خذاني الحب في عينك

البارت السابع عشر

اخذت مناير برق بعد الغداء و نزلته و هي تدعي من قلبها ان ابوها يوافق و يودي برق للبيطري و قررت تسأله بعد صلاة العصر و اذا رفض بتطلب اخوانها طلعت و دخلت البيت و استأذنو وعد و رغد منها و طلعو لبيتهم اما مياسم فجلست تسولف مع منيره و نوف و الجده ناديه و الجده عزيزه كانو العيال في المشب يسولفون و شوي و يجيهم رعد و يقوم سعود و نايف و مطلق و متعب لعندها
مطلق : يوبه انت اليوم يوم جتك مناير تطلبك علشان الخيل تذكر
رعد : ايه اذكر
سعود : اسمع يا عم مطلق وده يسوي مفاجأه لمناير بنتك و حن بنعاونه
نايف : ايه يا عم لاكن نحتاجك تساعدنا
رعد : ابد انا جاهز
متعب : يا عم انت تبي تودي برق خيل مناير للبيطري
رعد: ايه مافيه مانع
مطلق : حلو يوبه انت قول لمناير انت مو موافق
رعد بستغراب : ليه 
سعود : ياعم انت قول لها انك مو موافق و حن بناخذ الخيل و اذا اسألت عنه نقول مدري و اذا اخذناه بنحطه عند البيطري و نجيبه لها مفاجأه
رعد بعد تفكير وافق و جلسو العيال يفكرون وش بيسووون و شوي ويجي محمد
عبدالرحمن : اوه شرف المعرس ما تحس انك مره مسوي فيها ثقيل من يوم خطبت تراني خويك مو يعني خطبتي اختي يعني تنساني
محم جلس يضحك من دون رد
عبدالرحمن بمزح : تدري وش شكلي بفسخ خطبتكم يمكن ترجع مثل اول
محمد بضحكه : وش فيك ما تغيرت ولا شيء غير اني مشغول تعرف اتجهز علشان اشوف اختتتك
طبعا محمد شدد على كلمة اختك و عبدالرحمن جلس ما سك الابتسامه و هو وده يقوم على محمد
خالد : ايييه شكلك تبي تتضارب يا محمد معنا
صقر : ايه والله شكله يبي يتضارب
عبدالرحمن وهو يسوي نفسه انه في احد ماسكه
عبدالرحمن: فكوني عليه والله لا اكسر راسك
العيال على طول نطو على عبدالرحمن يعطونه جوه و يكون نفسهم يمسكون و يدخل عليهم الجد مطلق
الجد مطلق : وش تسوون انتو
عبدالرحمن اول ما شاف ابوه جلس هادئ وهو خايف من عصا ابوه و العيال كلهم جلسو الا محمد سلم على الجد فوق رأسه و جلس
الجد مطلق: كيفك ياولدي ظافر
ظافر : الحمدلله بخير وانت كيفك يا خال
الجد مطلق : الحمدلله كيف نومت امس اني خابر ان ذولا الصعاليك ما خلوك تنام
ظافر بضحكه: ل والله يا خال احلا نومه
الجد مطلق : يالله الله يحفظكم
جلس الجده و هو حاط قناة الاخباريه و العيال يلعبون بلوت و شوي و يلعبون مجد كلهم وشوي ويلعبون ضاع ام ضاع و اذن العصر قام سعود و العيال و دخلو المسجد حقهم و اذن فيصل و صلو تحية المسجد و شوي ويقوم فيصل يقيم الصلاه و كان صوته جميل و هو يقراء القرآن و كانو البنات يحبون يصلون على صوته تجمعو الرجال في المسجد و صلو و صلو البنات خلصو صلاه و تجمعو في المشب و شلو الحطب و شغلوها و جلسو يتقهوون و يسولفون و شوي ويقوم مطلق يهمس لأبوه
مطلق بهمس : يبه ما ودك تروح لمناير وتقول لها
رعد : خايف تزعل يا وليدي
مطلق : لا لا انا و متعب معك
دخل رعد للمجلس و طلب مناير و جته مناير و هي خايفه و كان مع رعد مطلق و متعب دخلو وجلسو يسولفون عن الحال مناير : يبه وش قرارك على برق
رعد : والله يا بنتي انا كلمة بيطري وقال انه مستحيل يرجع نظره بعد هاذي السنوات  
مناير بتفاجئ: لا تكفى يوبه اكيد فيه حل
مطلق بحده : مناير سألنا كل البيطريه هنا و في الشرقيه ما فيه حل
مناير بهدوء : ط.طيب عن اذنكم بروح
متعب : اذنش معش
طلعت مناير وهي مصدومه
رعد: الان تروحون تودون خيلها انا ما اتحمل اشوف بنتي مكس ره كذا
مطلق : ابشر ابشر يوبه
طلع مطلق و متعب و هم حاسين بتأنيب الضمير لاكن لازم يكملون علمو لسعود و نايف وراحو بيت متعب يخططون لليله و كلمة دكتور بيطري و وافق و طلبو منه انه ينتهي من الخيل مع الصباح و وافق و هم مجهزين كل شيء
عند مناير
طلعت مناير لغرفته وهي تتذكر برق وكيف كان حاله و كيف صار جلست على سريرها تبكي بدون صوت
عند وعد
وعد كانت كل ليله تفكر بالشخص الي شافته و هي خايفه تفكيرها عباره عن هاذا الشخص و عن امها و كيف ان امها بعد هاذي السنين رجعت و هربت تكره فكرت ان امها رمتها مره ثانيه وانه صار معها اخوان ماتبي تتذكر شيء يخص امها و كان يقاطع تفكيرها كله مطلق ما تدري ليه كل ما تتذكره تستحي ما تدري ليه اصلا تفكر به قامت من سريرها و هي جايعه كانت لابسه هودي كبير يوصل للركبة لونه كحلي و لابسه بنطلون لنص الساق لونه اسود وباقي ساقها طالعه ولابسه شراب اسود كانت فاكه شعرها و حاطته على كتفها  غسلت وجهها بالماء البارد و فرشة اسنانها عطرت نفسها و طلعت للمطبخ و هي عارفه ان الرجال عند بيت الجد مطلق
دخلت المطبخ و طلعت لها حليب و طلعت قهوه و ثلج حطتها كلها بكوب على شكل عشوائي و طلت لشرفة غرفتها الي كانت تطل على خلف البيت و عل. شجر التوت و كيف شكلها الجميل تنهدة بقوه و هي تفكر بأفكار الي مالها نهايه شوي وتتذكر مناير و غبرت الهودي و لبست تيشيرت كان في دولاب سعود ما تعرف هو لمن لبسته وكلن شوي كبير عليها لبست عبايتها و نزلت لمناير وهي تبي تعرف وش بيصير في رعاده (خيل مناير هي تسميه كذا ) نزلت واول ما وصلت شافت مطلق طالع من البيت و معه متعب
وعد : خير وش فيه و جيهكم ما تبشر بالخير
مطلق : انتي وش جابش
وعد بمزح : جابني الشوق
مطلق جلس ساكت و مصدوم هو عارف انها تمزح من نبرتها   الي تدل على هاذا لاكنها مانت تأثر عليه و بقوه مايعرف وش هاذا الاحساس لاكنه فرحان و مره جلس مبتسم و وعد انحرجت وسألت عن مناير
وعد : وش بيصير في رعاده
متعب استغرب و جلس ساكت
مطلق : اولا اسمه برق ثانيا ابوي رفض ياخذه للبيطري
وعد بشهقه قويه : هيييي
مطلق : قولي بسم لله
وعد : بسم لله لاكن ليه رفض
مطلق : سأل البيطريه و كلهم قالو ما فيه امل .
وعد : يووه وحن نحتاج توقعاتهم مو بكيفهم يتوقعون حنا نبيهم يجربون ويتأكدون واله لو كنت مكانكم كان ضربت الدكتور إلى أن يقول كان
وطلعت و هي مقهوره و تتذمر مع نفسها وهي طالعه و دخلت على الحريم و سلمت عليهم و كلن واضح عليها القهر
منيره : وعد بنتي وش فيش
وعد : نا فيني شيء يا عمه
ووجهت نظرتها لمياسم
وعد : مياسموه تعال احتاجش الان
قامت مياسم بسرعه و طلعت وراء وعد و وقفو عن باب غرفة مناير وهم يسمعون صوت شهقاتها كانت وعد تبي تفتح الباب إلى أن مسكتها مياسم
مياسم : بنت وش تسوي عيب ندخل كذا اقل شيء خلينا ندق الباب
وعد : يوووه انتي ما تعرفين شيء الحقيني وبس
فتحت الباب بقوه و دخلت و هي ناويه نيه على مناير
وعد : يلا اقول قومي بلا بكاء عندي لش خطه يلا بسرعه لازم انقذ رعاده و الله ما اخليها
مياسم : بنت اهجدي
وعد : لا لا ماني هاجده لازم نسوي شيء
شوي و يسمعون صوت طق الباب و تروح وعد عند الباب وهي معصبه وتفتح بقوه و على طول هجدت و ناظرت للارض و مياسم مصدومه و مناير تناظر لها بأبتسامه خافته و كانت دموعها نازله على خدودها من دون صوت تقدمت وعد من مياسم و خلتها تتغطى و مياسم مو فاهمه شيء و مناير اول ماشافت الي دخل ناظرت في الجهه الثانيه و هي تمسح دموعها و قامت من على سريرها و هي تمسك دموعها طلعت وعد و معها مياسم و مياسم منحرجه من ابو مناير الي دخل عليهم فجئه نزلت هي و وعد وهم ميتين ضحك 
رعد : مناير بنتي كيفش
مناير بصوت مخنوق : بخير يوبه بخير 
رعد : مناير بنتي الموضوع مو بيدنا ادعي له
مناير : صادق يوبه لاكنها لحظة حزن وعلشان كذا كنت ابكي
رعد : ثقي بالله يا بنتي اطلبي ربي انه ينزل عليه بالعافية
مناير : ونعم بالله
رعد : يلا تعالي امش و بنات عمتش تحت يبون يروحون للسوق علشان زواج فوزيه
مناير : ابشر يوبه ثواني وانا عندكم
رعد : ها بسرعه
نزل رعد و راح عند بيته و قال لهم يتجهزون لأنه بيوديهم السوق والكل راح يلبس عبايته و شيلته و برقعه
بدور بصوت عالي: بدريه و ينك برقعي وينه
بدريه بصوت عالي: انا تحت في غرفة امي وش تبيني
بدور بصوت عالي: برقعي الله لا يوفقش وينه
فاطمه بصوت : هييي استغفري ربش
بدور : يمه برقعي وينه
فاطمه: وانا وش دراني يلا بروح للسياره مع خالش رعد و انتو مع العيال واذا تأخرت بيروحن ويخلونكم
بدور : يمه تكفين وين برقعي
بدريه بصوت عالي من فوق : ببدوور
بدور: هاااااه 
بدريه : حذياني يا جزمه وينها
بدور: برقعي وينه بالأول
نزلت بدريه ركض و بدور اول ما شافتها قامت تهرب و بدريه تلحقها و طلعت لفوق و تعبت بدريه و راحت غرفة امها وشوي ويدخل حسن
حسن بصوت عالي : يابنات وينكم
بدور بصوت : هااا وش تبي انت بعد
حسن : بنروح و نخليكم
وشوي الا ويشوف ضربه جته من السماء و كانت بدور رمة عليه الحذيان وهي معصبه
بدور بعصبيه : تحرك بالسياره من دوني وشف وش بيجيك
حسن بعصبيه : لا بنحرك و نخليك و انقلعي
بدور بشهقه: هييي انا انقلع يا جربوع
حسن : ايه انتي اووه عادني ما انسى يوم عضيتيني يوم كنا في البر اييه
بدور : رغم اني ما اذكر الا انك تستاهل احسن
حسن : ايه انش كبرتي قدش عجوز صار عندش زهايمر
و لف يبي يطلع الا و جته ضربه بضهره بقوه لف بعصبيه الا ويلاقي بدور قدامه بعبايتها و طرحه على نص شعرها الي كان لونه ممزوج بالحناء و لون شعرها الاسود و كانت حاطه ميكب خفيف جلس يناظر لها بثواني وشوي الا ويشوفها تهرب و ناظر بالأرض اخذ حذيانه و جلس يلاحقها وهو يتوعد فيها و هي تركض الى ان طاحت شيلتها من على رأسها وصارت على اكت فها وعندها تركض و تضحك الى ان دخلت غرفة امها وسكرت الباب و هي تتنفس بصعوبه
بدريه : وش تسوين يلا نروح
بدور : ضربت حسن و هربت منه و هو جلس يلاحقني
بدريه وهي تناظر لبدور وشوي واستوعبت
بدريه بشهقه: هييييي شافش كذا
وشوي وتستوعب بدور هاوشتها بدريه وراحت بدريه للسياره وهي اخذت برقع امها و طلعت وهي ما تتجرأ تناظر في حسن و حسن مصدوم منها ولا كأنها الي قبل شوي تضربه
عند مناير
طلع ابوها وهي راحت توضي و صلت للعصر و اخذت ركعتين وتدعي ربها بين السجدتين ان يصلح لها شأنها كله و نزلت تحت و لقت ان امها و ابوها وعمتها فاطمه و خالتها نوف راحو و هي و مياسم و وعد و رغد بيروحون مع مطلق و سعود اما حسين و حسن بياخذون بدور و بدريه اما امل و عزيزه بيروحون مع نواف و نايف 
اما خالد و متعب و فيصل و ظافر و محمد في سياره يروحون لمفصل الثياب و عبدالرحمن و صقر مع فوزيه و الهنوف اما سعيد مع تهاني و ساره نزلو العيال الحريم و راحو كلهم لمفصل الثياب يفصلون لبعض و الحريم حددو نقطة يتجمعون فيها لا خلصو وتكون كل وحده ماسكه جوالها علشان لا صار شيء و راحو يشترون البنات راحو سوا يشترون لبعض و مستانسين وراحو لمقهى في المول
( طبعا جنب القريه في مدينه و يستغرق بينها و بين القريه نص ساعه ) اخذو لهم قهوه و كملو مشي في المول و كل ما يمشون كل ما تضيع وحده منهم و يرجعون يدورون لها و هم يشترون قابلو عهود و العنود و جلسو سوا يسولفون و بتقضون خلصو مقاضي و صلو للمغرب و ركبو السيارت
في سيارة مطلق
لاحظ مطلق حزن مناير على الخيل و حب يخفف منها و يتمشون بالسياره طلب قهوه من ستاربكس و طلب دونات من دانكن و مشغلين الاغاني و منطربين
وعد تقدمت قدام شوي بحيث صارت كأنها بين سعود و مطلق
وعد : مطلقوه عطني عطني خلني انا بشغل انت ما منك فايده
سعود : ليه حرام عليك والله ان صوت فلاح المسردي حلو
وعد : حلو ما قلنا ماهو حلو لاكن مو وقته هاذي تشغلها وانت في ف اشك و تسوي سيناريوهات حزينه لاكن الحين دام ان حن معنا اكل ليه مدخلينا كأبه صح رغدوه
رغد : ايييه و اختي صادقه
مطلق بضحكه: يلا يلا اطربينا يا وعدوه
كانو يسمعون صوت فلاح المسردي و طلبت وعد انهم يفتحون الطيق و فتحو كل الطيق
وعد : مطلقوه
مطلق: هاه
وعد : افتح الطاقه هاذي الي فوقي
مطلق بضحكه: هاه و فتحناها
جلسو يسمعون صوت فلاح و الهواء يجي في وجيهم وشوي و تقطع عليهم شيلة وعد و الي اول ما شغلتها قامت تصيح و تغني بصوت عالي
وعد بصوت عالي : سيبت انا كل الدنيا عشانك هشركك حضنك
و تقاطعها مناير
مناير بصوت اعلى : الفرحه الي انا فيها ها كلته هترجع لي
و صارو يغنون بصوت واحد واعلى و مياسم و رغد يصورونها وهم يغنون سوا وفي يدهم القهوه و اليد الثانيه دونات و أصواتهم تعلى و مطلق و سعود ميتين ضحك عليهم و مستانسين علشان مناير و على اجوائهم الحلوه نزل عليهم مطر و هم مستانسين و سكر مطلق الطاقه ( على قولت وعد ) الي فوق وعد و رفع شوي من الطيق و خلاها مفتوحه نصها الا طاقة مناير مفتوحه للأخير
وشوي وتغير الأغنية وعد بالغلط و اول ما سمعتها هي و مناير و رغد غنو بصوت واحد خل العيال يخافون تجيهم الشرطه
وعد بصوت عالي: احسبك تمزح علي بحكاااك الين منك بكت عيني   
رغد : حتى اسمي اسمعه عند دعاك ولا انت مقفي ماتوحيني
و بصوت واحد : ولا انت مقفي ما توحيني
مناير : مع الزمن ما قويت انساك ياليت وقتي ينسيني
و بصوت واحد : صوت المطر عود بذكراك و الغيم كنه يداريني
و طبعا فصل عليه الاغنيه سعود علشان يسكتون و يتهاوش مع وعد و اكيد و عد ما تسكت له و ترد عليه و يسكتهم مطلق و يوقف مطل قدام مطعم و نزل هو وسعود من السياره يطلبون لهم عشاء
مياسم : بنات وش رايكم نسوي الفرصه و نشغل
وعد : ياخي يلوموني بحبش قدام
مياسم : انا انا بشغل
وعد : هاه نبي شيء يهبل
مياسم : ابشري بعزش
وقامت تشغل و يغنون البنات وبصوت عالي
في المطعم
طلب مطلق الاكل سفري و جلس يسولف مع سعود وشوي و يدخل رجال و معه خويه و هم ميتين ضحك و يجلسون على طاوله فيها رجال واحد و شكله خويهم
الرجال ١: والله فاتك و حنا جايين لقين سياره هنا عند باب المطعم سياره لكسز المهم وصوت الاغاني طالعه و انت تشوف كذا شوي السياره لقينا فيها اربع حريم و كلهم وراء لاكن يرقصون ويغنون بصوت عالي علي الحرام انهم يضحكون
الرجال. ٣: في ذمتك
الرجال ٢: والله
سعود و مطلق كانو يسمعون
سعود بضحكه : ههه وش ذي السياره تعال تعال ودي اشوفها
مطلق بضحكه  : ايه والله
شوي ويتكلم واحد من الرجال
الرجال ٢: ايه صح و كانت في بنت قدام عند السواق و هي تغني بصوت عالي تناظر للمطعم واضح ينتظرون احد
الرجال ١ : ايه صح ايش كان تناديه به.... مطلق ايه ايه مطلق
سعود و مطلق ناظرو بعض ثواني و على طول ركض لبرا و الرجال خافو يوم شافوهم و لحقوهم على بالهم صاير شيء من ركضتهم و اول ما اطلعو شافو وعد وهي عند السواق واول ما شافتهم نطت ورا عند البنات و البنات يغنون بصوت اعلى و ما يدرون وش صار ويمسك مطلق راسه
مطلق : يوووه يا وجد حالي وجداه
و سعود ميت ضحك والرجال يناظرون ويضحكون وعرفو ان السياره لسعود و مطلق سعود في الارض ميت ضحك و مطلق رجع للبنات و هاوشهم و كلن و جهه احمر و عروقه بارزه في وجهه و يده والبنات خايفين و ساكتين و كل ما يناظرون لبعض او يشوفون سعود يضحكون بس يكتمون ضحكتهم رجع مطلق لسعود وسعود اول ما شافه رافع أكمام ثوبه و شماغه ملفوف على رقبته قام على طول وناظر في الرجال وسوا نفسه يسولف معهم
سعود : اييه ايه والله حتى انا احبه
ومع كل كلمه يغمز لهم و هم يماشونه الى ان قرب منهم مطلق و سعود خايف و الرجال خايفين من مطلق و شكله و كلن مطلق طويل و عريض بشكل هو و سعود
مطلق بحده : امش يا سعود
سعود: هاه سم ابشر 
مطلق بحده : امش وانت صاكت
سعود بأبتسامه : يلا فمان لله يا عيال و بيض الله و جيهكم
الرجال ١ بضحكه : الله يرحمك يا اخوي
الرجال ٣ بضحكه : والله انك كنت طيب
الرجال ٢ بضحكه : وين تبي مكان عزاك
سعود بضحكه: حطوه في غرفة نوم حبي 
الرجال ٣ : اووه ولدنا طايح
سعود : و على وجهي بعد
الرجال ٢ : انتبه من ذا الحب
الرجال ١ : معليك من ذا جرب الحب مره و ندم و صار يشوف الحب دمار و هو الحين متزوج
سعود : لا معليكم غير أن عيونها سحرتني من يوم شفتها
الرجال ٣ : اوووه الله يجمعك بها
سعود : امين
مطلق بصوت حاد و عالي : سعووود
سعود و هو يرفع ثوبه : جاك جاك يلا يا عيال دعواتكم
الرجال ٢ : بحفظ الله 
راح سعود لمطلق و هو يشوف معصب بتسم ابتسامة ورطه
مطلق : خذ العشاء ويلا للسياره و ما طلعو من المطعم الا و البنات مشغلين اغاني و يغنون بصوت عالي مشى مطلق بخطوات سريعه و سعود عند باب المطعم ماسك راسه و الرجال الي كانو مع سعود يضحكون
عند مطلق
فتح باب السياره بقوه و طفى الاغاني
مطلق بعصبيه و بصوت حاد : وجع انتي وياها خير من الي شغل
البنات كانو ساكتين و خايفين من شكل مطلق
مطلق بحده اقوى : انتي وياها على بالكم انكم في بيت أهلكم انتو في الشارع الي يمر و يسمع اصوات وش بيقولون عن اهاليكم هاه الشرهه مو عليكم الشرهه على الي مطلعكم و معشيكم
وعد بصوت مرتجف : اسفه يا مطلق والله كله بسبتي انا الي قلت لهم يرقصون ويغنون والله اسفه ما كنت ادري
مطلق جلس ساكت و ناظر لسعود بنظره علشان يركب ركب سعود و كان هدوء و جلسو في حديقه و تعشو و رجعو للسياره و كل مره سعود يحاول يلطف الجو الى ان وصلو البيت رجع كل واحد لبيته
عند سعود : عيال ترا بننزل الليله و ناخذ الخيل
مطلق : انشاءالله
متعب : ها يلله من الحين
نايف : ايه والله
نزلو العيال للحوي و فتحو باب الخيل و جلسو يسحبونه بالخفيف الخيل ما كان مستجاب معهم الا مع سعود و الخيل يجلس و جهه قريب من سعود كأنه يعرفه من قبل و ركبوه بالشاص و أخذه مطلق و سعود كان سعود بالصندوق مع الخيل و يسولف معه و كان منسدح على الخيل و يناظر للنجوم و صلو ونزلو الخيل و ودوه عند البيطري اخذ ساعتين علشان يخلص و اول ما خلص اعطاه مطلق حقه وسأله
مطلق : كيف نتأكد انه صار يشوف يا دكتور
الدكتور: مارح يشوف من اللحين انتظرو لبكره و انشاءالله يشوف
مطلق : انشاءالله شكرا
الدكتور : العفو
اخذ سعود الخيل و ركبو ورجعو و قررو يخبونه في مكان علشان مناير و خشوه و راحو ينامون و هم مستانسين و متحمسين لردة فعل مناير