قامو البنات مع اذان الظهر وهاذا ما كان من عاداتهم وقامو وصلو الضهر و الفجر وسوو الفطور وارسلو فطور العيال لهم وكانو هاديين الى ان دخلت مناير و ريوف و وعد و رغد عليهم مناير : بناات جاهزين للي خططناه امس امل : انا صراحه متحمسه مره عزيزه : وانا بعد وعد : اقول بس ما احد متحمس مثلي الهنوف : انا جاهزه وش رايكم نسويها الحين مناير : لا وين خلاص حن اتفقنا مع العصر واصلا الحين شمس وعد : ايه والله ،( رفعت يدينها بالسماء و تدور على نفسها) ياربي متى بنروح كانو البنات متحمسين للخطه الي سوها امس وكل وحده طايره من الفرح وتبي العصر يجي بسرعه وراحت الهنوف تسوي الغداء علشان تمشي الوقت وهي كانت أكبر داعم للخطه اما العمه فاطمه اظطرة ترجع للبيت ورجعها فيصل وجاب معه حمضيات للغداء والبنات يجهزون الأغراض الي بياخذونها معهم وكل وحده متحمسه اكثر من الثانيه وعد : بنات بجيب ذي الكراتين مناير : لأيش ذي وعد : مدري بس ابيها معي مناير : براحتك كانو البنات مخططين يروحون يتمشون في العزبه من دون علم الرجال ويرجعون وكانو متحمسين عند الهنوف __ كانت لابسه عباية فوزيه وحاطه شماغ سعود في وجها وملثمه علشان إذا جاء احد الرجال ومعظم شعرها طالع من تحت الشماغ ولابسه نظرات شمسيه وكانت تغني وترقص وهي تطبخ و ودها يجي العصر علشان يسوون خطتهم وشوي ويدخل عبدالرحمن المطبخ و يشوف الهنوف وكان على باله انها اخته فوزيه ودخل و فجئه بدت الهنوف تغني وترقص الهنوف وهي ترقص وتغني : وابغى انسى الي حصل وانا اليوم بستانس ايه ايه و بونسكم ايه ايه دق الرقبه هز الخصر و خلونا نرقص ونغني للفجر شاقني شاقني وكانت تتخبل وترقص و عبدالرحمن يوم عرف انها مو فوزيه طلع و هو يكتم ضحكته ويستغفر ربه وخلصت الهنوف الغداء وكان عبدالرحمن كلما اكل جلس يضحك ويتذكر شكلها و هي ترقص و تغني والعيال يناظرون له بأستغراب وخلصو الغداء و اخذو الرجال قيلوله و البنات الا فوزيه و رغد جلسو يغنون ويرقصون و يغسلون المواعين واخيرا اذان العصر صلو البنات و صلو العيال و كانو ينتظرون الشاهي يخلص و الي بيجلس من البنات في الخيمه بدريه و فوزيه و عزيزه بيجلسون يغطون على البنات الي بيروحون و اول ما خلصو صلاه خلو جولاتهم لأنهم يبون طلعه من دون جوالات وطلعو فوق الجبل و تمشو و راحو مكان شويه بعيد من الخيم ولا واضحه خيمتهم واجلسو في مكان ياكلون المفرحات الي معهم و مستانسين وقامت مناير مناير : يلا يا بنات الساعه ٥ خلونا نرجع و يوم قامو ولفو أغراضهم جلسو يناظرون للطريق وينتظرون مناير تقودهم و البنات متورطين وناسين الطريق و مناير مثلهم وعد : من وين نروح مناير قررت تمشي سيده ( قدام ) ومشت والبنات وراها وبدت الغيوم تغطي على الشمس وعد : مناير ما تعلمني شيء من جدتي انا اعرف ان الأولين كانو يناظرون للسماء و يحددون طريقهم مناير : دام انك تعرفين ذي المعلومه ليه ما تعرفين من وين الطريق وعد : خلاص انسي وبدت الغيوم تتجمع وصوت البرق يطلع وكان واضح انها بتمطر و امطرت والبنات فرحانين ونسو كل شيء وجلسو يلعبون تحت المطر و وعد اخذت الكرتون الي معها وحطته فوق رأسه وجالسه تدور ويضحكون البنات كلما تطيح الى ان اشتد المطر وشافت امل مكان يحتمون في امل : بنات خلونا نروح هناك نحتمي من المطر امل اسبقت البنات و البنات كانو يلحقونها و ما اوصلت الا وتشوف سياره موقفه في نفس المكان وقربت ولقت رجال جالس يصلي وخلص من صلاته ولف وشاف امل وقام وهو يتعوذ من الشيطان امل يوم شافته يتعوذ من الشيطان امل : تراني انس مثلي مثلك نايف : اسف اختي لاكني خفت امل : لا مو مشكله وشوي ويجون البنات وكل وحده لازقه في الثانيه و ماصدقت يوصلون وريوف اول ماشافت الرجال عرفته كيف ما تعرفه وهو كان حب طفولتها ريوف: نايف لف نايف على الصوت ويوم شاف ريوف عرفها نايف : ريوف وش تسوين هنا ريوف : قصه طويله الا انت وش تسوي هنا نايف : كنت اصلي العصر والله ورايح الحين مناير : من ذا يا ريوف ريوف : اوه اسفه هاذا ولد خالتي تعريف شخصيات _____ نايف ( ٢١ ) امه متوفيه وابوه متوفي وعاش هو عند خالته ام ريوف و بعد ما دخل عمر ١٨ قرر يروح للدمام ويدرس هناك و يشتغل وراح وكان يزور بين فتره وفتره عمه عبدالله ( ابو امل ) ويشتغل عسكري _______نرجع عند البنات مناير : طيب قولي له ان حن ضايعين وخليه يساعدنا ريوف : يوه نسيت ، اسمع يا نايف نايف : لبيه ريوف : لبيت حاج ابد والله حن ضايعين وعزبتنا قريبه من هنا و ما معنا جوالات بالله اعطنا جوالك ندق على العيال نايف : ابد ابشري وطلع جواله من مخبأه واعطاه ريوف ريوف : في احد حافظ رقم واحد من العيال امل : ايه هاتي انا حافظه رقم نواف اخوي وأخذت امل الجوال ودقت على نواف ولقت رقمه مخزن عند نايف ولفت الجوال عليهم امل : بنات رقم نواف مخزن عنده ريوف بفهاوه : طيب امل لفت على نايف امل : لو سمحت انت تعرف واحد اسمه نواف بن عبدالله امل اسألته خوف انها تدق على ذا الرقم ويطلع واحد ثاني نايف : ايه المهندس صح امل : ايه الله يعطيك العافيه تعرف عزبة ال مطلق نايف : اعرفهم لاكن والله ما قد جيت عزبتهم ليه امل : خلاص ولا شيء امل دقت على نواف ورد بعد دقايق نواف : هلا والله بنايف امل : هلابك يا خوي نواف استوعب الصوت وعرف انه صوت امل امل نواف : امل وينك وش جاب جوال نايف معك امل : سالفه طويله ياخوي اسمع ارسل على ذا الرقم لوكيشن العزبه نواف بحده : ابشري بس قولي لي انك مو لحالك امل : ارتح مو لحالي اسمع روح عند مطلق وخله يسأل فوزيه عن مناير وفوزيه بتقول لكم كل شيء نواف ماكان يبي يظلم امل او يشك فيها وعلشان كذا سكت وراح عند مطلق يخليه يسأل عن اذا البنات موجودين او لا وعرفوا ان البنات راحو يتمشون وضاعو و دق نواف على نايف نواف : نايف بالله ارسل موقعك علشان نجي ناخذ البنات نايف : ابشر ارسل نايف اللوكيشن و جوه العيال طيارن وكانو فيصل و متعب وما بين البنات كانو ينتظرون العيال وخايفين من صوت الرعد نسو عن مناير الي كانت طول وقتها تحت المطر وتلعب في المطر واول ما جو العيال اركبو البنات في السياره و نسو مناير وراحو و كانو البنات يشربون كوب حليب و يسولفون و متلحفين و كانو ناسين تمام عن مناير و بدا الجو يغيم عند مناير __ مناير الي اول ماشافت السياره تروح جلست تلحقها وتنادي بصوت عالي ويوم شافت السياره كل مالها تبعد كانت خايفه تضيع و ضيعت المكان الي كانت فيه وجلست تحت المطر بردانه وكانت دموعها تنزل مع المطر وكل مره تضرب نفسها و تصيح عند العيال ___ بعد ما ارجعو غيرو ملابسهم من المطر وكان نايف معهم ويسولفون وصلو للمغرب وكان مطلق مو مرتاح وكل مره يسأل العيال اذا كل البنات ارجعو وكانو العيال يردون بأيه واول ما بدأ الجو يغيم قام مطلق و الخوف ما كله مطلق بخوف : عيال متأكدين ان البنات كلهم جو فيصل : ايه ياخوي وش فيك وو... عند البنات ___ وعد كانت بردانه وتدفي نفسها زين واعطتها فوزيه كوب حليب كرك وتذكرت مناير الي كانت تحب حليب الكرك ولفت تدور مناير ولا لقتها وقامت بسرعه والبست عبايتها وشيلتها و برقعها وجلست تدور مناير كانت تضن انها وراء الخيمه لان مناير تحب المطر لاكن ما لقتها وقامت تتذكر اذا مناير اركبت معهم السياره ولا لا و جلست تتذكر واول ما تذكرت بكت و ركضت عند العيال والعيال كانو يسولفون ويلعبون وفي لحظة سؤال مطلق ان اذا البنات كلهم جو او لا فيصل : ايه ياخوي وش فيك و شوي وتدخل عليهم وعد وهي تبكي وعلى طول قفز مطلق ومسك يدينها من دون مايحس و يهزها مطلق : وش فيه تكلمي وعد بكاء وهي تمسك يد مطلق : الحق الحق يا مطلق مناير مو موجوده ما جت معنا ما ركبت نسيناها مطلق الي كان يحس جاه كف في وجهه من قوة الخبر وقام يركض للشاص ويدور مناير و سعود الي مسك اخته ودخلها سعود بصوت عالي وخوف : رغد رغد رغد جت مسرعه وهي تشوف وعد بين يدين سعود رغد : وش فيه وسعود أعطى وعد لرغد و وعد تصيح والبنات يودونها يبون يعرفون السالفه وشوي وتتكلم وعد وهي تضرب نفسها وعد بصوت يقطع القلب : مناير مناير ما ركبت معنا نسينا مناير كله بسببي ما فقدتها الا الحين ااااه والبنات كلهم يوم سمعو اسم مناير وأنهم نسوها قامو يصيحون ويبكون عند العيال ___ خالد و صقر و حسن وحسين الي كانت ردت فعلهم مو اقل من ردة فعل مطلق و كلهم اركبو بسياره وراحو يدورون مناير و سعود و متعب ركبو كامري وراحو يدورون و نايف و نواف و فيصل في سيارة نواف و سعيد و عبدالرحمن و محمد اخذو سياره وراحو يدورون عند مطلق الي راح عند المكان الي كانو فيه البنات ويصيح بصوته بأسم مناير وصراخ صراخ و كان خايف يفقد مناير و راح يدور في الأماكن القريبه و كانو العيال يدورون وهم خايفين و البنات منهارين ويلومون نفسهم مطلق كان يدور مناير مثل المجنون ويركض من مكان لمكان و الخوف مقطع قلبه و دموعه ما تخليه يشوف الطريق زين وكل مره يفكر انها خلاص ماتت يزيد صراخه و الخوف ماكله وهو يمشي طاح فوق شيء ولف وجهه يبي يشوفها يلاقيها مناير الي كانت ميته برده وكل خليه بجسمها تهتز مطلق الي يوم شاف حالتها رفع وهو يناديها مطلق بصوت مهزوز و تعب وخوف و بكاء : مناير وانا اخوك قومي فديتك قومي اني طالبك تقومين وكان يبكي مع كل كلمه وشلها على ضهره وركض فيها للسياره ويركبها السياره ويحرك بسرعه ويطلع جواله ويده تهتز ويدق على خالد مطلق : خالد ابشرك لقيتها والان ترجع للخيمه و تشل أغراضها و تعال عند بيت جدتي خالد رجع للخيمه و طلب من البنات يجيبون أغراض مناير ودق على العيال يقول لهم انهم لقوها و رجعو العيال والكل شل أغراضه و تقسمو في سيارات و رجعو بيوتهم وكل وحده تحمل نفسها انها هي السبب في الي صار في مناير و رجعو لبيوتهم و مناير رجعت لبيتها عند سعود و نايف __ وعد : طالبتك يا سعود نزلنا عند مناير سعود : يا بنت الحلال البنت تعبانه وش تبين منها ريوف : انا بعد اذنكم بنزل عند مناير نايف : ابشري وعد : سعود وانا بنزل مع ريوف رغد : وانا بعد نايف : خلاص يا رجال خلوهم يشوفونها واضح انهم دائما مع بعض سعود بتنهيده : يلا البنات فرحو ونزلو بسرعه عند بيت الجده ام رعد ناديه الجده ناديه : ياهلا والله وش فيكم كذا وعد : كيفك ياجده ناديه و كيف مناير الجده ناديه : مناير بخير وانا بخير ومناير فوق في غرفتها سلمو البنات عليها بسرعه وطلعو ركض عند مناير عند مناير __ مطلق الي اول ما وصل البيت شل مناير وركض بها بسرعه لغرفته و خالد و صقر و حسن و حسين وراه ام مناير : وش فيكم خالد : مناير تعبانه جاها شوية برد وطلع خالد بسرعه اما ام مناير ما خافت واجد لانها تعرف ان مناير مو لحالها وان عندها اخوان لاكنها فضلت تلحقهم مناير : والله مافيني شيء مطلق وهو يحطها على السرير : مو الحين نتكلم بعدين انتي اسكتي مطلق ناظر في حسن وحسين : روحو سوو لها عصير برتقال وراحو ركض للمطبخ يسون عصير برتقال مناير : يا رجال ماله داعي مطلق : ما ودك تسكتين _ وناظر لصقر _ وانت رح جيب ماء و منشفه نحطها فوق راسها ويجون حسن وحسين بالعصير وراح صقر ركض وهو نازل يصدم في ريوف و البنات الي كانو يطلعون ركض وكانت بتطيح ريوف و مسكها صقر ورفعاها واعتذر منها ونزل بسرعه والبنات متفاجئين منه وانه ليش كذا مسرع وطلعو يشوفون مناير الي مطلق يدلك رأسها و خالد الي جايب لها كروسان وشوية مفرحات من برا و حسين الي يشربها عصير برتقال و حسن الي يدفيها بالبطانية و ام مناير ماسكه القرآن تقرأ عليها و شوي ويجي صقر ويجلس في الارض و تمدح مناير والعيال كلهم فوق راسها و مطلق وصقر يحطون فوقها المنشفه ام مناير : وشهو له ذا مطلق : مدري اشوفهم كذا في الأفلام ام مناير : ياغبي البنت فيها برد مو حراره مطلق : وش الفرق ام مناير : الفرق يا طويل العمر انه اذا فيها برد تعطونها شيء حار علشان تدفئ و اذا فيها حراره تعطونها شيء بارد فهمت مطلق : اها طيب الحين اعطيك شاهي وعد : لا اعطها حليب كرك هي تحبه مناير : وش فيكم تحسسوني اني قدني بموت ترا بس برد مطلق : اسكتي انتي الثانيه و مناير حبيبتي ما يصلح كذا ام مناير : اطلع اطلع نفداك الجده ناديه جتهم: خلو البنت واطلعو برا ما فيها الا برد وشهو له انتو مكبرين السالفه مطلق : طالبك ياجده انا واخواني نبي انام عندها الليله الجده ناديه: طيب بينا وبين وقت النوم خير يلا اشوف انزلو وكل واحد يناظر لمناير ويأشر على جواله يعني اذا تبين شيء دقي و اذان العشاء وصلو وبعد الصلاه خالد نزل للسياره وراح للبقالة يشتري لمناير الأغراض الي تحبها و مطلق بعد ركب سيارته و راح أقرب ستاربكس يشتري لمناير القهوه الي تحبها و صقر راح يشتري لها العاب تسلي نفسها و حسن وحسين راحو يشترون لها دونات و عصيرات و البنات اول ماشافو العيال يطلعون راحو عند مناير امل : غبيه انتي تجلسين تحت المطر مناير : جلست الحقكم واشر لكم بس محد شافني عزيزه : ياعمري عليك يا مناير بدور : يمه لو اني مكانك كان قد مت خوف بدريه : ايه والله مناير : بنات ترا اخواني بيرجعون الهنوف : مو توهم طلعو مناير : الا بس اكيد انهم بيرجعون فوزيه : ايه عاد هم بيجلسون يدقون عليك ويزعجونك اتذكر مره طحت انا من فوق الدرج والتوت رجلي ( أكرمكم الله ) وفجرو جوالي مكالمات و اذا شافوني نازله كلهم ينلمون علي و يهاوشوني ويخلوني اجلس في غرفتي وكل واحد يدخل علي بشيء ولا يلعب معي علشان ما ازهق عزيزه : ياعمري مناير : المهم خلو عبيكم عليكم و شيالكم و براقعكم علشان إذا بيدخلون و شوي ويدق الباب بدريه : مين ؟؟ حسين : ا.انا حس..حسين حسن : وحسن وتغطو البنات حسين : عمتي فوزيه هنا فوزيه : ايوه هنا وش بغيت حسين : افتحي الباب بالله وتقوم فوزيه وتفتح الباب ويدخل حسن و حسين بثلاجة متوسطة الحجم والبنات يناظرون ويطلعون يجيبون الدونات و العصيرات فواكه من كل نوع وكل وحده من البنات يناظرون ويتقدم حسين من مناير ويحب فوق راسها حسين : جعله اخر الاوجاع وهاذي هديه لك مني ومن حسن حسن : الحمدلله على سلامتك ودقي علينا اذا تبغين شيء أو اطلبي البنات ولا تقومين واتوجه حسين للثلاجة ويعطي مناير عصير مانجو ( الصراحه احنا ما انسميه مانجو نسميه منقه لا تسألوني ليه ) بارد و طلع هو وحسين ويطلع مطلق الي كان جايب معه علب قهوه كبار جاهزه من ستاربكس ويدق الباب ويدخل ويناظر في مناير الي تشرب العصير مطلق بضحكه : شكل حسن و حسين سبقوني ها مناير : ايه مطلق : هاذي القهوه حقتك و انتبهي لا تشربه الي في يسارك وكان في يسار مناير وعد وعد : ودي ارد عليك بس خايفه تصارخ علي مثل ما صارخت في الخيمه يوم مالقيت مناير و المفروض تشكرني لولاي كان مادريت عن شيء مطلق بضحكه: ايه والله انك صادقه و خلاص اشربي معها من القهوه وعد : اصلا سمحت لي ولا ماسمحت لي اول من يخلص القهوه انا مطلق تقدم من مناير وهو يضحك : هاذي ما يوقفها شيء مناير : شفت وحب مطلق مناير فوق راسها وطلع وشوي و يدق الباب صقر ويدخل والابتسامه شاقه وجهه و هو يشوف مناير تشرب وتسولف صقر : ها اشوفك مستانسه مناير : وش جايب ويطلع صقر من الكيس العاب بلاستيشن و غامبول و العاب كثيره و ويحب فوق راسها ويطلع وعد : من باقي ما جاء وشكلهم ماخلو شيء تحبه الا وجابوه وجلسو البنات يضحكون وشوي ويدق الباب خالد و يدخل ويكون في يده أكياس من البقاله و ما خلا شيء الا وجابه ويوم شاف البنات خالد : كملو سوالف انسو اني موجود وجلس يطلع الجلكسيات و يحطها بالثلاجة و يدخل البطاطسات بالطاوله و العصيرات الغازيه في الثلاجه ويطلع يجيب كرتون الاندومي والبنات يراقبون كيف يرتب الأغراض لمناير و يجيب كرتون الاندومي و يحطه داخل دولاب ملابسها و يجيب كيس كان في اشوي اكلات كوريه وكانت مناير تحب اي شيء يتعلق بالكورييين واول ما شافته فرحت وشافته وهو يخشه مع كرتون الاندومي ولاحظت ان الي في الكرتون مو بس اندومي كان جايب جميع انواع الاندومي وكان جايب عصيرات غازيه كبيره وكان نصها كوري واخذ له عصير كوري وطلع وجلس عشر دقايق الا وهو راجع وكان في يده صحن نودلز مع كيميتشي و العصير الي اخذه حطه بك ب وجاب لها كيسة اعواد وحط كيسة الاعواد بالطاوله و نودلز و العصير حطه بحضنها وحب فوق راسها خالد : لا ودش بشيء قولي لي ولا دقي وتراني حاضر مناير : والله ما تقصر ياخوي واول ما طلع قامو البنات يصيحون و يناظرون لمناير وعد : لو دريت كل هاذا بيجي منهم كان جلست اخليك كل يوم تتعبين امل : والله لو انها انا كان نواف ما سوا لي كل هاذا بدور : والله حضك يا مناير بأخوانك ذولا بدريه : ياعمري يا خالد يوم شافنا اختبص ما كان يدري انه في احد عزيزه : ولا صقر يوم دخل وبيده الألعاب و التلفزيون وشوي ويدق الباب و تقوم فوزيه وتفتح الباب وتلاقيه عبدالرحمن فوزيه : عبدالرحمن وش جابك وناظرت للي جابه عبد الرحمن كان جايب المطعم الي تحبه مناير فوزيه : بنات تغطو وتغطي البنات والكل يناظر يبون يعرفون من ذا ويدخل عبدالرحمن وبيده مطعم من البيك وحطاها قدام مناير و حب فوق راسها عبدالرحمن: فيني و لايك يا شمعة البيت مناير : تسلم يا عبدالرحمن والله ماكان له داعي وعد : الا له داعي اذا ماتبين اعطيني اياه والله لو اني مكانك والكل يعطيني الي احبه ليه أرفض عبدالرحمن: ياليل ذي الملسونه و ماطلع عبدالرحمن الا و البنات يناظرون لمناير الي تاكل و مستانسه ريوف : اكيد مستانسه كل ذا ولا تستانسين وعد : انا مالي دخل من الان اقول لكم انا بنام مع مناير للأبد بدور : ايه المصالح رغد : وش بتسوين يا مناير بكره الحريم بيروحون معزومين بكره و بعده مناير : ما ودي اسوي شيء ودي اجلس هنا ابي ارتاح و ودي ريوف تجلس ريوف : اصلا كذا ولا كذا انا جالسه انا و وعد صح وعد وعد : اكيد صح رغد رغد : اكيد وتروح كل وحده لبيتها و تجلس مناير و وعد و رغد و ريوف يسولفون ويلعبون بالألعاب الي جابها صقر عند الهنوف ___ الهنوف اول ما طلعت من عند البنات راحت البقاله القريبه منهم ودخلت وتشوف عبدالرحمن وطنشتها وخذت لها كم غرض وتشوف البسكوت سفاري الي كانت تحبه من وهي صغيره وكان اخر حبه بالبقالة و ما مدت يدها الا و عبدالرحمن يمد يده معها ويمسكون البسكوت سوا الهنوف من طرف و عبدالرحمن من طرف الهنوف: انا اول من شافه عبدالرحمن :انا اول من مسكه الهنوف: ياخي ما تستحي تراني بنت عبدالرحمن :واذا بنت انا رجال الهنوف: ياخي خل البسكوت لي انا بنت عمك عبدالرحمن : الا خلي البسكوت لي انا انا ولد عمك ويرفع عبدالرحمن يده وتفهم الهنوف قصده وكانو يسوون هاذي الحركه من وهم صغار لا تهاوشو على شيء يلعبون حجره ورقه مقص ويفوز مطلق الهنوف : فكه عبدالرحمن : مابي انا الي فزت وكانت الهنوف بتتكلم لولا محمد الي جاء محمد : عبدالرحمن مو وقتك تتهاوش معها اعطها البسكوت عبد الرحمن : انا الي سبقتها والي فزت محمد : بشتري لك واحد ثاني عبدالرحمن : لا انا ابي هاذا ليه هي ما تفكه الهنوف مطت البسكوت وركضت وركض وراها عبدالرحمن وهو يلحقها في البقاله عبدالرحمن : جيبي بسكوتي يا حراميه الهنوف : مع نفسك وتنضرب يد الهنوف بالرف و يطيح البسكوت من يدها و هي تتألم من الضرب عبدالرحمن الي اول ماشاف يدها اوجعه قلبه و حس بندم وشل البسكوت و مسك يدها و الهنوف تناظر له عبدالرحمن: خذي البسكوت بس هاذي المره الهنوف بضحكه خفيفه : شكر عبدالرحمن وتاخذه وتحاسب وتطلع و عبدالرحمن مايدري ليه سوى كذا و كانت هاذي عادته اول ما يفوز عليها يعطيها في الأخير ( شكل البسكوت 👇)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و بكذا انتهى يومهم وكل واحد راح ينام ____ هاذا البارت الخامس لكل الي طلب مني وانشاءالله البارت السادس بينزل بكره
