خذاني الحب في عينك

البارت السادس

اخذت الهنوف البسكوت وهي تضحك وتتذكر طفولتها مع عبدالرحمن الي كانو دائما مع بعض وكان عبدالرحمن يعتبرها صديقته و كان يضن انها ولد الى ان قرر الجد سعيد و الجده تلبس عبايه و شيله و برقاع وكانت صدمه للهنوف الي كانت تضن انها ولد و عبدالرحمن الي عرف من بعدها انها بنت وبدت الحرب بينهم
بعد ما رجعت لبيتها ونامت و ريوف نامت مع مناير و وعد و رغد رجعو لبيتهم
مطلق بصوت خافت : يمه ليه ما قلت ان انا الي بنام مع مناير
ام مناير : اص ولا كلمه تبي البنت تسمعك
صقر عقد حواجبه : يمه من ذي
ام مناير بزهق : ياليل انو الأثنين هاذي صديقة مناير ريوف
مطلق: يمه نفداك حن نبغى انام عندها
ام مناير: وش اقول للبنت اقول اطلعي من غرفة بنتي العيال يبون ينامون معها
مطلق : ايه ليه ما تقولينه
وفي ذي اللحظه يدخ ابو مناير للبيت
ام مناير : ياليل مطولك اذلف من قدامي
رعد : وش فيكم انتو ماقد نمتو
مطلق : الحين الحين بنروح انام _ وناظر لأمه وطلع للمجلس
رعد : منيره وين مناير ماشفتها
منيره : والله جاها برد ونايمه فوق مع صديقتها
رعد : سلامات بروح اشوفها واجيك نروح للبيت
منيره هزت رأسها برضى وطلع رعد لعند مناير دق الباب وجلسي ينتظر الرد
مناير : مين
رعد انا يا بنتي
لبست ريوف عبايتها وشيلتها و برقعها
مناير : ادخل ادخل يبه
دخل رعد وسلم على ريوف
رعد : مناير بنتي كيفك
مناير : بخير يبه والله ما فيني شيء
رعد : ماتش فين شر ولا بغيتي شيء تراني مو جود انا واخوانك وعمامك
مناير : ابشر يبه
طلع رعد وراح هو و منيره لبيتهم والعيال يتحلمطون يبون ينامون مع مناير وراحو للمجلس ينامون
و الكل راح ينام بعد يوم متعب للجميع

اليوم الثاني في الصباح ___
دخل الجد ابو رعد للمجلس يقوم العيال وقامو العيال بسرعه يغسلون وجيهم ويروحون يصلون
الجد مطلق : مطلق ياولدي رح عند ابوك وخله يجي هو وحسن و حسين والحريم يسوون الفطور لنا ومناير لاتقوم من الفراش
مطلق : ابشر
ودخل مطلق للبيت ياخذ حذيانه ( أكرمكم الله )
مطلق : مناير وش نزلك
مناير : بروح اسوي الفطور
مطلق : اقول بس الهزي ( اجلسي ) بروح انادي الحريم الي في بيت ابوي يسوون فطور
مناير : لا وين انا موجوده وش له تناديهم
مطلق بحده : قلت لك الهزي على فراشك انتي والي معك إلى أن يجي عندكم الفطور
مناير : ابشر
وراح مطلق لبيت ابوه وناداهم وكلهم راحو معه
مناير ___
مناير : وش فيهم ذولا ولا ما يعجبهم فطوري
ريوف : شكله والله ما يعجبهم فطورك
مناير : الا صدق وش صار في فروة صقر
ريوف: بغى ياخذها مني اخوك ال** حسن يقول فروة اخوي على *** ياخوي
مناير : افا متى
ريوف : في العزبه يوم نسيناك
فلاش باك للي صار في ريوف 😂😂___
ؤيوف كان معها كوب حليب الكرك وكان وقت مغرب وكانت لابسه فروة صقر وأخذت شماغ كان قدامها و تلثمت به
ريوف : يوه يأن الجو برد او انا ابرد بسرعه
شوي من دون ما تدري جتها ضربه في ضهرها حسن شاف فروة صقر وكان يضن انه صقر
حسن : ياه شكله عجبك الجو
ريوف تجمدت وكانت لابسه تحت الفروة عبايه وكان في يدها شيله علشان إذا جاء احد تغطي باقي وجها
حسن : وش فيك تصمت تراني اخوك حسن لاتقول ان نسيتني اوف يا الخاين
ريوف اخذت الشيله وحطتها على وجهها زين ولفت عليه
ريوف : كسر يكسر يدك وخر يدك مني لا اكسرها لك
حسن انصدم و وخر من البنت
حسن : نعم و من انتي علشان تاخذين أغراض الناس لا و أغراض اخوي
ريوف طنشته ودخلت و يسحب حسن الفروه منها وهو ماسكها من طرف و في الطرف الثاني ماسكتها ريوف وتصارخ في وجهها وشوي وتدخل بدور عليهم
ريوف : بدور الفزعه يبي ياخذ الفروه مني
بدور : انا بنت ابوي فكها يا قليل الادب
وراحت تسحب مع ريوف ويم حست ان حسن قوي و بيسحبها بسرعه راحت ومسكت يده وتعضه بقوه وحسن يصارخ
ريوف : كفو يا الذيبه ، وانت فك الفروه لا اجيك انا الثانيه
وحسن فك الفروه وجلس يحاول يفك بدور
حسن : قولي لها تفكني
ريوف: بعدها تنقلع
حسن : تم
ريوف : بدور حبيبتي خلاص خليه لا توصين أسنانك منه
وفاته بدور وتروح ورا ريوف وحسن منصدم من خبالهم ويرجع للخيمه و تجيهم وعد
نهاية الفلاش باك __
مناير وهي ميته ضحك: امانه ان كل ذا صار طيب والفروع وياها الحين
راحت ريوف تفتح الشنطه حقتها وتطلع فروة صقر بأنتصار
ريوف : شفتي وانا بنت ابوي ما اخليه تعبي يروح تخيلي اروح ارمي شيلتي عندك اخوك ويوافق يعطيني الفروه ويجي اخوك ذاك يقول فروة اخوي يبغى له ضرب اما كذا
مناير : والله انك كفو
عند الحريم ___
في المطبخ خلصو الحريم الفطور و ودوه عند الرجال
الهنوف : بنات وش رايكم نطلع عند مناير
نوف : ايه بالله
منيره : يلا انا ماعندي مشكله
فوزية : يلا انا بودي السفره
وكل وحده اخذت صحن وطلعت عند مناير وجلسو يفطرون
و مناير كانت دائما تعطس
منيره : بنتي مناير يوجعك شيء
مناير : لا بس حلقي
البنات : ما تشوفين شر
الهنوف : بتروحون اليوم بيت ام عوض يا منيره
منيره : والله على قولت خالتي قالت إنها عزمة اهل الديره وانها أكدت علينا كلنا
فوزيه : ياخي ما ودي اروح
الهنوف : ايه والله حتى انا
نوف : خلاص اجلسو
منيره : بنت نوف لاتفتحين لهم
نوف : وش افتح لهم
فاطمه : يعني يا الدلخه لا تعطين لهم مجال انه كل عزيمه يقدرون يجلسون
الهنوف : يابنت الحلال نعمه نجلس بس هاذي المره
مناير : ايه اجلسو وانا بعزم البنات اليوم يجون عندي مع عهود والعنود و حنان ومهره مرت جابر وش رايكم
منيره : والله الي تشوفونه
ريوف : خلاص تم
منيره : بس بجلس معكم كم واحد من العيال
مناير : لحضه بدق على مطلق واشوف
عند الرجال ___
مطلق توه قام من الفطور وغسل يده وجلس برا على الكرسي ويدق جواله طلع جواله من مخباه ورد
مطلق : ياهلا والله بمناير وش علمك
مناير : هلا فيك ابد بس بغيت اقول لك ان حن والبنات اليوم بيتجمعون عندي
مطلق : وحن العيال بنتجمع في الضيافه ولا بغيتو شيء دقو علينا
مناير : ابشر طيب و الرجال وين بيروحون
مطلق : بيتجمعون الليله في الديوانيه
مناير : اجل خلاص
وقفل من المكالمه ويجلس يقلب بجواله
مناير : يمه العيال بيتجكعون هنيه بالضيافه
منيره : خلاص اجل دقي على البنات واعزميهم
اخذت مناير جوالها وأدخلت على القروب وأرسلت لهم
مناير : بنااات اليوم البيت فاضي وتعالو عندي سمره
وعد : اصلا عزمتي ولا ما عزمتي انا ورغد قدحن ذولا نازلين عليك
مناير : وأمل و عزيزه
وعد : امل وعزيزه فوق يسولفون في غرفتهم
مناير : يلا انقلعي يا النشبه
امل : انا جايه الليله
عزيزه : خلاص انا جايه
بدور : خلاص انا جايه
بدريه : وانا جايه
بدور : مناير وين أمي الخاينه جتكم تفطر عندكم ولا قومتنا
مناير : ترا براويها الرساله تشوفها
بدور : امزح معك وش فيك صدقتي
مناير : يلا يلا بس
عند مطلق __
كان على جواله في امان الله وكذا فجائه يسمح حلطمة وعد وهي تسب مناير
وعد : انا انا تقول لي كذا ما عاش الي يقول لي كذا
رغد : انتي ايش فيك شديتيها
وعد : انتي البخي ولا اسمع لك حس
مطلق : يالله صبح خير وش عندك من الصباح يا الملسونه
وعد : جاني الثاني اكتملت مطلق انطم احس لك
مطلق بضحكه: وش علامك معصبه
وعد : اسأل اختك
مطلق : ايه اجل دام انها اختي ف انتي تستاهلين
وعد : والله لو ما الذبح حرام كان قد ذبحتك احمد ربك بس
مطلق : افا يوصل للصبح اجل خلاص ادخلي داخل
وعد اخذت كرسي وجلست عليه : ماني داخله
مطلق ناظر لرغد يطلب المساعده
رغد : والله انا مالي دخل و مع السلامه
طلعت رغد و وعد جالسه على الكرسي و مسويه نفسها ماتسمع
مطلق : يا بنت ادخلي لا يجون رجال ويشوفونك
وعد : وانت ايش دخلك ياربي لقافه
مطلق مسك الكرسي يبي يسحبها وما مسك الكرسي الا و وعد تصارخ
وعد بصوت شبه عالي : متحرررش
مطلق : البخي الله لا يوفقك
وعد : ايه خلك مؤدب معي لا اقلب عليك صدق
مطلق : ابد تامري أمر يا مولاتي بس ادخلي
ودخلت وعد بابتسامة انتصار واول مادخلت قامت تركض ومطلق كان وراها ويوم شافها تدخل ركض مات ضحك
عند مناير __
دخلت رغد عندهم
مناير : غريبه وين وعد
رغد : تتهاوش مع اخوك
وكانت طاقة غرفة مناير اذا افتحتها تشوف الحوش الي يجلسون فيه العيال واشوي ويسمعون صوت شبه عالي وكان صوت وعد وتقول متحرش فتحت مناير الطاقه واول ماشافتهم ماتت ضحك واشوي وأدخلت عليهم وعد
وعد : وش تضحكون عليه
الهنوف بتقليد : متحرررش
وعرفت وعد قصدهم وجلست تضحك معهم
فوزيه : وش طرا لك
وعد : اقهرتني مناير هم جاني وقهرني ودقيت كل حرتي فيه
مناير : يا عوين اخوي هههه
وجلسو يسولفون الى اذان الظهر و قامو صلو وراحت فوزيه تسوي الغداء والبنات يخططون للسمره في الليل
مناير : يابه ماقد دقيت على عهود و العنود و حنان و مهره
وعد : انا اعرفهم بس مهره من
مناير : شفتي حنان
وعد : ايه
مناير: اخوها اسمه جابر متزوج مهره وعليهم ولد وبنتين
وعد : اها تحمست اشوفها
مناير : لحظه أدق عليهم
وشوي ويجي لهم صوت العنود وهي ترحب بمناير
العنود : أرحبي أرحبي بمطولت الغيبات وينك مالك حس ولا لس
مناير : الله يبقيك والله اني موجوده وداقه عليك تجين عندي السمره انتي و عهود و حنان
العنود : تم _ اسكتت شوي _ لاكن ماعندنا احد يودينا
مناير : ابد برسل لكم واحد من اخواني
العنود : خلاص تم
وقفلت ودقت على حنان
مناير : حنانوه وينك
حنان : موجوده وش بغيتي
مناير : ابيك تجين الليله للسمره انتي و مهره
حنان : ابد انا تم و مهره تسمعك واسأليها
مناير : ها يا مهره بتجين
مهره :بس جابر اليوم معزوم للديوانية وما اتوقع انه بيودينا
مناير : ابد ارسل لكم اخواني لو رفض زوجك انتي بس قولي تم والباقي علي
مهره بضحكه: ابد تم يا بنت الرعد
مناير : الله يتمم عليك
وقفلو من بعض و جلسو البنات يجهزون الفعاليات و متحمسين و شوي ويجي الغداء
مناير : جده متى بتروحين من هنيه
الجده ناديه: ابد يا بنتي انشاءالله ما يأذن المغرب الا وحن طالعين
مناير : من بيوديكم
الجده ناديه: بنروح مشي
وكملو غداهم وجلسو البنات يكملون الفعاليات
مناير : بنات اي شيء ناقص اكتبوها بورقه وانا بكلم اخواني انروح بعد العصر
ريوف : ايه كتبتها
مناير : كفو وانا بروح اشوف من الفاضي من العيال و استلمه
وعد: يلا وانا ورغد بنرجع البيت انجهز
والبسو عبيهم و شيالهم و براقعهم و طلعو لبيتهم ومناير أدخلت المجلس عند اخوانها
مناير : عيال من منكم فاضي بعد اذان العصر
مطلق: وش بغيتي
مناير : ابد الليله عازمه البنات عندي وابي شوية أغراض واحتاج احد يوديني
صقر : انا فاضي وأبشري بالي تبينه
مناير : طيب وابغى كم واحد مع المغرب مين
مطلق : وش تبين فيهم
مناير : ابغى احد يجيب بنات خالتي ام فاهد و حرمة جابر واخته
خالد : بعد المغرب انا فاضي
مناير : خلاص انت بتروح تجيبهم
خالد بضحكه: ابشري
وطلعت مناير وجلست مع البنات شوي وأذن العصر و صلو وأخذت عبايتها و شيلتها وبرقعها وأخذت الورقه
مناير بشهقه : الله وشكل ذا
ريوف :هاذا الناقص
مناير : والله لو حن بنسوي ذبيحه ما جبنا كل ذا اسمعي ريوف
ريوف : هلا
مناير : البسي عبايتك و شيلتك و برقعك بتروحين معي
ريوف : ليه
مناير : امشي وانتي ساكته
لبست ريوف عبايتها وشيلتها و برقعها وطلعت ورا مناير وركبو السياره مع صقر
واشتروا الأغراض وكل مره يشترون ينصدم صقر من الأغراض الي شارينها
صقر : مناير وش انتي مسويه ذبيحه
مناير : يارجال انا عازمه بس مابحب ذبيحه لحم بسوي لهم ذبيحه حلويات وزي كذا حركات
صقر : يلا اشتري الي تبينه وانا الله يعيني
ريوف : مناير ما تحسين خلاص اشترينا كثير
مناير : خلاصنا من المكتوب بالورقه
ريوف : لا
مناير : خلاص يا ريوف خلين نخلصها
ريوف : براحتك
وخلصو أغراض و رجعو بعد اذان المغرب وصلو للمغرب وبدو البنات يجون
خالد : مناير
مناير من ورا الباب : هلا
خالد : تراني رايح اجيب البنات و معي فيصل عادي
مناير : ايه عادي
وراح خالد هو وفيصل لبيت الجده ام فاهد
العنود اول من ركب : السلام عليكم
واول ما أدخلت تجمدت وهي تشوف خالد
خالد بابتسامه : وعليكم السلام ادخلي
العنود استحت وأدخلت للسياره و منزله رأسها و شوي وجت عهود
عهود : سلام عليكم عنود وش فيك ما انتظرتيني
خالد وفيصل : وعليكم السلام
و عهود يوم أسمعت أصواتهم مع بعض تجمدت كانت أصواتهم قويه
عهود : بسم لله
فيصل بضحكه : وش فيها ذي
عهود : ايه تكلمو في النفس وقته واصواتكم ماشاءالله تضرب بالاذن من قوتها وقولو وش فيها ذي
فيصل بضحكه : اسفين اسفين
عهود : مو مشكله بس امشو بسرعه
وشوي الا و العنود ترجعهم
عهود : امانه ارجعو
العنود : وش فيك يا بنت وش نسيتي
عهود : شيء مره مهم
خالد : ليه نرجع خلاص قربنا من بيت جابر
عهود : يارجال ارجع
فيصل ما حن راجعين الى ان تقولين وش نسيتي
عهود : طيب بقول لكم لاكن بشرط
فيصل : وش
عهود : ما تضحكون
فيصل و خالد : تم
عهود وهي منزله رأسها: يوم طلعت برا البيت وسكرت الباب و جيت بركب السياره فكيت حذياني ( أكرمكم الله ) عند الرصيف من الحماس
فيصل وخالد وهم يحاولون يمسكون الضحكه وقبل لا يفجرون ضحك انفجرت قبلهم العنود واول ما سمعوها تضحك اضحكو كلهم ورجعو ونزلت عهود تلبس حذيانها ( أكرمكم الله ) و اركبت و يضحكون مره ثانيه
عهود : والله انكم سامحيني انا قلت لكم لا تضحكون وانتو قلتو تم والرجال ما يتراجع عن كلامه وش الي خلاكم تتراجعون
و حاول فيصل و خالد يكتمو ضحكتهم و راحو بيت جابر واول ما وقفو ركبت مهره وسلمت علبهم و من بعدها حنان
حنان : لحظه لحظه
خالد بضحكه مكتومه : وش فيك نسيتي حذيانك ( أكرمكم الله )
و حنان استغربت هي و مهره و العنود ماتت ضحك وشوي وينفجر خالد وفيصل و عهود منزله رأسها على اساس تبكي بس لا هاذي عهود جالسه تضحك وخالد و فيصل على بالهم انها تبكي
خالد : يوه لا تبكين كنا نمزح
فيصل : خلاص بشتري لك ايسكريم بس لا تبكين
العنود دفت عهود وهي تقول : معليكم معليكم
واول ما دفتها شافو عهود تضحك وحنان ومهره مستغربين وقالت لهم العنود السالفه و ضحكو وشوي ويوقف خالد في البقاله يبي يعبي بنزين
عهود : بالكاكاو
فيصل : وش الي بالكاكاو
عهود : الايسكريم
فيصل قام يضحك : ابشري بالكاكاو والباقين ويش يبغون
مهره : ولا شيء تسلم
حنان : ولا شيء
العنود : فنيليا
ونزل فيصل وهو يضحك ورايح يشتري ايسكريم وهو يقول وش ذي الخبل
مهره : غبيه انتي وش الي بالكاكاو
عهود : هو الي قال بيشتري لي ايسكريم محد طلبه يقول لي
العنود : ايه يا راعية الحذيان( أكرمكم الله )
عهود : انطمي اوريك
الا ويدخل فيصل
فيصل : تورين من
عهود : جبت الايسكريم
فيصل بضحكه : ايه ايه سم
عهود : سم الله عدوك
واول ما وصلو للبيت الا يشوفون اول مانزل العنود وكانت تمشي بخطوات سريعه وعهود الي اول ما شافتها تحاول تهرب منها
عهود : ايه ايه اهربي والله لا اجيك وتنط من السياره وتركض ورا العنود و مهره أنزلت من السياره و حنان ميته ضحك هي و فيصل و خالد وشوي ويطلع سعيد وينادي خالد الا ويشوفه ميت ضحك وراح عنده
سعيد : وش مضحكك انت وياه
خالد لف على حنان : ها يجوز نعلم له
وسعيد ما انتبه لحنان الا وهو يسمع ردها
حنان : لا انا شدخلني بعدين تدري عهود وتذبحني انا الثانيه ونزلت وهي كلما تمشي تتذكر منظر عهود و العنود و تضحك ويالله يالله دخلت البيت
سعيد : من ذي اول مره اشوفها
خالد : صديقة مناير اخت جابر
سعيد : اها
فيصل : الا العيال كلهم موجودين
سعيد : ايه الكل موجود اطلعو
وطلعو وخالد و فيصل ميتين ضحك و سعيد كلما يشوف ضحكهم يضحك
واذان العشاء ويصلون و البنات قررو يروحون للمشب يشبون هناك ويسون دجاج مقلي و شبت مناير و ريوف تبلت ( بمعنى انها حطت عليه الصوص ) الدجاج و يتعشون و يسولفون وتجيهم مناير بالعمليات الي كانو مسوينها والالعب و البنات كانو مستانسين
مناير : الا صدق عهود ليه جلستي اليوم تضربين العنود
العنود بضحكه : ايه قولي لهم
والبنات تحمسوا و قالت لهم عهود السالفه وكلهم ماتو ضحك وأما العيال كانو في الضيافه و كانت الضيافه جمب الجبل و شوي ويطلع من هناك رجال لابس اسود و متلثم ويجلس يرقص فوق الجبل و كأنه يعرض والبنات مو منتبهين له انه كل مره يقرب والعيال كانو داخل الضيافه
عند العيال ___
دخلو فيصل و خالد و سعيد يطلبهم يعلمون له السالفه وهم رافضين وجلسو جمب النار و صقر في المطبخ يسوي كبسه و ضغطها و راح عند الشباب كانو متجمعين حول النار و براد الشاهي الي على الضوء و يسولفون ويقطع عليهم غناء فيصل
* لما تطل بشوفك يوم بل اهات بنسى اللووم
طلع فيك بدي اجن بدي إياك علي تحن
( العيال اول ما عرفو الاغنيه شاركو مع فيصل و يصفقون )
لمى قلبي يدق يدق بغار عليك
لمى عيني ترف ترف بصون عنيك
فيصل بصوت خافت : بصون عنيك
لمى عيني ترف ترف بصون عنيك *
وما بين يغنون ويلعبون
جلسو البنات يسولفون وشوي وتجي مهره رساله
مهره : ياليل
حنان : وش فيك
مهره : ياخي ملقوف
حنان : اها طيب ياخي قولي له مالك دخل
مهره : عيا
مناير : وش فيكم
مهره : هاذا الله يسلمك ولدي علي يدرس ثاني ابتدائي و القروب حق المدرسه كان في جوال ابوه وابوه ما ينتبه له وانا الي ادرسه وقلت لزوجي يحط رقمي بالقروب و دخلت القروب امس و واحد من المدرسين يراسلني خاص يشتكي من علي و المشكله انه ما يدرس علي
الهنوف : هاتي انتي وصلتي عند البنت الصح وأبشري اخليه يسكت بس ايش اسم المعلم
مهره : اسمه على ما اضن ظافر
اخذت الهنوف الجوال وهي تتوعد فيه واول مادق ردت بسرعه
ظافر : سلام عليكم
الهنوف : وعليكم السلام
ظافر : ياخي ولدك ملقوف في حصة العلوم
الهنوف : وانت ايش دخلك
ظافر : انتي مو ام علي
الهنوف : مالك خص امه ولا ما امه
ظافر : على كل حال تفهمين مع ولدك
الهنوف : اقول بس انت استاذ ايش
ظافر : انا ادرس خامس ابتدائي رياضيات
الهنوف : طيب دام انك ادرس رياضيات تعرف الفرق بين ثاني و خامس ولا اعلمك
ظافر : اكيد بلا استهبال
الهنوف : ها لا تدخل في صف ثاني ابتدائي
ظافر : قاعد اقول لك
الهنوف : مالك خص
ظافر : الا لي خص
الهنوف : والله ياوجه النعامه لا تتدخل
ظافر : وش بتسوين
الهنوف : ياخي انت ما تدرس الولد وش تبي
ظافر : قاعد اساعد زملائي
الهنوف : زملائك ما تكلمو علشان تتكلم يا كل^ب
ظافر : ياخي احترمي اني قاعد اقول لك
الهنوف : على الي ما عادني قايلتنه واذلف لا علي الحرام أبلغ عنك ياوجه النعامه
ظافر : لا انتي واظح انه الكلام معك على الفاضي
الهنوف : ايه على فاضي انقلع الله يقلعك
و قفلت في وجهه و البنات يصفقون لها زطلعو ب أ اول ما سمعو صوت المطر وجلسو يسولفون برا وهم يشوفون الجو