"سمع الله لمن شكى، سمع الله لمن دعى، سمع الله لمن حكى ومن حمد ومن بكى ومن به ِألمُ". ❤️
العشاء
الجد وهو يناظر لصقر الا يلعب بيده ويطلع اصوات وسادح على رجول غرام ؛ ياغرام
غرام ناظرته : سم
الجد بهدو : اجهزو عرس غرام قريب
ناظرته غرام وهي مصدومه : وشو انا دوبي مخلصه عدتي وش تبون مني
الجده ضربت صدرها : لا تعاود غلطك يابو صقر
الجد: ماهو ذا الا تبونه تراك معرسه على دياب رضيت ولا مارضيتي
غرام فتحت عيونها بصدمه من الا خطبها : دياب ولد خالي صقر
الجد ؛ في دياب غيره
دياب هزت راسها وداخلها يتراقص
ريم ناظرته ابوها : يبه
الجد هز راسه ؛ مالي كلام ياريم انكسر ضهري
قام الجد وهو ياخذ عكازته ويدخل الغرفه
الجده قامت وراه
ريم ناظرت غرام : غرام يمه
غرام ابتسمت وهزت راسها ب اي وشالت صقر
مرزوقه وهي تشرب القهوه ؛خليها ياريم لا تغلطون غلطتكم الاوله افهمو دياب يحبها والواضح انه تحبه
حصه : صادزه وانا ماني مستعده اشوف ولدي يموت وانتي شايفتن حالته كيف كان تعبان رفض يجي الديره عشان من مو عشان بنتس ياريم خليه امكن صدز يعوضها والقريب اولى من الغريب
ريم بكت ؛ بس الا ذقته في بنتي ماهوب سهل لا تنسون ابو غرام مين
فايزه ؛ وش نبي نحفر بالماضي الماضي بح
مرزوقه ؛ اهدي ياخيتي ربي يفرجها الا اصايل ما شفتوها
حصه : ذي من اعرست نستنا
*
حاط يده تحت ذقنه ويناظر فيها نايمه وشعرها مبعثر على الفراش ونصه على وجها عيونها مليانه دموع ورقبتها وصدرها باين البرهم الا حاطه فوقه مشى قاس حرارته مافي فتح الباب نزل وهو يركض شاف غاليه برا وريوف جنبه قعد بعد ماسلم على امه ناظر بريوف المفروض تصب له تنهد ومشى صب له : يمه
غاليه ؛هلا
زائد وهو ياخذ رشفه من القهوه :اصايل يمه دخلت المطبخ قبل نص ساعه
دق جوال رائد طلعه : صبر بس
طلع
غاليه شافت ريوف الا تتقهو بارده مبرده: احر ماعندي ابرد ماعندتس
ريوف : يمه وش سويت
غاليه : حسبي الله علي ابليس انا مربيه وحش ولا وش
ريوف : يمه شنقصدين
غاليه مسكتها من ذرعها ؛ ادري بتس انتس انتي الا حرقتي اصايل شفته يوم دخلت المطبخ ودخلتي وراها وطلعت تبسي وهي تنفخ على نفسها قسم بالله انها بنت اصيله لو انا كان عملته وخليته يادبتس ياقليله الحياء عارفه او رائد بس عرف انو انتي تبين تروحين بيت خالتس الا مليان عيال بيذبحتس اشلون لا دار انتس جارفه مرته
قطع عليهم صراخ ؛ وشوووو
ريوف بخوف تخبت ورا امها
رائد بغضب تقدم لها : وشو قلتي تبين تروحين بيت خالتي والله لو على قطع رقبتي ماتروحين تحرقين مرتي ليه وش مسويه لتس هي ماذيتس بشي يكفي انها قالت طاحت على الزيت ماقالت ريوف
ريوف بقهر : من دخلت حياتنا وهي مصايب
رائد الا يدور شي يرجمه عليها
غاليه : بس يارئد امسحها بوجهي
ريوف :وش يمسحها بوجهك انا اقول لو مرتك فيها الخير كان جابت لك طفل وش مسويه الصغيره فيها
رائد بغضب مسكها من يدها : وربي لو مافيني الخير كان مديت يدي عليتس وويريتس صدز الشر احمدي ربتس لكن قدام امي يحرم على اخوتس ليوم القيامه ياريوف
غاليه شهقت : لا يامك لا تسويها
رائد وهو مقهور ويتذكر وجعها ؛ مالي قعده في بيت مرتي تتحترق فيه
الجد عيسى ؛ وين هاج اهجد
رائد ؛ ياجد حرقت مرتي حرقته تبين اقعد ماسمعت بكاها انا مانيب قاعد
الجد عيسى وهو يضرب الارض بعكازته: ريوف حسابتس معي رائد انثبر ومافي طلعه من هنا لو تعض الارض
رائد رما نظريه حارقه لريوف وطلع عند اصايل
الجد عيسى جلس : كذا ياريوف انا ربيتس
فارس : مرت اخوتس اخوتس يابنتي تحرقينها خافي ربتس
غاليه بشهقه ؛ احرمت على اخوت رائد ياريوف بتقولين ليته ضربني ليته ولا حرمني اخوته وانتي عارفه دامه حلف انه منفذ علامتس انتي شفتي غرورتس وين يوصلتس
عبد الرحمن الا دخل الحين وسمع اخر الكلام : احرمت عليتس اخوت رائد وش مسويه
فارس بقهر : ياكسر ظهري فيتس ياريوف ياكسر ظهري بس
الجد ؛ وين ياسر
عبد الرحمن وهو يضم امه ؛ برا مع العيال
الجد تنهد : ريوف لا اشوفتس قدامي
ريوف بخوف ركضت لغرفتها
*
شافها نايمه بعمق من التعب تنهد وهو ينام بنجبها
*
بعد اسبوع قبل عرس دياب بيوم
كانو قاعدين يركبون العقود
دياب وهو يركب اخر عقد : خلصت
حمد ؛ جاء تميم
دخل تميم وهو كان جاي بشاص: ها الزل وصل
ضحك دياب وهو ياخذه وبدو يفرشون
*
سملى : وه ياناس يازين الحلوين بس
ضحكت غرام على صقر الا ملبسينه ثوب وبشت والعقال كل اشوي يطيح
دخلت الهنوف : يازينه زينه
قعدو وجت ترف جلست معاهم ؛ اي وش مسوين
سملى : على حطت يدينتس بخير
دخلت هديل ومحمد يسحب عبايتها : يووو علامك يامحمد
سملى ؛ حمود
ابتسم مخمد وهو يركض يحضنها
هديل : يالله ازعجني ماهوب مقفول تسذا بتحمله
مخمد الا شاف صقر لبس بدا يبكي وهو ياشر عليه : ابي ابي
سملى ؛ خذيت لك تعال البسك
مشت وهي تلبسه
انا غرام فسخت لصقر الا كان يشد شعره من اطرافه ضحكت وهي تشوف معصب يبي شعرها :علامك ياعيون امك انت
الهنوف ؛ يالله يامحمد لبسك حلو خلاص حلو
ضحكو على مخمد الا لبسته سملى الثوب وقاعد ينط فرحان فيه
هديل :اهجد ياولد
دخلت اصايل:السلام عليكم
: وعليكم السلام
قعدت وهي تفك ادخل يدها بين شعرها : تروشت وطلعت وشعري غرقان
سملى قامت : بتمرضين
اصايل كحت
غرام : ترا مابقى على عرسي الا يوم
ضحكت اصايل
*
الحد محسن :ياعيسى ياكسر ظهر دياب يوم يعرف
عيسى وهو يحط يده على ضهر محسن : هونها وتهون
رفع راسه وشاف حسين وراشد : السلام عليكم
محسن وعيسى : وعليكم السلام
جلسو
حسين ؛ ماقصرت ياخوي ابديت الغريب على القريب
محسن : ياحسين راشد الله يوفقه بغيرها بعدين علامك راشد علام وجهك
راشد الا نحف كثثرررر والهلات السوده عظام وجه بانت بصوت تعبان : مافيني شي
حسين تنهد وهو فعلا تعب من راشد الا ماغير يرجع وهو تعبان
عيسى : الله يهديك ياولدي صحتك
راشد ماهتم وهو يقوم قام حسين وهو يلفظ اخر كلمته : زوجت دياب من بنا القاتل تراه قاتل ولدك ابو دياب اساس المفروض رامينها برا
طلع حسين
عيسى : ماعليك منه يرمي كلامه
محسن مسح وجه وشنبه الابيض : الله يعين
عيسى ؛ وش قولك بعد زواج دياب نروح الحلال نغير جوه مع عيالنا وناخد حرمينا السنه غريبه ياخوك زواج غرام وعذابها وزواج اصايل ورائد وتعب نفسيتهم الله يكون بالعون
محسن ؛ اي والله شورك وهاديه الله خلاص بعد العرس اليوم الثاني نطلع لـ الحلال نذبح ذبيحه ونتعشى ونعين من الله خير
*
يوم عرس دياب
مبتسم وهم ينسف شماغه دخل حمد ؛ دياب تكفى الحق علي
ضحك دياب : علامك
حمد : حلق لي شنبي
دياب :لا عينا من الله خير ليه ماحلقت يوم كنا عند الحلاق بالمدينه
حمد حك راسه ؛ ماحد يظبط شنبي غيرك
ضحك دياب ؛ ادن دوبي البس ثوبي خوفي يمتلي بشعرك
ضحك حمد وهو يوقف قدام دياب ودياب يحلق له دقايق وخلص دياب طلع حمد من بعد ماشكت دياب
دخلت حصه وهي تزغرط وبيدها البخور : يابختي دام ربي طول بعمري واشوف بكري متزوج عقبال ضناك يامي
دياب باس كفها ؛ ياقلبي يابمه ربي يطول بعمرتس ويحفظتس لي ذخر طول العمر والله يايمه لو تدري بفرحتي بس مستعد اليوم اقابل اكثر شخص اكره ابوس راسه
ضحكت حصه وسط دموعها : يايمه تعبت ونلت الا ابيه مانلتها هي بس نلت ولدها
ابتسم دياب :يووو ياحصه فرحتي اليوم ماتحصى
ابتسمت حصه ؛ ياجعلها دوم يايمه ياجعلها دوممم
دياب الا فعلا فرحان ب غرام نسى كل شي يفكر فيها هي وبس
*
البخور منتشر والقهوه ثلاجه رايحه ثلاجه جايه
سملى وهي تسوي قهوه ؛ كشختي دي وبالاخير وشو اسوي القهوه
دخلت ترف الا حاطه يدها على بطنها جلست وهي تاخد تمر تاكل :والله يابنات لو شفتو غرام وش زينهااا مشاء الله عيني بارده
سملى ؛ والله انا عيني بارده على حريم اخواني من وين لهم الزين وش ذا الزين يابنت عيني بارده عليتس ولا وبعد فستان عنابي اخوي راح فيها
الهنوف ضربت سملى ؛ انتي وجهتس ممسوح بمرق ماتستحين
ضحكت سملى
ترف ؛ والله انا عيوني بارده عليتس شرايتس ازوجتس من اخوتي ترا باقي عندي اثنين واحد لتس والثاني لـ الهنوف وش زينكم يابنات
الهنوف الا لبسه فستان سماوي ساتر ؛ يابعد حي انا اموت فيتس والله دامتس حلوه اكيد اخوانتس حلوين تم
ضحكت ترف ؛ عاد انتي يلقي عليتس ياسر هادي مثلتس بس لا اكلم اعوذ بالله مايكست اما سملى يلقي عليتس عبد الرحمن انتي عبيطه وهو عبيط
سملى الا لبسه فستان وردي فاتح منفوش من عند الكتفين تخصرت : طايحتن من عينتس وش حلاتي بس
ضحكت ترف
دخلت اصايل وهي افتح الطرحه وتفرد شعرها كانت لبسه جلابيه لونها ابيض وفيها وشاح من اكتافها لـ الارض بلون الابيض
سملى : لا عادددد عمتي فآزتتت علينا بسم الله عليتس عيني بارده
دخلت فايزه ولبسه جلابيه : يلا يابنات مابقى شي ويوصلون الحريم
*
الجد وقف بعد مامشط شنبه الطويل لا يكسيه البياض شاف الجده وهي تلبس ذهبها : جميله
ناظرته الجده
الجد : تجهزو بكره ان شاء الله طالعين الحلال نغير جو
الجده : ابشر الا محسن
الحد ناطرها
الجده ؛ المزرعه ماعادها موجوده
الجد ؛ موجوده
الجده هدا راسها
*
عند غرام متوتره ابتسمت وهي تشوف صقر الا قام يبكي من النوم وحاط يده في فمه مشت بها بفستانها الابيض الكبير ابتسم صقر وبدا يطلع لصوت ضحك من شاف امها شالته وهي تبوس خده ؛ وه حلاه ولدي بس
شافته وهي ودها تتاكد لان علها وصف الدكتو لها وصقر صار عمره اربع اشهار واشوي يعني او طاح شي بيتلفت مشت وهي ترمي دبابه هناك بس مالفى ابد ولا عطها وجه كان يصفق ويطلع صوت ويرفص برجوله جلست حنبه: صقر صقر
مالفى عليه تنهدت وهي تنزل دموعها فعلا ولدها فقد حاسه السمع ولا احد يدري من اهلها ابتسمت من شافت لفى لها وتلقلب لين انسدح على بطنه ابتسمت واخذته وهي تغير له لبسه ثوب كان نتفقه فيه الثوب طويل عليه وليسته عليه جاكيت اسود على بطرف صقر بالون الذهبي جابه حمد لـ صقر ومحمد ابتسمت وهي تقول شافته شكلها وصقر بيدها كانت عروسه وبيدها طفل ضحكت من شافت صقر يحاول يمسك طرحتها مسكت يده وهي تبوسه : لا ياماما عيب ماما تطلع قدام الناس وشكلها مو حلو
كان يضحك بس ابتسمت من ضحكته وضحكت اكثر من شافته يعض انفها كانت تحس بالثته بكونها طفل ماعندها اسنان ابتسمت بحب (😂الفكره سرقتها من بنت خالتي هالحركه عشقها ادعو لها عمرها ٩ اشهار )
دخلت حصه وهي اشوفها تلعب ولدها : ربي يحفظه لتس
ابتسمت غرام وهي تبوس راس حصه : لللهم امين ويحفظتس ويحفظ لتس عيالتس
حصه : يلا بنزفتس للحريم
ابتسمت وهي تعدل نفسها حصه شالت صقر
*
عند الرجال واقف وجنبه حمد همس : شفيه عبد الرحمن اليوم في طلقه غريبه
ضحك حمد عليه
رائد الا سمع ؛ مادري من الصباح شكله ناوي يعرس
ضحكو عليه
قام الحد محسن والجد عيسى وقامو حمد ورائد ودياب وعبد الرحمن الا يصب القهوه تركها وقام وياسر وتميم الا سحبه ياسر معه وخالد الا صف جنب منصور
دياب وهو يرمي بشته وياخذ السياف: حقتس ارقص بعرسي عليتس يامره دياب
ضحك حمد وهو ملاحظ فرحه دياب ويدعي انو ربي يديمه له اكثر من تعب معه حمد قام ونام معه وتعب معه
بدا السامري : ذيب ياللي هاضني بعواه
قبلك وأنا عن صاحبي سالي
مدري حدر وإلا نصى مرباه
كانو صافين ومعاهم عيال الديره شباب وشيبان وكان يعرضون بسيوفهم بحيث يرفعونه فوق ثم ينزلونها مع انتظام صفهم
ضحك حمد وهو يرمي الشماغ ؛ والله اني حلفت لا اشلع عرسك شلع بالعضيد
ضحك دياب وهو يشوف حمد الا دخل بنص وبدا يعرض وهو يرفع السياف يرميه ثم ياخذه زادت ضحكته من شاف تميم جايب الاسلحه وسالوهم وهم يرمون بسما واليومممممممممممم تلعننن نجد انتصار دياب وغرام واليوم صارت مرته على رغم الظروف الا مرت فيها
ويالله من فرحه تعدت لهم
منصور والدمع بعينه ؛ تزوج ولدك ياصقر تزوج
*
زفوها وهم يرمون الورد عليها تحت الزغاريط لها
وياكثر فرحه البنات لـ غرام اكثرهم ترف الا تدري بحبها لدياب
المطربه الا كانت تغني ؛ كل القصايد والغنى
ابتسمت غرام وهي تشوف الجده على الكوشه البسيطههه الا كانت بلون البيج والاحمر وحولها ورود كان عرسهم بسيط كان حتى حفلهم بالحوش
مسكت يدها سملى وهي تزغرط ؛ حفظتس ربي
ابتسمت وهي تسلم على الجده وامها وهم يباركون لها وجلست وجاو الحريم يباركون لها والا تمد والا تحط بيدها سوا فلوس ولا ذهب ولا غيرها وكانت ترفص بس يصرون عليها
ابتسمت وهي تشوف البنات الا يرقصون بشعورهم وضحكت اكثر من اصايل الا ماسكه صقر النايم وترقص معه
جت اصايل وهي تضحك على صقر : هدا ماخذ طبع ابوي ينام بدري
ضحكت غرام
اصايل : بيكون معي اليوم ليلتس اليوم انبسطي
ابتسمت غرام : ربي لا يحرمني منكم
*
الساعه ٩
دخل عبد الرحمن ؛ يارجال حياكم على العشاء
قامو الكل
منصور ؛ يلا يادياب ازفك على مرتك
دياب الا مو مستعوب ؛ مين
ضحك خالد : علامك ياولد غرام
ابتسم دياب وفز : كيف شكلي
ضحك حمد : وش حلاتك رح يامعريس
ابتسم دياب بتوتر وهو يلحق خالد ومنصور
خالد : اسمع يادياب انت ولدي وهي بنتي ان سمعت انك بكيتها او زعلتها بشي كسرت راسك
دياب ابتسم ؛ ياعم هم اقوى على زعلها انا
ضحك خالد وهو يدخل من الباب الخلفي دخل منصور ثم خالد ثم دياب
*
ابتسمت من شافت منصور داخل سملت على راسه ثم سلمت على خالد الا ضمها وهو يهمس ؛ عوضتس يابوتس تراني بمقام ابوتس ان زعلتس بس لا يردتس الا لسانتس
من قال هالشي نزلت دموعها ابتسم خالد : افا قدام رجلتس تبسين تسذا
رفعت راسها وطاحت عينها بعين دياب الا نزلت دموعه
خالد؛ يلا يادياب خذ مرتك بعد مايسلمون عليها وحطه بعيونك
دياب ماكان معاهم كانت دموعه ارباع من طلعو بس ركض وهو يضمهااااا لو بيده يدخله القفص الصدري همس وعيونه دموع:خذيتسسسس ياغرام من عيوني الا يبونتس مرجله وعناد مثل ماياخذ البحار من جوفه البحر درهه
بكت غرام من دموع دياب
دياب وهو ضامها ويمسح عيونه من طراف شماغه : صدز من قال الغالي صعب مناله اخخخخ ياغرام اشلون صعب منالتس بس اليوم ملكتس اليوم صرتي حلالي صرتي مره دياب
غرام بكت وهي تقول : صرت مرتك يادياب ماني مرت غيرك
بكى من قالت هالكلمه كانت تسمح شهاقته ضحكت وهي تحاول تخفي دموعه وتغير الموضع ؛ الحين ليه كل ذا
بعد دياب وهو يبوس جبينه وعيونها : لا تحرم المشتاق لذة حكاويك
مايكفي انك مبتعد عن عيونه .
انتهى 🔥💔
