ليلة الجُمعة خذو مسابحكم وأكثروا من الصلاة على رسول الله صلى الله عليهِ وسلم 🤍.
عمر مشى وهو يضرب ظهر حمد : ياوحش علامك مختفي لا يكون اعرست بس
ضحك حمد وهو يدفه ؛ اي عندك مره بخطب من عندك
ضحك عمر وهو يشد كتفه : ونعم الرجل ياحمد يشهد ربي لو باقي لي اخت زوجتك اياه
ضحك حمد : خيرك سابق
مشى ولد صغيره بعمر ٥ سنوات وصقع باحمد وطاح وقام يعدل شماعه : اسف
ضحك حمد ونزل وهو يشيله ويبوسه : حي الله سعد
ابتسم سعد :اقلط يارجل حرام بالله ان يموت اليوم ويجيك ( يقصد يسون عشاء )
ضحك حمد : كفو وربي اشهد انك كفو على التربيه ذي ياعمر
ابتسم عمر ؛ سعد انزل
سعد نزل وهو ينفظ ثوبه وكان معه دائري يدفها بالعصا مشى يلعب فيه ضحك دياب : ربي يحفظه
دخل ظافر وبيده المسبحه ناظرهم وصد جلس
دياب ؛ السلام واجب
ظافر رفع راسه ؛ مو على اشكالكم
حمد : مع الاسف مانوصل لمقامكم
قام محمد : يارجال صلو على النبي دياب حمد حياكم على طاولتنا
صدو دياب وحمد ومشى طاولتهم
*****
خلصت ملابسها ومشت تلبس عبايتها كانت عبايه راس وتعطي وجه بطرحه
رائد وهو يلبس ساعته : اصايل
اصايل : لبيه
رائد : لباك حج بسالتس ذاهبتس وينه
اصايل وهي تطلع الصندوق : ذا هو
رائد ؛ وريني
قام وهو يشوف الطقم ؛ اذ رحنا جده بمر البسطه حقهم خذ لتس طقم اكبر
ابتسمت اصايل وهي تضمه : مابي يانظر عيني يكفيني الا عندي ولا انا ماحب الذهب كثير وتبي اخذ كبير بنجلط
ضحك وهو ياخذ كف يدها ويبوسها : الذهب مزين يدتس الا انتي مزينته ويابعد خاطري ماتحبين الذهب وراتس لبسه هذي الا بيدتس
ضحكت اصايل :يابعد خاطري الذهب ذا خفيف وماهو كثير وشوف هو اربع وحجمه ماهو كثير
رائد ؛ ناخذه مثله واخذ لك هنا اثنين والثانيه ست شرايتس
اصايل وهي ابعد عن حضنه وتعدل شماغه : لا يامال العافيه تكفيني ذهباتي وخيرك سابق
رائد : دام ذا رايتس مالي راي يلا نكسنا
اصايل : نكسنا
*****
طلعو عيد الرحمن وياسر يضحك وصلو البيت ركضت ترف وهي تضم عبد الرحمن وتبكي : دحوم
ضحك غبد الرحمن بالم وهو يشدها : ماصار شي يابعد خاطري
ابتسمت وخرت وهي تمسح دموعها وتجمعو كلهم حوله يتحمدون له بسلامه
فراس : بما اننا تطمنا على عبد الرحمن
قام وهو ياخذ عقاله ويلويه
فز ياسر : يبه ترا ماقصدي
غاليه ؛ فراس بشويش
ياسر وهو يرفع ثوبه : يبه ترا هو مسط(طاح )
عبد الرحمن يضحك ؛ احسن ربي ياخذ حقي
ترف : حرام يايبه خلاص امسحها بوجهي
ريوف وهي تجلس جنب عبد الرحمن : مصع ضهره
الجد: يامال الوجع ياريوف تدعين على اخوتس
ريوف ابتسمت بخوف
فراس وهو يناظر ياسر : ادن
ياسر : انا في وجه الله
عبد الرحمن : عليك به يايبه
فراس وهو يضرب ياسر الا مسك شماغه بفمه وفتح الباب وانحاش
فراس : اعقب ياولد مردك البيت لا امصع العقال على ضهرك
لف على ريوف الا اضحك وعبد الرحمن : كل واحد لغرفته نومو شوفو اقساعه١٠ مو يعني اعطيتكم وجه تسهرون يلا
فز الكل لغرفته ونامو اما فراس ينتظر ياسر
******
ياسر الا طلع ويضحك من ابوه ناظر حوله وخاف من الدنياء الضلمه صار يمشي وهو مو عارف الطرق من الضلام ولا معه كشاف ولا شي يمشي مو عارف وين يروح فجاه وصل البسطه استغرب انو في محل مفتوح دخل وهو يشوف العيال استغرب لان عيال الديره ينامون بدري ويويلهم سودا ليلهم يسهرون معروف بقريتهم الشي ذا
دياب وقف : هلا ياسر حياك القط
ابتسم ياسر ومشى وهو يسلم على العيال
محمد وهو يرمي الاوراق :اكيد يانك مطرود يانك هارب الصراحه انا مطرود
ضحك ياسر ؛ اي اقدر تقول يارجل
ضحك حمد : ماعليك تزين
*****
قاعد بالحوش : ذولا وينهم علموني قسم لا امصع ضهورهم بالعصا واخليهم يمشون بدون عقل
فايزه : يبه هدي على نفسك
غرام خايفه على دياب الساعه ١٠ وماجو
الجده ؛ يامحسن تدري انهم هربو
سمعو شهقت هديل خافو وركضو
الجده : علامتس
هديل : الكلاب مسوين اكل ومخلين المطبخ بحوسته
الجد وهو مصعب : بعد هين ياعيال منصور قمي سكري الباب ياهديل
هديل بخوف : ابشر
مشت تسكر الباب
الجد بغضب : كل واحد لغرفته نومو
مشو الكل بخوف حتى الجده قعد بالحوش وعصاته بيده ويمرر يده على شنبه الا كسه الابيض دليل على كبر عمره ينتظر حمد ودياب
****
ماسكين الخط والدينا ليل
رائد وهو يسوق : اصايل
اصايل ناظرت بعد ماكنت تشوف الشباك : لبيه
رائد : ماودتس تدرسين
اصايل : انا ادرس
رائد : لا قصدي تكلمين دراسه
اصايل : ودي بس ماقد فكرت
رائد : دام كذا اذ ردينا نجد قدمي ترجعين انتظام
اصايل : طيب
رائد مد يده ومسك يدها ؛ تدرين خذيتي قلبي
ضحكت اصايل
رائد :من كنتي تهيطن على عيال الديره عشانهم خربو شعرك
اصايل ؛ وتجي تدافع عني
رائد : قصدتس انصفق معتس
ضحكت اصايل
رائد :فكي طراحتس خليني اشوفتس ماحد يشوف الطريق ضلام
ابتسمت وفكت الطرحه
ضحك وهو يغني ؛ شيلي الطرحة عن الوجه السموح
ابتسمت اصايل وهي تكلم معه : نوري كل الوجود بطلتك
شغل رائد المسجل على الاغنيه : شيلي الطرحة عن الوجه السموح
نوري كل الوجود بطلتك
املكيني بالغلا عمر وروح
زلزليني لا رميتي طرحتك)
وكملو طريقهم واصايل الا كانت تحس بحب كبير لتجه رائد وتتمنى كل شي يوقف هنا ولا يمشون خطوه ثانيه ورائد الا حمد ربه انو صارت زوجته ومشى ورا كلام اهله
نقص الصوت : تدرين
اصايل : لبيه
رائد: يوم رحنا مكه صليت شكر
اصايل : جلعه دوم ليه
رائد شد يدها وهو يقربه من فمه ويبوسه: لانك دخلتي حياتي انتي نوري وسط عتمتي انتي منقذتني وسط خطري
ابتسمت وهي تشد على يده : يوم قالو لي زواجك قريب ماضنيت بعيش معك هالحب على رغم فتره قصيره مالها طويل بس احمد ربي على وجودك
ابتسم وشدها وضمها من كتفها ( طبعا مدري شسمه السياره بس سيارات زمان وكان مافي الا بنص كان قدام كلها مراتبه والسياره صغيره البيضه ذيك 🥲شرح يبي له شرح )
********
عند العيال الا كان لعب وضحك وناسه ولا حسو بالوقت اين سمعو اذان الفجر : الــلــه و اكــبـر الــلــه واكـــبــر
فز دياب : ابك ابك تاخرنا عز الله تمحطنا
حمد قام وهو حاط شماغه على كتفه : قسم ياياسر لا امصع ضهرك لا تغش يارجل
قام محمد : يارجال صلاه صلاه قومو عسى ربي يبني لكم بيت بالجنه
قام الكل سكرو المحل ومشى للمسجد
في بيت الجد قلم الكل ومشى الحد المسجد
والبنات والجده يصلون بالحوش
وفي المسجد من خلصو صلاه
قعد دياب يقرا قران وجنبه حمد ومن سكررو القران الا جدهم قدامهم
الجد بغضب : مشاء الله يامؤمن انت وياه وينكم البارح ماشفتكم بتجلطوني
مشى منصور سلم على ابوه : حمد يابوي امس وينك انت
الجد ضرب منصور ؛ اعقب ياولد ماتدري ابنك وين
الجد : قدامي انت وياه لا اخلي صلاه الفجر اخر صلاه لكم
قامو بخوف
عند البنات خلصو الفطور وحطوه ينتظرون جدهم
جو سلمى وحصه بفطورهم وقعدو
سلمى : غرام تعالي غسلي لي شعري
غرام قامت وهي تمسك جلابيتها ؛ يلا
مشو وجابت غرام سطل وراحو ورا الحوش وحطته وقعدت غرام على جنب وسلمى حطت راسها بسطل جابت غرام الشامبو وشغلت المويه وغسلت شعرها وبدت من ورا ) طبعا مدري فهمتو ولا لا بس الطريقه ذي زينه لشعر جربوها 😉
سلمى : اقولتس حاطه زيت ريحه قويه عشان تسذي
غرام : واضح ريحته مره قويه
مشت هديل وجابت كرسي اخضر وصغير مره وقعدت جنب غرام : والله او تغسلينه من اليوم لبكره ريحته يويلي
ركضت تستفرغ
سلمى وهي تتلحطم ؛ عسى رجلتس يعرس عليتس ياهديلو يامكرشه ان شاء الله ولدتس يطلع اقرع يارب
ضربت غرام راسه ؛ اعقلي وبطلي تدعي على البنت جدتي لو سمعتس محطتس بالعصا
سملى ؛ شوفيها بس
غرام جابت المنشفه وحطتها على ضهر سملى : قومي تشفي شعرتس بس
قامت غرام وهي تطفش السطل بالحوش وقام سملى تنشف شعرها
دخلت غرام : ياجده ماجو
الجده ؛ لا يابنتي تعالي اقعدي جنبي سوالفي لي
ابتسمت غرام وقعدت جنب جدتها ؛ واضح اليوم حر
ريم وهي تنزل كاس القهوه ؛ سبحان الله ماكان امس نقول بتجي عشيه
فايزه : تقلبت الجوء وانا اختس
حصه ؛ صادزه الجوء صاير مزاجي الا وش صار على دياب
فايزه : قدم اورقه وينتظر القبول
دق جوال الجده
وطلعته : يمه غرام شوفي مين
غرام شالته : يمه عمتي مرزوقه
ردت الجده ؛ هلا
وغرام حطت اذنها على الجوال
الجده كانت تدفها : طسي .ها لا يمه ماكلمتس
غرام تافتت وقعدت : يمه
ريم ؛ لا مانتي رايحه انثبري بعدين قومي اجهزي لمدرستس
غرام ؛ اعوذ بالله ماقلت شي بعدين كيف عرفتي اني بروحه عند مزنه
ريم وهي تعدل قعدتها: قلب الام يلا قومي البسي لا امصع العصاء على ضهرتس تدلعتي زود
قامت غرام وهي تلبس وتتلحطم قعدت وسوته لها ريم سندويتش وعطتها
غرام : مين يوديني
ريم ؛ دياب وينه
غرام سكتت
هديل ؛ ياعميمه مو هم للحين ماتدرين وينهم
على دخلت الجد وراه منصور تغطت غرام دخل دياب وراه حمد
فز قلبها وهي تشوفه حالته كان من كثر العب وسهر حالته معفوسه
الجد ؛منصور ودي غرام حمد دياب امشو
مشت غرام مع خالها
الجد بغضب : افتحو يدكم
كان الحد من انواع العقاب عنده الضرب على اليد
فك دياب: ياجده افزعي لي
الجده ؛ هذا عشان خوفي عليكم عليك به يامحسن
الجد ضرب دياب بالعصا ومشى ضرب حمد
حمد بالم : ياجذ يدي
الجد : على الجدار عطوني مقفاكم ) عطوني ظهركم
وقفو على الجدار
الجد بغضب: اوقفو زين الله لا يبارك بكم ومافي فطور وخلو الشمس تضرب راسكم امكن ترجع لكم عقولكم لعنبو حيكم وينكم من امس ماوركم حريم طايحتن قلوبهم عليكم
دياب : جدي
الجد وهو يجلس ويمد رجوله : اسكتو يلا سمو بالله وافطرر
حمد لدياب بخمس : حتى فطور مافي
سمعه الحد : اي مافي فطور يلا
دياب : مشاء الله اذنه هنا على رغم كبر سنه
ضحك حمد : اسكت لا تفضحنا
دياب ؛ كله من راسك
حمد ؛ من راس ولا من راسك
****
وعند ياسر الا دخل يتسحب شافته ريوف واكتفت : يبه ياسر وصل
ياسر مسكها : اسكتي اسكتي عيب عليتس انا اخوتس ماني عدوتس
طلع فراس : وينك لا بارك الله بك طيحت قلبي
ياسر: يبه انا في وجه الله ضربت امس قسم بالله الحين احس بالامها
غاليه طلعت : بس يافراس خف على الولد
الجد: دامه صلاه الفجر امسحه بوجهي
فراس : امش افطر
ابتسم ياسر وسام عليهم وجلس وهو يتحلف بريوف
*****
وصلو من اول بس كانو يدرون على فندق يربحون فيها ناظر اصايل الا نايمه واضح عليها التعب مسح على شعرها وهو يسمي عليها وصل فندق ودخل واخير لقى مشى وهو يصحي اصايل : اصايل حبيبتي قومي
اصايل فتحت عينها : وصلنا
رائد : من زمان يانور حياتي
ابتسمت على الاسم ونزلت ونزل الاغراض وطلعو فوق
اصايل رمت عبايتها ودخلت الفراش ونامت اما رائد نزل الاغراض وسكر الباب وفسخ ثوبه ورمه وفسخ ساعته ودخل تحت الفراش وشافها وهي نايمه ابتسم ونام وغص بنوم ماسك طريق ثلاث ساعات وهو المفروض ساعه بس لكن من كثر نقط التفتيش بسبب انتشار قطاع الطرق بالوقت ذا بكثره وطول الطريق خايف على اصايل وماصدق على الله يوصل وينام
******
الظهر بالديره
لستهم واقفين وذابحهم الحر وحرقت رجولهم
دياب وهو يهوي الثوب : حر ياربي وذا حر الدنيا الله ينجينا من نار جهنم
حمد وهو واقف عل رجول وحده ؛ يارجل الشمس مصعت رجولي كل اشوي انزل وحده وارفع الثانيه حر ياليت جدي يجي ويعتقنا
دياب ناظره : جدي وقفنا بس مامنعنا من شي صح
حمد ناظره: شعندك
مشى دياب وهو يشيل الخرطوم ويشغل : امش تغسل وربي حرقني الشمس
ضحك حمد وتربع: عسى عمرك طويل الله يبرد عليك صب علي
ضحك دياب وشغل المويه وهو يرش على حمد الا استكن وقعد دياب جنب حمد ووش نفسه وملى الحوش مويه
داخل
سملى مشت على اصابعها : يابنات رحمتن اخوني
ضحكت هديل وهي تصفق يدينها: خليهم انكسر ضهري وانا انظف المطبخ ذا وانا حامل
غرام ضربت يدها ؛ الا صدز بقولتس ماقلتي لعيال ولا جدي انتس حامل صح
هديل ؛ هو انا قدرت اقولهم
سملى ؛ يابنات جهزو لي صحن فطور حطو لي بيض ونواشف خلوني اخذه لخوني رحمتهم من صباح ربي بدا فطور
غرام مشت ورتبت الصحن ومدته لسملى: هاتس ثوري عطيهم
سملى عدلت طرحتها الشفافه على رقبتها اخذته الصينيه وطلعت من الحوش ومامدها طلعت الا وزلقت وطحت وصرخت بالم من خصرها
فزو دياب و حمد لها وطلعو هديل وسملى بصدمه
دياب وهو ماسك طرف ثوبه: سلمى علامتس
سملى كانت تبكي بالم نزلت لها غرام ؛ سلمى وراتس زلقتي
سملى وعيونها مليان دموعه ؛ من المويه
هديل ؛يمه من مشغل المويه
حمد ودياب بلعى ريقهم
سملى رفعت يدها : يارب عسى من شغل المويه انك ترزقها بولد قرد مثله عيونه اعور وجه مسطل كل من يشوفه يفز
مسكتها غرام : اسكتي عند الدعاوي ياسلمى
سملى وهي حاطه يدها على خصرها ؛ عوضني على خضري عوضيني
كتمو ضحكتهم على سملى الا تعليقها كثير
سملى ؛ حتى نعمه ربي انكبت عسى ربي يسكر يده الا فتح المويه
هديل : بس انتي تحلطمين اسكتي
سملى زادت بكي ؛ مو انتي يابعد خاطري الا طحتي
غرام شهقت : بسم الله عليها المره حامل انتي ماورتس شي تكسري
سملى حتت بتتكلم بس قطع عليهم شهقت دياب وحمد
حمد بصدمه ؛ هديلوووو حامل
هديل ابتسمت وهزت راسها بـ اي
دياب مشى وهو يضمها : يازين هالاخبار الحلوه
ضمها حمد : اطلبي تدللي دام بيجي حبيب خاله قلي وش تبين بس
ضحكت هديل وهي مستحي منه ؛ مابي غير سلامتك
دياب ؛ على الطلق ان تطلبين تراني طلقت
ابتسمت هديل ؛ اصرحه بخاطري نطلع للعزبه كلمو جدي
حمد وهو ياشر على خشمه ؛ على ذا الخشم
دياب : والعشاء انا من يسويه
هديل : ونعزم اهل الجد عيسى
دياب : تم
صرخت سملى : اي باركو لبعض وخصري
ضحك حمد ونزل يلم الاكل وحطه وتربع :دياب حياك
شافت غرام ملابسهم غرقانه وشهقت ؛ انتو شغلتو المويه
ضحك حمد : اي احنا عندتس شي يابنت العمه
غرام تخصرن : اي نطفو الحوش
سملى صرخت ؛ وخصري ربي لا بارك بكم
مشت وهي حاطه يدها على خصرها وهم يضحكون
هديل : هذي جزاتها تضحكون عليكم عادي هي مسكينه جايبه لكم الفطور وانتو وحوش
حمد وقف اكل ؛ احلفي هي جايبته
هديل ؛ يوم طاحت طاح الصحن معها ماشفتو
مشت غرام سكرت المويه ؛ حتى المويه مو مسكرينه ياربي
ودخلت
هديل : كلو بسرعه ونظفو وبدلو قبل مايجون
دياب : الا هم وينهم
هديل : مسيرين وجدي ببيت الشعر اخلصو
انتهى
