﴿یَـٰۤأَیُّهَا ٱلَّذِینَ ءَامَنُوا۟ ٱسۡتَعِینُوا۟ بِٱلصَّبۡرِ وَٱلصَّلَوٰةِۚ إِنَّ ٱللَّهَ مَعَ ٱلصَّـٰبِرِینَ﴾🤍🫀
ضحك رائد واشر على خشمه :على ذا الخشم اهم شي ترضين
ابتسمت وهزت راسها
مسك يدها : امشي عند هالترف الا طيحت قلبونا
*
قاعد على ركبته يجهز الكشنه وراه هديل والهنوف قاعد يسمع حلطمتهم
الهنوف ؛ والله ترف ماتتساهل يصير فيها كذا
هديل وهي تصب المويه ؛ صادزه
دخلت غرام وهي لبسه برقعها وماسكه بيدها قدر فيها البهارت مشت وشافت حمد الا الا حط لحمه ؛ حطيت بصل
حمد : لا ماحطيت
غرام ؛ طمام
حمد عزا راسه بـ لا
غرام عقد حواجبه ؛ وشو حطيت اجل
حمد : ولا شي لحمه وحطيت فوقها المويه
غرام ضربته بالقدر الا بيدها بخفه ؛ وش لحمه ذي
ضحك حمد ؛ بتاكلين اصابعتس وراها
دخل دياب وعقد حواجبه من شافتهم كلهم بالمطبخ : ترا المطبخ صغير
ضحكت الهنوف : وقبورنا ضيقه
ناظر لغرام وهي بلعت ريقها اعرف غيرته وتحبها بس ماتحب لا غار ناطرها واشر لها بمعنى تطلع وهي طلعت مشت وقفت عند الكفيه( حواجز الخيمه ) رفعت راسها وابتسمت جاتهم ريوف ؛ ترف مافي اي خبر عنها
غرام : ان شاء الله بخير لا تخافين
مشىو ادخل ودقايق وصولو اصايل ورائد وترف ركضو البنات الخيمه مسكت اصايل يد ترف ومشت معها داخل وسدحتها دفتها
غاليه بخوف ؛ علامها بنتي
اصايل ضحكت ؛ فوبيا دم ياعمه
غاليه ؛ بسم الله عليها
مشت وهي تمسح على راسها
حصه قامت : بروح اجيب الغدا
مشت حصه والبنات قامو يجهزون السفره
وجت وتغدو
*
ياسر وهو يحط الغدا ؛حياكم وقليل بحقكم
حمد جلس وهو يرفع اكمامه ؛ انا الطباخ ترا
الجد محسن : اقول يارئد قالو لي اختك تعبانه سلامتها
فز فارس : اي وحده
عبد الرحمن : يبه هذي ترف طلع عندها فوبيا من الدم بس
هدا فارس ؛ وراكم ماقلتو لنا لا صار لها شي تبون تقولن لي لا جبتوها جثه
الجد عيسى ؛ اتفل الشيطان خلاص الا صار صار البنت بخير
قعدو وتغدو
وبعد الغداء بدا فقره التنظيف
واخير العشاء بعد ماكبر واذان : الله واكبر الله واكبر
قام الجد محسن : صلاه قومو ربي يبني لكم بيت بالجنه
قام وتقدم الجد وراه الجد عيسى والعيال واحفاده وبدون يصلون
عند البنات الا كانو ما معها غير جلال واحد صلت الجده ثم الحريم ثم البنات وخلصو وبدا يصلحون العشاء
عند العيال شابين النار وقاعدين كان حمد على فخذ دياب
وعبد الرحمن ساند نفسه على المدكه وماسك يده الثانيه بالم صح خفت بس مازل يحس بواجعه
وياسر سادح ورافع راسه يناظر لسماء ويعد النجوم ويتحلطم بسبب انه مايقدر يعدها
ورائد قريب من النار وقاعد يسوي القهوه شد الفرو على جسمه :عطونا قصيده
دياب ؛ حمد
ضحك حمد وقام وهو يسحب المدكه ويدكي عليها : -
عامين و الححض الردي مابعد قام
يالله عسى عقب العوائق تزيني.!!
.كلهم قالو . صح لسانك . ونعم ماعاد دياب الا فهم مقصد حمد
رائد تنهد ؛قلنا قصيده مو شعره
حمد : القصايد عند ابو ذياب
دياب ناظرهم ورجع يناظر كاس الشاي الا بيده : حقيقة الشوق وخوية خيالي نصبتها روحي وصدري بلدها أقرب من أنفاسي ورسمة ظلالي الترفه اللي وسط قلبي وحدها تشوف لذة عمرها من خلالي واشوف لذة عمري بلمس يدها يحبها قلبي مع حبها لي ويدعي لها في كل سجدة سجدها أنيقة الذوق الرفيع المثالي نعمة من الله من لقاها حمدها
ناظر السماء وغمض عينه وجات في باله غرام وعض شفايفه يكتم فرحته اشلون ينسى ملامحها
عبد الرحمن شد الفرو عليه ؛ بارد ياعيال
ضحك ياسر وهو يعدل جلسته ؛ اي خذ لك مره تدفيك
عبد الرحمن ناطرها ؛ يالله عسى انك ترزقني المره الزينه
فتح عيونه ياسر ؛ ياللعيب واعيباه
ضحك ابد الرحمن
ياسر : يارجال تعانون( تشوفون ) الا انا اعانه (اشوفه )
دياب وهو يحك دقنه ؛ اي نعاين مرفوع القلم ياصاحبي
حمد ؛ يارجال شدو فروتكم وجيوب الصوت الزين
عبد الرحمن صافق يدينه ؛ وصلت رائد
رائد ضحك وعدل جلسته : البارحه يوم كلٍ نام .. مالجلج النوم بعيوني
جين ولقيت الحرس قدام .. وأرجع من الباب مغبوني
عدلو جلستهم وبدو يصفقون ويغنون بصوت واحد : أصفق بكفي واعض إبهام .. إبهام يمناي بسنوني
من صابه الحب ما ينلام .. لا صار عاشق ومفتوني
*
الهنوف : ريوف يابعد تسبدي انتي البصل مو تسذي يتقطع
ريوف وهي تبكي والدمع بعينها وماسكه البصل بطرف اصابعها : وشوله اقطع ذا الله يكرم النعمه
ضحكت اصايل؛حليتس مثل تروف شوفيها شايله الحمه شيل
ترف وهي تقطع الحم صغار : سمعت اسمي
هديل : امسكي زين باتروف
سلمى جت تركض دخلت المطبخ الا كان اشوي بعيد عن الخيمه وعن الجلسه : يابنات اسمعن بقلكن شي
اصايل وهي تغطي القدر : علامتس
الهنوف : عسى الفارس حقتس وصل
سملى تلففت : لا والله ولا هو بواصل الا حق تروف وصل
ناظرتهم ترف وهي مستغربه ؛ مافهمت
سملى تربعت وهي تاخذ الفصفص : اي سمعت امي وعمتي نوف وفايزه وريم يتسروسرون ( يتهمسون ) يبونه لواحد من اخوني
غرام من سمعت اخونه طايحت الصحن الا معها لفو كلهم وشافو
اصايل ؛ طاح الشر
نزلت غرام شالته وهي تترجف ؛ اي واحد ياسلمى
سملى ناظرتها ؛ مدري
غرام ؛ الله يوفقهم بروح يم الحلال
طلعت ودمعتها على عيونها نزلت برقعها وصلت وهي تشوف الناقه ضمتها وهي تبكي وتشهق: بيروح من يدتس ياغرام راح انهرت وهي تطيح وتبكي بحرقه
*
حس بضيق بصدره وكان حاس فيها قام : باخذ لي نفس
مشى الحلال وهو يمسك قلبه بضيق استغرب من صوت الشهق والبكاء ناظر البنت الا تصيح مشى وناظرها ؛ علامتس يامره
من سمعت صوته زاده بكاها ناظرته وهي تبكي ؛ دياب
فز من سمع صوتها ؛ تبكين يامره دياب تبكين علامتس مين مضايقتس قولي لي والله لو بغيتي اهدم نجد واهل نجد لعيونتسس سويته علامتس قولي لي
غرام وهي تبكي ؛ بيزوجونك يادياب
دياب بغضب ؛ يخسون مانيب رجل غير رجل غرام وقلت لك وبقولها لهم
غرام قامت وهي تبكي ؛ شفت فيك الا فقدته من زمان لا تخليني يتيمه مرتين
دياب ناظرها بصدمه ؛انت بوجهي من الفرقى ضمان مانتفرق لين نصبح ميتين لا تقولي انتي يتمه تراني ابوتس واخوتس وحبيتس وقريب رجلتس لا تبسبن
غرام ؛ يادياب طلبتك ماتطلع من هنا الا وانت رمي وعد انك ماتاخذ غيري يادياب
دياب بحده ؛ قلته وبعود( برجع ) اعيده لتس غيرتس ماني ماخذ لو تجتمع العالم كله ضدي وقالو بتس عيب باخذتس انتي وعيبتس يابنت متعب تراس بقلبي وعيوني ويخسون احد غيرتس امسحي دموعتس الا دموعتس لا تنزا ترا قوتي بتس او اني رجال تراني ماخذ القوه الا منتس ماسميتس حرمه دياب عبث وعد مني مايتسجل بكرتي غيرتس وان رحتي بيضل فاضي مكانتس ماحد باخذه ياخاطر دياب
ابتسمت ومسحت دموعها وناظرته ضهره ؛ جعلني مانحرم من وصلك ولا منك
دياب ضحك ؛ امين الحين اصير اروي عيوني اشوي
غرام استحت وركضت لفى ماشافها وضحك بسرعه احتدت ملامحه وش قصه الزواج ذا
