﴿ بَدِيعُ السَّمَاوَاتِ وَالْأَرْضِ ۖ وَإِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ ﴾
دخل بعد ماحط المواني ابتسم وهو يشوف اصايل الا حاطه صقر بحضنها وتخط بشعره حناء : ابك علامتس على الولد
ضحكت اصايل : ابد خليه يبرد
فسخ رائد شماغه:وانا بعده
ضحكت وهي تخلص صقر
جاء وقعد قدامها وقفت بسبب طوله وبدت تحط له حناء على شعره الكثيف خلصت وهو اقعد قدامه قبل مايقوم : يلا حط لي
رائد ؛ ابك ابك وش احط في شوشتس
ضحكت اصايل ؛ يلا رائد
تنهد وهو يفتح شعرها : يابنتي مشاء الله شوشتس كثير تبين اسويها لتس
اصايل هزت راسها وبدا رائد يسوي لها ( الفكره من شوشتي دوبي حاطه حناء 😂)
*
خلصت سملى وهي تقعد وهي فايحه روحها من كثر التعب : ماصدز خلصنا
ضحكت الهنوف وهي اتقعد جنبها
*
وبعدددد اسبوع قضى وراح بخيره وشره مافي اي احداث مهمه
رجعو غرام ودياب
كان حزه عصر
دياب وهو يشوف عبد الرحمن ؛ ياولد
جاء عبد الرحمن : يالله حيووو الحمدالله على السلامه
ضحك دياب : الله يسلمك البشاره
عبد الرحمن : ويشو
دياب : قبلوك بالوظيفه وان شاء الله من بعد رمضان تبدا معي في الجوف والشقه علي
عبد الرحمن بصدمه ؛ احلف
دياب : علامك ياولد العب عليك انا
ضحك عبد الرحمن ؛ عسى ربي يفتحها في وجهك يادياب
ابتسم دياب وهو يشوف فرحه عبد الرحمن
*
علىىىىىىىىىىى العشاء بعد ماصلو
كانو كلهم في الحوش جالسين والفصفص قدامهم والشاي جنبهم
ضحكو وهم يشوفن حمد الا يطلع التليفزيون
سملى ؛ اخير ياجد مابغيت
ضحكو عليها الجد ماتع التليفزيون في البيت ومخليه كذا واليوم بعد زن سملى طلعه
شغله حمد ورجع يقعد عند دياب
كانو غرام و ترف لبسين البرقع
ابتسم الجد وهو يشوف غرام الا تهمس لدياب والواضح انهم مرتاحين
فزت الهنوف : بدا بدا يارب بكره رمضان ياربببب
طلعت الصوت وجاهم اعلان الخبر ؛ اما في السعودية، أعلنت دائرة الأهلة في المحكمة العليا أن الخميس هو أول أيام شهر رمضان بعد رؤيه هلاله
ابتسم وقامو وهم يحظون بعض ويباركون لعبض
دياب ؛ رمضان مبارك يام دياب
ترف بهمس ؛ علينا وعليك
ضحك حمد ؛ لا ماتتساهلين اقولتس رمضان مبارك
ضحكت غرام
الجد قام ؛ يلا قومو يارجال صلاه التراويح
الجده ؛ ياسملى الهنوف يلا جهزو السحور
قامو
قامت اصايل : انا ماشيه للبيت
*
نفس الوضع هناك
فارس : رمضان مبارك علينا وعليكم
غاليه ابتسمت ؛ علينا وعليك يارب
الجد: يلا يافارس صلاه التراويح خلنا من اول الصفوف
قام فارس : السحور
فتحو الباب الا على دخلت عبد الرحمن و رائد وياسر
سلمو وهم يباركون لبعض
فارس : تراويح يارجال
مشو وهم يشوفن اهل الديره كلهم ماشين يتسابقون على اول صف
*
دخلت وهي تفسخ طرحتها مشت وهي تشوف غاليه تسوي السحور : مساتس ربي بالخير ياعمه
ابتسمت غاليه ؛ ياهلا ببنتي كيفهم اهلتس بخير
اصايل : اي بجدع بعباتي واجي اساعدتس
ابتسمت غاليه
مشت اصايل وهي طالعه شافت ريوف ابتسمت لها ؛ رمضان مبارك
ريوف بهمس ؛ علينا وعليك
طلعت اصايل وهي تفسخ عبايتها
ندلت وهي تساعد غاليه
*
وبعد صلاه التراويح قامو وهم يسلمون على الا جنبهم : رمضان مبارك
وبدو يسلمون على بعض
خلصو وطلعو
حمد : ياجد بروح اشوف الحلال اليوم واغير الاسعار
الجد : ربي يوفقك انا ماشي البسطه معاك
مشو كلهم البسطه
في للبسطه
دياب وحمد ورائد قاعدين في المحل يرجعون اسعار بيعت البشوت
والجد محسن وعيسى وفارس ومنصور قاعدين برا مع شباب الديره يشربون شاي ويسالفون
وعبد الرحمن رجع من ياسر عشان جرحه
*
على قرب وقت السحور
بعد مارجعو البيت
دق الباب قام دياب وهو يفتح الا بخاله خالد ؛يامرحبا رمضان مبارك
خالد ؛ علينا وعليك
دخل ودخلت وراه نوف ودخلو وبدا السلام بينهم
بعد السلام قعدو الرجال بالحوش والحريم داخل يتسحرون
*
نفس الوضع في بيت الجد عيسى
جلسين حول السحور وكانت اصايل متستره واساس هي مرتاحه لانهم من يوم ماعرفتهم ماعمر احد حط عينه بعينه
خطر على بالها راشد لفت راسها تمحي ذاكرته وبدا بتسحرون
*
وبعد السحور الكل غطى بنومممم
*
صلاه الفجر
قام الكل يصلي
طلع رائد بعد ماترضى وفي فمها كشاف بسبب ضلام الديره بالوقت ذا
فتح الكشاف وطلع وهو يشوف الكشافات الا حوله ضحك ؛ صباح النور
ابتسمو عبد الرحمن وياسر ؛ صباحك خير
طلعو مع بعض صلاه الفجر وقد سبقوهم فارس و الجد
ونفس الوضع في بيت الجد محسن
*
والبنات كل وحده صلاه في غرفتها
وبعد صلاه الفجر رجعو نامو بما انو مافي عندهم شي وماهم قايممن غير الظهر يبدون يصلحون الفطور
حتى الرجال بعد مارجعو نامو
وعلى الضهر
قامت وهي تشوف رائد باقي نايم اشتقت حق صقر راحت الحمام تغسل وجه وحطت الطرحه على راسها الا باذان الظهر مشت وهي تصحي رائد : رائد قوم
رائد ناطرها : الساعه كم
اصايل : اذان الظهر يلا قوم
قام ومشى توضى
طلع وهو يشوفها تسلم
مشى يضمها : مساستس ربي بالخير
اصايل ابتسمت
مشى رائد وهو يطلع يلحق على صلاه الظهر
*
قامت سملى والهنوف وبعد ماصلو
كانو قاعدين في المطبخ يطبخون
وريم وفايز ومزرزوقه وحصه ونوف كلهم عند الجده
و
وبعد صلاه الظهر
في بيت الشعر
كلهم مجتمعين
داخل شخص كاسي الشيب راسه وظهره منحني من عوق الزمن به : افا يامحسن افا
محسن فز بعصبيه : باي وجهن جايني انت
: بنت اخوي تعرس ولا تقولي تبخل علي يامحسن تبخل علي هدا واحنا برمضان وبعد تعرس مرتين ولا ادري
منصور : ولو كان تهتمون فيها كان خذيتوها
عقد دياب حواجبه من موضعهم ؛ يارجال علامكم اهجدو
محسن: اكسر الشر يا مشيب
مشيب بقهر : قلتو ماشالنا بنت اخوي ابشيلها الحين قم ازهم عليها
ضحك منصور وهو يقوم ؛ بتجيك بعفشها
دياب : استغرالله بس انا قايم
مشى رايح للبسطه وهو يفكر مين مشيب ذا
واقفه وهو يشوف مشيب واقف عند الباب
سند ضهره على الحدر وهو رافع رجل ومخلي رجل ويلعب بدقنه صدمه البنت الا طلعت وبيدها صقر فز : غرام
واقف يبي يشوف وش نهايته
انصدم من شاف مشيب يسحب غرام
*
عند غرام الا قالو لها عمتس موجود وطلعت له وانصدمت من انه يقولها بترجعين معي
قطع يد مشيب دياب الا سحب غرام وحطه وراه ضهره : ومين انت عشان تمسك مرتي كذا
منصور : عمها يادياب
دياب : عمها دوبه يفتكر انه اخوه عنده بنت وش تبي بها انت
مشيب : ابي بنت اخوي
دياب : هي مرتي وهي في وجهي
غرام تمسكت بدياب بقوه انقهر من حس بيدها
مسك يدها ومشى وهو يدخل البيت ودخل غرفتهم على طول وسكر الباب نزع برقعها وهو يضمها : لا تطلعين يكفيني ايامي ياغرام
غرام ضمته: خفت
دياب : انتي بوجهي من صواديف الايام
احتمي بي ياذرا رمشي وعيني
غرام بكت ؛ لا تتركني
دياب : مانيب بتارك الا لدياب
ابتسمت غرام وسط دموعها
شال دياب صقر من يدها : كتمتيه الله يصلحتس
*
بعد الصلاه وبعد مارجع
وهو ماسك البدله العسكريه حقته واصايل تبخره : هو لازم تروح الحين ياخي
ضحك رائد : اصول علامتس اليوم بط تتحلطمين
اصايل : رائد دوبنا اول يوم رمضان بتروح الحين
رائد مسك خدوها : مانيب مطوله قبل العيد جاي
اصايل : طيب افطر اليوم بس
ضحك :ياقلبي لازم امشي بدري عشان اوصل بدري
اصايل : اففف اف رائد
استغرب حلطمتها نزل البدل وهو يضمها وهو يبعد شعرها عن ضهرها : علامتس احد قايلن لتس شي مزعلينتس بشي
اصايل ؛ لا بس مابيك تبعد
رائد : اصول مو اول مره اروح دوامي ودائما اتركك الا المره ذي علامتس
اصايل لفت وهي ضمته ؛ يرضيك تروحي وتخليني
رائد وهو يحط انفه على انفها ؛ مارضى بس وش ياكلتس بعدين
ضحكت بخفوت
هام رائد بضحكتها وعطرها وخر قبل لا يكنسل ويقعد باس خدها : بحفظ الرحمن استودعتس الله
ابتسمت وهي تهز راسها
*
رجع وهو متكسر يبي بس ينام دخل وهو يشوفها ترتب وكانت لابسه جلابيه حقت رمضان وشكلها كانت فتنه مع شعرها الا مفتوح معطيته ضهرها باله ريقه لفت عليه ؛ جيت علامك
حمد : يارب حمد ارحم حمد
ضحكت ترف وقامت وهي تحط يدها على بطنها وتلف : شرايك
حمد حك راسه : انا الظاهر برجع مكان ماجيت
ضحكت ترف
*
على المغرب
باقي على الاذان دقيتين تقريبا
كانو على السفر كلهم في بيت الجد محسن
في الصاله الحريم اصايل وهديل وغرام والهنوف وسملى ونوف وحصه ومرزوقه وريم وفايزه والجده وغاليه وترف وريوف ينتظرون صلاه المغرب
*
اما في الحوش الحد محسن وعيسى ومنصور وخالد وفارس وحمد ودياب وعبد الرحمن وياسر
فز حمد من دق الباب راح فتح وابتسم من شاف ولد صغير معه صينه فطور : هدا الفطور من امي
ابتسم حمد : يعطيكم العافيه
شال الصحن وهو يحط على السفره دق الباب مره ثانيه وقام فتح وشاف رجل كبير : هاكم الفطور
ابتسم حمد ؛ كثر الله خيركم
مشى وهو يحط الصحن
الجد: وزعتو الحم على الجيران
دياب : اي ياجد
الجد: اليوم دور اهل فهيد بافطر الصائم احنا بكره من الصباح ترحون تجيبون فطور وتحطونه بالمسجد ودياب زي كل عام نظف المسجد وبخره
دياب بجديه : ابشر
دق الباب وقام حمد : الله يستر بس
طلع وهو يشوف الشرطه : عسى ماشر ياخوي
: معليش ياخوي والله انو قد مرينه على بيت الجد عيسى وقالو انهم هنا بس بغينا نقول انهم قبضو على الولد الا طعن ولدهم
فز حمد ؛ احلف
: وللله
حمد ابتسم : حياك الفطور
: لا والله كثر الله خيركم
خمد : يارجل امش مابقى شي على الاذان
وفعلا اذان
حمد : حياك حياك والله ماترجع فطورك عندنا
ابتسم الرجل ودخل بيمنه
فزو وهم يسمعون حمد يرحب باحد
الجد محسن من شاف الرجل بدون مايسال منه هو : حياك ياولدي على الفطور
حمد : ياعم فارس مسكو ولد سعيدان الا طعن فارس
ابتسم فارس ؛ بشرك ربي بالخير
قعدو حول السفره مع الظابط الا كان مستحي منهم بس مع السواليف انبسط معاهم وبعد الفطور
قام الجد محسن : صلاه ياعيال صلاه
ابتسم حمد وهو يوقف عند الباب ؛ سلوم ياسلوم
طلعت سملى ؛ علامك
حمد ؛ تكفين داله قهوه وشاي وبخور انا افد الخشم ذا
سملى تخضرت : وقت مصلحتك تجي بس
ضحك حمد ؛ ياسلوم
سملى : طيب طيب امش صلي
مشو كلهم لصلاه المغرب
*
وعند البنات تقسمو الشغل
كانو هديل و اصايل ينظفون حق الحريم ويحطون القهوه والشاي
وسملى والهنوف كانو حقين الرجال
حست بظهرها سملى بعد ماخلصت تكنيس الارض شافت الهنوف جايه بالقهوه والتمر والشاي : البخور وينه
طلعت اصايل : هاكم البخور
حطت البخور في جلسه الحوش ودخلو البنات داخل
شالت سملى المواعين وهي تطلع في الحوش الخلفي ومعها الهنوف
جابت الهنوف كرسين صغار وحطوها وكانت وحده بالصابون والثاني بالمويه
واضح من بيكرف في رمضان
*
وعند البنات القهوه تمر عليهم
اصايل قامت وهي تنفظ جلابيتها مشت المطبخ وهي ودها تسوي شي يسعد سملى والهنوف بعد ماشافت الكرف حقهم دورت شافت مكونات حلا بسكويت الشاي ابتسمت وهي تطلعه وتسوي المكونات جت ترف وهي اشوفها : وش تسوين
اصايل ؛ حبيت اسعد البنات منكرفين من يوم ماجيتي وهم مكروفين
ترف : بساعدتس
*
دخل حمد شاف مافي احد دخلهم ودخلو وقعدو بين السواليف والضحك والبسطه الحلوه
دق الباب وقام حمد
ضحك دياب : فاتحي ابواب
حمد عطها نظر وضحك ومشى وانصدم من فتح الباب وشاف كميه رجال قلطهم ودخلو
ومشى : سلوم سلوم
طلعت ترف : علامك
خمد ابتسم من لمحها ؛ وين سلوم
ترف : سملى مسكينه تتشغل
حمد حط يده تحت دقنه : يابنت محلوه
ترف قبصته: اسكت عمتك هنا
حمد ؛ عمه فايزه
ترف : لا
حمد : مرزوقه ولا ريم
ترف : لا
حمد ؛ منهي لا يكون امتس
ترف : اصايل
حمد : اي اصول ياصولللل
طلعت اصايل : ماتستحين انت
ضحك حمد وهو يضمها : ياجعل زولتس مايروح وحشتني تراس
ظربته اصايل بخفه : علامك ماتسال
حمد : جعلني الموت ان ماسالت
اصايل شهقت : بسم الله عليك
ضحك حمد ؛ تسوين القهوه
اصايل ؛ ابشر
خمد ؛ كثير دلات فجاه دخلو علينا رجال الديره داهمونا
ضحكت اصايل ؛ ابشر بسوي
سحبت ترف : امشي راق لتس الوقف مع رجلتس
ضحكت ترف
حمد ؛ اصول
مشت وهي تضحك
وبعد ماصلحت الدلات وعطتهم
وسوت الحلا مشت جلست جنب غرام ؛ غروم
غرام ؛ لبيه
اصايل : وحشتني مزنه
غرام ؛ اكثر وربي
اصايل ؛ اناديها
غرام ؛ اي تكفين
غرام ؛ امشي معي
طلعو لسطح وهم يشوفن بيت مزنه وكانت قاعده تنظف ؛ مزنه مزنه
ناظرتهم مزنه وابتسمت ؛ هلا
غرام ؛ تعالي تكفين
مزنه هزت راسها ومشت تلبس عبايتها
*
كانو واقفين حمد : ياسعود علامك رايح اقعد
سعود ؛ والله ودي بس وراي شغل كثر الله خيركم يارب
ودعهم دخلو وهو مشى
سمع صوت صراخ التفت وهو مستغرب صوت الصراخ
مشى ركض وهو يشوف البنت الا مستنده على الجدار وقدامها كلاب وتهش عليهم شاف البنت كانت فتنه بجمال والوضح من الخوف ماشافت انه طرحتها طايحه
سعود ؛ اهدي ياختي بوخرها بس اهدي
مزنه بخوف ؛ تكفى وخرها
سعود مشى وهو يرمب حجر هربت الكلاب لفى وهو يشوفها باقي واقفه : بنت هي
ناظرته بخوف : يمه
حطت يدها على وجها منهاره تبكي
سعود ماعرف وش يسوي : يابنت خلاص انتهى
بكت وهي تهز راسها
مشى. سعود وهو يحط يدها على كتفها يهديها : يابنت واقفي بكاء
مزنه ماسكتت ماردت وزاد بكاها
سعود ؛ يارب وش هالبلشه
سمعت صوت الكلاب مره ثانيه ولا ااردي ضمت سعود بخوف
سعود وخر يده بخوف
*
كانت واقفه عند الباب الخلفي تتنظر مزنه بعد ماوصتها غرام شافت واحد يمشي وهو حاط يدها على صدره صغرت عيونها وهي تحاول تشوف زين انصدمت من وخر يده وبان الدم شهقت بخوف : يويلي ياولد الاودام مين مسوي به تسذا
مشت وهي تجيب الاسعافات الاوليه حطت الطرحه على وجه : ياولد
ناظر الباب وهو مصدوم من صوت البنت رمت الاسعافات : دوي جرحك لا يلتهب
ياسر بلع ريقه واخذ الاسعافات ومشى
*
سعود وخر يده بخوف
ماحس غير بكشاف حوله وصراخ رجال باسم ؛ مزنههههههه
انتهى 🔥🔥
واضح ابطالنا الجداد 😉
