خذاني الحب في عينك

البارت الحادي عشر

جلسو الكل رجال يدعون لسعود و نايف و جلسو يتقهون و يسولفون وأذن المغرب وقامو يصلون
عند البنات ___
مناير : بنات والله انه لي نفس بكبسة امس
وعد : ايه والله انها احلى كبسه ذقتها في حياتي
رغد : إلا وعد سعود ما كلمك
وعد : لا ما كلمني وش فيك انتي
رغد : مدري احس فيه شيء
عند الرجال __
جات الساعه ٥ و رجعو الرجال لبيت الجد مطلق في المشب هم و العيال العيال يلعبون مجد و الرجال يسولفون
سلمان : متأكد يا متعب ان سعود راح العسكريه
متعب : ايه متأكد ليه
سلمان : ارب انه ما يرجع ماني ناقص يصير شيء بسبته
الجد سعيد بعصبيه : سلمان كم مره قلت لك قفل السالفه ها
سلمان : ارب بس يا ابوي انه ما يرجع
الجد سعيد : استغفر لا علي الحرام اضربك سمعت
سلمان: استغفرالله
الجد مطلق : والله لا عاد اشوفك تفتح السالفه ذي
سلمان بعصبيه: ايه قومك ان الي مات بسبب سعود مو من عيالك
الجد مطلق : البخ محد مات بسبب سعود هاذي قدرة الله
قام سلمان وهو معصب : ايه قولو كذا لاكن والله لو ان الي مات ولدك ياعم كان قد تبريت من سعود ماتشوف حتى امه رمته علينا
عند البنات ___
مناير : تعالو ننزل بيتنا ويمكن نلقاهم هناك
وعد : ايه والله
اخذو يلبسون عبيهم و شيالهم و براقعهم ونزلو وكانو يضحكون و اول ما وصلو سمعو صراخ سلمان و سمعت وعد و رغد كلامه و رغد حست بألم في صدرها كلما تذكرت امها  و ضيقه من ذكر امها اما وعد الي عصبت من كلام عمها سلمان و دخلت للمشب
وعد بعصبيه صراخ : لا حبيبي من قال لك ان امي رمتنا ومالك خص ولا عاد تدخل لا صرنا عيالك ذاك الوقت تكلم
سلمان بعصبيه : تقولين ذا الكلام لعمك
وعد ارفعت يدها بعصبيه : تخسي تصير عمي انت حتى دور العم ما قمت به
في ذا الوقت رفع سلمان يده يبي يضرب وعد ويمسك مطلق يده ويدفه وراء بحكم ان مطلق أطول و اقوى من سلمان الي كانت كرشته تسبقه و كان قزم و ملامح وجه متجمعه في النص
مطلق بحده : الي يمد يده على بنت مو رجال
سلمان بعصبيه : مالك خص انا عمها
مطلق بحده : وانا سندها بعد اخوها لو انك رجال ما تمد يدك على بنت يا الرخمه ( بمعنى انك مو رجال )
سلمان بعصبيه : انا الرخمه
مطلق بحده: ايه رخمه
مد يده سلمان بيضرب مطلق قام رعد و وقف قدام سلمان
رعد : ما عاش من رفع يده على عيالي
سلمان : توقف قدامي يا رعد انا ولد عمك
رعد : ايه أوقف قدامك دام انك غلطان
سلمان : انا ما اغلط على احد انا اقول الصدق سعود هو الي قتل تركي
رعد بحده مخلوطه بعصبيه : تركي مات و راح عند ربه ولا عاد تفتح السالفه يا سلمان وسعود مله دخل بموت تركي فهمت
طلع سلمان وهو معصب ولقى قدامه رغد وضربها كف وكان مره قوي و في وجهها بعد ما همست له
رغد بهمس : سعود ما قتل تركي انت الي قتلت تركي بأهمالك
طاحت رغد من قوة الكف الي جاها من سلمان و قامو كلهم ركض لها و جاها متعب ورفعها بيدها
رغد بهمس وبصوت باكي : ليش كذا يصير معنا ليش سعود بذات علشان ابوي مات و امي تركتنا ليه حنا وش ذنبنا سعود ماله ذنب بموت تركي سعود بريء اااااه يا بوي وينك رحت عنا
جلست تبكي و متعب كان يسمعها وقلبه متقطع وهو يتذكر سعود وكلام سلمان ورعد و رغد و في راسه اسأله كثيره من هو تركي ذا و سعود متى قتل أخذها سعود و مناير ودخلوها اما وعد اول ماشافت عمها يضرب رغد اخذت حجر كبير ورمته على رأس سلمان ولف عليها سلمان وهو معصب
وعد بصراخ : ماعاش من يمد يده على اختي
وجاها سلمان ركض وهي أول ماشافت مطلق امسكوه و تعبت في ضهره و مطلق مستغرب منها ويوم شاف سلمان مقبل عليه وهو معصب عرف انها سوت شيء ولا كان ما تخبت
سلمان بصراخ : والله لما تتعدلين عدلي اسلوبك و كلامك و شخصيتك المستفزه لا ارنك بكف
طلعت وعد من وراء مطلق وهو تبي تستفز سلمان زياده : اسلوبي مو عاجبك لا تتعامل معي كلامي مو عاجبك لا تكلمني شخصيتي تستفزك تجاهلني تحكم في نفسك حبيبي مو فيني 
وركضت لداخل تشوف رغد و رغد اول مادخلت المجلس جاء متعب يطلع و قامت تصايح و تبكي وتسأل عن سعود و متعب أوجع قلبه و وقف و مناير تحاول تهدي رغد
متعب غمض عينه : سعود... راح للعسكريه
أسمعته وعد وهي توها داخله
وعد : متى راح
متعب : اليوم مع الصباح
وعد : خلاص تمام بس بالله شوف اذا عمي سلمان باقي برا
متعب : لحظه اشوف
وطلع وشاف سلمان راح و كان واضح عليه العصبيه و مطلق يضحك ورجع متعب لوعد
متعب : لا ابشرك راح بس وش انتي مسويه له مطلق ميت ضحك و سلمان معصب
وشوي ويدخل مطلق و واضح عليه انه مات من الضحك
وعد : خير انشاءالله ضحكنا معك
مطلق بضحكه : والله ما عرفت انك كذا ياخي والله انك خبل
وعد : انت شايف ان ذا وقت الضحك
مطلق : وش فيها عادي بس والله انك تفوزين يا بنت حسن
متعب : ياخي قولو لنا وش صار
مطلق قال متعب كل الي صار و مناير و وعد و رغد طلعو لغرفة مناير و جلسو يسولفون شوي و يحشون في سلمان
عند عزيزه وأمل __
عزيزه : امل وش فيك تعبانه
امل : ماني تعبانه بس روحي من عندي
عزيزه : لا ماني متحركه الى ان تقولي لي وش فيك
امل بعصبيه : مافيني شيء يا بنت بس ابي اجلس لحالي اذا هاذا ممكن ولا خلاص ما عاد احد عنده خصوصيه في هاذا البيت حتى غرفتي لاحقيني فيها
عزيزه بابتسامه خفيفه : ابشري حبيبتي بس هديء أعصابك والله ان كل هاذا ما يحتاج عصبيه ارتاحي وانا بشوف البنات وارجع اشوفك
طلعت عزيزه اما امل حست بذنب كبير وماكان ودها ان كل ذا صار وكان ودها تقول لعزيزه وعزيزه تخفف عليها هي تحب عزيزه و تعزها بقلبها بس ماتقدر تكذب الي سمعته  
وجلست تبكي مع نفسها و نواف الي اول ماشاف هوشت الرجال طلع وهو يقول انه ماله دخل فيهم وانه المفروض ما يدخل وطلع وشاف عزيزه وهي تطلع من غرفة امل وهي حاطه الشيله في راسها وصد بعد ما حس انها راحت لف يبي يكمل طريقه واول ماقرب من باب غرفة امل سمع صوتها وهي تبكي وكان واضح انها تبي تكتم بكيتها ودخل بقوه
نواف بخوف : امول حبيبتي وش فيك تبكين
امل رفعت راسه وهي أول ماشافت نواف بكت زياده نواف خاف ما يعرف وش فيها وحاول اه يهديها بس مانجح واول ماخطر على باله عزيزه وقال انه بيروح يناديها وهو رايح شاف قدامه تهاني
تهاني بخوف : نواف وش فيك
نواف : امي تهاني تعالي عند امل مدري وش فيها بس تبكي
نواف مسك يد تهاني وركض بها لغرفة امل و تهاني تركض وراه وهي الخوف ماكلها وخايفه على امل ودموعه جالسه تنزل بالخفيف واول ما وصلو وقف نواف عند الباب واخذ نفس وناظر لتهاني كانت تبكي حتى هي
نواف : امي وش فيك
تهاني : وخر خلني اشوف امل
ودخلت تهاني وأمل اول ما رفعت رأسها كان انفها احمر وخدود مايله على وردي و عيونها حمرا من كثر البكي تهاني جلست حولها وأخذت راس امل لصدرها و هي تهديها امل اول ما أخذت تهاني رأسها ضمت تهاني بقوه وجلست تبكي وتهاني تناظر لها وتمسح على شعرها ودموعها كانت تنزل بالخفيف ومسحت دموعه وجلست تهدي في امل
تهاني : خلاص يا ماما فتره وتعدي الي صار بيصير من الماضي والماضي لازم تنسينه يلا يا امول فتره وتعدي خليك قويه
وكانت تهدي امل بهاذي الكلمات وهي ما تعرف وش في امل وأمل بدت تهدئ اما نواف يوم شاف ان امه تهاني عندها ارتاح وجلس يناظر لهم وجلس يفكر كيف كان يكره تهاني لهدرجه كان يكرهها من اول ما تزوجها ابوه كان يكرها هو و امل لاكن امل حبتها بسرعه و هو حبها من اول ما حبتها امل بي كان يمنعه ظنه انه اذا تعلق في احد بقوه بيموت مثل ما ماتت امه بس كانت تهاني عوض لهم من رب العالمين و طلع برا وسكر الباب و سند عليها و هو يتنهد بقوه مو عارف وش في اخته او من سوا فيها كذا وراح لغرفته ويجلس على السرير وشوي وقام يبي يروح للمطبخ وقبل لا يدخل لقسم الحريم الي كان فيه المطبخ سمع صوت عزيزه و الظاهر انها كانت تتهاوش مع امها
حصه : لازم تطلعين قدام نواف علشان تتزوجينه
عزيزه : اسفه يا امي بس لا يعني لا مارح اطلع قدامه وش انا رخيصه وقد قلت لك اكثر من مره انا ما اجلس مع امل علشان الي تفكرين فيه هاذا انا احب امل واجلس معها لانها تعجبني بهدوئها و خبالها بعض الأحيان ودائما توقف جمبي
حصه عصبت و مسكت شعر عزيزه : اسمعي يا بنت انتي بتجلسين مع امل الحين والبسي احلى فساتينك و بتروحين عند امل وبخلي نواف يروح عندكم ويشوفك و انتي سوي نفسك مستحيه سمعتي ولا لا
عزيزه بكاء ورجاء : مابي يمه مابي ليه اسوي كذا مارح اسويه
حصه : يلعن ابوك انتي ما تشوفين البيت بدو البنات يتجمعون فيها بتاخذ وحده من البنات نواف منك
عزيزه بعصبيه : يا أمي أنا ما أبغاه ولو يبيني يخطبني
حصه بشهقه: هيييي تصارخين في وجهي اه يا العاقه هاذي أخرت تربيتي فيك
عزيزه : امي انا قاعده احافظ على شرفي وسمعتي ليه وش الي بيخليني اروح عند نواف
حصه بعصبيه : فلوسه شوفي ابوه والفلوس وهو وشغله خذي انا انا قاعده أمن لك مستقبلك
عزيزه : امي اذا باخذه ما باخذه علشان فلوسه باخذه علشاني احبه لاكن الحين انا ما فيني ولول قطرت حب له بالعكس اعتبره اخوي من بعد سعيد
حصه : اقول بس انقلعي حسابك عندي بعدي وروحي للبنات
عزيزه كانت بتطلع بس وقفها صوت نواف
نواف : ياولد طريق
عزيزه : وش تبي يا نواف بعطيك اياه البنات موجودين عندنا
نواف : اعطيني بالله كوب ماء و تفاح
عزيزه : ابشر بس شوي
عند مناير __
جلسو البنات في غرفة مناير وجلسو يسولفون وشوي ويجي مناير اتصال
وعد : من
مناير : بدريه
رغد : شوفي وش تبي
ردت مناير
مناير : هلا بدريه
بدريه : وينك بتجون
مناير : ايه ايه جايين
واخذو البنات شيالهم و براقعهم و عبايتهم وطلعو فوق عند بيت الجد سعيد واول ماوصلو دخلو في قسم الحريم وجلسو مع بدور وبدريه يسولفون
وعد : بدور وين راحو البنات
بدور : والله مدري لهم نص ساعه و ما تجرئت انا و بدريه نسأل عنهم
وعد : غريبه منهم مناير قومي معي وخذي معك شيلتك و برقعك علشان لادخلو العيال
مناير : يلا
دخلو البنات وكانو رايحين للمطبخ و سمعو كلام حصه و عزيزه و شافو عزيزه و هي تعطي نواف الي يبي
وعد : احليلها عزيزه
مناير : ايه والله
عند امل __
قالت امل لتهاني السالفه و ايش هي تحس فيه
تهاني : خلاص خلاص يا ماما خليهم علي اشوف يلا غسلي وجهك وتعالي
قامت امل وغسلت وجهها و طلعت هي وتهاني لقسم النساء وتهاني تحاول تضحك امل بشوي من طفولتها و نجحت وضحكت امل و هم في طريقهم شافو نواف و هو ياخذ التفاح و الماء من وحده من البنات وكانت عزيزه راحت امل بسرعه وهي تدعي ربي انها مو عزيزه وكانت تمشي بخطوات سريعه وشافت نواف وهو يضحك وفي يده كوب الماء و التفاح
نواف : امل كيفك
امل بابتسامه مزيفه : بخير يلا عندي شغل و بجيك بعدين تعرف عندي بنات ولازم اجلس معهم
وراحت بسرعه ودخلت وشافت عزيزه وهي تسولف مع مناير و وعد وكان واضح عليها احد ضربها
عزيزه : سمعتو الي صار صح
مناير : ايه
عزيزه : بتعلمون امل
وعد : عادي لو عرفت امل انتي ما سويتي شيء وأمل ما بتسوي فيك شيء
امل : سلام بنات تعرفون وش كان يسوي نواف هنا
مناير : ايه طلب ماء و تفاح ليه
امل : هو دخل
وعد : لا ما دخل أعطته عزيزه ولو تشوفين كيف أعطته تقولين مريضه 
امل باستغراب : ليه كيف أعطته
مناير : تعالو عند البنات و نقول كل شيء هناك خلو حتى البنات يسمعون السالفه
امل : يلا
تهاني جت من وراء امل و مسكتها
تهاني بهمس : خليك هاديه و طبيعيه و خاي الباقي علي حبيبتي انتي استانسي
امل : ابشري
رحو البنات عند البلكونه مع البنات
وعد : بنات لازم اقول لكم وش صار  
بدور : وش صار
وعد : تخيلو جاء نواف و قال يبي ماء و تفاح وراحت عزيزه تجيب له
رغد : طيب عادي
وعد : خليني اخلص كلامي تدرون كيف اعطتها اخذت لها ملعقه كبير وحطت كوب الماء بالأرض وجلست تدفه بالملعقة و اخذت التفاح وقالت له تجهز ترا برمي التفاح و الولد عل باله انها تمزح بس بنتنا ما تعرف المزح رمت التفاح على وجهه كل هاذا بس علشان ما عاد فيها من لبس عبايه وتغطي يدينها
لكل ضحك حتى امل وهي الآن عرفت ليش نواف كان يضحك رغم انها باقي منزعجه من عزيزه قامت مناير وهي ملاحظه تغير امل
مناير : امل ممكن اكلمك برا دقايق
امل : اكيد حبيبتي وش
اول ما طلعو ناظرت مناير في امل
مناير : امل وش فيك متغيره
امل بابتسامه: ليش ماتقولين تعبانه 
مناير : لان وجهش ما يقول انك تعبانه وجهش يقول انش تحسين بغدر قولي لي يمكن اقدر اساعدك
امل بتنهيده : يعني واضح
مناير : ايه واضح
امل قالت كل شيء لمناير و مناير مصدومه
مناير : طيب انتي سمعتي كل شيء قالوه
امل : لا رحت بسرعه
مناير : ها ودك تسمعين باقي كلامهم مني
امل : ما يحتاج
مناير : لا حبيبتي يحتاج ولازم اقول لك وش سوت حصه في عزيزه في المطبخ
امل : وش سوت
قالت مناير كل شيء لامل
مناير : وترا نواف اخوك كان يسمع كل شيء انا شفت ضله بس ما عرفته الا لما سمعت صوته
امل : في ذمتك انك صادقه
مناير : ايه والله واسألي نواف
امل : لا لا انا مصدقتك بس ماني متخيله
مناير : الحين روحي اعتذري من عزيزه و قولي لتهاني
امل : ايه والله
وقامت امل واول ما وصلت عند الباب رجعت عند مناير وهي تضمها
امل : مره مره شكرا مناير ايش كنت رح اسوي من دونك ها قولي والله اني كنت راح اكون ضايعه من دونك
مناير بادلتها الضم : ولو ما بينا
راحت امل ركض لعزيزه وشافتها قدامه ويضمها ضمه قوبه وعزيزه بادلتها
عزيزه : امول وش فيك
امل : اشتقت لك وانا مره اسفه على أخلاقي في الفتره الاخيره
عزيزه : لا عادي
راحت امل تقول لتهاني و تهاني مره فرحة و راحت امل لغرفة نواف
نواف : ماشاءالله ولا كأنك الطفله الي كانت تبكي قبل شوي وش الي غيرك
امل : حبيبي انا معي صديقه تسوى الكون والي فيه
نواف : ماشاءالله من ذي الصديقه
امل بتكبر : عزيزه بنت سلمان ابن سعيد
نواف بضحكه : والنعم
امل : النعم فيك طالبتك ياخوي
نواف بضحكه : وش
امل : ادعي ربي يديم صداقتي انا و عزيزه
نواف : يلا ارفعي يدك وادعي معي
امل غمضت عيونها وارفعت يدها و نواف مثلها
نواف : يا رب اذا كان في عزيزه خير لاختي فأدم صداقتهم واذا كان فيها شر
ماكمل كلامه الا و امل تقاطعه
امل : لا تقول اذا فيها شر ما يخليها معي
نواف بضحكه: طيب خليني اخلص
امل : المهم قلت لك يا الغيور تغار مني علشان معي صديقه وانت لا
نواف : من قال لك انه ما معي اخويا
امل : والله من هو خويك
نواف : هو مو واحد مثلك هم ثنين
امل : يع اسواء شيء الصداقه الثلاثيه
نواف : بالعكس الصداقه الثلاثيه حلوه مع الناس الصح
امل : ايه ومن هم
نواف : نياف و سعيد لكن مع الأسف نياف الخاين راح للعسكريه ولا ودعنا
امل : احسن تستاهل مع هاذا ماتصير مثل صداقتي انا و عزيزه
نواف : اقول بس شكلي بروح وخلي الدعاء لك لحالك
امل مسكت يده : وين رايح
نواف : بروح مع سعيد في السطح وانتي خليك هنيه
امل : امزح ياخوي كمل كمل الدعاء  
نواف : مالي دخل بعيد الدعاء
امل : يلا بسرعه أنجز لا انت ولا دعائك
نواف : البخي بس وسوي مثلي
سوت امل مثله وهي ماسكه الضحكه على أشكالهم وتجي عزيزه من وراهم بشيلتها و برقعها وتناظر لهم
نواف : يا رب اذا كان في عزيزه خير لاختي فأدم صداقتهم واذا كان فيها شر فحط فيها خير وادم صداقتها على اختي يااا رب
امل : يااااااااااارب
عزيزه : يمه عبالي تدعون علي
امل : عزيزه وش تسوين
عزيزه : مدري عنك ضميتيني ورحتي فجئه قلت اشوف وش عندك
امل : هيا هيا البنات ينتظرون لنا
عزيزه بضحكه : يلا يلا
نواف : الله يخليهم لبعض
كانت امل و عزيزه يمشون وكانت امل تسولف وهي متحمسه مره في السوالف
عزيزه بضحكه : امل وش فيك تراك لاحقه علي وعلى السوالف وش فيك
امل : وش بتحرميني من صديقتي
عزيزه : لا لا كملي
امل : ايه عبالي الا عندي لك فكره
عزيزه : اسلمي وش عندك
امل : وش رايك ناخذ خرطوم المويه الي في السطح و نصب فوق البنات الي فالبلكونه
عزيزه : قدام
طلعو عزيزه و امل للبلكون واخذو الخرطوم وهم لابسين بس عبايات و شيلات على روسهم و اخذو الخرطوم وحطوه فوق البلكونه وراحت امل تشغل المويه و عزيزه تمسك الخرطوم واول ما فتحت امل المويه اندفعت المويه بقوه وضربة المويه في الجدار ورجعت عزيزه بقوه لوراء
عند نواف __
راح نواف ينادي سعيد و طلعو للسطح واول ماوصلو صقعت عزيزه بصدر نواف بقوه و طارت المويه بوجهها وهي تحاول توقفها و نواف يحاول يمشك يدها يبيها تفك الخرطوم علشان مايجيهم شيء بس ماقدر من المويه الي تضرب في وجهه و هو يصيح على امل تسكر الماء وأمل ما عرفت تسكره وكان مؤه قوي
امل : عيا ما يتسكر قوي
راح سعيد لعندها وسكر المويه و نواف و عزيزه كلهم مويه وصار صمت وشوي ويسمعون ضحك عزيزه و شوي ويضحكون كلهم
نواف : يلا بس انتو الثنتين اشوف مين الي جابت الفكره وكانت عزيزه و امل جالسين بالأرض و روسهم في الارض و يعنني ندمانين وهم ميتين ضحك عل الصامت و عزيزه تناظر لامل و امل تأشر لها وتموت ضحك زياده
نواف يلا حسابكم معي بعدين
سعيد : حسابك حبيبي مع اختك اما اختي خلها
وعلى طول نطة عزيزه تحب فوق رأسه وتجي وراه ونواف وسعيد يتكلمون و عزيزه اطلعت من وراء سعيد وهي تأشر لامل يهربون وصدق قامت امل و وجت من ورا سعيد و نزلت هي و عزيزه مع الدرج وشوي ويوقفون على صوت نواف
نواف : بنت ارجعي
وعلى طول قامو يركضون بأسرع ما عندهم و نزلو بسرعه وراحو للباب السطح و سعيد و نواف وراهم يصايحون وعلى طول سكرو باب السطح على العيال ونزلو الشيله من وجيههم وهم ميتين ضحك
( طبعا هم لابسين الشيله و كأنهم متلثمين )                       
و راحو عند البنات وهم ميتين ضحك وقالولهم السالفه والبنات كلهم ميتين ضحك اما سعيد ونواف نزلو للعيال يوم اذن العشاء و صلوو تعشو و راحو يتجمعون في جلست متعب وكانو شابين النار و يتقهون ومع جلست العيال حول النار و براد الشاهي الي على النار و على صوت فيصل و مشاركة العيال 
الليل الموجعه كلها جتني سوا
سود الله وجه من كان في الفرقا عميل
ليت عيني ما لمحت ليت قلبي ما هوا
وليت مالي في البشر لا حبيب ولا خليل
عند البنات ___
بعد صلاة العشاء و العشى راحو للبلكون يسولفون ويتقهوون للساعه ١٠
مناير : بنات انا راجعه البيت
وعد : لا امانه نامي معنا
مناير : لا والله خلاص طول اليوم ماشفت وجهه اهلي
رغد : ايه والله انك صادقه وبالله اذا شفتي متعب اسأليه كيف أحوال سعود اكيد سعود يكلمه
مناير : انشاءالله يلا مع السلامه
اخذت مناير عبايتها وشيلتها و برقعه وجت نزلت وهي نازله كانت تسمع اصوات العيال وحست انه في صوت ناقص لهم وتذكرت سعود حست انه له فقده بين العيال و كملت طريقها للبيت وهي تفكر في سعود وخلصت من جدتها و جدها وطلعت لغرفتها
مناير : يوه مناير وش فيك ص تي تفكرين فيه تراه ما درى عن هوى دارك اقول بس نامي
وما قدرت مناير تفكر الا بسعود الى ان نامت

اسفه على التأخير لاكنه والله بسبب ضعف النت