خذاني الحب في عينك

البارت الثامن عشر بارت العوده‼️

في الصباح عند بيت الجد مطلق
قامت مناير من النوم و كانت نايمه على الارض جنب السرير و كان عليها المفرش و رأسها و يدينها الي كانت على الطاقه الي كانت تطل على الحوي (الحوش الي فيه الخيل و البقر و الغنم ) و اول ما قامت كانت الشمس في وجهه قامت بتعب و اخذت المفرش و رمته بتعب فوق السرير دخلت الحمام ( أكرمكم الله ) و تروشت طلعت فتحت الدولاب و اخذت بنطلون جنز غامق و اخذت تيشيرت كبير اسود و مع جوارب سود نشفت شعرها و خلته على كتوفها اخذت جوالها و سماعاتها و نزلت للمطبخ تسوي الفطور لجدها و جدتها سوت الفطور و اخذت وطلعته عند جداني و اخذت معها عبايه و شيله على رأسها و جلست تفطر معهم و تسولف ما ان خلصت من الفطور الا و ابوها داخل عليهم و كان سعود معه ما ان دخل و سلم عليهم الا و مناير لفت على ابوها تبي تشوفه و تسلم عليه الا ويلاحظها سعود و طاحت عينها بعينه و ماهي ثواني الا وسعود صد و طلعت مناير و الابتسامه في وجهها
ولا كأنها الي قامت من النوم بتعب و هم و كأنها طفل أعطاها ابوها حلاوى ياه و الفرحه الي فيها
و كل هاذا الشعور و مناير ما هي حاسه فيه ما تحس كل ما شافت سعود تفرح و كأنه معطيها شيء هي كانت تتمناه
من زمان دخلت و و جلست في الصاله
تسمع سوالفهم و شوي و يزيد صوت الرجال الي
يدل على أن الكل الرجال و عيال هنا زهبت ( جهزت ) القهاوي و القدوع و حطتها على الطاوله
اذا بغوها يشوفونها و يا خذوها طلت لغرفتها
و اول ما دخلت طاحت عينها على الطاقه
و تذكرت برق انقسمت على شفايفها شبه ابتسامه
و ماكانت ابتسامة فرح مثل قبل شوي كانت ابتسامة
ألم و كأن الطفله الي عطاها ابوها قبل شوي
حلاوى كأن جاها الوحش و اخذ الحلاوى
حقتها اخذت نفس ونزلت تشوف برق رفعت الشيله على رأسها زين و نزلت و اول ما قربت لمحت
باب برق شبه مفتوح تقدمت و هي الخوف مالي قلبها خايفه ان الي تفكر فيه يطلع صدق و ما ان وصلت
للباب الي و افتحتها على الخفيف و بغصه في صوتها
مناير : ب.برق
و اول ما فتحت الباب و ضوء الشمس دخل داخل و لا شافت برق الا و الدنيا كلها طاحت فوق راسها كانت خايفه من اشياء كثير و منها ان برق هرب طلعت و هي رجلينها ما تشلها و طلعت من الحوي و على طول طلعت فوق طلعت الا و تشوف وعد و رغد نازلين من فوق و معهم متعب الي راح يجيبهم و متعب اول ما لمحها من بعيد سرع خطواتها و وعد اول ما شافت مناير ركضت لها و اول ما قربو كانت عيون مناير مليانه دموع قرب متعب و هو ناسي عن سالفة الخيل و تفكيره كله على مناير وليش تبكي قرب منها ولمها لصدره و هو يهديها و وعد في يسار مناير و رغد في يمين مناير و يحاولون يهدونها ويعرفون وش فيها
وعد : منايروه بلا دع و هيا امش قد جيناش انا و رغد بلا سماجه
رغد بهدوء : مناير وش فيش
مناير كانت تبكي بهدوء على متعب و كانت تتمتم بأشياء غير مفهومه مسكت رغد يدينها ولفت وجهها لها حطت يد في خذ مناير و اليد الثانيه في يد مناير
رغد : مناير وش فيش ما خبرتش كذا تبكين بسرعه يلا يلا على البيت
مناير بكامل: برق برق يا رغد
رغد: وش فيه برق
متعب اول ما سمع اسم برق الا وعرف السالفه و اخذ جواله من مخباه و رجع وراء على الخفيف ودق على سعود و من دون ما يحس شافته وعد وشكت فيه و قربت منه من وراء
متعب بصوت خافت : سعودوه مناير عرفت عن برق بس ما تدري وينه وش اسوي
سعود بنفس النبره : وينها
متعب : قدام بيت جدي مطلق
سعود : يلا بجيك انا و مطلق
قفل متعب و اول ما شاف مطلق و سعود جايين من بعيد ارتاح و كان يبي يتقدم من مناير الى ان مسكته وعد
وعد : اوووه وين رايح هاه وين
متعب كان ساكت و مو فاهم شيء و رغد و مناير يناظرون لهم ينتظرون وعد تكمل
وعد : يووه مسوي بريء يا وجه الناقه اييييه ان حن معطيني وجه
متعب جلس ساكت
رغد : وعد خلاص خلي موضوعك بعدين مو وقته
وعد : لا حبيبتي من قال لك انه مو وقته وقته ونص
متعب : وش تبين اخلصي
وعد : رعاده ابي رعاده
متعب جلس ساكت ولا هو عارف من رعاده
رغد : رعاده بمعنى برق خيل مناير بس وعد تسميه كذا
متعب : اهااا
وعد : ايه ايه قبل شوي سمعتك تكلم سعود هاه يعني انت و سعود الي اخذتوه يالي ما تخافون ربكم
متعب تورط : ي يا بنت الحلال خليني افهمك
وعد وهي تهز رأسها يمين ويسار : لالا خلني افهمك انا
رفعت أكمام عبايتها وجت تبي تنط فوقه الا وتحس احد يمسكها مع يدينها و يرفع يدينها
وعد : فكني احسن لك لا انط عليك انت الثاني ترا والله لا افضحك
مطلق بضحكه : افضحيني
وعد سكتت شوي : اوه خليكم شاهدين هو الي قاله
وشوي بصوت عالي : وووه متحرش يم
و ما كملت كلامها الا ومطلق يسكر فمها و يسكتها
مطلق بضحكه : اصه اصه يا الخبل
وعد بضحكه: شفت اني موب هينه
مطلق : ايه والله انك مو هينه ها اسكتي
وعد : وخر مني لا افضحك مره ثانيه
فكها مطلق و تقدم من مناير وقبل لا يتكلم شوي ويسمع صهيل الخيل ولفت مناير الا وتشوف برق يمشي وكأنه يشوفها جلست تبكي و ضمت برق و هي تلعن مطلق والي معه اسحبوها البنات و طلعو فوق و هي مو مصدقه ان برق صار يشوف و مر اليوم على سعاده للكل
__________ اليوم الثاني