خذاني الحب في عينك

البارت الثامن

نزلو العيال من غرفة مناير وكل واحد متحمس لليوم الثاني و اما البنات يخططون من بيروح معهم و من بياخذ دور الزوجه الحامل و سوو قرعه على من تكون الزوجه و كتبو اساميهم في ورقه و نزلوها عند الجده ناديه تاخذ ورقه والي يطلع اسمه هو الي يمثل وطلع اسم وعد و وعد تصارخ ما تبي
وعد : ليه انا ليه مو مناير
مناير : هي كذا القرعه وخلاص
ريوف : بمناسبة هاذا بنسوي الليله حفله صغيره علشان وعد
وعد : تم بس بشرط
رغد : ايش
وعد : تجيبون لي هدايا مالي شغل 
مناير. : يلا الله يعين
وعد : وش الله يعين احمدي ربك بس
و اذن الظهر وصلو و راحت فوزيه تسوي الغداء و البنات مع الحريم و العيال مع الرجال في المشب
عند البنات _
الجده ناديه : الا يا منيره انتي و نوف ماقد قلتو لعيالكم شيء
منيره : وش انقول لهم
الجده ناديه: متعب و مناير وش فيك نسيتي
نوف : يوه ياخاله وش جاب طاريهم
الجده ناديه: والله خايفه يتعلقون في بعض و تنكسر قلوبهم بعدين
مناير : بسم لله يا جده وليه تنكسر قلوبنا
الجده ناديه انا ما عندي كلمه كلمي امك هي الي بتقرر اذا تقول لك ولا لا
منيره : خلاص ما بقى شيء و يتزوجون و كلامك يا خاله صح
مناير قلبهم انقبض اول ما قالت امها انه ما بقى شيء الا و تتزوج
منيره : ابيك يا خاله تدعين متعب هنا و تعلمين له بالسالفة هو و مناير
الجده ناديه: يلا مابه خلاف وانتي يا نوف وش شورك ( رايك )
نوف : والله شوري من شوركم
وراحت نوف تنادي متعب و منيره طلبت من البنات يطلعون و جلست مناير و هي خايفه من الي بيصير وأخذت شيلتها وحطتها على رأسها مع البرقع و العبايه و دخل متعب و يسلم على خالته منيره و على جدتهم ناديه و سلم على مناير من بعيد
الجده ناديه: اجلسو يا عيالي اجلسو ابي اقول لكم كلام مهم يخصكم
متعب  استغرب و ناظر لمناير و شاف كيف هي خايفه و خاف هو بعد
الجده ناديه : منيره نادي صقر و حسن و حسين حتى هم لهم حق يعرفون
منيره : حاضر
وراحت منيره تنادي العيال و جو العيال و سلمو على امهم و خالتهم و جدتهم و جلسو جمب مناير و شافو كيف مناير و متعب خايفين
صقر بهمس لمناير : وش السالفه
مناير : والله علمي من علمك يا اخوي
الجده ناديه : اسمعوني ولا احد يقاطع كلامي الى ان اخلص و من بعدها اسألو الي ودكم تسألونه لامكم و خالتكم
الكل : طيب قولي
الجده ناديه: مناير حلال على متعب مثل ما هي حلال على اخوانها
صقر : وش وش قصدك
الجده ناديه: مناير يا بنيتي متعب اخوك مثل ما صقر و مطلق و خالد و حسن و حسين اخوانك
مناير : كيف ماني فاهمه
الجده ناديه: اخوانك من الرضاعه بعد موت ابو محمد الله يرحمه كان نوف خالتك حامل بمتعب و اولدته بعد موت ابو محمد واغمى عليها من التعب و الجوع وارضعت امك متعب و هو الحين اخوك من الرضاعه و يمديك تكشفين قدامه هو بس من دون محمد مثل ما تكشفين قدام خوانك
مناير : مدري ماني متعوده اكشف قدامه و بنفس الوقت خايفه و متوتره
الجده ناديه: عادي يا بنتي اصلا احنا غلطنا يوم ما علمنا لكم من يومكم صغار بس حاولنا نعلم لكم بس انتو ما كنتو تفهمون شيء
صقر : الحين هو حلال يشوفها
الجده ناديه: ايه حلال وش اقول انا انقطع صوتي وانا اقول لكم 
متعب ما عرف وش يقول
منيره : يامتعب يمديك تسلم على مناير و تشوفها مثل ما يشوفونها اخوانها فهمت
متعب : ايه فهمنا بس مانا متعودين
منيره : مناير بنتي يمديك تكشفين قدامه
مناير : امي مقدر مو كره لهم بالعكس اصلا انا اعتبره اخوي من قبل ما اعرف بس صعب اكشف قدامهم
منيره : عادي يا بنتي لا تخافين
و جت مناير بعد تشجيع امها و خالتها و جدتها تفك الشيله و العيال يناظرون واول ما نزلت الشيله من رأسها نط صقر لوجهها و متعب صد
نوف بضحكه : وش فيكم انت صديت وذا غط اخته
صقر : ياخي ما اتحمل احد يشوف مناير غيرنا ما اقدر
منيره : اقول وخر
وتدفه منيره وتنادي متعب يلف ولف وشاف مناير و مناير متجمده و متعب متجمد و مو عارف وش يقول و خلاص تقبل الأمر وراحت مناير للمطبخ و هي خلاص تخطت الخوف و جلست تسوي قهوه و دخلت على الحريم و العيال
مناير : هلا هلا باخواني الجدد
متعب : هلا هلا
صقر : ياخي والله مو متقبل الأمر
مناير ضربته بكتفه : كلنا كلنا يا اخوي
وجلسو يسولفون وطلعت منيره و نوف والجده و خلو العيال يسولفون
مناير : الله يعني صار معي ٦ اخوان
صقر بضحكه : والله شكلنا
مناير : لاكن كيف بنعلم مطلق و خالد
متعب : وش رايكم نسوي فيهم مقلب
حسين : قدام بس متى
حسن : وش رايكم بعد بكره فيه عزيمه عند بيت جدي سعيد و بنحط متعب الضحيه
متعب : ليه انا
صقر : انت وعلى ز^ق اصلا مافيه الا انت الحلال على اختي محمد امي ما ارضعته     
متعب : ابشر
مناير : خلاص تم اعطوني ارقامكم يا اخواني الجدد علشان لو بغيت شيء ناديتكم
متعب بضحكه : اكتبي اكتبي بس
وسجلت مناير رقم محمد و متعب و طلعو يتغدون و الجده علمت للجد مطلق و الجد سعيد و رعد و عبدالرحمن و الجده عزيزه و فوزيه و فاطمه و متعب كان بيعلم سعود بس ما فضى و لا جلسو لحالهم و شوي ويجونهم رجال وراح متعب يجيب القهوه وراح من وراء بيت الجد عند باب المطبخ و دق الباب
مناير من وراء الباب : مين
متعب بضحكه : انا اخوك الجديد
وفتحت مناير الباب وهي حاطه الشيله على رأسها : مسرع اشتقت لي
متعب : اوه والي يشوفك ما يشتاق لك
مناير بضحكه : امر وش تبي
متعب : مايمر عليك عدو ابي قهوه في رجال جونا
مناير : طيب دقايق واجيك خلك هنا
و راحت مناير تجهز القهوه واخلصت واعطتها متعب وراح متعب عند الرجال وصب لهم القهوه و اول ما راحو بغى يكلم سعود بس شاف سعود يكلم بجواله وجهه رساله من مناير تقول له يجيب من البقاله بخاخات ثلج وراح للبقالة و راح وراء بيت الجد مطلق و دق باب المطبخ
رغد : مين
متعب : انا متعب نادي لي مناير
رغد استغربت : طيب انتظر
وراحت تنادي مناير و مناير راحت له طيران و الشيله فوق راسها
متعب : وش بغيتي بالبخاخات
مناير : اسمع برشها على صقر و حسن و حسين الليله و ابغاك معي
متعب : مو على اساس بينام حسن و حسين في بيت ابوك
مناير : الا بس اتفقوا ينامون هنا وانا وانت بنط عليهم ونرميهم با لبخاخ وش رايك
متعب بضحكه : مثل ماكنا انا وانتي نسوي وحن صغار
مناير : ايه
متعب : طيب ولا طلع لنا جدي وش نسوي
مناير : بنهرب انا وانت وبيضربهم جدي
متعب بضحكه: هاذا إذا جدي ما ضربنا معهم
مناير : ايه والله
عند سعود __
الرجال : لازم تجي ولا احد من اهلك يعرف
سعود : حاضر
الرجال : ولا تنسى ترا بتجلس عندنا ثلاث شهور
سعود : طيب
الرجال : و تعال عندنا بعد بكره سمعت
سعود : ايه خلاص بعد بكره وانا عندكم
وقفل المكالمه واول ما قفل شاف متعب رايح و راء بيت الجد و جلس ينتظره و مرة دقايق وقرر يلحقه
عند متعب __
مناير ضمت متعب ومتعب ضمها و جاء من وراهم سعود و سعود اول ما شاف متعب و كان يشوف يدين بنت تضمها و خاف و تنحنح واول ما تنحنح لف متعب و متعب اول ماشافه إخفاء مناير وراه
متعب : ما بغيت تخلص من مكالمتك
سعود : خلصت بس انت وش تسوي هنا و من ذي البنت
متعب بضحكه: اوه شفت محارمنا
سعود باستغراب : وش محارمك ترا انت ما عندك الا خالتي نوف ( طبعا نوف مو خالته بس انه احتراما لها يسميها خاله )
متعب : لا ابشرك معي وحده ثانيه
سعود : منهي
متعب : طيب خلني ادخلها بالأول
ولف متعب على مناير
متعب : مناير ادخلي داخل
و متعب اول ما قال اسم مناير انقبض قلب سعود اوجعه قلبه ان الشخص الي اعطاه كل أسراره طعنه في ضهره غدر فيه مو مستوعب ان هاذا الي قدامه متعب متعب الي اعتبره اخوه و صديقه وقت ما ضاق و ابوه يسند نفسه عليه كسره و كسر بضهره 
تقدم متعب من سعود و مسك كتف سعود
متعب : لا تفهم غلط
و ما خلص كلامه الا وسعود معطيه بكس ( 👊 كذا في وجهه )
سعود : انا انا يا متعب تخوني و تغدر فيني انا الي اعطيتك قلبي وفتحت لك اياه خليتك سند لي
متعب قام من الارض
متعب : اسمعني يا رجال بعدين تكلم
سعود : لا ماني سامعك و الله لا يسامحك يا متعب بالي سويته فيني
ويضرب متعب بكس ثاني و يركب فوقه ويضربه و قام متعب وضرب سعود وصار كل هاذا تحت عيون مناير و مناير خايفه على متعب وراحت ركض للرجال واول ما دخلت عليهم وهي واضح عليها الخوف و ما عليها الا شيلتها نط صقر ولثمها بشماغه
صقر : وش فيك
مناير : الحق الحق ياجد سعود يضرب متعب ورا البيت
وراحو الرجال ركض يشوفونهم الا سلمان والجد سعيد و ماجد مطلق
سلمان : قلت لكم سعود هاذا ما يجيب الا المشاكل
الجد سعيد بعصبيه : انطم لا عاد اسمع منك حرف يا قليل الخاتمه الله ياخذك
وطاح عليهم الجد سعيد ورفعها سلمان واخذه للمستشفى وهو يتحسب على سعود و الجد مطلق ما كان بيده شيء غير يبكي على اخوه و عيال اخوه و على سعود الي ماله ذنب بكل شيء وكيف سلمان محمله كل الذنب بالي صار
عند العيال __
الحريم عند باب المطبخ يصيحون و العيال يفكون سعود و متعب واول ما فكوهم وهدوء اخذت مناير عبايتها و شيلتها وبرقعها وراحت ركض عند العيال واول ما وصلته سكتو العيال و سعود يناظر لها و هو مكسور من متعب و متعب يناظر لها وكان واضح عليهم الكدمات و على طول راح ركض لمتعب و ضمته بقوه و متعب ضمها و سعود اول ماشافه راحت عند متعب و تضمه و متعب يضمها بكاء غصب عنه 
سعود بصراخ و بكاء ودموعه تنزل : آآآآآآه اه يا متعب اه يا كسر ضهري اه يلي شفته سند لي ليه ليه يا متعب أخذته مني وانا الي كنت اشوفه نص حياتي ليه يامتعب وش سويت انا فيك ها وش ذنبي وش ذنبي انا في الحياه علشان يصير فيني كذا ليه يمتعب ليه ياخوي تكفى قول لي انه حلم كنت متوقع من الكل الا انت يا متعب ليييييييييييييه آآآآآآه
طاح سعود بالأرض و فز متعب له وهو خايف عليه ويرفعها بكتفه
متعب : تكفى يا سعود لا تفهم خطأ وقم لا تخليني لحالي سعوووووود قم يا سعود وش فيك
فزت العيال كلهم على سعود و مناير تناظر لمتعب و كيف هو يصيح بجنون وكأنه بيفقد نص من روحه الا و كأنه بيفقد روحه كلها هو وصراخه الي يوجع القلب و الي اوجعه اكثر سعود وكلامه رغم انها مو فاهمه الي قاله الا وانها تحس بذنب كبيرر و راحت للبيت تجيب ماء واعطته متعب ومتعب أخذه و يصبه فوق سعود و كانت مناير تناظر له و كيف كأنه مجنون يكلم سعود ويبتسم اوجعها قلبها تحس انها السبب
متعب بابتسامه كأنه مجنون و صوت متعب و يرش الماء في وجه سعود : سعود قم خلني افهمك على الاقل سعوود طالبك لاتخليني من بعد ابوي
و اول ما قال ابوه طاحت دموعه بقوه وهو بس يفكر ان سعود بخليه مثل ما خلاه ابوه و هو يصارخ و العيال اول ما شافو دموعه و صراخه سكتو و ناظرو بعض وشوي ويقوم سعود وكان راسه يوجعه واول ما شاف متعب يبكي و يصارح باسمه و اسم ابوه نط يضمه لصدره رغم الألم الي يحس فيه بقلبه الا ان حبه لمناير ما يتعدى حبه لمتعب حبه لمتعب غير ومتعب اول ماشاف سعود يضمه ضمه بقوه وكأنه كان بيفقد قلبه ودموعه تنزل و بقوه
متعب بدموع وصراخ : طالبك يا سعود لا تظن فيني غلط طالبك يا سعود لا تخليني لحالي طالبك اسمعني بعدين عاتبني والله ما يهون زعلك علي
سعود وقلبه يوجعه همس في اذن متعب : اصصص خلاص اسمعك انت بس فهمني ولا تخلي الرجال يناظرون فينا كذا
انت رجال و ولد ابوك لاتنسى ابوك ما عمره بكى ارفع راسك و ماني مخليك لاكن انت لا تخليني
قامو و عرفو ان الجد سعيد ارتفع ضغطه و راح للمستشفى و دقو على سلمان و اسألوه عن الجد سعيد وقال لهم انه بيرجع بعد ربع ساعه وناداهم الجد مطلق و جلس كل العيال عنده و علم الكل سالفة مناير و متعب واول ما عرف سعود أوجع قلبه وقام و قام معه متعب كانو يناظرون بعض
سعود :
العرب تخطي ولا هيب معصومه 
ما على الاجواد من مدحي و سبي
وان ظلمتك ف اشكني عند الحكومه
طالبك لا تشتكي عند ربي *
متعب:
ماني شاكي لا عند الحكومه و لا عند ربي
انت سندي من بعد ابوي مانيب ناسي
عشرتي معك كيف اشكي عليك وانت الي كنت
معي وقت ضيقي انت غلطت وانا غلطت و من
                     هنا تعادلنا
و ضمو بعض بقوه وضحكو العيال عليهم رغم ان العيال مو فاهمين ليش تضاربو الا انهم عرفو انه ما في شيء يوقف ذولا الاثنين و اذن المغرب و راحو يصلون وبعد الصلاه رح متعب لمكان كان ذا المكان لا تهاوش مع احد راح له لازعل راح له لا فرح يروح له لا حس بأي مشاعر راح له كان دائما يروح عند ابوه او بالاصح يروح لقبر ابوه راح عند قبر ابوه وجلس ساعه والعيال كانو يشولفون
نياف : وين متعب ما اشوفه
نواف : ايه والله وينه
سعود : خلوه انا اعرف وينه بروح واجيكم به
راح سعود وهو الوحيد الي يعرف مكان متعب لا ضاق صدره كان عارف وين يروح وراح للمقبره متعب كان جالس جمب قبر ابوه ويسولف لابوه وجا سعود و وقف وراه ويسمعه
متعب :
حتى بالحلم جيتني كن الله
موصيني عليك ما انساك
وانا كل ما نويت اتخطاك
تمر ذكرياتك و تبكيني و كل
ما مرتني طيوفك غنيت لك
وجلس يبكي وشهقاته تتعالى مع الوقت و جاء سعود بعد ما سمع صوت متعب وراح يركض له ويشوف وش علامه ويشوفه جنب قبر ابوه وحس بألم ماكان يعرف يواسي متعب لأنه مجرب شعور متعب  عارف وش يحس به متعب جلس جنبه و جلس يتذكر ذكرياته مع ابوه
سعود : تدري يا متعب ( متعب رفع راسه يسمع سعود ) كل ما ضحكت ولا بكيت ولا توترت اتذكرت ابوي مان يقول لي خلك قوي دام راسك يشم الهواء لا تضعف لشخص غدر بك ولا خانك
متعب جلس يسمع سعود وهو يناظر لقبر ابوه
متعب : شعور وش حسيت به يوم شفت مناير تضمني
سعود : وش الي ما حسيت به حسيت بنار تاكل قلبي وفوق هاذا الي أوجعني انها كانت منك لاكن خلاص مرت على خير
متعب : هاذا الي أوجعني حتى انا تعلقت فيها و جاني خبر خطبتها وحسيت ان العالم كله ضدي تخيل انه مو بس الي املكت قلبي لا املكت حياتي كنت فرحان اخذ مناير للمدرسه علشان اشوفها بس تخيل بس علشان المح زولها
سعود : هي خلتك وانت خلها وش عاد تبي بها هي راحت تشوف حياتها وانت شوف حياتك
متعب : مقدر مقدر يا سعود
سعود : يالله يالله قوم خلنا نروح للعيال ينتظرون لنا
قام سعود و مد يده لمتعب و مسك متعب يد سعود وقامو وراحو للعيال وسوالفهم مرحبا ضحكهم و شوي و يحضرون العشاء وتعشو وصلو للعشاء و طلعو لجلسة الي في الجبل و شبو النار و سوو لهم براد شاهي وبدأ فيصل بصوته و العيال و تصفيقهم
سامح الله قلبي الي ذاب
عشرتك هم و شقى وعذاب
هي كذا عشرت الكذاب
ما وراها الا عنا و جراح
ما ورها الا عنا وجراح
ما على مثلك ندم
انتهى مشوار حبك والسلام
انتهى مشوار حبك يا حرام
عند البنات __
البنات الي تفاجئو من حركت مناير و ضمها لمتعب و بعد ما قام سعود و رجعت مناير لعندهم و مسكوها تحقيق الى ان قال لهم كل السالفه وتعشو و صلو و راحو لغرفة مناير ينامون و جلسو يسولفون و متحمسين لخطة بكره والي بيسونه في مطلق و خالد و متحمسين لتهريب خالد و جلسو شوي
رغد : بنات بدق على سعود خايفه عليه
مناير : ايه بالله والله حتى انا مدري وش فيها صارخ ذاك الصراخ شوفي وش فيه
وعد : بنشوف بس وش فيك كذا
مناير : وش ما فيني شيء
رغد دقت على سعود وجاها صوت سعود و كانت تسمع صوت العيال وهم يغنون و راح سعود مكان شوي بعيد علشان يسمع رغد بس باقي اصوات العيال واضحه
سعود : لبيه
رغد : لبية حاج سعود انا حاطه سبيكر
سعود : طيب أمري وش تبين
رغد : ابد والله انا و وعد و مناير خايفين عليك و نبي نسمع صوتك
سعود فرح يوم سمع اسم مناير بس بغى يتأكد من الي سمعه
سعود : ايش انتي ومن ما اسمعك من العيال
رغد : انا و وعد و مناير بنت عمتي منيره
سعود بابتسامه: ايه وش تبون يا الثلاثي المرح
مناير كانت تأشر لرغد ما تقول اسمها بس رغد ما شافتها وجلست تغطي و جهها بالمخده
رغد : انت بخير ؟
سعود : كيف ما اكون بخير وانا سامع صوتك
رغد : تمام خذ وعد
وعد : الوه تسمعني
سعود : ايه اسمعك
وعد : وش علامك اليوم وش فيك
سعود : ما فيني شيء بخير
وعد شافت مناير تغطي رأسها بالمخده
وعد : خذ خذ مناير
سعود : وش
مناير اول ما سمعت وعد رفعت رأسها مصدومه
وعد : مناير تبي تكلمك
سعود انصدم بس عرف ان وعد غدرت فيها ورمت وعد الجوال لمناير وهو ما حب يخلي تضحية اخته له تروح
سعود : الووو
مناير : ايوه هلا كيفك يا سعود
مناير قالت كلامها دفعه وحده وسعود كان طاير من الفرحه و يناظر لمتعب الي جنبه وطاير من الفرحه
سعود : بخير وانتي
مناير : بخير دامك بخير بس حبيت اطمن عليك لاني اليوم شفت في عيونك انكسار
سعود بفهاوه : لا حبيبتي ما فيني شيء
مناير ضرب قلبها و البنات كل وحده اخذت مخده و حطتها بوجها وجلست تصيح و متعب سحب الجوال من يد سعود و رغد سحبت الجوال من يده مناير ومناير وجهها صار طماطم
متعب : هي انتي كنك فليتها 
رغد : هي سعود كنك فليتها
متعب سمع صوت رغد و رغد صمعت صوته
متعب : اسف على بالي مناير
رغد : لا عادي حتى انا على بالي سعود
وقفلو و مناير تصيح و سعود ذايب
و راح الكل ينام وشوي و مناير تدق على متعب
متعب : ها الحين
مناير : ايه الحين
و فتحت مناير الباب الخارجي حق المطبخ و دخل متعب واخذو بخاخات الثلج و يرشون صقر و حسن و حسين و يلعبون و يصيحون و يفز صقر و حسن و حسين ويلحقون مناير و متعب و يضربونه و صقر ماسك في مناير و مناير تطلب الفزعه من متعب و متعب يطلب الفزعه من مناير و شوي ويدخل الجد عليهم ويضربهم و يطلع صقر و حسين و حسن و متعب برا البيت و يروح متعب و صقر و حسن و حسين ينامون في بيت متعب و مناير تناظر لهم مع الطاقه و تضحك و يجي من وراها الجد ويضربها و تطلع و تنام  وينام الكل و هم متحمسين لبكره والي رح يسونه في مطلق و خالد و متحمسين لتهريبهم لخالد