خذاني الحب في عينك

البارت الرابع

اخيرا اليوم المنتظر الي كانت وعد تنتظره بفارغ الصبر و الي جلست هي والبنات من امس يتكلمون عنه يوم الطلعه قامت تروشت و استشورت شعرها و اخذت عطر رغد وجلست تعطر به إلى أن دخلت رغد
رغد بشهقه قويه : هيييي يا مال العمى الي يطمس العين وجع يوجعك المرض خلي عطري
وعد : وهي فوق السرير و ترش زياده من العطر
وعد : مع نفسك عاد اليوم يومي
رغد : يومك في ايش حبيبتي
وعد : نسيتي ان اليوم بيطلعنا مطلق للعزبه
رغد : اوه نسيت الله يقلعك كما ما تذكريني
وعد : وانتي ليه ما تقوميني ها ايييه ساكته والله اني متأكده ان ما وراك الا البلاء بس ها شوفيني ساكته مو مثلك اجلس ازن فوق راس الناس
رغد : خلاص اهجدي ترانا نتكلم عن العطر وانتي خلقتي سالفه من تحت الارض مالت عليك وعلى الي عرفني عليك
___عند مناير____
مناير : مطلق ورع قوم صقر خالد قومو ياخي حسن حسين والله لا انادي لكم جدي انتو ما تمشي معكم الا العين الحمراء
مطلق و خالد الي قامو على طول وراح مطلق للحمام ( أكرمكم الله ) و خالد الي راح على طول للصاله
مناير : يا جد طالبتك العيال عيو ما يقومون و ما يهزهم الا عصاك من بعيد
الجد ابو رعد : ابشري و ريني اياهم بس
وراح الجد للمجلس يقوم العيال و مناير الي شافت مطلق من بعيد وراحت له
مناير : مطلق متى بنروح
مطلق : ها وين نروح
مناير بصدمه : مانك قلت لي رابعة العيد بتودينا للعزبه
مطلق : يووووه نسيت امي بعد مادري ولا جدتي ولا جدي
مناير : خلاص انا بخلي جدي يعزم الكل للفطور و تقول لهم بس بالأول صل الساعه ٦
مطلق : ابشري
و ما دخلت للصاله الا وتشوف خالد منسدح على الكنب
مناير بصوت عالي : يا جد باقي خالد هنيه
ويقفز خالد من مكانه ويروح للحمام ( أكرمكم الله ) و مناير تضحك وتروح للجد الي طلع من المجلس بعد ما قوم العيال
الجد ابو رعد: الله يصلحكم من عيال
مناير : ياجد بطلبك طلب ثاني
الجد ابو رعد: وشهو
مناير : اعزم جدي ابو حسن و عياله للفطور و متعب و محمد عندنا لكم مفاجئه انا و مطلق
الجد ابو رعد : ابشري كم مناير عندي انا
وراحت مناير تسوي الفطور و ما خلصت الا والكل متجمع في المجلس ومستغربين من طلب الجد لهم كلهم
ابو حسن : وش فيك ياخوي وش فيك عزمتني كلنا
ابو رعد : وش ما يحق لي اشوفنا كلنا في سفره وحده
ابو حسن : الا يحق لك لاكننا مستغربين
ودخل مطلق و خالد بالفطور وحطو الصحون و دخلو البنات من بعدهم يحظرون الاكل وطلعو و مطلق نادا الرجال للفطور واول ما جلسو والفضول ياكلهم وياكلون ويناظرون و ينتظرون الجد ابو رعد يتكلم ولاحظ الجد ابو رعد ان الكل يناظر له وينتظرونه يتكلم و انه محد ياكل زين
ابو رعد : الخبر مو عندي الخبر عند مطلق لا تناظرون لي خلوني اتهنى في لقمتي
مطلق الي تجمد من نظرت الكل له وحب يمزح
مطلق : بتزوج
الكل حرفيا متفاجئ وحتى الجد ابو رعد الي ما كان مهتم بالبدايه لكنه رفع راسه بعد كلمة مطلق وقالو بصوت واحد : هااا
مطلق بورطه : كنت امزح امزح وش فيكم بنطلع للعزبه اليوم و بناخذ لنا كم ليله هناك
رعد وهو يبي ينقذ مطلق من الورطه الي طاح فيها : يوه نسيت ما اقول لكم اليوم ودنا نروح كلنا ونكشت هناك حن والحريم
___ عند مناير ___
مناير فوق الكرسي وهي لابسه نظرات سوداء و في يمينها رغد و يسارها وعد والي كانو لابسين نظارات سوداء وفي يدهم ملاعق كبيره موجهينها لمناير كأنها مكرفون الكل وجه جواله لمناير و وعد و رغد يصورون و ماسكين الضحكه
مناير بصوت عالي : انتباه انتباه اليوم جمعناكم انا و مطلق بمناسبة (مناير بوم شافتهم يرفعون جولاتهم قررت تزوج واحد من خوانها ) زواج اخوي مطلق
الكل ناظر لها بدهشه حتى وعد ورغد
ام مناير : يتزوج ولا يقول لي ولا يقول لابوه
الجده ام رعد: صدق انه قليل الادب ما يعلمنا
مناير : كنت امزح ياجماعه
والكل رما عليها الملاعق و وعد ورغد يضربونه بالملعقة الكبار الي معهم
مناير : طيب خلوني اقول لكم وش نبي
ام مناير : قولي بسرعه
رجعت مناير مثل ماكانت والبست نظاراتها و وعد و رغد رجعو مثل ما كانو و البنات ارفعو جولاتهم وكملو تصوير
مناير : بنروح للعزبه اليوم وبنام ثلاث ليالي هناك
الكل فرح بالفكره
الجده ام رعد : اما انا و الحريم ما نقدر نروح معكم روحو انتو يا بناتي و تروح معكم عمتكم فوزيه و الهنوف و فاطمه و نوف و تهاني و حن الباقين معزومين عند الجيران جمعه
البنات فرحو زياده لان محد من الحريم الكبار بيمنعهم من فرحتهم
تهاني : والله انا ما اقدر بيجيني اليوم زوجي و بنروح لأهله
الجده ام حسن: الله يحفظك يا بنتي
الكل افطر وراح لبيته يجهزون لثلاث ليالي وأما وعد و رغد جابو شنطتهم وقدهي في غرفة مناير
___عند الرجال ____
ابو رعد : والله مانقدر حن لاكن يروح معكم عمكم عبدالرحمن و البنات اما حن معزومين اليله عند الجماعه وانتو روحو واستانسو
سلمان : سعود بيجلس
سعود : وليه بجلس لا انا بروح مع العيال
جاء سلمان بغى يتكلم و قاطعه صوت الجد ابو حسن
ابو حسن : لا سعود بيروح مثل ما يروحون العيال و بس غيره ما فيه
العيال فرحو انهم بيروحون و افطرو وراحو بسرعه لبيتهم يجهزون
___ عند مناير ___
مناير وهي تكلم بالجوال : امانه تعالي معنا بنمرك انا وخواني
ريوف : بسأل امي وانشاءالله توافق
مناير : اعطيني اياها بكلمه انا
ام ريوف : يا هلا و مرحبا بمنايرنا كيفك يا مناير كيف امك
مناير : امي بخير وتسلم عليك لاكن انا ماني بخير
ام ريوف : افا ليه وش فيك
مناير : ترضين يا خاله وفاء اني اروح استانس و ريوف مو معي لا والله امعصي مقدر لازم ريوف
ام ريوف : ابد ولا تضايقين صدرك ريوف كلها عندك
مناير : تسلمين يا قلبي
ام ريوف : ها خلي ريوف تجهز لا تجلسين تزعجينها
مناير بضحكه : ابشري
___ تعريف شخصيات ___
ريوف ( ٢٢ ) صديقة مناير المقربه
ام ريوف وفاء ( ٣٥ )
زوجها عبدالمجيد ( ٣٧ )
___ عند البنات و العيال ____
بعد ما تجهزو وصلو للعصر وتجمعو في بيت الجد ابو رعد و الكل متحمسه للكتشه و ينتظرون مطلق يوزعهم في سيارات
مطلق : يلا اشوف صفو وخلوني اوزعكم
مناير كانت جمب مطلق لف عليها مطلق وضربها في راسها
مطلق :حتى انتي روحي مع البنات
مناير : لا انا اساعدك في التوزيع
ومابين مناير تتناقش مع مطلق ما كانت منتبهه على العيون الي كانت تناظرها كل مره يسمع اسمها او يشوف زولها يفز قلبه كان يناظرها من يوم كانو بالمزرعة الى الان وكان قلبه يفز اول ما يجيبون طاريها
مطلق : خلاص مناير بتساعدني
وبدأ التوزيع
مطلق : في الشاص متعب و سعود و ركبو اغراضكم هناك
انا و مناير و وعد و رغد في سياره
و سعيد و فيصل و خالد و محمد و نواف في سياره
و حسن و حسين و بدور وبدريه و امل وعزيزه في سياره
و عبدالرحمن و الهنوف و فوزيه و فاطمه و نوف في سياره
و ركبو كل بسياراتهم وكل واحد مشى للعزبه الا مطلق و سعود ومتعب
___عند مطلق و مناير ___
وعد : وين حن رايحين
مناير : بناخذ معنا ريوف
رغد : من ريوف
مناير : صديقتي في الجامعه
وعد : وجع وانا عبالي انه ما معك صديقه غيري مالت عليك
مطلق بضحكه : مانك محور الكون
وعد : انت اسكت ولا تنسى وعدك لي
مطلق : ماني ناسي اصلا ذي الطلعه كلها بسبتك
وتذكرت وعد كلامه ( يوم اعتذر مطلق لمناير وكان عباله مناير بعد زعلانه منه كانت وعد تسمعهم من ذاك الوقت )
و استحت وجلست مكانها و مناير و رغد كانو مستغربين من سكوتها ولا اعطوها اهميه وصلو عند بيت ريوف و نزل مطلق يسلم على عبدالمجيد و ريوف ركبت وسلمت على البنات و ركب مطلق و راح للبقالة يجيب الاغرض المهمه
___ متعب و سعود ___
متعب : ودك تقول لي وش فيك
سعود : وش الي ما فيني يا متعب ماكنت متوقع انها تهبل
متعب كان ساكت و يسمع لسعود
سعود : اه بس اشوف زولها ولا اسمع طاريها ولا حتى لما ينادون ابوه بأبو مناير يفز قلبي يا متعب مدري وش فيه لاكنه يوجعني شفتها مره وطار قلبي مو بس من عيونها الي بالبرقع الا كلها
* العنق عنق المها و العين عين ضبي
موت حمر وان نثنت كنها الخيزران
الحكي حكي اعربي و الدم دم اعربي
سحر البيان اشهد انها صدق سحر البيان
ما هوب سحر البراقع و لثم و الجمي *
متعب : يعني حبيتها
سعود بأستهزاء : لا وش حب الحين إعجاب كيف حب من اول نظره من جدك انت
متعب: الي تشوفه
وجلسو طول الطريق ساكتين الى ان وصلو للعزبه و كان واصل قبلهم مطلق
مطلق : وين كنت انت وياه ها
متعب : اقول بس ادع العيال يشلون
مطلق : ثواني ويجونك
و شوي وجت العيال ينزلون الأغراض من الشاص وكل واحد راح يدبر له شغله الي يفرش الخيام و الي يشب النار و الي يلم الحطب و الي يشل الحجر الكبار وكل واحد على شغل وعبدالرحمن راح بالشاص للبقالة يجيب كراتين ماء و مفرحات طلبوها البنات ويرجع و هو مشغل شيله وركب فوق كبوت السياره وجلس يرقص فوقها وهو ملثم و العيا انلمو ( تجمعو ) حول الشاص يرقصون ويغنون بصوت واحد
* ياحمد في حبها يدري الي مادرى
كني مسوي مصيبه يا لله العجب
اوهه لو مهرها الموت بموت ولا
ارجع وراء كم عرب ضحو وانا
واحد من ذا العرب *
وجلسو يرقصون ويغنون الى اذان المغرب ويصلون ويجلسون البنات في الخيمه والعيال برا جمب النار و يسولفون ويلعبون
__ عند البنات ___
تجمعو مع وصول مطلق و البنات و تعرفو مع ريوف وجلسو يسولفون وقرروا يطلعون للجبال الي فوق الخيمه حقتهم واول ماطلعو الجبل الا يسمعون صوت العيال وكان منظر العيال حول الشاص و صوتهم مع بعض و الخيمه جمبهم و النار حولهم وكل واحد ملثم و منظرهم من فوق الجبل كان ياخذ العقل والبنات يصورون الى ان اذن المغرب وانزلو وصلو وخيمتهم كانت جمب شبت النار حقت الرجال و جلسو يسولفون ويلعبون و براد الشاهي الي جمب النار
___ عند العيال ___
بعد اللعب
مطلق بصوت عالي بحيث تسمعه وعد والي ما كان يفرق بينهم غير الخيمه : طيب خلوني اغني لكم
وبدت اصوات العيال وكلامهم : اسلم يا بو رعد
مطلق :
* اسري على ديرتي والليل يسري بي
واخامل و جودش بعرض السماء قمرا
يا بشة الفيد جيتش شوق روفي بي
وش بلتي و المحبه فالحشا جمرا *