"ومابعد الصبر إلاّ الفرج "
انسدحت تفكر باللي صار وترف وتنهدت ونامت ونام هو برضو
*****
بالعرس واخير قضو وراحو قعدت الهنوف بتعب: والله باصول وحشتيني من الحين
غرام وهي تبكي ؛ ماهي وحشتكم مثلي
ضمتها سلمى ؛ هذا وهي اصايل وانا اذ رحتي وش بتسوين
هديل ؛ كانها معطيتس وجه
سلمى : اقول وين رجلتس عنتس مو ابطى
هديل ضحكت وحطت يدها على قلبها ؛ يابعد خاطري يارجلي
فجاه دق دياب الباب : ياهديل رجلتس برا بياخذتس
نطت هديل نشوف نفسها
ضحكت سلمى ؛ اعوذ بالله مامداني اقول
هديل مشت تلبس عبايتها
وسملى تضحك والهنوف تدفها وتحاول تسكته
ريوف : اقول سلمى وراتس ماتعرسين
ضحكت سلمى ؛ عندتس عريس
ريوف ؛ لا
سملى ؛ وانا ماعندي
ترف كان بالها مشغول كثير عن اصايل وش صار معها واكيد اخوه اكشتف الشي رجعت بيتهم هي وريوف ريوف نامت وترف ماقدر يغفى لها جفن من التفكير
وعند البنات كلهم غفو ماعدا الهنوف وغرام
الهنوف بهمس: انا جوعانه
ضحكت غرام :دوبتس ماكله
الهنوف ؛ ولو
غرام ؛ خلاص امشي بس اغير ملابس واجيتس
قامت الهنوف وراحت المطبخ
غرام حاولت تفك سحاب الفستان ورفض مشت نزلت تحت وهي تركض تبي المطبخ تبي الهنوف تفك لها السحاب بس صقعت بجسم عريض رفعت راسها وانصدمت من شافت : دياب
دياب فهم فيها وكان في صدمه من شكلها عيونها وفستانها الاحمر وماعرف وش يقول ماقال غير ؛ لابس الاحمر تكفـى ترفق على بالهـون انت فريد المحاسن والحـلا فيتس ربـاني لـو ينطق اللون الاحمر كن قال انا بك مفتون وجــمالك زادنــــي فتنة يوم جسمك اكتسانـي تمخطر يابعد حـــالي وسوق دلالك على الكون.
توترت غرام ركضت للغرفه اما دياب وقف مصدوم من شكلها ومن جمالها وماقدر يغفى له نوم وهو كل ماغمض جته في باله كان يستغفر وهو مايبي يفكر فيها وياخذ ذنب وهي تاخذه ذنب كان يخاف عليها حتى انها تاخذ ذنب
اما غرام كان قلبها يدق وحاطها يديها على قلبها ومصدومة من الا صار ابتسمت من تذكرت كلامه بس محته بخوف من سمعت صوت الجد محسن يهاوش الهنوف ركضت تحلقت بتنام بس سمعت حلطمت الهنوف وكانت تكتم ضحكتها بالقوه قعدت الهنوف جنبها وهي تدفها : ادري بتس صاحيه قومي لا اصنتس كف
ضحكت غرام وقامت بس فزو من سمعو الحد يقول ؛لا اسمع حس
خافو ونامو
والكل نام وعم الهدوء بعد العرس
ومن صباح يوم جديد نبدا عند الجد الا قوم الكل وراح لصلاه وبرضو البنات قامو وصلو واتجهو المطبخ يصلحون الفطور والجده تقنع خالد ونوف انهم يبقون لين الغداء ويمشون بعدها وافق خالد
وعند اصايل قامت على صوت الاذان قامت توضت وطلعت وشافت رائد نايم فكرت تصحيه ولا لا بس بنهايه تقدمت وهي تشوفه نايم بعمق هزت : رائد رائد صلاه
قام رائد وهو عين مسكره وعين مفتوحه ويده على وجه : الساعه كم
اصايل : الساعه خمسه اذان قم نصلي
قام توضى وطلع وهو يشوفها تنتظره وبيدها سجاده صلاه له ابتسم ومشى : صبحتس ربي بالخير والسرور
اصايل وهي تفرش السجاده ؛ صباحك اجمل
مشت تلبس جلال الصلاه وقفت ورا وبدا يكبر ويصلون وكانت بدايتهم بصلاه مع بعض وبعد الصلاه قعد يدعون وكان اكثر مايردد رائد ( يارب اني اكون قدها واحافظ على بنت الناس ) اما اصايل كانت ترد ( يارب انقدني يارب لا يعرف هالشي ويضيق والاكيد بيقول حق الكل يارب ماهو ذنبي يارب )
وخلصو صلاه وقام رائد ؛ تبين نطلب فطور
اصايل هزت راسها
وراح رائد يطلب ومشت اصايل وشافت القساتين وتنهدت وطلعت فستان ابيض يوصل نص الساق وساتر لبسه ومشت تمشط شعرها دخل رائد ناظرها وابتسم ؛ عادي امشط شعرتس
ابتسمت وهزت راسها على رغم توترها مشى وقعد وراها وبدا يمشطه شعرها الا كان اخر ظهرها : وين ودتس فيه
ناظرته وهي مو فاهمه وعقدت حواجبه
فهمها وابتسم ؛ قصدي وين ودتس شهر العسل
هزت كتوفها بمعنى مادري
ضحك رائد ؛ اضن ربي معطيتس لسان صح
صدت بحرج منه
رائد : مكه شرايتس نبدا فيه نروح نعتمر
هزت راسها بموافقه
وقامت بعد ماسو لها رائد شعرها ومشو يفطرون
ناظرها رائد وحمد ربي انها هي البنت صدق : تصدقين شفتس من قبل
شرقت اصايل ورفعتها راسها ؛ متى شفتني
ضحك رائد : يوم انتس تقطين الطنينه على بيت مزنه
وقعد يضحك وهي استفزت: الله يقطع ابليتس ياغرام
اما رائد كان يسمع حلطمتها ويضحك سكت ثواني يتاملها ومسك يدها : احمد ربي عليتس صدز
اصايل ناظرته وسحبت يدها ونزلت راسها ؛ صدقني كل شي بيتغير بعدين
ناظرها وهو مستغرب ؛ مافهمت
اصايل استغربت الا قالته وقامت تغير الموضع : يلا نهج يم اهلك ثم اهلي
ناظرها وهز راسه بالموافقه وقام ومشت اصايل تلبس عبايتها ونزلت وركبت السياره بهدو تام وهو يفكر بكلامها
************
عند البنات كانو ينتظرون اصايل
الهنوف كانت رافعه قميصها ورابطته وهي تخبز
وغرام كانت اسوي القهوه واما سلمى تسوي الحلا
وهديل مشت بيته وبترجع
الهنوف : يغرووم مدي لي الدقيقه
غرام مدت الددقيقه
سلمى ؛ اقولكن ابي اغراض من الدكان بوصي دياب بس مابيه الا في الديره ابي اغراض يحبها من دكاكين المدينه
الهنوف ؛ صبر انا ابي بعد
غرام ؛ وانا
جابت سملى ورقه وكتبت كله الا يبونه وطلعت سلمى عطت دياب
**********
وعند غاليه والبنات كانو يسون كل شي مابقى شي ماسوه وكان عبد الرحمن و ياسر يطقطقون عليهم
ترف بهمس ؛ وهذا عشانهم شوفي كيف يطقطقون
ريوف ؛ حقه احط الحين سم عشان يسكتون
ياسر ناظرهم ؛ يامره سوي لي قهوه
ناظرته غاليه: طس من هنا لا افور فوق راسك
ياسر ضحك وهو ياخذ من الفطاير الا مسويته وباس خدها ؛ كل شي الا ام ياسر
وطلع هو وعيد الرحمن وضحكت غاليه على ياسر الا مهم كان تبي تعصب عليه فجاه يسوي حركه تضحكه
*********
وقفت قدام بيتهم ناظرت رائد نزل وفتح لها الباب ومسك يدها ونزلت معه ودق الباب فتح عبد الرحمن الا كان ياكل من القيمات الا مسويته غاليه دخلت اصايل وعيد الرحمن تكى على الباب ومد يدي ؛ بشارتي
ضحك رائد ؛ عطني وانا اعطيك
عبد الرحمن ؛ ابوي مادري وينه من امس شكله اعرس على امي
ناظره رائد ورفسه ؛ ذي بشاره
عبد الرحمن : الحق مو عليك علي وانا اقولك
رائد ؛ اص امش بس رجعت من برا وعقلك طار صح
ضحك عبد الرحمن وطلع ياسر ؛ وش عندكم هنا بعدين وراك يارائد ابطيت
دفه عبد الرحمن ؛ شكلها حلوه
ناظره رائد بنظره حاده وعرف عبد الرحمن وش قال وبلع ريقه قال ياسر بيغير الموظوع : شرايكم فيني بعرس بعد
ناظره عبد الرحمن وفطس ضحك ؛ مايصلح لك
رائد : وين ابوي
عيد الرحمن ، مدري من امس مارد
فجاه شافو فراس جاي ومع الجد عيسى
ياسر ؛ اقبل اقبل شيخ القبايل اقبل ابو ياسر اقبل
سكته فراس : علامك فلوس مافي
ضحك ياسر ؛ محشوم يبه بس امدحك
عيد الرحمن ؛ علي الحرام انو مدحه ذا وراه شي
ياسر ؛ ابي جوال بريك بيري دوبه نزل
الحد عيسى ؛. والا معك
ياسر ؛ كشاف يبه وش فايدته
فراس ؛ يصير خير
ضرب الحد عيسى عبد الرحمن الا كان واقف : وراك ماتطس نبي ندخل
ضحك عبد الرحمن وابعد
*********
عند البنات استقبلو اصايل بفرحه وقعدو معاهم كانو اصايل تشوف نظرات ترف وفهمت وقامت وهي تقول ؛ ياعميمه وين الحمام وانتي بالكرامه
غاليه ابتسمت ؛ ترا هناك
مشت اصايل وقفت وهي تتنظر ترف وترف فهمته وقامت وهي تقول ؛ ابروح اشوف القهوه
هزت غاليه الا كانت تسالف مع ريوف
مشت ترف وشافتها سانده نفسها على الجدار وتناظر بسماء مشت لها : عرف ولا
اصايل هزت راسها بـ لا ؛ ماعرف
ترف : علميني قولي لي وريحي ضميري لا تخليني رفلا طبلتس
ناظرته اصايل وتنهدت : كان عمري ١٠ سنوات امي نادتني وعطيتني عصيده وقالت لي روحي بيت عمتس صقر رحمه الله عليه وعطيهم مشيت ورحت دخلت وحطيت العصيد بس لفت انتباهي صحن حنين وقعدت بالوقت ذا دخل راشد ولد عمي ( بكت ) وخذ كل شي ياترف انا مالي ذنب كنت صغيره سكتت عمتي وعفتها وعفت ولده يوم شافني بالعرس وهي حولي كانت تبيني اسامح بس وش يشفي غليلي ياترف ماحد يدري حتى غرام الا اقرب لي بالوريد ماتعرف وطلبتس ان هالسر مايطلع لحد وان كان ماتبيني لتس مابغيتي ياترف
ترف وقفت بصدمه وهي دموعها تنزل ضمت اصايل وبكت وهي مقهوره عليها ومحروقه وتدعي على راشد وامه وبعد فتره هدو من عاصمه البكاء وقامت وهي تعدل لـ اصايل المكياج وتعلمها كيف تسوي وكانت تحاول انسى الموضع الا حزن بنفسه وقهرها اشلون اصايل وهي الضحيه اشلون لو عرف اخوها والله مايخليه حي وهذا الا كان مخوفها
*******
نزل ياخذ الاغراض الا يبونه وخلص وكان راجع الديره وكان مشغل المسجل يسمع ( وأشاهد صنعة الله في جمالك
وحكمه الذي فيك امتحنّي) ابتسم من مر طيف غرام قدامه بس غمض عينه يبعد الفكره من راسه وكان يدعي انو السنين تمر وتخلص دراستها ويتقدم لها طفى المسجل من دخل الديره
********
اما حمد كان بالبسطه بعد ماقفل المحل لفى وهو يشوف الشيبان جالسين بالقهوه والشاي والبزارين يلعبون حولهم مشى لمحل الشريط :يارداح وش عندك من خير
ضحك رداح ؛ عندي الا تبينه
حمد وهو يلعب بالمسبحة : محمد عبده
ضحك رداح ؛ عندي وتامر به كان لوحده من الديره قالت عندي عرس ويجي بعدين وماعاد جت تذكره الا تهاوشت انت وهي عشان الشريط
ضحك حمد : اي اي ماعليها شره عطيني ايه الا صلحت المسجل
رداح هزا راسه بـ اي
ابتسم حمد واحد الاغراض منه ومشى للبيت وهو يشوف الشريط بس وقفه من صفقته تعول على راسه
******
اما ترف الا رجعو مره ثانيه الجلسه ولا كان صار شي وطلعت وبدا عبد الرحمن يستفزها وفتح الباب وشالت نعولها ورمتها وركضت الباب وهي تطل ابي اشوف عيد الرحمن بس من حظها الردي عبد الرحمن انحاش وجات النعول بحمد وشهقت ودخلت وسكرت الباب وانا حمد واقف يضحك عليها وشال فردت النعال ورمها الحوش وشهقت هي من شافتها وحطت يدها على وجها من الفشله بس انصدمت من الشريط الا انحط تحت الباب توجهت وسالته ونطت بفرحه من شافت انو شريط محمد عيده كانت بتروح تجيب بس مع الاسف ماقدرت دخلت وهي فرحانه ونست كل شي
******
ضحك حمد ومشى لبيت بلحظه ذي نزل دياب واشر لحمد يجي : سم
دياب ؛ سم الله عدوك في اغراض بالحوض ساعدني ننزلها
مشو ينزلونه وشافهم الجد محسن ؛ بالقوه
دياب ناظره وابتسم
منصور : يلا الغداء ياعيال
ودخلو وكانو بالحوش مشى حمد يجيب الاكل من الهنوف وكالعاد لازم يتهاوش معها رفسه وهو يقول : متى يجي رجلتس وافتك منتس
ضحكت وهي تتخصر: في قلبك يامال العافيه
حمد ؛ ابك ابك لا تجلطيني مو ناقص من عمري شي
الجده ضربت بالعصا على الارض وبحده : كم مره اقول لا تدعون
ضحك حمد وهو يبوس راسها ؛ ياجده ماقصدي ابد ولا تزعلين ياحلوه البن
ضحكت الجده ؛ قم انكسر لا يجي جدك الحين تراك ابطيت بالغدا
ضحك ومشى وقعدوو ياكلون بس وقف من سمع هديل تمشى له : حمد حمد وش اسم المطعم الا رحنا ذاك اليوم
حمد شرق وهو يشوف نظرات جده له
الجد محسن ؛ اي مطعم
هديل ماشفته وبلعت ريقها يوم سمعت صوته : ماقصدي ياجد
قام الجد بعصبيه : تخربي بناتي ياحمد
حمد ؛ ياجد كانو جياع وقلت نمر تاكلهم
دياب ؛ اي وتخبر البنات ياجد اذ جاعو مايعرفون انفسهم
الجد شال العصا وضربهم ؛ قوم قوم
قامو بخوف
الجد : اجدعو نعولكم
دياب ؛ ياجد حر تحرقن رجولنا
الجد بحده ؛ قلت اجدعو
جدعو اول مامشو للرض حسو بنار الشمس الا كانت منعكسه على لارض
وركضت هديل تقول حق البنات وثواني بس وصرخ الجد : امشو يابنات
مشو البنات بخوف
الجد ؛ يلا صفو
فهمو العقاب بسرعه طول عمرهم جدهم يعاقبهم كذا
الحد ناظرهم ؛ رجل وحده اجل تطلعون مطاعم ها وش مقصر اكل البيت بوه ها ويلا يداتكهم
كانو صافين على الجدار واقف على رجل وحده وبالقوه يتوزنون
مشى الجد وضربهم كل وحده على يده ودخل وركض وراه منصور وخالد
اما حمد : كله منكم
الهنوف : وللله اصايل انحاشت مع العقاب
سلمى ؛ اخخخ كل منتس ( وغيرت صوتها ) يام سلميان بنروح انا وياه المطعم
هديل ؛ اف اسكتي لو اني بييت رجلي اصرف
حمد ؛ اي ثوري بيت رجلتس ماجبتي غير الهواش
دياب ماكان قادر يتوازن: انا بطيح
ضحكت غرام وفز دياب وهو مايدري انها جنبه ومن شاف ضحكتها وعيونها من البرقع
حمد : اضحكي ماعليتس شره
الهنوف الا احترت ورجولها اوجعتها مشت عند الخرطوم
اما هديل انقذها دق البوري وركضت الباب ؛ منقذي يابعد خاطري رجلي وصل
سملى : الله يلعنتس انتي ورجلتس
حمد: استحي على وجهتس
غرام ؛ تراه ولد شيخ القبيله
سلمى سكتت
اما دياب ناظر للغرام وهمس بهمس ماسمعه الا هي (حــي الـعـيون الـناعسات الـكحيله
الـي سـهوم الـموت داخـل هـدبها
مــن صـابـته يـسـهر ثـمـانين لـيـله
ويـمـكن تـجيه امـنيته مـن سببها)
ابتسمت بحرج وصدت وهي تقول : عطني فرصه
دياب ،ماودي اعطيتس فرصه ابي اعطتيس الشعر مثل ماعطيتس قلبي
ابتستت غرام ؛ اجل اسمع
ناظرها دياب بنص عين وهو يسمع
غرام ؛ يا بو عيون هدبها سـود
لا تذبح النـاس بعيونـك
تذبح بنجل وبيض خـدود
عجزت أوصفك وش لونك
دياب : الحين رجال بطوله بعرضه وشنب بنهايه بيض خدود
كتمت ضحكتها بس وقفت من رشت عليهم الهنوف بالخرطوم مويه
دياب بحده ؛ هنوف
هنوف انفجعت وسكتت
وغرام فطست ضحك على شكل دياب الا كان كله مويه ومن سمع دياب ضحكها نسى عصبيه
اما حمد مشى وهو يشيل الخرطوم ورفعه على الهنوف وغرقها
وسملى مشت تركض ؛ انا انا
ضحك ورشها وطلع الحد وشافهم وحط يده على راسه ؛ ياخلف الله انتو وش مخلفين
ضحكت مروزوقه عليهم
ونوف رفعت يدها تدعي لهم
منصور ؛ يبه مانت عارف انو كذا ولا كذا بيصير الشي ذا
الجده ضحكت
وناظرها الحد ؛ ترا مانيب ناسي انتس معاهم وافقتي
خالد ضم امه ؛ افا تدعل من ام خالد
ضحكت الجده ؛ ماهو بقادر
حصه ضحكت
ودخلو الحريم والجد مشى يهاوشهم وقفو هالمره بس بملابس غرقانه
غرام وهي تعطس: الوضح اني طريحه فرش بكره وراي مدرسه
دياب سكت وراح جاب فروته وعطها
حمد ضيق عيونه ؛ الوضح جدي مارح يخليني ندخل بسهوله
سلمى وهي ترجف رفعت يدها : يارب الفراس يجي بس
ضحكت الهنوف ؛ بفرس ابيض ولا اسود
سلمى : انطمي انتي
ضحك حمد وهو يكفر بحل انقذهم دخول اصايل وانصدمت اصايل وانفجرت ضحك عليهم
انتهى ******
