خذاني الحب في عينك

البارت السابع

بعد ليلة امس قامت مناير الساعه ٦ و اخذت عبايتها وشيلتها و برقعها وطلعت لبيت ابوها وكان معها مفتاح و افتحت الباب و حست بكمية البرد داخل البيت و كلما تمشي تتذكر طفولتها في البيت وكيف كانت أول ما تقوم من النوم تروح لعند بيت جدتها الى ان صارت بأخر سنه ثنوي وسوو لها دور كامل في بيت جدتها و كيف كانت فرحانه ذاك الوقت و طلعت لعند غرفتها و غرفة خوانها كانو ينامون مع بعض وشوي وهي تتذكر أيامها في البيت وطلعت وراحت عند جلستها في بيت ابوها كانت مثل البلكونه بس أكبر وكانت قريبه من غرفتها ( مناير عندها في بيت ابوها غرفه خارجيه كلن المفروض تنام فيها بس كانت تخاف اخر الليل وتروح عند اخوانها ) وكانت تشوف الحبل المعلق في الحدايد و تتذكر طفولتها كانو العيال و البنات يجونها دائما علشان غرفتها و البلكونه حقتها و اللعاب الي كان يسويها الجد مطلق لها
فلاش باك ___
مناير : صح يا ابوي هاذي اللعبه لي
الجد مطلق : صح صح يا بوي بس خلي اخوانك يلعبون معك
مناير بحماس : ابشر اناديهم علشان يشوفونها
الجد مطلق بضحكه: ناديهم ناديهم
تجمعو العيال و البنات كلهم في البلكونه حقتها
الجد مطلق بضحكه: ماكان له داعي تنادينهم كلهم
مناير كانت فوق الكرسي وتضحك
مناير : الي يبغى يلعب يحب فوق راسي
وتهاوشو العيال على من يحب رأسها اول واحد وكان خالد يبعد العيال من مناير
خالد : ارفعو علومكم وش تحبون فوق راس اختي
متعب : امانه خالد انا خويك ابغى العب
خالد : انقلع العب اختي ما حد يجيها
الجد مطلق : ابعدي ( تراها مدحه ) يا خالد لا تخليهم يمسكون اختك
خالد : أعجبك يا جد _ ولف على العيال _ الي يبي يحب فوق راس مناير يعطيني نص ريال
الجد مطلق و هو يمسك راسه : لا لا يا الدلخ ( غبي ) الله يصبرني عليكم
نهاية الفلاش باك __
مناير اجلست تبتسم وهي تتذكر كل شيء و طلعت برا البيت وهي تبي ترجع عند البيت جدها واول ما وصلت شافت الجد مطلق بالمشب و جمبه ذره و شاب النار
الجد مطلق : تعالي يا بنتي تراني بشوي ذره ما تسوين مثل ما كنتي تسوين وانتي صغيره تسرقينها
اضحكت مناير وهي تقرب من الجد الي كان يبي يزيل الحزن من قلبها وكانت مناير تتذكر كيف كانت تسرق الذره منه و تأخذها للمدرسه و يتجمعون البنات حولها ويصير الكل صديقها بسبب الذره وكانت تروح للمديره وتقص لها المديره الذره و توزعه على صديقاتها في الصف الي ماكان عددهم يتعدا ٧
مناير : لا خلاص كنت اسرق الذره للمدرسه اما الحين بخرقها للجامعه
وضحك الجد و هو و الجده الي كانو دائما مع مناير وكان الكل شاهد على حب مناير لديرتها وشوي ويدخل عبدالرحمن
الجد مطلق: وين انت رايح
عبدالرحمن بورطه : بروح عند مطلق بالمستشفى
الجد مطلق: ليه بدت الزياره
عبدالرحمن: لا لا ما بدت بس نسيت اعطي امس مطلق له ملابس و نمت
الجد مطلق: مالت عليك ما منك فايده حتى وانت صغير بغير كنت جالس فوق راسي تقول بتصير دكتور جراحه وهاذا انت صرت دكتور ولا لقينا منك فايده
مناير اجلست تضحك وهي تشوف تهزيء جدها لعبدالرحمن كانو كذا دائما وبعدها راح عبد الرحمن
مناير : عبدالرحمن
عبدالرحمن: هلا
مناير : اذا صار شيء كلمني
عبدالرحمن: ابشري
ورجعت مناير عند جدها وجلسو يسولفون وشوي ويدخل عليهم سعود
سعود : سلام عليكم يا جد
الجد مطلق: ياهلا ياهلا بسعود
سعود تقدم وحب فوق راس الجد وكانت مناير لابسه برقع جدتها و عباية جدتها و سعود ضن انها الجده و مسك رأسها وحب فوق راسها و الجد ضربه بالعصا برجوله
الجد مطلق: يا ورع وش جاك تحب فوق راس مناير
و انصدم سعود يوم قال الجد مناير وناظر في مناير الي بانت عيونها
سعود بفجعه : وشهو والله انه على بالي جدتي وش دراني انا
مناير ضحكت على شكل سعود وفجعتها : معليه حصل خير
الجد مطلق: ما تشوف انت عيون جدتك احلى من عيونها
سعود بصوت خافت: ما صدقت
الجد مطلق: وشهو وش قلت
سعود استوعب : هاه ايه ايه عيون جدتي احلى
مناير ضحكت من خوف سعود من الجد و شوي وتجي الجده ناديه
الجده ناديه: وش تساوون هنيه
الجد مطلق عدل جلسته واخذ الذره وحطها بالصحن الي جمبه
الجد مطلق: تعالي هنيه سويت لنا ذره
الجده ناديه: ايه ازرعي يا مناير و اطبخي يا ناديه و اشوي يا مطلق
مناير بضحكه : وش علامك يا جده
الجده ناديه: وش بي ما فيني الا الخير الا انتي كيفك يا بنتي بخير
مناير بابتسامه : ما فيني الا الخير
تقدمت الجده ناديه وجلست قريب من الجد مطلق و هي تكابر
الجد مطلق: كنت داري انه مردك لي
الجده ناديه : وش تقول انت ترا مافيه مكان الا هنيه ولولا الذره كانت ما شفتني
الجد مطلق: حتى وانتي عجوز تكابرين
مناير بضحكه: خلها يا جد بعدها بتحن
الجد مطلق بضحكه: ايه والله انك صدقتي
سعود كان يناظر لهم و كان حاس بألم في صدره هو ما يعرف ألم الحب لاكنه يعرف ألم الفقدان
سعود : بعد شهر الدراسه
الجد مطلق: الا وانا ابوك وش رايك تجلس هنيه معنا
سعود : والله انه ودي لاكني ما اقدر اخلي جدي سعيد و جدتي عزيزه
وشوي ويدخل الجد سعيد و الجده عزيزه و معهم سلمان
سلمان : سلام عليكم يا عم
الجد مطلق : وعليكم السلام
الجد سعيد : اوه اشوف ان سعود عندكم
الجد مطلق : ايه والله
سلمان : انتبهو منه لا يقتل لكم احد
الجد سعيد : وش ذا الكلام يا سلمان
سلمان : وانا ايش قلت هاذا الصدق
الجد مطلق : محد طلب كلامك و خلنا نعين خير مع الصباح ترانا مو ناقصينك
سلمان : ايه مانكم ناقصيني لاكن بعدي _ واشر على مناير _ بتندمون وبتقولون قالها سلمان و سواها سعود
الجد مطلق بعصبيه : انقلع لا علي الحرام اسوي فيك جريمه انقلع لا بارك الله فيك
سلمان : بنشوف ياعم قد ذبح اثنين و من عيالكم و الثالث شكله بيجي _ وناظر لمناير و طلع
الجد مطلق ناظر لمناير ثم سعود شاف كيف نظرات الحقد و الكراهيه في عيون مناير و نظرات الإستفهامات و التعجب في عيون سعود
الجد سعيد : معليك منه يا سعود خله هو الي بعدين بينهم
سعود : الا يا جد وش يقصد وش مسوي انا له
مناير : مو مهم وش قصده المهم انه هو الي بيندم