خذاني الحب في عينك

البارت التاسع عشر

اليوم ما قبل اليوم الموعد يوم زواج محمد وفوزيه مع الضحى والكل صحى والساعه ٩ والكل حرفيا الكل بدون استثناء متحمس و متوتر البنات جلسو في بيت يجهزون سوا و الحريم في بيت والرجال في بيت و العيال في بيت والكل يجهز للملكه و الزواج سوا الملكه بالصباح وعايله بس اما باليل الزواج بنفس الوقت الكل متحمس فرقه من العيال يجهزون للعشاء والذبايح الي بيسونها وفرقه للخيمه الي بيصير فيها زواج الرجال وكان شوي من عيال الديره يساعدونهم وفرقه للي بيعزمون( من تقاليد القريه مو رسايل على الجوال لا ضروف رسايل دعوه ويروحون للرجال ويسلمون له الدعوه ويعزمونه بكل رسميه و يكون دلاله على فرحة العائله بالزواج ؛ انشاءالله فهمتو 🙂 ) و فرقة للي بيجيبوا الشيخ للملكه و فرقه للي بيجهزون المجلس الي بيكون فيه الملكه و بعدها يجتمعون كلهم ويقابلون المعرس (الي بتزوج ؛ يعني محمد )
عند البنات ____
نفس العيال متفرقين فرق لاكن بمهام مختلفه فرقه تجهز شنطة ملابس العروسه و الميك اب حقها وفرقه مع الحريم للي بيروحون يجهزون التجهيزات والاكلات الخفيفه و فرقه يجهزون للأغاني والشيلات والي تحجز قاعه للزواج و تحجز للصالون الي بيجهزون فيه
مناير في غرفة مع فوزيه وتجهزها للملكه الي بتصير
مناير : الصراحه مدري كيف انتي مو متوتره انا مالي دخل و خايفه و متوتره
فوزيه : وعلى بالش اني مو متوتره الا بموت خوف
مناير : يمه صدق
شوي وتدخل عليهم الهنوف
الهنوف وهي تزغرط : لولولولولولوي هلا والله بعروستنا هلمنا هلمنا لهاذي اللحظه اااه قلبي مو مصدق وأخير تزوجتي مو مصدقه بتروحين وتخليني ياخي والله ما اقدر على فرقاش
مناير بضحكه : أعوذ بالله منش فوق انفصامش كلامش ورا بعض كله أعوذ بالله
الهنوف : انتي وش عرفش اصلا ما تدرين وش صار فينا من طفولتنا التبن اه يا حياتنا و خوية عمري اكفت ( راحت ) ماعاد ودها بنا اااه
فوزيه بضحكه: اصه الي يسمعش يقول اني متزوجه واحد برا العائله واني بكفي للأبد ولا عادني راجعه نامي نامي انافداش نامي
الهنوف : اقول بس والله لا استانس بزواجش الليله و أوري الكل الليله من هي الهنوف بنت سعيد
مناير بحماس ركبت فوق السرير ورفعت صوت : وننعععمم
تحمست معها الهنوف وطلعت معها فوق السرير : ونعم فيش يا بنت رعد
فوزيه بضحك : عاد الي بيخاذش ينتظرش على أحر من الجمر
توسعت عيون الهنوف بصدمه وجلست بهدوء بعد ما عرفت من المقصود
مناير بضحكه : شفي الوسخه استحت بعد ما عرفت قصدنا من تراكم واضحين من زمان بس كل واحد منكم يكابر
الهنوف بشهقه: هيه حتى انتي تعرفين
مناير بضحكه : كلنا مو بس انا حتى جدي سعيد يعرف حبيبتي
الهنوف : امانه ياويل حالش يا الهنوف انفضحتي
مناير : اقول بس ايش صار في الدنيا كنتي تنكرين دائما وش صار الحين
الهنوف بهدوء : مدري بس حسيت بشيء غريب
قربو كلهم منها وهم يشوفون وجهها وقفت الهنوف وقالت : اقول بس خلونا انفلها الليله ونهز المسرح هز عاد الزواج زواج محمد و فوزيه لازم نوري الكل
قاطعتها مناير : اقول بس ما ودش تكفين مني هناك ابي اخلص المخلوقة
الهنوف : وجع يابنت احترميني
مناير بضحكه: صيري عمتي بالأول وأبشري بالاحترام
سكتت الهنوف وطلعت بهدوء وعلى طلوعها سمعت ضحكهم
الهنوف برفعت صوت علشان يسمعونها مناير و فوزيه
الهنوف : والله لا اوريكم انتي وياه
نزلت وهي مبتسمه وفرحانه وتغني وتتمايل
الهنوف : حنا اذا نعشق نصون يا راعي القلب الشحيح عشقي انا عشق الشيوخ مافي معنى للرضوخ ماعاش حبي بلا شموخ
بدور وهي تشل صحون المعمول : ماشاءالله الجو عال العال
الهنوف: اوووه اعجبش حتى الليله
بدريه : اقول بس انتي وياها ارتاحو وانقلعو كملو شغلكم
الهنوف بشهقه: هيه يا قليلة الأدب ياخي تأدبو معي كل وحده السانها يلوط اذانها
بدريه بضحكه : قولي ماشاءالله عاد اذا تبين الاحترام صيري عمتي
الهنوف ف وهي تناظرها بصدمه وهي تختفي
الهنوف : لا والله ما ابلى من ذيك الا ذي وش صار فيهم اليوم والله الزواج سبب لهم رجه في المخ خليني اروح اشوف شغلي بس ما كان له داعي انصدم اصلا منهم
نزلت الهنوف وهي نازله سمعت صوت دق الباب
الهنوف وهي تحط الطرحه فوق راسها : من
عبدالرحمن: انا عبدالرحمن مناير وينها
الهنوف : مناير مشغوله مع فوزيه بغيت شيء
عبدالرحمن: بغيتها تكوي لي غترتي (الشماغ )
الهنوف : هاتها بكويها انا و برسلها مع سعود ولا واحد من العيال
عبدالرحمن وهو يدخل ايده يمد لها الغتره : يعطيش العافيه ما تقصرين
الهنوف : الله يعافيك
خذت منه الغتره وسكرت الباب وهي تناظر للغتره رفعت عيونها وتشوف في وجهها وعد
وعد بضحكه : ايه حركات من ورانا انتي وياه
الهنوف : اقول بس انقلعي
وعد وهي تقلد الهنوف : هاتها بكويها انا لك ؛ كان مره وحده اخذتي ثوبه
الهنوف بضحكه : ايه والله انش جبتيها ليه ماقلت له يعطيني ثوبه
وعد : اقول بس ما ودش تقولين لي وش صار غير ذا الموقف من وراء ضهري
الهنوف بأبتسامه وهي تفك وحده من نعولها : ما ودش تنقلعين ولا اجيش و اوريش وش الي وراء ضهرش
وعد بأبتسامة ورطه : عمتي الحلوه المزيونه اصلا انا حماره وقليلة ادب وتستاهل الضرب بس بالله مشيها ذي المره علشان فوزيه وزواجها الليله
الهنوف : ها انقلعي قبل لا اجيش
وعد وهي تسوي تحيت العسكر : ابشري
وحطت رجلها تطلع فوق وهي تضحك و الهنوف كاتمة ضحكتها
عند العيال__
فرقة الذبيحة و العشاء حق الرجال والحريم
متعب : الحين كم خروف لازم نذبح
نواف : والله جدي قال ست صحون عند الرجال و اربع صحون عند الحريم
متعب : يعني تقريبا عشر خرفان نذبح
نواف : يب
متعب : وكان لازم تقول كل ذا كان قلت عشر بدل المحاضره ذي
نواف بضحكه : ههه حبيت المحاضره
متعب : اقول بس خالونا نخلص
سعيد : ايه والله ابي ارجع البيت تعب
نواف : انا وش جابني معكم لو اني رحت مع سعود والي مع كان ابرك لي منكم
سعيد : اقول بس امش ان كانك تبي السلامه
نواف : ابشر طال عمرك
____عند سعود
صقر بصوت عالي : ياعيال تعالو ساعدوني
نايف : بناديهم واجيك دقايق
صقر : استعجل
دخل نايف عند العيال الي كانو ينظفون داخل الخيمه
نايف : يا عيال تعالو نشل الزل مع صقر والله بيذبحنا
سعود : تشوفنا ننظف ولا نلعب حنا
نايف : لا بس ثنين ولا واحد يجي معي علشان صقر
سعود : خذ الي تبيه
خالد : انا وحسين بنروح معك
راحو خالد ونايف و حسين يشلون الزل ويحطونها قريب من الخيمه الى ان يخلصون الباقي تغسيل
سعود : حمار انت حط الماء هنا مو على بطني
مطلق بضحكه : مو عاجبتك الماء تروش ارب يصير شكلك زين
سعود بضحكه : ياولد أكف مني هناك يا جابر افزع لي هنا
جابر بضحكه : مطلق كبك من ذا اللعب
لف مطلق خرطوم الماء على جابر وهو يضحك
مطلق بضحك: هاخذها انت مكانه
مابين ما مطلق يحط الماء على جابر جاء من وراه سعود وركب فوق ضهره ومسك يدين مطلق وكان محاوط رجله على بطن مطلق ويدينه عل  يدين مطلق ورفعها بالسماء وهو يضحك وقام جابر من الارض وجلس يمسك مطلق من قدام وهو يضحك وكان مطلق يرجع على ورا الى ان جاه جابر ومسكه طاح بالأرض هو وسعود و جابر واسواء ضربه كانت من نصيب سعود
سعود : يوووه كسروني كسروني قم قم مني انت وياه يوه بموت خلاص
جابر بضحكه : الله يرحمك
مطلق : كان طيب وبنفس الوقت مزعج
شوي ويدخل عليهم الجد مطلق وسعيد وهم الي كانو يبون بس يشوفون الأوضاع كيف
الجد مطلق : يوووه الله يلعنك فيكم انتو الثلاث عادكم ذولا قرب العصر وانتو عادكم اورك انت وياه
اخذ العصا الخيزران ورفع ثوبه من تحت وجلس يلحقهم ويتحلف على كل واحد ما يمسكهم
الجد مطلق : صقر و نايف و خالد و حسين والله ان ما مسكتوهم لا ارده عل اضهوركم انتو وياه
وراحو كلهم يمسكونهم و كان الجد سعيد يراقب وهو يضحك
وشوي ويجي عبدالرحمن الي اول ماجاء انصدم من منظر العيال ولف على الجد سعيد
عبدالرحمن: وش صار هنيا يا عم
الجد سعيد : اذا مسكت جابر و مطلق و سعود فهديتك عند ابوك وانا عمك
رمى عبدالرحمن شماغه وعياله بحماس وهو يرفع ثوبه ويحطه بفمه : ابشر يابو جتك الفزعه
وقام يركض للعيال و اول ماجاء تحمسو الباقي وجو يمسكونهم
عند البنات ___
كلهم مجتمعين بغرفة مناير و يجهزون فوزيه ويجهزون ملابسهم للزواج بالليل
وعد : بنات نبي نلحق ونروح عند الصالون على طول بعد الملكه
بدريه : ايه ترانا حجزنا الصالون كامل بالي فيه
شوي ويسمعون صوت بوري السياره و طلعت الهنوف تشوف مع الطاقه ولفت على البنات بصدمه
الهنوف : تغريد تغريد يابنات جت
نزلو كلهم متحمسين لتغريد افتحو باب البيت وهم يرحبون بتغريد
وعد : وين رحتي يا تغريد كانو يتنمرون علي يوووه والله وقتش
تغريد : منهي منهي الي تدمرت عليش انا اوريها
وعد بضحكه : يوووه ويلوموني بحبش
تغريد : وين الرجال سالم برا بقول له
مناير : كلهم بالخيمه يجهزون والي عند الغنم والي راحو يوزعون الدعوات
الهنوف : خليه يدق عليهم ويشوف من يساعد ويروح لهم
تغريد : ايه بقول له
كلمت تغريد سالم وراح يساعد متعب عند الخرفان
وكلعو البنات فوق وهم كل مالهم سوالفهم تزيد و ضحكهم يعلى وتدخل عليهم الهنوف و وعد بالسماعه يشغلون اغاني و كل وحده تتخبل وتشغل الي تبيه بمعنى حرفي هاذي الجلسه الي يرضون فيها جمع أذواق الاغاني شغلو اغاني حب و عراقي و لمجيد عبدالله و رابح صقر و اغاني مصريه و يشغلون اغاني هز زعلى اغاني الحب قامت فوزيه الي اول ما قامت جلسو كلهم وهم يصيحون و يصفقون لها وهي الي كانت ترقص وتتمايل برقصاها الى ان قربت منها وعد واعطتها فرشاة شعر وهي تغني بها و رجعت تصفق وقامت الهنوف وتغريد و تهاني مع فوزيه يرقصون والكل يصفق الى ان قام الكل يرقص مع فوزيه
عند العيال____
فيصل : من باقي
حسن : والله مدري
ظافر : شوفو ذاك البيت ماقد جيناه
ناظر فيصل و حسن للمكان الي يقصده ظافر وكان بيت
حسن : ايه بيت خالتي ام فاهد
ناظر له فيصل : من ذا فاهد
حسن : الي يأذن دائما بالمسجد ماترك الديره من بعد موت ابوه وهو ابطى فيها زحمه عيت ما تروح تبي تجلس مع جدتي ناديه
فيصل : اهاه وعنده هو عيال
حسن : لا بس بنتين دائما يجونا تراهم امس نزلو مع البنات للمزرعه
فيصل : اهاه
ظافر بأبتسامه ويدينه على بطنه  : خلصت تحقيق سيد فيصل
فيصل استحى وتأسف من ظافر : والله المعذره حقك علي اخرتكم
ظافر بضحكه : لا وين تراني امزح
تحركو لباب بيت فاهد ودق الباب فيصل وهو ينتظر يفتحون الباب شوي وانفتح لهم الباب ورحب فيهم فاهد
فيصل : الله يبقيك ياعم وحنا هنا نعزمك لزواج ولدنا واخونا محمد بن صالح آل **** وتشرفنا بحضورك انت وأهل بيتك كلهم
فاهد : ابشر انشاءالله الليله وحن عندكم والله يعطيك العافيه ؛ زلو زلو وتقهوا عندي وعينو من الله خير
فيصل : المعذره والسموحه ياعم لاكن ولله ان حن مشغولين بالزواج والتجهيزات له ومرةٍ ثانيه انشاءالله
فاهد : انشاءالله بحفظ الله ياعيالي 
فيصل والعيال : مع السلامه ، نشوفك على خير الليله ، بأمانة الله
خلصو الكل ورجعو للبيت وهم تعبانين وصارت الساعه ١٢ راحو كلهم صلو الظهر وطلعو يقيلون من رجال و عيال و بنات و حريم بالنسبه للحريم جلست منيره و نوف صاحيين يسوون الغداء للكل
صارت الساعه ٢ وقام الكل للغداء
كانت مناير و الهنوف و عزيزه يحضرون غداء الرجال و يجهزون المجلس وباقي البنات يشوفون المجلس الي بتصير فيه الملكه وهم متحمسين
تغريد : يوووه يأم الركب الي بتصير لفوزيه
وعد : ليه انتي بشوفتش جتش ام الركب
تغريد : والله كان بيغمى علي ذاك الليل يوه والله يخوف 
ف