خذاني الحب في عينك

البارت الاول

في ليلة عيد الأضحى الكل يتجهز لجية الجد سعيد والكل مرتبك .
مناير : بنت بدور وين العطر الي اعطيتك اياه
بدور : مدري كان هنيه مدري من أخذه
مناير : يا غبيه انه حق امي لا يضيع امي بتحطني بسبعين داهيه
بدريه وهي جايه من الصاله: بنات الحقو هاذا العطر يجنن
مناير : ياخبل هاذا حق امي زين انك لقيتيه ولا كان رحت فيها
بدريه بضحكه : اما والله انه يهبل بروح اطلب خالتي تعطيني اياه
مناير : اقول بس خلونا نخلص لا يدخل ابوي علينا
البنات : يلا يلا
________________
بمكان ثاني في نفس البيت
مجلس الرجال
خالد : يا عيال مين معه العوده بسرعه ابي احطها على الفحم
مطلق : والله وانا اخوك مدري هي مع من بس خذ ذي
ودخل مطلق يده بمخباه يطلع العوده
عبدالرحمن : ياعيال ضيعت الكبك حقي من معه زياده
فيصل : انت ضايع طول حياتك مامنك فايده
عبدالرحمن : تقول كذا لخالك صدق انك قليل الادب الا معك كبك ولا لا اهرج بسرعه
صقر بضحكه : هاك هاك لا تموت
عبدالرحمن : ويلموني بحبك ياخي والله اني احبك
صقر : حبتك الجراده روح مني هناك ابوي يناديني
عبدالرحمن: بسامح هاذي المره بس علشان كبكك ولا لاتفكر واجد
الجد مطلق بصوت عالي : ولد انت وياه بلا ازعاج ( وقال بصوت خافت لرعد ) ولد رعد
رعد بنفس الصوت : سم يبه
الجد مطلق بنفس الصوت : هاك الخيزرانه وقم عليهم وقل لهم ان لهم خمس دقايق يخلصون فيها تجهيز والاقيهم قدامي فاهم
رعد : فاهم يبه فاهم
دخل ابو مطلق على العيال بالخيزرانه وجلس يصرخ عليهم وقال لهم الي قاله الجد ودخل على الحريم يشوفهم لاخلص ولا باقي
رعد بصوت عالي : مناير يابنتي وينك
مناير : لبيه يبه امر وش بغيت
رعد : ما يأمر عليك ضالم خلصتو قهاوي و الكيك والحلا
مناير : ايه يبه بس جدي سعيد متى بجي
رعد : الساعه ٦ انشاءالله
مناير : يعني يمدينا انام صح يبه  
رعد : ايه يبه نامي ومعليك خلاف

_______________تسريع الاحداث__________________

مع وصل الجد سعيد كانو الرجال كلهم في الجلس ينتظرونهم واول ما سمعو صوت السياره طلعو كلهم وبصوت واحد قالو : ارحبوا ارحبوا يارجال ارحبوا
ويرد الجد سعيد بصوت عالي : الله يبقيك يابو الرعد
ويجي بصوت عالي رعد : تفضلو تفضلو
ويدخلون المجلس
ويروح مطلق و خالد يشلون الدلال ويصبون القهوه و صقر يدور بالبخور و حسن على التمر و حسين ينتظر الكيك من مناير
عند البنات ___
مناير عند الباب وبيدها البخور وتنتظر رغد و وعد بفارغ الصبر و بدور و بدريه عند ام مناير في المطبخ و ام سعود والجده ام رعد  في مجلس الحريم ينتظرون وصول الضيوف
و فوزيه مع مناير
وعلى دخول وعد و رغد و الجده ام حسن و حصه وعزيزه و امل وتغريد والهنوف
مناير بصوت متوسط و ابتسامه : ارحبوا ارحبوا بدهر قلبي ورجعانه ( وقربت من الجده وحبت فوق راسها )
الجده ام حسن : لبى قلبك يا مناير
مناير : توه ما نور البيت جده
الجده ام حسن : البيت منور باصحابه
الجده ام رعد من باب مجلس الحريم : ودكم نجيب القهوه عندكم عند الباب
والكل ضحك وتقدمو يسلمون على مناير و فوزيه والجده ام رعد وأم سعود وشوي وجت ام مناير و بدور و بدريه وشوي ويسمعون صوت حسين ينادي
حسين : مناير يا مناير
مناير : ايوه هلا
حسين : اعطيني الكيك بسرعه
مناير : طيب وش فيك مستعجل
حسين : طيب خلي الهرج واخلصي علي
مناير : ابشر ابشر
وحطت الكيك في صحون واعطتها حسين وقبل لا تطلع
حسين : مناير بنت
مناير : ها وش عاد تبي
حسين : طالبك طلبه يا بنت رعد
مناير وهي مسويه راعيت فزعه : وانا بنت ابوي اهرج وش تبي
حسين بابتسامه : بقي لي من الكيك 
مناير : ليه و الي في يدك وش هو
حسين : ادري بس ما اقدر اكله في الجلس
مناير : ليه ماتقدر من الي يمنعك
حسين : يوه مناير بتبقين ولا
مناير : طيب ماله داعي كل هاذي الدراما علشان كيك ابشر ببقي لك
حسين : والله انك اطلق اخت
مناير : بتروح ولا
حسين: بروح بروح
وعلى طلوع حسين دخول ام مناير
ام مناير : وش يبي حسين
مناير : بغى الكيك
ام مناير : الله كل ذا الوقت على كيك
مناير : انه طلب مني ابقي له من الكيك
ام مناير : اها وانتي جلستي تحققين معه
مناير : لا يمه وش دعوه
ام مناير بضحكه : يلا يلا الحريم ينتظرون لنا 
عند الحريم كانو الكبار يسولفون
مناير : يالله تحيي من جانا
الكل : الله يبقيك
الجده ام رعد : تغريد يا بنتي
تغريد : لبيه ياجده
الجده ام رعد : كيف زوجك هو زين معك قصر معك في شيء قولي لنا وحن بندبر أمره
تغريد : لا والله يا جده انه معليه و زين معي
ام فيصل : ايه هم كلهم كذا بداية الزواج بس اذا صار شيء لا تخفينه عننا على طول كلمي امك او خواتك ولا تخافين
تغريد : ابشر يا بنت العم لا تخافين علي
الجده ام رعد : بتبطين عندنا
تغريد : لا بجلس يومين وبنروح عند أهله
الجده ام حسن : الله يكتب لكم الي فيه الخير
الكل : امين
مناير تراقبهم والابتسامه شاقه وجها تحب جمعة عايلتهم وفزعاتهم لبعض وحبهم واهتمامهم لبعض
وعد : وين رحتي والابتسامه الي بتشق الوجه
رغد : خليها خليها شكلها نستنا
استوعبت مناير وعلى طول قامت : بنات تعالو هناك في غرفتي خلونا نسولف سوا
رغد و وعد على طول وافقو
امل : بروح استأذن من امي تهاني واجيكم
مناير: واضح تحب تهاني صح
وعد : اكيد لا تنسين بعد موت امهم ان تهاني حطتهم بعيونها مع انه نواف في البدايه ما حبها الا انه تقبلها وحبها والحين تهاني تعتبر امهم وصديقتهم
مناير : كلما اتذكر قصتهم احب تهاني اكثر من قبل
رغد : ايه والله حتى انا
وعد : كلنا كلنا يلا بس
مناير : وانتي عزيزه بتجين
عزيزه : ايه بجي
مناير : يلا تعالو لصالة غرفتي
البنات : طيل
مناير : امل ترا حن فوق في الصاله حقت غرفتي
امل : طيب يلا بجي
و ما بين الحريم يسولفون والبنات في الصاله الي فوق
ام مناير : وينك ياختي الحريم جو وانتي عادك
ام متعب وش اسوي كنت مع العيال ضيعو اغراهم وجلست ادورها لكم
ام مناير : يلا يلا ادخلي
ام متعب : خليني اشوف شكلي انتي الثانيه ، امسكي امسكي الحلا
ام مناير : هاتي اشوف بدخل عند الحريم واجيك
ام متعب : لحظه لحظه بدخل معك وش فيك
ام مناير : ها اخلصي
ودخلو على الحريم وسلموا عليم وجلسو يتقهون
الجده ام رعد : وين كنتي يا بنيتي نوف
ام متعب : والله رحت مع العيال بغوني اساعدهم
ام رعد : وشهو له تساعديني قدهم كبار يعاونون نفسهم و البت بتك وبيت عيالك
ام متعب : ابشري ابشري ان العيال كانو في بيت ابوهم
ام رعد: الله يعين الا يا منيره و ين البنات اختفوا
ام مناير : فوق يا عمه بغيتي شيء
ام رعد : بغيت اشوف وش صار في العشاء
ام مناير : الحين اشوف انفداك
ام رعد : خلي البنات يساعدونك قدهم عشر من البنات
ام مناير : ابشري ابشري
عند البنات الي ماحطو القهوه الا ويسمعون صوت ام مناير تناديهم يعاونونها في تجهيز العشاء
رغد : يوه ما تهنينا بالقهوه
وعد : ما عاد فيني من سوا شيء ياخي ضيفه انا ضيفه
مناير بضحكه : ضيفه خمس دقايق ، يلا يلا اقول خلونا نعاون امي
عند العيال _____
حسين دخل بالكيك و وزعه على الرجا وشاف العيال متجمعين ورا بيت الجد
حسين : انتو الشمس ما تاكلكم لو انا كان قدني لحم مشوي
حسن : حنا غير ياحبيبي على بالك ان حن مثلك ياعمي روح
فيصل : وذولا كذا دائما
خالد : شفت معاناتنا
مطلق : ما بتلاقي حد يتحملهم كثر ما تحملناهم
سعيد : ايه والله انه واضح
حسين : هيه انتم شكلكم تدورون مشاكل اقول بس اسكتو لا اجيكم
صقر : وش بتسوي مثلا
حسين : بتشوف وش بنسوي انا وحسن صح حسن
ولف ومالقى الا غبرت حسن
حسين : الله ياخذني مثل ماهايطت ، يا اخوان خلونا نتفاهم ترا حن اخوان عيب كذا
خالد : ايه الحين صرنا اخوانك
الجد ابو رعد : يا عيال تعالو شلو العشاء
مطلق : والله وانقضك جدي احمد ربك
حسين : ايه والله بحب فوق رأسه
وراح حسين يحب فوق راس جده مره و مرتين وثلاث
الجد ابو رعد : يا ولد وش علامك انقلع من وجهي هناك اشوف
حسين : يا جد والله احبك والله
ابو رعد : حبتك الجراده رح جبي السفره وافرشها في مجلس الطعام بسرعه
حسين : تامر امر يا جدي
وراحو خالد و مطلق وصقر يشلون أغراض العشاء و نواف على الفرشه و حسين و حسن على السفره و خالد يشلون السلطات ويعطيها سعود وسعيد يجيب حمضيات من البقاله
الجد ابو حسن : وين راح سعيد يا عيال
حسن : راح يجيب من البقاله حمضيات
الجد ابو رعد : وش له ذا الحضضي رح رح يا حسن وانا جدك
رح عند اختك واسألها اذا نزلت اليوم للبقر تحلب
حسن : ابشري يا جد
عند البنات ______
بعد صبو الرز وقطعوا السلطات وفرمو السلطه الحاره وطلعو وجلست مناير وامها بالمطبخ ينتظرون العيال
مطلق : هلا هلا والله بالوالده
ام مناير : هلابك
خالد : امي انا قد قلت لك كم انا احبك
ام مناير : اقول بس شل مع اخوك
صقر : يامه
ام مناير : احطبه وش تبي
صقر : احبك
مناير : ماشاءالله وانا ولا كأني اختكم ما لت عليكم من اخوان
مطلق : افا والله ما شفتك يا وخيتي
ضمها مطلق وجت ام مناير تضرب وتقول له يشل وشلو وحطو السفره
حسن : مناير
مناير: هلا
حسن : جدي يقول سويت لبن اليوم
مناير : اليوم لا والله بس فيه من امس لحظه اروح اصبه لك في كوب مع طيس(تكون على شكل صحون إدام دائريه اسمها الثاني نحاسه يا رب عرفتوها 😭😭)
وأعطت حسن اللبن وراحت تتعشى مع البنات وبعد الغداء الكل راح ينام بدون استثناء
________________تسريع احداث__________________
بعد النوم الحريم قامو وقومو البنات لصلاة العصر وراحو الحريم يتقهون والبنات رجعو ينامون والعيال مثلهم والحريم و الرجال في الجلس متجمعين قامو البنات مع المغرب وحسو بصداع وصلو كلهم جماعه وبعد الصلاه قررو يطلعون للسطح وبد يجهزون مناير تسوي شاهي نعناع و رغد و وعد يطلعون الزل و امل و عزيزه يجيبون الجلسات و تغريد والهنوف  يجهزون حب دوار الشمس و بدور و بدريه يجهزون المفرحات و فوزيه تشل الورد والزينه للتصوير وتجمع كلهم على الجلسه والسوالف والضحك
عند العيال _____
قامو بالون في المسجد خلصو صلاه وقرروا يروحون للعزبه وهنا الي يشل الحطب والي يشب والي يجيب براد شاهي والي يجيب ماء من البير و الي يزين الجلسه وتجمعو وجلسو يضحكون و يسولفون ويلعبون نجد ( لعبه بالبلوت تجمعين نفس الرقم الي عندك والي يخسر يكتب عند اسمه حرف حرف من اسم حما^ر للبيع والي يفوز يقول نجد ) ومع اذا العشاء تجمعو يصلون وصلى قبلهم مطلق وهم يصلون اخذ مطلق عود خشب وانتظر الي ان يسجدون وحطها عند رجل حسن وجلس يحركه ببطئ وحسين على اعصابه و خلاص صلاه وسلم وقام ينقز ويركض ويقول حيه حيه ( ثعبان )
والعيا خافو الى ان شافو مطلق يضحك وعرفوا انه مطلق وقامو يضحكون وحسين سمع ضحكهم وشافهموعرف انه مطلق وجلس يركض ورا مطلق وجلسو حول النار بهدوء وقام فيصل يغني بصوته العذب والعيال يصفقون
ياهل العشق الحقيقي والمحبه
لاحدن عندي يطري لي حبيبه
لاحد عندي يطري لي حبيبه
خافو الله فيني و في الي احبه
وادعو الله ياعسى ربي يجيبه
وادعو الله ياعسى ربي يجيبه
وجلسو يغنون الى أن جاء وقت رجعتهم للبيت
ركبو كلهم بالشاص و صقر يسوق و الباقين بالصندوق ( بالحوض حق الشاص ) ويناقزون ويرقصون ويغنون بصوت عالي مع صوت المغني وصوت سعود ومطلق و عبدالرحمن العالي
نحن الاصدقاء
نعرف ما معنى الوفاء
ما معنى الصديق
ما معنى الإخاء
كلنا نبغي الهنا
لكل الناس والاصدقاء
وعيوننا الحزينه
تحاول الابتسام
تقاوم الأحزان والآلام
كلنا نريد الهنا
لكل الناس وكل الاصدقاء
هي هاي هي هاي 
وجلسو يغنون بصوت اعلى من الي قبله وكل واحد حاط يدينه على كتف الثاني الى ان وصلو بيتهم والبنات بعد صلاتهم جلسو يسمعون صوت العيال العالي وكل وحده الشيله على راسه ومستانسه ويسمعون لأغنية الطفوله الي كانو يغنونها سوا وكل وحده رافعه الجوال تصور ويطلع الجد بالعصاء وهو يصارخ وكل واحد هرب والبنات ماتو ضحك وجاء وقت العشاء وتعشو وكل واحد رح غرفته والعيال على طول نامو والبنات سولفو شوي وكل وحد تنام وراء الثانيه وكانت مناير عند جدتها ورجعت ولا البنات كلهم نايمين وراحت تحت الطاقه وتناظر للجوء وكيف هو حلو و راحت تنام علشانها بتقوم بكره بدري
_____________________________

وهاذا كان يوم أبطالنا الممتع و المرح اتمنى تتغاضون عن الأخطاء الإملائيه