خذاني الحب في عينك

البارت الثالث

قامت مناير من حرارة الشمس الي في وجها ولقت وعد حاطه البطانيه في وجهها ضحكت مناير على شكل وعد وخذت مفرشها ودخلته ورجعت لوعد وقومتها وخلتها تدخل داخل وتقوم تصلي للضحى هي و وعد ونزلو للمطبخ يفطرون مع جداتهم مناير سوت خبز تنور و سمن و سوت شكشوكه و عدس و اما وعد قطعت طماط وجلست تطرب مناير لانها ما تعرف تطبخ وحضرو الفطور في الحوش و دخل الجد يقوم العيال للفطور وقامو وصلو للضحى و الجد ابو رعد وابو حسن و الجده ام رعد و ام حسن وابو مناير و ام مناير و فوزيه و العيال في المشب يفطرون و وعد ومناير و الهنوف و نوف في طاولة المطبخ و بعد الفطور جلسو البنات ينضفون البيت من الهنوف و نوف و فوزيه و مناير  و وعد
وعد : لازم انظف
مناير : والله انا و فوزيه كذا كل يوم هاذي المره انتو ثلاث معنا يلا انا بروح انظف المسجد حق الرجال من يجي معي
وعد : انا بس اي مسجد
مناير وهي تشل المكنسة الكهرباء : مسجد الجماعه يلا بسرعه اليوم التنظيف علينا
وعد : طيب وش اجيب
مناير : جيبي منظف الزجاج و فوطه ( منشفه ) ترا منظف الزجاج في علبت عطر قديمه
وعد : طيب وينها
مناير : في المطبخ في الدولاب الي بالزاوية في اليسار
وعد : تمام انتظريني
مناير لبست عبايتها هي و وعد وخذو الاغرض ومع خروجهم من البيت لقو مطلق في وجههم
مطلق : رايحه مسجد الجماعه
مناير : ايه بغيت شيء
مطلق : لا بس هاتي المكنسة منك بشلها انا
اخذ مطلق المكنسة من مناير و ما انتبه لوعد الي كانت وراهم تلحقهم وهو قدام يسولف مع مناير
مطلق: ايوه يا اختي العزيزه
مناير : وش
مطلق : ابد بس لا تنسين بكره بنروح للعزبه تجهزي
مناير : يييوه نسيت
مطلق ضحك و وصلو للمسجد وحط لها المكنسة عند باب المسجد و ضمها لصدره وهو يقول : جعلني ما افقدك زولك ياختي يأمي الثانيه 
مناير ضحكة و بادلته الضم
وعد : على الاقل احترموا اني هنا واخوي مو عندي
لف مطلق على مكان الصوت وهو مصدوم
مطلق بضحكه: اووه اخت سعود هنيه المعذره ما شفناك
وعد : ايه واظح وانا معكم طول الطريق ولا دريت
مطلق : والله اني ما شفتك و ابشري بالعوض ياخت سعود
وعد : ايه اكيد بتعوضني
مطلق بضحكه: وش تامرين به ياخت سعود
وعد بحماس: لاقدنا في العزبه ابيك تغني
مطلق : بس تأمرين أمر
و ما انها كلامها الا وتجي عهود و العنود و حنان
عهود : شكلكم جيتو قبلنا
مناير : ايه والله لاكن مطلق أخرنا الله يصلحه
العنود : ما يترك عوايده هاذا
حنان : خلوه لا يسمعنا
مطلق بعبط : تأخرتي سمعت كل شيء والله لا أعلم امي
العنود بضحكه : لا تكفى لا تعلم ماما وبوديك البقاله
راح مطلق وهو يضحك و وعد كانت تشوف البنات وهي ما تعرف من ذولي دخلو البنات المسجد
____________________________________________
( تعريف لشخصيات الجديده )
العنود و عهود توأم خوات من بنات القريه جدتهم صديقة الجده ام رعد ما عندهم اخوان
جدتهم : ام فاهد ( ٧٥ )
ابوهم : فاهد ( ٣٩ )
امهم : عبير ( ٣٨ )
العنود و عهود ( ٢٠ )
_________
حنان البنت الوحيده لأمها وابوها وعندها اخ واحد
حنان ( ٢٥ )
اخوها جابر متزوج ( ٢٩ ) بيته جنب بيت ابوه
زوجتها مهره ( ٢٨ ) عندهم بنتين و ولد
الولد علي ( ٨ )
البنت شوق ( ٧ )
البنت اميره ( ٦ )
____________________________________________
البنات في المسجد
بعد ما تعرفو على بعض راحت كل وحده تغلص شغلها مناير تكنس و وعد تمسح و العنود وعهود يبخرون المسجد و حنان ترتب الصحف وما بين الكل يشتغل دقت مناير على مطلق يجيب لهم كروسان وعصير و فرشه صغيره وجاب لهم وخلصو كلهم شغل وطلعو من المسجد و جلسو في مكان جنب المسجد ياكلون ويسولفون وخلصو و رجعت كل وحده بيتها ودخلت وعد البيت وهي تعبانه و فرحانه على البنات الي تعرفت عليهم وعزموهم بعد اربع ايام وقالو بيشوفوا الاهل
وعد : اااه تعب بس والله اني استانست وش بتسوين بعدها مناير
مناير بتفكير : بنزل عند البقر بعدهاااااا بروح المزرعه مع الخرفان تجين
وعد : اكيد
نزلت مناير تحلب و وعد تنتظرها وبعد ما خلصو خذو سكين وفرشه و بلوت يتسلون بها مع كتاب مناير الي تقرأه وهم بالطريق قابلو مطلق و سعود وسعود عرف وعد من عيونها
وناظر للي جمب وعد كانت عيونها متوسطه و رموشها طوال وكانت ضحكتها ترن بإذن سعود
اما مناير الي كانت تضحك من حركات وعد الي كانت تتخيل يجيها احد يخطفهم وتفكر ايش تسوي فيه وكانت حركاتها تضحك و مناير تضحك على اي شيء تسويه وعد
سعود بحده : وعد وش جابك هنا و من ذي الي معك
مطلق بضحكه : وانت ايش فيك شديتها هاذي وعد اختك وهاذي مناير اختي وش فيك
سعود كان هايم بعيون مناير واول ما عرف انها مناير انصدم هو يعرف ان مناير حلوه بس مو قد كذا لان مناير يوم كانت صغيره كانت نادر ما تطلع برا البيت و اذا طلعت راحت للمزرعه على الكتب و اول ما شافها استغرب وحس بشيء بقلبه بس ما اعطاه اهميه كبيره
سعود بتفاجئ : امانه طيب وين رايحن
مناير بضحكه و مزح : بنروح للمزرعه تجي
سعود ( رفع ثوبه ) : قدام
مطلق بضحكه : وانا ولد منيره اهجد يا ولد لا ادوسك دوس
سعود بفهاوه : وش فيك عزمتني
مطلق بضحكه : هاذا الي تكذب عليه كذبه ويصدق ، اقول امش بس للبقالة
مناير : مطلق
مطلق : لبيه
مناير : جب لنا معك اشوي أغراض
سعود : ابشري
مطلق : وش الي ابشري تراها طلبتني انا
سعود : طيب عادي
وعد : خلاص انتو الاثنين روحو وحن هنا بالمزرعة
وراحو سعود و مطلق ولا ركزو على الخرفان الي كانت ورا مناير و وعد وكملو طريقهم الى ان وصلو للمزرعه
مناير : انتي نطي وافتحي لي الباب
وعد طيب لحظ
وحطت لاغراض الي معها في الارض و ما اركب فوق الجدار الا وتسمع ضحك مطلق وسعود وهم جايين وبيدهم أغراض واول ما شافتهم نطت و دخلت للمزرعه وافتحت الباب لمناير و خذت الأغراض الي كانت حاطتها في الارض و دخلت مطنش ضحك العيال العالي
_____عند العيال في البقاله_____
سعود : وش نجيب للبنات
مطلق : جب من كل شيء
سعود : الله ليه كل شيء
مطلق : كل شيء لعيون اختي
سعود سكت بعد ما قال سعود ( عيون اختي ) وجلس يتذكر كيف كانت عيونها تسحر وضحكتها
مطلق : ها وين وصلت
سعود : ها ولا شيء يلا نجيب كل شي لعيون اختي حتى انا
مطلق شاف بخاخ الثلج و أخذه
و بعد ما اشترو كانو راجعين الا ويشوفون وعد راكبه فوق الجدار وكان شكلها يضحك وجلسو يضحكون بصوت عالي الى ان وعد اسمعتهم
___ عند البنات ___
وعد وهي تنفض ( تبعد التراب ) من عبايتها : والله مخليهم
مناير وهي تقطف الرمان : وش سوو بك
وعد : ماسمعتي ضحكهم
شوي الا ويدخل مطلق واول ما دخل شاف وعد في وجهه وصد على طول وطلع من وراه سعود
سعود بحده : وعد البسي عبايتك
مناير خافت من الصوت وطلعت من تحت الشجره و نست برقعها وراحت تركض لوعد وشافها سعود وصد
مطلق : لا حول ولا قوه الا بالله ياخي تغطو
مناير : ياخي تكلمو قبل لا تدخلون
مطلق : المعذره ياخيتي ما درينا انكم كاشفين
مناير : لا وش دعوه بس امسك ذا الي يصارخ
سعود استوعب على نفسه : اسف بس فارة اعصابي
مناير : حصل خير بس اقصر حسك لا يسمعنا احد و وعد تعالي نلبس عبينا
وعد : يلا
بعد ما لبسو نادو العيال و اعطوهم العيال أغراضهم وشوي ويسمعون صوت الخرفان
سعود : الله خروف صعنطوطي ( دلع للخروف 😂 )
مطلق بضحكه : ارفع علومك يا ولد وش صعنطوطي
سعود : امانه انه حقيقي
مناير بضحكه : لا اصطناعي وش رايك انت
مطلق : خليه ياخيتي شكله ما يشوف شيء في الدمام
سعود : ايه والله
وعد : اقول بس اطلعو نبي نسولف انا و مناير
مطلق : عشتي وطلتي يا اخت سعود قدك تطرديني من مزرعتنا
سعود : اوهو بدينا بمحاشراتكم انتو الاثنين اهجدو مطلق اشوف امش قدامي
وطلعو العيال وجلسو البنات في المزرع الى ان اذن الظهر وصلو في المزرعه وطلعو للبيت و دخلت مناير للمطبخ هي و وعد و الهنوف و سوو الغداء وتغدو وراحو ينامون البنات و الحريم في المشب و ما اذن العصر وقامو البنات و خذو لهم صحن فواكه و الرجال راحو معزومين في مجلس الإمام كلهم   و فوزيه تسقي المزرعه و ماكان عليها الا عبايه و شيله تغطي نص شعرها وكان مقابل بيت الجد بيت ابو متعب الله يرحمه وكان محمد فيه و طلع وهو مستعجل وتجمد اول ماشاف فوزيه الي في المزرعه وكان يراقبها وناظرت فيه فوزيه وصد بسرعه و فوزيه غطت وجهها بالشيله
فوزيه : امش امش يا محمد
مشى محمد إلى أن ركب سيارته وعينه بالأرض وعرف من صوتها انها فوزيه وحرك سيارته لمجلس الإمام
____ عند البنات ____
البنات كانو بحوش الجده وكانت قدامهم فوزيه الي تسق المزرعه البنات اول ماشافو محمد تغطو ونسو يقولون لفوزيه وشافو نظرات محمد لفوزيه وصارخو يبنون أحلامهم على فوزيه & محمد
وعد : والله ان هاذي النظرات نظرات حب انا اعرف هاذي الأشياء حتى تجي بالمسلسلات الكوريه
مناير : طالبتك تسكتين وش نظرات حب البخي ( انطمي - اسكتي ) بس
امل : والله ما تدرون يمكنه يحبها صدق
مناير : تدرون شلون نعرف انه يحبها او لا
البنات بحماس: وشلون
مناير : لو يحبها صدق ما يجلس يناظر فيها بالحرم يروح يخطبها من جدي و جدي ماهو بقالين لا صح ولا
البنات عارفين ان كلام مناير صح علشان كذا سكتو
مناير بتنهيده : بنات انا ما اقول انه ما يحبها بس لو يبيها يخطب و لا تقولون لفوزيه علشان ما تتعلق فيه و في الأخير ياخذ غيرها
وعد : ايه والله مناير صادقه انا اشوف كذا في المسلسلات
البنات كلهم وافقو مناير الرأي و جلسو يضحكون و يسولفون و اذن المغرب الا والرجال جايين وجلسو يسولفون الرجال في المشب و العيال برا في الحوش و يربطون سفره بقوه و يلعبون ضاع الضاع
( لعبه قديمه يخذون سفره و يلفونها كأنها ظفيرة و يربطونها بقوه علشان يضربون بها و ياخذون ثمره صغيره و يخشونها بين يدينهم ويسون فريق الفريق الأول يكون معه الثمره ويختارون تكون مع مين و في اي يد و الفريق الثاني يحزر وينها الي يقول بلش يعني افتح ذي اليد ويكون عارف انه ما فيها شيء وانا كان فيها ينضرب اما اذا قال هات وطلعت الثمره موجوده ما ينضرب واذا قال هات والثمره مو موجوده ينضرب ) ( يارب فهمتو 😭 )
و معهم براد شاهي و البنات فوقهم في البلكونه يلعبون نجد و معهم براد حليب كرك وجالسين يلعبون وتجي سياره فجأه و يكون فيها حريم البنات نزلو للمطبخ يجهزون والرجال يرحبون بضيوف ( طبعا كل بنات الجد ابو رعد مو جودين وابو حسن ) الحريم دخلو الضيوف المجلس و البنات جهزو القهوه حقت الحريم والرجال وغيرو ملابسهم و لبسو من بعض ودخلو عند الحريم و يرحبون بهم وكانو الحريم صديقة الجده ام رعد ام فاهد وكان معها بس عهود و العنود
ام رعد : يالله انك تحيي برفقة روحي
ام فاهد : الله يبقيك يا رفيقة قلبي
وجلسو يسولفون الحريم اما ابو فاهد اعتذر و قال عنده شغل والرجال راحو للضيافه و مناير و وعد و رغد نزلو للدور الأرضي و خذو السماعات ودخلو للمجلس الكبير و حطو طاولات و افتحو الطيق وشغلو اللمبات و جالسين ينتظرون البنات ينزلون ومعهم الفطاير و رغد ميته جوع ولا انتبهو
لبدور الي كانت تمزح سكرت الباب كان لمقبض الباب المكسور وسكرت الباب و لا احد شافها الا رغد بس ما اعطتها اهميه و خذت مناير السماعات تشغل وجلست هي و وعد يرقصون فوق السرير الي كان تحت الطاقه وينطون فوق السرير وجت رغد تبي تطلع وتشوف البنات
رغد : بنااات
وعد : ها وش
رغد : الباب ما يفتح
مناير : وش انتي صادقه
وجلسو يحاولون يفتحونه وعيا ما يفتح لهم
مناير بفرحه وهي تصفق : وعلقنا علقنا 
وعد زودت على الأغنية و جلست تنط فوق السرير و رغد طايحه عند الباب تبكي تبي تاكل و تلعن بدور وتصيح
بدور من وراء الباب : بنات الباب ما يفتح
رغد بصوت الباكي : مناير
مناير : ها
رغد بصوت باكي : نقصي الصوت
مناير نقصت صوت وراحت عندها هي و وعد
رغد بصوت عالي و واظح عليه البكاء : بدور وجع ليه تسكرين الباب ما تعرفين انه مكسور
بدور من وراء الباب : والله ما دريت اسف
رغد : وجع الحين من بيفتح لنا
بدور بخوف : انتي معصبه
رغد : لا يا حبيبتي افتحي الباب
بدور : ما اعرف
رغد : إلا تعرفين
مناير و وعد كانو منصدمين من رغد الي تتوعد في بدور وتضحك علشان بدور ما تهرب لفتح الباب
مناير : بدور نادي خالتي نوف
بدور طيب
شوي وتشغل وعد من جوالها
وعد : هاذي تمثل رغد
*اضحك و في داخلي نار *
وكانت صد الأغنية تمثل رغد ومناير و وعد يرقصون فوق السرير و يغنون بصوت واحد وشوي ويسمعون صوت رغد تغني معهم وجلسو يضحكون ويرقصون الى ان جت الخاله نوف
نوف : بنات مناير وش فيه
وعد نقصت على الاغنيه
مناير : ايوه يا خاله
نوف : من الي قفل عليكم
مناير : بدور يا خاله
نوف لفت على بدور وضربتها على رأسها بشويش
نوف : خلاص خليكم و بنادي لكم واحد من العيال
مناير : ما معنا اعبي ولا براقع
نوف : معليه بدور بتعطيكم عبيكم و براقعكم من الطاقه
بدور راحت ركض تجيب عبيهم و براقعهم و رغد الي كانت في السرير منسدحه ولا هي معهم اعطتهم بدور أغراضهم ولبسوها و رغد البسها ولاهي عارفه ليه يلبسونها
____عند الخاله نوف ____
نوف راحت تدق على متعب علشان يجي و يكسر الباب
نوف : متعب يمه تعال ابيك بسرعه
متعب : ابشري جايك
وخذو دقايق ويجيهم متعب ودخل مع باب الحوي ودخل يضرب الباب بكتفه وهو ماسك الضحكه من صياح رغد و صوت مناير و وعد وهم يغنون و الدراما الي مسويتها رغد
رغد : يعني خلاص اعيش في ذي الغرفه لا لا بموت
مناير و وعد بصوت واحد فوق السرير :
الدنيا حلوه والجو يهوا
ويلا نغني مع احلى الحبايب
و البنات ميتين جوع و فاصلين
رغد : ااااه هاذي حتى النفاس بتدخل الغرفه طول ذا الوقت
نوف : بنت رغد اهجدي وش دخل النفاس
مناير : جاييييعين
رغد : ارجوكم نحتاج الطعام
وشوي ويركبون فوق السرير يرقصون وينكسر الباب و يضمون بعض ويصيحون
رغد : وعد انا احبك
وعد : وانا بعد
رغد : احبك يا مناير
مناير : وانا بعد
وعد : مناير احبك
مناير : انا بعد
رغد اذا مت اقبروني جمبكم
مناير : اذا مت اقبروني فوقكم
وعد لا انا ابغى اجلس عايشه علشان اقبركم بعدين اموت
وجلسو يبكون وهم يقولون كل ذا
متعب وهو ماسك الضحكه من شكلهم : اقول بس انتي وياها ما جلزتو الا نص ساعه وكنتو بتموتون علينا اجل لو جلستو ساعه
رغد : عادنا عايشين بنات قولو متعب انقذنا
مناير : اما خلونا نطلع
وعد : والله انك كفو يا متعب وانك اخوي
رغد وهي تركض داخل البيت : الحريييييه
ومناير و وعد وراها
ومتعب ميت ضحك و يأذن العشاء ويصلون و يطلعون البنات لبلكونة ويسولفون ويلعبون يتعشون و تروح ام فاهد مع العنود و عهود و يروجعون البنات للبلكونه
مناير : بنات من متحمس مثلي بكره روحتنا للعزبه
البنات تحمسوا و يبون يروحون العزبه بسرعه وقرروا يروحون كل وحده لبيتها علشان يجهزون لبكره
يوم ممتع و مضحك على أبطالنا نامو كلهم و الفرحه مو واسعه قلبهم