب
ناظرها ؛ يمه بجيتس بروح الجوف انشغل اوعدتس اني بجيتس كل اجازه
كانت تبكي بحرق ماتبيه يروح ابتعد وهو يمسح دموعها : دموعتس لا تنزل ودام ولدتس دياب ينهش الذيابه
ضحكت بخفه وضربت كتفه : ياهالولد
ابتسم وباس راسها : اوصلتس البيت
حصه ؛ مانت ناوي ترجع يادياب
ضحك دياب وفهمت حصه ونزلت راسها ومسكت يده: ياولدي طلبتك لا تبني الاحلام ياولدي لا تنكسر الكسر ذا قوي مابيك تمشي بالهطريق
دياب ضمها من كتفها وهو يمشي : يمه يابعد خاطري انتي عارفه شي انا اماني عارفه ليه تقولين تسذا
حصه مسحت دمعتها وحطت يدها على صدر ؛ مابيك انكسر يامك مابيك تبكي اليل وجع وكسر يادياب ماسميتك دياب الا وانا عارفه انك شجاع مابيك تنكسر مابي المح الحزن بعيونك يادياب انا افد عمري لعيالي الا من بطني اشلون ولدي الا من قلبي
ابتسم وضمها ؛ جعلتس عامره يام دياب مالتس الا يرضيتس ادعي لي يمه خليني اتوظف واخطبها طلبتس
حصه هزته راسها وهي تدخل ؛ رح يابني ربي يفتح ابوابه السعاده في وجهك
*********
طلعو من المطعم وهو ماسك يدها وصلو الفندق كان جالس يناظر بالسما فتح جواله تطمن على اهله وسكره ناظرها شافها قاعده تمشط شعرها قامت وكانت بتشوفه نام ولا لا وكان صاحي ويناظرها ابتسمت ومشت لصاله بس وقفها صوته: تعالي
خافت وارتجفت كل خليه بجسمها كانت تحس بدوخه وخوف ودها تهرب منه تنهدت وناظرته وكان سادح ؛ تعالي علامتس واقفه
تنهدت ومشت فتح يدينه وفهمت انو يبيها تحضنه خافت اكثر
رائد : علامتس
اصايل ناظرت وسحبت المفرش وسندت راسها على يده الا ممدوه ابتسم وضمها اكثر خافت اكثر وكانت تبي بس يبعد مارتحت الا يوم سمعت صوته انفاسه والواضح انه نام تنهدت ونامت وهي بحضنه
*********
اليوم الثاني الكل متجمع بالبيت
الجد تنهد وهو يشوف البنات يطرحون الفطور : وين هديل
الا على دخلت هديل
سملى : ذكرنا القط جانا ينط
ضحكت غرام وهي تحط الفطور وتغطت من شافت دياب وحمد
وحطو الفطور
الحد : ياغرام
ناظرته غرام : سم
الجد: سم الله عدوتس نادي اهلتس ابيكم اليوم كلكم حولي
دخلت غرام وهي تناديهم مشت وهي تجيب اكوس الشاي طاح البسكوت من جيب جلابيتها نزلت سالتها وابتسمت وهي تقرا المكتوب من امس وهي تقرا ومبسوطه فيه ( ٰ لتس حق تزعلين ثم لتس حق نرضيتس
ما اقوى زعل حبيب قلبي وعيني
ما دام قلبي يا اريش العين مغليك
اطلبب ولتس روحي وما في يديني) خدت الاكوس وطلعت وكانت لبسه برقعه وقعدت جنب امها وبدو يفطرون كلهم كانت مستحي من دياب الا كل اشوي يناظرها
وبعد ماخلصو الفطور جمعهم الجد
الجد : ياغرام علامتس قاعده مقبلتني مزعجتيي مدرسه بنهايه اشوفتس بالبيت
ضحكت غرام ؛ ياجد غايبه يوم واحد بس من التعب ياجلعك العافيه
الجده وهي تشوف السماء : الضهر جايه عشيه ( الغيوم السود )
رفع راسه دياب ؛ اي والله شكله ممطره
منصور : قم يادياب انت وحمد بيت الشعر يابنات اعزلو الاشياء لا تغزق قومو
قامو وبدو يعزلون
دياب وهو جايب الزل:هذا مايكفي ياحمد الباقي كله ماهيب نظيفه
حمد وهو يركب الزل فوق الخيمه : شف عند رداح اكيد عنده الزل كثير
دياب وهو يرفع ثوبه : ابشربي
*
كانت تاخذ الملابس الا ناشرينه ورا في الحبل ولبسه قميص روز وحطه طرفه في فمها والسله باليد اليمن والثاني تجمع فيها ناظرت السماء : اي والله بتمطر ياحي زولك بالمطر
ضحكت غرام وهي تجيب الزل وتحطه فوق العلف ( اكل الغنم والحلال ) : يوو يسلملى ياني مشتاقه الهنوف
ضحكت سلمى ؛ بنتجيتس الا ذي شعندها قاعده برا مع جدتي قلنا اعرست بس مو معناها ماتعاونا
ضحكت غرام ؛ خليها
*
الجده صفقته بالعصا: وراتس قاعده ثوري عاونيهم
فايزه ضحكت ؛ اعرستي بس ماكبرتي
هديل وهي تشرب قهوتها ؛ ياجده مايصير تصفقني
حصه : نكسر راستس بعد
ضحكت ريم وهي تضمها: افا الا هدول
ضحكت هديل وبدلع وهي حاطه يدها على بطنها ؛ مايصير ماهو زين على ولدي
انصدمو كلهم
جاهم صراخ سملى : يقلع ابليستس باقي بدري ياحظي وش معلجتس انتي وراس البقر
ضربتها جده ؛ راس البقر ترا ولد الشيخ
فزت ريم وهي تزعرط ؛ يامرحبا باول حفيد
فايزه قامت ترقص تحت صفقهم وحصه تضحك
غرام جات :علامكم
ريم : هديل هديل حامل ياغرام
غرام فزت وهي تضحك
وكلهم بدو يباركون اهم
****** بعد ساعات طويل تقريبا اليل
فراس كان قاعد يشرب قهوته وهو يشوف عبد الرحمن وياسر وهو يتهاوشون عشان البلاستيشن فجاه طفى التلفزيون ؛ يالله شبلاه ذا بعد
فراس ضحك : اضهر الاشاره
عيد الرحمه : ياسر قم
ياسر ؛ مانيب قايم
الجد عيسى وهو سادح ومغطي وجه بيدينه: ولا كلمه
عبد الرحمن بهمس ؛ تكفى قم
ياسر تلفف وقام طلع وطول ناظرته غاليه لعبد الرحمن : قم شف اخوك
عبد الرحمن : ابشري
طلع فوق السطح وهو ينادي على ياسر : ياسر ياسر
مالقى ولا مشى عند الاسطوان ( نسيت اسمه بس اضن كذا شي ابيض فوق كل البيوت ) وقاعد يحوك فيه ؛ يمه كذا
ماجا صوت حس بخطوات احد لفى مالقى احد طنش ورجع يسوي طفش ولف وفز بخوف من القناعه ومن صراحه طاح من فوق السطح فز ياسر الا كان لبس عبايه امه ومخربش وجه بمكياج فز نزل وهو يركض طلعت غاليه والبنات على صراخ عبد الرحمن الا حاط اليسار على كتفه اليمين ويصرخ بالم
غاليه ؛ يمه ولدي شفيك
عبد الرحمن وهو مغمض عينه : ايدي ايدي يمه
قرب الحد ومسكه ؛ انخلعت
جاء ياسر وناظر فراس : وش مسوي بوجهك
ريوف : يمه ياسر
اما ترف كانت تبكي
عيد الرحمن بالم : يبه يبه
فز فراس ؛ حاسس انو الشي ذا من ورا ضهرك ياياسر بس خلنا نرجع امش عاوني
قامو وهم يشيلون عيد الرحمن الا كان يون بالم من يده ( الطيحه كانت مو قويه والبيت مو مرتفع لانه بيت طين تعرفون البيوت القديمه بس من الطيحه كان اشوي قويه وخلعت كتفه )
غاليه ؛ يمه ولدي بسم الله عليه يارب احفظه وربي عارفه انه نحس ومستحيل يمر يوم وماينكسر شي فيه
ضحكت ريوف وترف مازلت تبكي
********
قام ومسح وجه وهو يردد : لا الله الا الله
لفى جنبه ابتسم من شافها وهزها:اصايل اصايل قومي بسك نوم
اصايل وهي فيها النوم ؛ هممم
رائد : ترا بنمشي جده
فزت اصايل : الساعه كم
رائد : تسعه بليل قومي لمي اغرضنا خلينا نمشي
هزت راسها وهي تربط شعرها مشى ياخذ دش
******
بالمستشفى كان فراس جالس بخوف وياسر واقف والجد قعد عند البنات بعد ثواني طلع الدكتور ؛ الحمدالله مافي شي بس خلع ورضى بسيطه بعطيكم مسكن باخذه عشان يخفف من الالم واحتمال يجي له حراره
فراس ؛ الحمدالله
ياسر ؛ نقدر ندخل
الدكتور : اي تفضلو
دخلو فراس مشى وهو يسلم : خطاك السوء
عبد الرحمن ناظر ياسر وشال قرونه المويه وضربه فيها : طس لا اشوف وجهك لا افتح قبرك وربي
ضحك فراس ؛ يعني له دخل
ابد الرحمن ؛ وش ماله دخل الا بسببه انا ابي اعرف ليه يجي يوم مستحيل ماتكسر او ماتصير لي مصيبه
فراس : استغفر ربك وقل الحمدالله
عبد الرحمن وهو يرجع ينسدح : الحمدالله
******
دخل دياب ومعه حمد
دياب:مافي عشيه
حمد ؛ اهم شي عزلنا ماتدري تقلبات الجوء
دياب : صادز
حمد : البيت فاضي شكلهم نايمين تراني جايه
دياب ضحك وهو يحضنه من كتفه ؛ مثلك يالعشير وش نسوي
حمد : المطبخ قدمنا امسك أنت الشكشوكه وانا بقلبي بطاطا نفسي فيها وبسوي الشاي
دياب ؛ بسرعه وبخفه عشان جدي لا يطلع ويمغطنا
مشى وفتح الثلاجه وفعلا صلحو
حمد وهو يسخن الزيت: متى بتمشي
دياب : مطول باقي ارسل اوراقي وانتظر ياولد الموافقه
حمد ؛ يعني بالعشير بصير وحيد
دياب : افا اصيرلك الدنياء كله ولا تقول وحيد دامني موجود
ضحك حمد ؛ ياجعلك عامر ياخو حمد
دياب ؛ خلصت الشكشوكه
حمد وهو يناظر بزيت : كيف الحين
ضحك دياب : تصرف
مشى حمد وكان وراه دياب اخذ ملعقه طويله وحط البطاط فيه وخر بعيد اشوي ومامن حط البطاط الا طلع نار بسبب المويه الا باقي بالبطاط صرخ دياب : حرقتنا
اما حمد طفى النار وانحاش برا ولحقه دياب
دياب : يويلي رحنا به
حمد : بغيت اموت
دياب : شف انحرق ولا لا
مشى على رجولهم وطلو بنص اجسامهم يشوفه مالقو شي خمدو ربهم ورجعو حطو الاكل وبدا ياكلون بعد ماخلصو
دياب : شيل الصحون انت
حمد تاففف وقام بعد ماحطه رجع قعد ؛ زهق
دياب وهو يناظر السماء : شف السماء صافيه
انسدح جنبه حمد كانو بالحوش : صادز
دياب : مافيني نوم وانت
حمد ؛ المثل
دياب : قم نروح لم جلسه العيال مسوين جلسه
حمد : وجدي
دياب ؛ ماعليك تلقى في سابع نومه
حمد:معك بصره والضارة مشى وطلعو بخفه
وهم يمشون بديره وبنص الضلام ومامعهم غير الكشاف الا بيداتهم واصوت الكلاب الا طالعه الديره كلها نايمه ماعاد الدكان الا مفتوح وبسطه العيال
حمد ؛ ها بالعشير عسى رضت تاخذها
ضحك ذياب : لا ولله تحجج بدرسه ياولد
حمد ؛ مارده نخلص اصبر سنه
ضحك دياب وهز راسه
حمد وهو يناظر للقمر ؛ اوصف حبك لها
ضحك دياب : يبوني اوصف لهم حبك حبك ساكن بين صدري وضلعي حبك لا طال الزمن وقصر مايتغير لا سمعت صوتتس وقت العتاب انسى العتاب لعنوبوه عتاب يحرمني من صوتس اي احبها ياحمد وابيها ومابي غيرها مستعد انتظرها عمري كله
ابتسم حمد وهو يضرب كتفه بخفه ؛ عسى تطولها ياخوي عساك تلقها بعد العنا والتعب عسى يارب نصيبك معها يارب
ابتسم دياب : تصدق احيانا اقول جعل اذ كان نصيبي مع غيرها ربي ياخذ عمري ولا احرق قلبها وانزل دموعها وان كان نصيبها مع غيري ربي ياخذ عمري ولا اشوفه تنزف لشخص ثاني ياحرقة قلبي ياحمد لا تخيلت بس
حمد : لا ياخوي غرام لك وانت له
ابتسم دياب بس كشر من اذكر موضع ؛ ياحمد
حمد : لييه
دياب وهو يتكتف: لباك حج بغيت اسالك عمتي ريم كيف تعاملها معك
حمد وهو مستغرب ؛ مره عادي يعني تسالف معي تسالني عن اهلي وعني بس ليه
دياب ؛عمتي كل ماشفت تصد عني مادري ليه او تشوف اقول مسويه جريمه بحقي احيانا تناظرني بكسر وحزن كانها ضارتني بشي
حمد ضرب كتفه بخفه ؛ هلوسه ياخوك ماعليك عمتي احبك لا تفكر بالاشياء ذي
دياب ؛ طيب
دخلو المحل؛ السلام عليكم
انتهى
